လံာ်စီၤပၤအခီၣ်ထံးတဘ့ၣ် 17:13 - Sgaw Karen Common Bible

¹³ စီၤအ့ၤလံယၤစံးဘၣ်အီၤ, “ကိၢ်တၢ်တဂ့ၤ. လဲၤဒီးကတဲာ်ကတီၤသုတၢ်အီၣ်တက့ၢ်. ဘၣ်ဆၣ်မၤဆိကိၣ်အဆံးဖိတလိၣ်လၢတၢ်လၢအအိၣ်ဒီးနၤအပူၤဒီး ဟဲစိာ်တၢ်န့ၣ်ဆူယအိၣ်, ဝံၤဒီးကတဲာ်ကတီၤတၢ်လၢအအိၣ်တီၢ်န့ၣ်လၢနဂီၢ်ဒီးနဖိခွါအဂီၢ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 17:13 Iomraidhean Croise

လံာ်တၢ်ကဲထီၣ်အခီၣ်ထံး 26:24

ဒီးလၢမုၢ်နၤဝဲန့ၣ်ယွၤလီၣ်ဖျါထီၣ်အသးလၢအီၤဒီးစံးဝဲ, “ယမ့ၢ်နပၢ်စီၤအၤဘြၤဟၣ်အကစၢ်ယွၤလီၤ. ပျံၤတၢ်တဂ့ၤ. ယအိၣ်ဒီးနၤလီၤ. ယကဆိၣ်ဂ့ၤနၤဒီးဟ့ၣ်လီၤနၤ လၢနစၢၤနသွဲၣ်အါအါဂီၢ်ဂီၢ်လီၤ. အဂ့ၢ်ဒ်အံၤ, တၢ်န့ၣ်မ့ၢ်ယတၢ်အၢၣ်လီၤ, ဒီးယခ့ယပှၤစီၤအၤဘြၤဟၣ်အဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 17:12

မုၣ်ကမဲစံးဆၢအီၤ, “ယဆိၣ်လီၤယသးလၢယွၤ, နကစၢ်လၢအမူဝဲတဂၤအမံၤအပူၤလၢယတအိၣ်ဒီးကိၣ်နီတစဲးဘၣ်. တၢ်လၢအအိၣ်ဒီးယၤခဲလၢာ်န့ၣ်မ့ၢ်ဒၣ်ကိၣ်ကမူၣ်တစှီၤလၢလီခီ တဖျၢၣ်အပူၤဒီးသ့ၣ်စၤယံးအသိတစဲးဖိလၢကိတဖျၢၣ်အပူၤန့ၣ် လီၤ. ယဟဲတ့ၢ်ဖဲအံၤဒ်သိးယကထၢဖှိၣ်သ့ၣ်မုၣ်တနီၤလၢယကက့ၤစိာ်ဆူ ဟံၣ်ဒီးကတဲာ်ကတီၤတၢ်လၢအအိၣ်ဒီးယၤတစဲးဖိအံၤလၢယဖိခွါ ဒီးယၤအဂီၢ်န့ၣ်လီၤ. တၢ်န့ၣ်မ့ၢ်ပတၢ်အီၣ်လၢခံကတၢၢ်ဝံၤဒီးပကလီၤဒိသံကွံာ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 17:14

အဂ့ၢ်ဒ်အံၤ, တၢ်အံၤမ့ၢ်တၢ်လၢယွၤကီၢ်အံၣ်စရ့လးအကစၢ်ယွၤ စံးဝဲန့ၣ်လီၤ. တချုးဒံးလၢမုၢ်တနံၤလၢယၤ, ယွၤ, မၢလီၤတၢ်ဟဲစူၤဒံးဘၣ်န့ၣ်, နလီခီအပူၤကိၣ်ကမူၣ်တလၢာ်မ့ၢ်ဂ့ၤ, နကိအပူၤသိတလၢာ်မ့ၢ်ဂ့ၤန့ၣ်ဘၣ်.”

လံာ်စီၤပၤခံဘ့ၣ်တဘ့ၣ် 6:16

စီၤအလံၤၡါစံးဆၢဝဲဒၣ်, “ပျံၤတၢ်တဂ့ၤ. ပအိၣ်ဒီးပှၤလၢပအိၣ်တကပၤအါန့ၢ်ဒံးပှၤအိၣ်လၢအဝဲသ့ၣ်အအိၣ် တကပၤတက့ၢ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:17

သုတဘၣ်ဒုးတၢ်ဒုးအံၤဘၣ်. မ့မ့ၢ်ထဲဟံးန့ၢ်သုလီၢ်တဖၣ်ဒီး ခိးတၢ်တက့ၢ်. သုကထံၣ်ဘၣ်လၢယွၤဟ့ၣ်သုတၢ်မၤနၢၤန့ၣ်လီၤ. ပှၤဂီၢ်မုၢ်လၢကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, မၤယံာ်မၤနီၢ်သုသးဒီးပျံၤတၢ်တဂ့ၤ. လဲၤထီၣ်ဆူတၢ်ဒုးတ က့ၢ်. ဒီးယွၤကအိၣ်ဒီးသုလီၤ.”

လံာ်တၢ်ဟးထီၣ်ကွံာ် 14:13

ဒီးစီၤမိၤၡ့စံးဆၢဝဲဒၣ်, “ပျံၤတၢ်တဂ့ၤ, အိၣ်ဂၢၢ်ဆိးကျၢၤတက့ၢ်. ဒီးသုကထံၣ်ဘၣ်ယွၤကမၤတၢ်တနံၤအံၤလၢကအုၣ်က့ၤခီၣ်က့ၤသု အဂီၢ်န့ၣ်လီၤ. သုတထံၣ်ဘၣ်ကဒီးလၢၤပှၤအဲၤကူပတူးဖိနီ တစုလၢၤဘၣ်.

တၢ်ကတိၤဒိ. 3:9

မၤလၤကပီၤယွၤလၢနတၢ်လုၢ်ထီၣ်ပာ်ထီၣ်တမံၤ, လၢအမ့ၢ်တၢ်အဂ့ၤကတၢၢ်လၢတၢ်လၢနဟီၣ်ခိၣ်အတၤသၣ်အကျါတက့ၢ်.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 41:13

ယမ့ၢ်ယွၤသုကစၢ်ယွၤလီၤ. ယဟ့ၣ်ဂံၢ်ဟ့ၣ်ဘါသုဒီးစံး, ပျံၤတၢ်တဂ့ၤ. ယကမၤစၢၤသုလီၤ.”

လံာ်မၤလကံ 3:10

ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.

လံာ်မးသဲ 10:37

ပှၤတဂၤလၢ်လၢ်လၢအအဲၣ်အမိၢ်မ့တမ့ၢ်အပၢ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်. ဒီးပှၤလၢအအဲၣ်အဖိခွါမ့တမ့ၢ်အဖိမုၣ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်.

လံာ်မးသဲ 28:5

ကလူးန့ၣ်စံးဘၣ်ပှၤပိာ်မုၣ်တဖၣ်န့ၣ်, “တဘၣ်ပျံၤတၢ်တဂ့ၤ. ယသ့ၣ်ညါလၢ သုဃုယ့ၣ်ၡူးလၢအဘၣ်တၢ်ပျၤထီအီၤလၢထူၣ်စုညါ န့ၣ်လီၤ.

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

မၤတၢ် 27:24

ဒီးစံးဘၣ်ယၤ, ‘စီၤပီလူးဧၢ, ပျံၤတၢ်တဂ့ၤ. နကဘၣ်ဂဲၤဆၢထၢၣ်ဒံးလၢစီၤပၤဖးဒိၣ်အမဲာ်ညါလီၤ. သတးဒီးကစၢ်ယွၤပျဲပူၤဖျဲးပှၤလၢအဒိးကဘီဒီးနၤကိးဂၤ ဒဲးလီၤ.’

ဧ့ၤဘြံၤ 11:17

လၢတၢ်စူၢ်တၢ်နာ်စီၤအၤဘြၤဟၣ်ဖဲအဘၣ်တၢ်မၤကွၢ်အီၤန့ၣ်, လုၢ်ထီၣ်အဖိခွါစီၤအံၤစဲးန့ၣ်လီၤ. စီၤအၤဘြၤဟၣ်ဒိးန့ၢ်ဘၣ်တၢ်စံးပာ်လၢကစၢ်ယွၤဘၣ်ဆၣ်ဒီး အဝဲအိၣ်ကတဲာ်ကတီၤအသးလၢအကလုၢ်ထီၣ်အဖိခွါအိၣ်ထဲ တဂၤဃီအံၤန့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.