လံာ်စီၤပၤအခီၣ်ထံးတဘ့ၣ် 17:18 - Sgaw Karen Common Bible

¹⁸ အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

လံာ်စီၤပၤအခီၣ်ထံးတဘ့ၣ် 17:18 Iomraidhean Croise

လံာ်တၢ်ကဲထီၣ်အခီၣ်ထံး 44:16

စီၤယူဒၤစံးဆၢဝဲ, “ကစၢ်ဧၢ, ပစံးဘၣ်နၤမနုၤကသ့လဲၣ်. ပဂ့ၢ်လိာ်နၤကသ့ဒ်လဲၣ်. ပကတိၤပူၤဖျဲးပသးကသ့ဒ်လဲၣ်. ကစၢ်ယွၤမၤဖျါထီၣ်ပတၢ်ဒဲးဘးတဖၣ်လံ. ဒီးခဲကနံၣ်အံၤပဝဲခဲလၢာ်ပမ့ၢ်နကုၢ်နပှၤတဖၣ်ဒီးတမ့ၢ်ဘၣ်ထဲ ပှၤတဂၤဧိၤလၢလီခီဘၣ်တၢ်ထံၣ်န့ၢ်လၢအအိၣ်န့ၣ်ဘၣ်.”

လံာ်တၢ်ကဲထီၣ်အခီၣ်ထံး 50:15

လၢအဝဲသ့ၣ်အပၢ်သံဝံၤအလီၢ်ခံန့ၣ်, စီၤယိၤသးအဒီပုၢ်ဝဲၢ် ခွါတဖၣ်စံးဝဲ, “စီၤယိၤသးမ့ၢ်သးဟ့ဒံးပှၤဒီးကူၣ်ကျဲၤဘၣ် ဖုးလၢကဟ့ၣ်ကၣ်ကဒါက့ၤကယဲၢ်တၢ်အၢလၢပမၤဘၣ်တ့ၢ် အီၤတဖၣ်ဒီး, ပကမၤဒ်လဲၣ်.”

လံာ်တၢ်ကဲထီၣ်အခီၣ်ထံး 50:17

အဝဲမၢတ့ၢ်ပှၤလၢပကတဲဘၣ်နၤ, ဝံသးစူၤပျၢ်ကွံာ်တၢ်ကမၣ်လၢ နဒီပုၢ်ဝဲၢ်ခွါတဖၣ်မၤတ့ၢ်ဝဲ, ဖဲအမၤကမၣ်ဘၣ်နၤအခါတက့ၢ်.’ ခဲအံၤဝံသးစူၤပျၢ်ပှၤ, နပၢ်အကစၢ်ယွၤအကုၢ်အပှၤတဖၣ်, အတၢ်ကမၣ်လၢအမၤဘၣ်တ့ၢ်ဝဲတက့ၢ်.” စီၤယိၤသးဟီၣ်ဝဲ, ဖဲအဝဲန့ၢ်ဘၣ်တၢ်ကစီၣ်အံၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:10

စီၤပၤစံးဘၣ်စီၤအဘံၡဲၤဒီးအဒီပုၢ်ဝဲၢ်ခွါစီၤယိၤအာ်, “တၢ်အံၤတဘၣ်ဃးဒီးသုနီတမံၤဘၣ်. အဝဲမ့ၢ်ဆိၣ်အၢယၤလၢ ယွၤတဲဘၣ်အီၤအဃိဒီး, ဘၣ်မနုၤအဝဲမၤတၢ်အံၤလဲၣ်န့ၣ်, မတၤအိၣ်ဒီးတၢ်ခွဲးတၢ်ယာ်လၢ ကသံကွၢ်ဝဲလဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 19:22

ဘၣ်ဆၣ်ဒီး, စီၤဒၤဝံးစံးဘၣ်စီၤအဘံၡဲၤဒီးအဒီပုၢ်ဝဲၢ်ခွါစီၤယိၤအာ်ဒ်အံၤ, “မတၤတဂၤဃ့သုတၢ်ဟ့ၣ်ကူၣ်န့ၣ်လဲၣ်. မ့ၢ်သုအဲၣ်ဒိးဟ့ၣ်ယၤတၢ်ကီတၢ်ခဲဧါ. ခဲအံၤယမ့ၢ်ပှၤတဂၤလၢ အကဲကီၢ်အံၣ်စရ့လးအစီၤပၤလီၤ. ဒီးတနံၤအံၤပှၤတဘၣ်မၤသံပှၤအံၣ်စရ့လးဖိနီတဂၤဘၣ်.”

လံာ်စီၤပၤအခီၣ်ထံးတဘ့ၣ် 12:22

ဘၣ်ဆၣ်, ကစၢ်ယွၤတဲဘၣ်တ့ၢ်ဝံၡမါယၤ,

လံာ်စီၤပၤအခီၣ်ထံးတဘ့ၣ် 13:1

ဖဲစီၤယၤရၤဘၣ်ဆၢထၢၣ်ဝဲဖဲတၢ်လုၢ်လီၢ်လၢကလုၢ်ထီၣ်ပာ်ထီၣ် တၢ်န့ၣ်ယွၤအဝံတဂၤလၢကီၢ်ယူဒၤလဲၤတုၤဝဲဆူဝ့ၢ်ဘ့ၤသ့လး ဒ်ယွၤမၤလိာ်အီၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 17:17

လၢခံ, တယံာ်ဘၣ်အတီၢ်ပူၤန့ၣ်, မုၣ်ကမဲအဖိခွါဆါထီၣ်ဝဲဒီး အတၢ်ဆါနးထီၣ်နးထီၣ်ဝဲဒီးလၢခံကတၢၢ်သံဝဲဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 17:19

စီၤအ့ၤလံယၤစံးဝဲ, “ဟ့ၣ်ဃီၤယၤလၢဖိသၣ်ပိာ်ခွါတ က့ၢ်.” အဝဲဟံးထီၣ်ဖိသၣ်ပိာ်ခွါလၢအမိၢ်အစုတီၤလိၤဒီးလဲၤစိာ်ဝဲဆူ ဒၢးလၢထးခီဖဲအအိၣ်ဝဲအလီၢ်ဒီးပာ်လီၤအီၤလၢလီၢ်မံအဖီ ခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:9

စီၤဧိၤဘါဒယၤစံးဆၢဝဲ, “မ့ၢ်ယမၤတ့ၢ်တၢ်မနုၤတမံၤလၢ နကအဲၣ်ဒိးဒုးလီၤဘၣ်ယၤလၢတၢ်ကီတၢ်ခဲအပူၤလၢစီၤပၤအၤဃာ် ကမၤသံကွံာ်ယၤန့ၣ်လဲၣ်.

လံာ်စီၤပၤအခီၣ်ထံးတဘ့ၣ် 20:28

ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “အအံၤမ့ၢ်တၢ်လၢယွၤစံးဝဲန့ၣ်လီၤ. မ့ၢ်လၢပှၤစူၤရံဖိ သ့ၣ်တဖၣ်စံးဝဲလၢယမ့ၢ်ကစၢၢ်ကလိအကစၢ်တဂၤဒီးတမ့ၢ်ဘၣ်တၢ်ပၢၤ ခိၣ်အကစၢ်ဘၣ်အဃိယကဟ့ၣ်နၤတၢ်မၤနၢၤလၢအဝဲသ့ၣ်အသုးမုၢ်ဖး ဒိၣ်အဖီခိၣ်ဒီး, နၤဒီးနပှၤဂီၢ်မုၢ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 1:9

တုၤနုၤတစုအဝဲဆှၢလီၤသုးခိၣ်တဂၤဃုာ်ဒီးပှၤအဂၤယဲၢ်ဆံလၢ ကလဲၤကိးန့ၢ်စီၤအ့ၤလံယၤအဂီၢ်န့ၣ်လီၤ. သုးခိၣ်န့ၣ်ထံၣ်ဘၣ်စီၤအ့ၤလံယၤလၢအဆ့ၣ်နီၤဝဲလၢတၢ်လူၢ်ဒီ ခိၣ်ဒီးစံးဘၣ်အီၤ, “ကစၢ်ယွၤအပှၤကညီဧၢ, စီၤပၤဟ့ၣ်လီၤအကလုၢ်လၢနကဟဲက့ၤလီၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 3:13

စီၤအလံၤၡါစံးဘၣ်ကီၢ်အံၣ်စရ့လးအစီၤပၤ, “ဘၣ်မနုၤလၢယကဘၣ်မၤစၢၤနၤန့ၣ်လဲၣ်. လဲၤဒီးသံကွၢ်တၢ်လၢ ဝံတဖၣ်လၢနပၢ်မ့ၢ်ဂ့ၤ, နမိၢ်မ့ၢ်ဂ့ၤသံကွၢ်တ့ၢ်အီၤတၢ်တက့ၢ်.” စီၤယဟိရၣ်စံးဆၢအီၤ “တမ့ၢ်ဘၣ်, ပှၤလၢအကိးဖှိၣ်ပဝဲ စီၤပၤသၢဂၤဆူကီၢ်မိၤအးအစီၤပၤအတၢ်သူၣ်ကညီၤသးကညီၤအပူၤ န့ၣ်မ့ၢ်ယွၤလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 35:21

ဘၣ်ဆၣ်စီၤပၤနကိၤဆှၢလီၤန့ၢ်စီၤယိၤၡံယၤလၢတၢ်ကစီၣ်အံၤ စံးဝဲ, “တၢ်ဒုးလၢယဒုးအံၤ, တဘၣ်ထွဲဒီးနၤ, ကီၢ်ယူဒၤအစီၤပၤဘၣ်. မ့မ့ၢ်ယဟဲဒ်သိးယကဒုးယဒုၣ်ယဒါတဖၣ်, ဒီးကစၢ်ယွၤတဲဘၣ်တ့ၢ်ယၤလၢယကဘၣ်မၤချ့ချ့န့ၣ်လီၤ. ကစၢ်ယွၤအိၣ်လၢယအိၣ်တကပၤလီၤ. လၢတၢ်န့ၣ်အဃိ ထီဒါယၤတဂ့ၤ. မ့တမ့ၢ်ဘၣ်ဒီးအဝဲကမၤဟးဂီၤနၤန့ၣ်လီၤ.”

လံာ်စီၤယိၤဘး 13:23

ယတၢ်ဒဲးဘးတဖၣ်န့ၣ်မ့ၢ်မနုၤလဲၣ်. ယမၤကမၣ်တ့ၢ်တၢ်မနုၤ တဖၣ်လဲၣ်. တၢ်ပာ်ဒ့ၣ်ပာ်ကမၣ်ယၤလၢ ယလုၢ်သ့ၣ်ခါပတာ် တၢ်သိၣ်တၢ်သီမနုၤတဖၣ်န့ၣ်လဲၣ်.

လံာ်စီၤယိၤဘး 13:26

နဟ့ၣ်လီၤတၢ်စံၣ်ညီၣ်အကလုၢ်ထီဒါယၤန့ၣ် မ့ၢ်တၢ်လၢအနး ဒိၣ်မးတုၤဒၣ်လဲာ်လၢတၢ်လၢယမၤတ့ၢ်အီၤဖဲယသးစၢ်အခါ အဂီၢ်န့ၣ်လီၤ.

လံာ်တၢ်ဂံၢ် 5:15

လၢတၢ်မၤအသးဒ်သိးအံၤတခါဂ့ၤတခါဂ့ၤအပူၤန့ၣ်ပှၤပိာ်ခွါ တဂၤန့ၣ်ကဘၣ်လဲၤကိးအမါဆူပှၤလုၢ်တၢ်အခိၣ်အအိၣ်လီၤ. အဝဲကဘၣ်လဲၤစိာ်ဃုာ်စ့ၢ်ကီးဘုမုယီၤအကိၣ်ကမူၣ်လီၤတယၢၢ် တအ့ဖးဆံဆဲၣ်ပူတပူဒ်တၢ်လီၤဘၣ်အီၤအသိးလၢတၢ်လုၢ်မၤဘူၣ် အဂီၢ်, ဘၣ်ဆၣ်ဒီးတဘၣ်လူလီၤသ့ၣ်စၤယံးအသိလၢကိၣ်ကမူၣ် အဖီခိၣ်မ့ၢ်ဂ့ၤ, တဘၣ်ပာ်ထီၣ်တၢ်နၢမူမ့ၢ်ဂ့ၤလၢကိၣ်ကမူၣ်အလိၤ မ့ၢ်ဂ့ၤဘၣ်. အဂ့ၢ်ဒ်အံၤ, တၢ်န့ၣ်မ့ၢ်တၢ်လုၢ်မၤဘူၣ်တမံၤလၢဝၤတဂၤလၢ အသးဒ့ဒီမၤဝဲဒ်သိးကမၤဖျါထီၣ်တၢ်မ့ၢ်တၢ်တီအဂီၢ်န့ၣ်လီၤ.

လံာ်မးသဲ 8:29

တုၤအထံၣ်ယ့ၣ်ၡူးတဘျီဃီ အဝဲသ့ၣ်ကိးပသူထီၣ်ဒီးစံး, “ကစၢ်ယွၤအဖိခွါနၤဧၢ, နဘၣ်ဃးဒီးပှၤဒ်လဲၣ်. မ့ၢ်နဟဲလၢနကစံၣ်ညီၣ်မၤနးမၤဖှီၣ်ပှၤ တချုးလၢတၢ်အဆၢကတီၢ်ဘၣ်ဝဲန့ၣ်ဧါ.”

လံာ်မၢ်ကူး 5:7

ဒီးကိးပသူထီၣ်လၢအကလုၢ်ဖးဒိၣ်ဒီးစံးဝဲ, “ယွၤလၢအဒိၣ်ကတၢၢ်ထီကတၢၢ်တဂၤအဖိခွါယ့ၣ်ၡူးဧၢ, မ့ၢ်နဘၣ်ဃးဒီးယၤဒ်လဲၣ်. ယဃ့ကညးနၤလၢယွၤအမဲာ်ညါမၤအၢမၤနးယၤတဂ့ၤ.”

လံာ်မၢ်ကူး 6:16

မ့မ့ၢ်တုၤစီၤပၤဟ့ၤရိာ်နၢ်ဟူတၢ်ဂ့ၢ်အံၤဒီးစံးဝဲ, “အဝဲဒၣ်မ့ၢ်စီၤယိၤဟၣ်လၢယမၢပှၤဒီၣ်တဲာ်ကွံာ်အကိာ် တဂၤလီၤ. အဝဲဒၣ်မူထီၣ်က့ၤလံ.”

လံာ်လူၤကၣ် 4:34

“အၣ်လါ, နအဲၣ်ဒိးမၤပှၤဒ်လဲၣ်. ပှၤနစၤရ့းဖိယ့ၣ်ၡူးဧၢ. နဟဲဖဲအံၤဒ်သိးနကမၤဟးဂီၤကွံာ်ပှၤဧါ. နမ့ၢ်မတၤလဲၣ်န့ၣ်ယသ့ၣ်ညါယဲလီၤ. နမ့ၢ်ယွၤအပှၤစိာ်တၢ်ကစီၣ်အစီအဆှံတဂၤလီၤ.”

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

လံာ်လူၤကၣ် 8:28

ဖဲအဝဲဒၣ်ထံၣ်ယ့ၣ်ၡူးန့ၣ်ကိးထီၣ်ဝဲလၢအကလုၢ်ဖးဒိၣ်, ထိၣ်လီၤပှီၤအသးလၢအမဲာ်ညါ, ဒီးကတိၤတၢ်လၢအကလုၢ်ဖးဒိၣ်, “တၢ်ထီကတၢၢ်ကစၢ်ယွၤအဖိခွါယ့ၣ်ၡူးဧၢ, နဘၣ်ဃးဒီးယၤဒ်လဲၣ်. ယဃ့ကညးနၤ, တဘၣ်စံၣ်ညီၣ်ယၤတဂ့ၤ.”

လံာ်ယိၤဟၣ် 2:4

ဒီးယ့ၣ်ၡူးစံးဘၣ်အီၤ, “ပိာ်မုၣ်ဧၢ, ဘၣ်မနုၤအဃိနမၢယမၤဘၣ်ဃး ယသးလဲၣ်. တၢ်ဆၢကတီၢ်လၢယဂီၢ်တဘၣ်ဒံးဘၣ်.”

လံာ်ပှၤစံၣ်ညီၣ်ကွီၢ် 13:6

အန့ၣ်ဝံၤဒီးပိာ်မုၣ်န့ၣ်လဲၤတဲဘၣ်အဝၤ, “ကစၢ်ယွၤအပှၤကညီတဂၤဟဲဆူယအိၣ်ဒီး ဖျါလီၤပျံၤလီၤဖုးဒ်ကစၢ်ယွၤအမူခိၣ်ကလူးတဂၤအသိးလီၤ. ယတသံကွၢ်တ့ၢ်အီၤလၢမ့ၢ်အဟဲဖဲလဲၣ်ဒီးတစံးဘၣ်စ့ၢ်ကီးယၤလၢအမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 16:4

စီၤၡမူၤအ့လးမၤတ့ၢ်ဝဲဒ်ယွၤစံးဘၣ်အီၤအသိး, ဒီးလဲၤဝဲဆူဝ့ၢ်ဘ့ၤသလ့ဃ့ၣ်ဖဲ, ဝ့ၢ်အခိၣ်အနၢ်တဖၣ်ထံၣ်ဘၣ်အီၤဒီးကနိး ကစုာ်ဝဲ, ဒီးသံကွၢ်အီၤ, “ပှၤထံၣ်တၢ်ဧၢ, အအံၤမ့ၢ်ဝဲတၢ်ဟဲအိၣ်သကိး လၢတၢ်ဃူတၢ်မုာ်ဧါ.”