လံာ်စီၤပၤအခီၣ်ထံးတဘ့ၣ် 16:9 - Sgaw Karen Common Bible

⁹ စီၤစံၣ်ရံၤ, ပှၤကွၢ်ထွဲစီၤပၤအလ့ၣ်ကဟၣ်တဖၣ်ခံပူတပူ, လၢအမ့ၢ်စီၤပၤအသုးခိၣ်တဖၣ်အကျါတဂၤကူၣ်တၢ်အၢထီဒါစီၤပၤ န့ၣ်လီၤ. ဘၣ်မုၢ်တနံၤလၢဝ့ၢ်တံးရစၢ်အပူၤန့ၣ်, စီၤအ့လၤအီမူၤသံးဖဲစီၤအၢ်စၤလၢအမ့ၢ်ပှၤကွၢ်ထွဲနီတဂၤ အဟံၣ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:9 Iomraidhean Croise

လံာ်တၢ်ကဲထီၣ်အခီၣ်ထံး 15:2

ဘၣ်ဆၣ်စီၤအၤဘြၣ်စံးဆၢဝဲဒၣ်, “ယွၤပၢဘၣ်တၢ်ခဲလၢာ်ကစၢ်ဧၢ, နတၢ်ဟ့ၣ်ဘျုးကမၤဂ့ၤယၤမနုၤတမံၤလဲၣ်. အဂ့ၢ်ဒ်အံၤ, ယဖိတအိၣ်နီတဂၤဘၣ်. ပှၤလၢကန့ၢ်သါတၢ်ဘၣ်ဃးဒီး ယၤန့ၣ်မ့ၢ်ဒၣ်ပှၤဝ့ၢ်ဒၤမ့ၤစ့းဖိစီၤအလံၤဧ့စ့ၢ်တဂၤဧိၤ န့ၣ်လီၤ.

လံာ်တၢ်ကဲထီၣ်အခီၣ်ထံး 24:10

တၢ်ခ့တၢ်ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤ ဒီးပၢၤစီၤအၤဘြၤဟၣ်အတၢ်စုလီၢ်ခီၣ်ခိၣ်တဂၤအံၤ, ဟံးန့ၢ်အကစၢ်စီၤအၤဘြၤဟၣ်အကီၤလၤအူးအဒုတဆံဒီးလဲၤဝဲဆူ ဝ့ၢ်လၢကီၢ်မ့းစပတၤမံအကလံၤစိးအပူၤဖဲစီၤနၤဃိၢ်အိၣ်ဆိး တ့ၢ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 24:2

စီၤအၤဘြၤဟၣ်စံးဘၣ်အခ့အပှၤလၢအသးပှၢ်ကတၢၢ်, ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤကယဲၢ်တၢ် အိၣ်ဒီးစီၤအၤဘြၤဟၣ်န့ၣ်, “ပာ်နစုလၢယကံၣ်ဒုၣ်အကဆူးဒီးမၤတၢ်ဆိၣ်တမံၤတက့ၢ်.

လံာ်တၢ်ကဲထီၣ်အခီၣ်ထံး 39:4

စီၤပိၤတံၤဖၢ်ဘၣ်သူၣ်ဘၣ်သးလၢအီၤဒီးဒုးကဲထီၣ်အီၤလၢ အနီၢ်ကစၢ်ဒၣ်ဝဲအတၢ်ခ့တၢ်ပှၤဒီးပာ်အီၤလၢပှၤပၢၤဘၣ်အဟံၣ်ဒီး တၢ်လၢအမ့ၢ်အတၢ်ခဲလၢာ်န့ၣ်လီၤ.

လံာ်တၢ်ကဲထီၣ်အခီၣ်ထံး 39:9

ယအိၣ်ဒီးတၢ်စိတၢ်ကမီၤထဲသိးဒီးအီၤလၢဟံၣ်အံၤအပူၤန့ၣ် လီၤ. မ့တမ့ၢ်ဘၣ်ထဲလၢနၤတဂၤဧိၤဘၣ်ဒီး, အဝဲတတြီဃာ်တၢ်အဂုၤအဂၤနီတမံၤလၢယကပၢၤအီၤဘၣ်လီၤ. လၢတၢ်န့ၣ်အဃိ, ယကမၤတၢ်အၢတၢ်သီဒ်သိးအံၤတမံၤဒီးမၤတၢ်ဒဲး ဘးထီဒါကစၢ်ယွၤဒ်လဲၣ်.”

လံာ်စီၤပၤအခီၣ်ထံးတဘ့ၣ် 15:27

စီၤအဃံယၤအဖိခွါစီၤဘါၡၤလၢပှၤယံးစၣ်ကၢ်အဒူၣ်ပူၤပူထီၣ် တၢ်ထီဒါစီၤနၤဒးဒီးမၤသံကွံာ်အီၤဖဲစီၤနၤဒးဒီးအသုးမုၢ်လဲၤ ကဝီၤဃာ်ဝ့ၢ်ကံးဘသိၣ်လၢကီၢ်ဖလ့ၡသးအခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:10

စီၤစံၣ်ရံၤဟဲနုာ်လီၤဆူဟံၣ်ပူၤဒီးမၤသံကွံာ်စီၤအ့လၤ ဒီးကဲထီၣ်စီၤပၤလၢအလီၢ်န့ၣ်လီၤ. တၢ်အံၤမၤအသးဖဲကီၢ်ယူဒၤအစီၤပၤအၤစါပၢတၢ်ခံဆံနွံနံၣ် တနံၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:8

လၢကီၢ်ယူဒၤအစီၤပၤအၤစါပၢတၢ်ခံဆံဃုနံၣ်တနံၣ်အပူၤန့ၣ်, စီၤဘါၡၤအဖိခွါစီၤအ့လၤကဲထီၣ်ကီၢ်အံၣ်စရ့လးအစီၤပၤ ဒီးအဝဲမၤတၢ်ဖဲဝ့ၢ်တံးရစၢ်အပူၤခံနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:3

အဃိ, စီၤအၤဃာ်ကိးန့ၢ်စီၤဧိၤဘါဒယၤလၢအမ့ၢ်ပှၤကွၢ်ထွဲ တၢ်အခိၣ်လၢနီပူၤန့ၣ်လီၤ. (စီၤဧိၤဘါဒယၤမ့ၢ်ပှၤအဲၣ်ထူအဲၣ် ယွၤဒိၣ်မးတဂၤ,

လံာ်စီၤပၤအခီၣ်ထံးတဘ့ၣ် 20:12

စီၤပၤဘ့ၣ်ဟဒးဒိးန့ၢ်ဘၣ်စီၤအၤဃာ်အတၢ်စံးဆၢဖဲအဝဲဒီး အသိၣ်အမှံၤတဖၣ်, ပှၤပၢတၢ်အဂၤတဖၣ်, အီသကိးတၢ်လၢအဒဲတဖၣ်အပူၤအခါန့ၣ်လီၤ. အဝဲဟ့ၣ်လီၤအကလုၢ်လၢအပှၤတဖၣ်ကကတဲာ်ကတီၤထီၣ်အသးလၢကလဲၤထီၣ် ဒုးဝ့ၢ်န့ၣ်, သတးဒီးအဝဲသ့ၣ်ဟံးန့ၢ်အလီၢ်လၢကဒုးတၢ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 20:16

တၢ်ဒုးစးထီၣ်မၤအသးဖဲမုၢ်ထူၣ်အကတီၢ်ဖဲစီၤဘ့ၣ်ဟဒးဒီး အသိၣ်အမှံၤသၢဆံဂၤအီမူၤအသးလၢဒဲတဖၣ်အပူၤအခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:20

စီၤပၤယိၤအၣ်အသုးခိၣ်သုးနၢ်တဖၣ်ကူၣ်ထီၣ်ထီဒါအီၤ, ဒီးလၢအကျါခံဂၤလၢအမ့ၢ်နီၢ်ၡံမဧးအဖိခွါစီၤယိၤစၤကၢ် ဒီးနီၢ်ၡိမ့ၢ်အဖိခွါစီၤယဟိစဘးန့ၣ်, မၤသံကွံာ်အီၤဖဲဟံၣ်တဖျၢၣ်လၢအဘၣ်တၢ်ဘှီထီၣ်အီၤလၢဟီၣ်ခိၣ် လၢအဘၣ်တၢ်မၤပှဲၤအီၤအဖီခိၣ်လၢအအိၣ်ဖဲဝ့ၢ်ယရူၤၡလ့ၣ်အမုၢ် ထီၣ်, ကျဲလဲၤလီၤဆူဝ့ၢ်စံးလၤအဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:10

စီၤယၤဘ့ၣ်အဖိခွါစီၤၡၤလူၣ်, ကူၣ်တၢ်အၢထီဒါစီၤပၤစကၤရ ယၤ, မၤသံကွံာ်အီၤဖဲဝ့ၢ်ယံးဘျၣ်ဒီးကဲထီၣ်စီၤပၤလၢအလီၢ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 15:25

စီၤပကၤဃယၤအသုး အဖုတဖၣ်အသုးခိၣ်တဂၤလၢအမ့ၢ်စီၤရမါလယၤ အဖိခွါစီၤပ့ကး, ကူၣ်ထီၣ်တၢ်အၢဃုာ်ဒီးပှၤကံးလဧးဖိအဂၤယဲၢ်ဆံဒီးမၤသံ ကွံာ်စီၤပကၤဃယၤဖဲနူၢ်ဧိၤစီၤဧိၤအတိာ်အသးကံၢ်ပူၤလၢၡၤမ ရံ, ဒီးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:30

ဖဲစီၤဧူးစံယါအဖိခွါစီၤယိၤသၣ်ပၢတၢ်ဒ်ကီၢ်ယူဒၤအစီၤ ပၤအသိးခံဆံနံၣ်တနံၣ်အပူၤန့ၣ်စီၤအ့လၤအဖိခွါစီၤဟိၤ ၡ့, ကူၣ်တၢ်ထီဒါစီၤပၤပ့ကး, မၤသံကွံာ်အီၤ, ဝံၤဒီးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:14

အန့ၣ်ဝံၤဒီး, စီၤယ့ၤဟူကူၣ်တၢ်အၢထီဒါစီၤပၤယဟိရၣ်, လၢအအိၣ်ဝဲလၢဝ့ၢ်ယံးစရ့လးအပူၤ, တၢ်လီၢ်ဖဲအဝဲလဲၤတ့ၢ်ဒ်သိးကမၤဘျါက့ၤအတၢ်ပူၤလီၢ်ပူၤကျဲ လၢမၤန့ၢ်တ့ၢ်ဝဲလၢတၢ်ဒုးအပူၤဖဲဝ့ၢ်ရၤမိးဖဲတၢ်ဒုးထီ ဒါကီၢ်စူၤရံအစီၤပၤဃစ့လးအခါန့ၣ်လီၤ.

တၢ်ကတိၤဒိ. 31:4

ဒိကနၣ်ယၤတက့ၢ်စီၤလမူၤအ့လးဧၢ, စီၤပၤတဖၣ်တကြၢးအီ စပံးထံမ့ၢ်ဂ့ၤ, တကြၢးအိၣ်ဒီးသးလၢအဆၢအီသံးအီဂာ်မ့ၢ်ဂ့ၤ န့ၣ်ဘၣ်.

လံာ်ယံးရမံယၤ 51:57

ယကဒုးအီၤမူအီဘှီးအပှၤပၢတၢ်တဖၣ် လၢအမ့ၢ်ပှၤလၢ အကူၣ်တၢ်သ့, ခိၣ်နၢ်တဖၣ်ဒီး သုးဖိသံၣ်ဖိတဖၣ်န့ၣ်လီၤ. အဝဲသ့ၣ်ကမံဝဲဒီး တဖုသံနီၣ်ထီၣ်နီတစုလၢၤဘၣ်. ယၤ, စီၤပၤအံၤ, ကတိၤလံတၢ်လံ. ယမ့ၢ်ယွၤသ့တၢ်လၢာ်န့ၣ်လီၤ.

လံာ်ဒၤနံးယ့လး 5:30

ဒီးလၢမုၢ်တနၤဃီန့ၣ်အပူၤ, ကီၢ်ဘၤဘူၤလိၣ်အစီၤပၤစီၤပၤ ဘ့ၤလၡါစၢ်ဘၣ်တၢ်မၤသံကွံာ်အီၤန့ၣ်လီၤ.

လံာ်နၤဃူၣ် 1:10

ဒ်မ့ၣ်အူအီၣ်ကွံာ်တၤဆှုၣ်တၤမဲဘံဘူအသးတဖၣ် ဒီးဘုလီၢ်ခိၣ်ဆၢၣ်အဃ့အသိးန့ၣ်, သုဝဲပှၤအီမူၤအသးသ့ၣ်တဖၣ်ဒီးသုတၢ်အိတၢ်အီၣ်တဖၣ် မ့ၣ်အူကအီၣ်ကွံာ်န့ၣ်လီၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.