လံာ်စီၤပၤအခီၣ်ထံးတဘ့ၣ် 17:19 - Sgaw Karen Common Bible

¹⁹ စီၤအ့ၤလံယၤစံးဝဲ, “ဟ့ၣ်ဃီၤယၤလၢဖိသၣ်ပိာ်ခွါတ က့ၢ်.” အဝဲဟံးထီၣ်ဖိသၣ်ပိာ်ခွါလၢအမိၢ်အစုတီၤလိၤဒီးလဲၤစိာ်ဝဲဆူ ဒၢးလၢထးခီဖဲအအိၣ်ဝဲအလီၢ်ဒီးပာ်လီၤအီၤလၢလီၢ်မံအဖီ ခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 17:19 Iomraidhean Croise

လံာ်စီၤပၤအခီၣ်ထံးတဘ့ၣ် 17:18

အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

လံာ်စီၤပၤအခီၣ်ထံးတဘ့ၣ် 17:20

အန့ၣ်ဝံၤဒီးအဝဲဘါထုကဖၣ်တၢ်လၢအကလုၢ်ဖးဒိၣ်, “အိယွၤ, ယကစၢ်ယွၤဧၢ, ဘၣ်မနုၤအဃိလၢနမၤဘၣ်တၢ်နးနးကလဲာ် တမံၤအံၤဆူမုၣ်ကမဲတဂၤအံၤန့ၣ်လဲၣ်. အဝဲသးကညီၤတၢ်တုၤဒၣ်လဲာ်လၢအအံးထွဲကွၢ်ထွဲယၤ, ဒီးခဲအံၤနမၤသံအဖိခွါလီၤဧါ.”

လံာ်စီၤပၤခံဘ့ၣ်တဘ့ၣ် 4:10

မ်ပဘှီထီၣ်ဒၢးအဆံးဖိတဖျၢၣ်လၢဟံၣ်ခိၣ်ဒုးအဖီခိၣ်, ပာ်လီၤလီၢ်မံခးတဖျၢၣ်, စီၢ်နီၤခိၣ်တဖျၢၣ်ဒီးမ့ၣ်အူဒၢ တဖျၢၣ်လၢအပူၤ, ဒ်သိးဖဲအဝဲဟဲအိၣ်သကိးပှၤတဘျီ လၢ်လၢ်န့ၣ်အိၣ်ဆိးဝဲကသ့အဂီၢ်တက့ၢ်.”

လံာ်စီၤပၤခံဘ့ၣ်တဘ့ၣ် 4:21

ပိာ်မုၣ်အံၤလဲၤစိာ်ထီၣ်ဖိသၣ်ဆူစီၤအလံၤၡါအဒၢးပူၤ, ပာ်လီၤအီၤလၢစီၤအလံၤၡါအလီၢ်မံအဖီခိၣ်, ဒီးဟးထီၣ်ကွံာ်ဝဲကးတံာ်ပဲတြီလၢအလီၢ်ခံန့ၣ်လီၤ.

လံာ်စီၤပၤခံဘ့ၣ်တဘ့ၣ် 4:32

တုၤစီၤအလံၤၡါလဲၤတုၤဝဲန့ၣ်, အဝဲလဲၤနုာ်ထဲတဂၤဧိၤဆူ ဒၢးပူၤဒီးထံၣ်ဘၣ်ဖိသၣ်ပိာ်ခွါအိၣ်သံဝဲဒၣ်အိၣ်မံလီၤလၢ လီၢ်မံခးအဖီခိၣ်န့ၣ်လီၤ.

မၤတၢ် 9:37

အကတီၢ်ဖဲန့ၣ်အဝဲဒၣ်ဘၣ်တၢ်ဆါဒီးသံဝဲဒၣ်လီၤ. အစိၣ်ဘၣ်တၢ်သ့ကဆှီထီၣ်ဒီးပာ်လီၤအီၤလၢဒၢးတဖျၢၣ်အပူၤ လၢဟံၣ်ထးခီတဆီန့ၣ်လီၤ.