လံာ်စီၤပၤအခီၣ်ထံးတဘ့ၣ် 16:8 - Sgaw Karen Common Bible

⁸ လၢကီၢ်ယူဒၤအစီၤပၤအၤစါပၢတၢ်ခံဆံဃုနံၣ်တနံၣ်အပူၤန့ၣ်, စီၤဘါၡၤအဖိခွါစီၤအ့လၤကဲထီၣ်ကီၢ်အံၣ်စရ့လးအစီၤပၤ ဒီးအဝဲမၤတၢ်ဖဲဝ့ၢ်တံးရစၢ်အပူၤခံနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:8 Iomraidhean Croise

လံာ်စီၤပၤအခီၣ်ထံးတဘ့ၣ် 15:16

ဖဲအဝဲသ့ၣ်အိၣ်ဒီးတၢ်စိတၢ်ကမီၤအကတီၢ်န့ၣ်ကီၢ်ယူဒၤအစီၤပၤ အၤစါဒီးကီၢ်အံၣ်စရ့လးအစီၤပၤဘါၡၤဒုးလိာ်အသးတလီၢ်လီၢ် တဂၤဒီးတဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:33

လၢကီၢ်ယူဒၤအစီၤပၤအၤစါပၢတၢ်သၢနံၣ်တနံၣ်န့ၣ်စီၤအဃံယၤ အဖိခွါစီၤဘါၡၤကဲထီၣ်စီၤပၤလၢကယဲၢ်အံၣ်စရ့လးခဲလၢာ် အဖီခိၣ်, ဒီးပၢတၢ်ဖဲဝ့ၢ်တံးရစၢ်အပူၤခံဆံလွံၢ်နံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:15

လၢကီၢ်ယူဒၤအစီၤပၤအၤစါပၢတၢ်ခံဆံနွံနံၣ်တနံၣ်အပူၤ န့ၣ်, စီၤစံၣ်ရံၤပၢတၢ်လၢဝ့ၢ်တံးရစၢ်အပူၤလၢကီၢ်အံၣ်စရ့လးအဖီ ခိၣ်နွံသီန့ၣ်လီၤ. ပှၤအံၣ်စရ့လးအသုးဖိတဖၣ်မၤန့ၢ်ဝ့ၢ်ကံးဘသိၣ်လၢအအိၣ်လၢကီၢ် ဖလ့ၡသးအပူၤ,

လံာ်စီၤပၤအခီၣ်ထံးတဘ့ၣ် 16:21

ကီၢ်အံၣ်စရ့လးအပှၤဂီၢ်မုၢ်လီၤမုၢ်လီၤဖးကွံာ်ဝဲလီၤ. အဝဲသ့ၣ်အကျါတနီၤအဲၣ်ဒိးဒုးကဲထီၣ်စီၤကံနးအဖိခွါစီၤ ကံးဘနံၤလၢစီၤပၤဒီးပှၤအဂၤတနီၤဘၣ်သူၣ်ဘၣ်သးဝဲလၢစီၤ ဧိၣ်ရံၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:23

လၢတၢ်န့ၣ်အဃိဖဲကီၢ်ယူဒၤအစီၤပၤအၤစါပၢတၢ်သၢဆံတနံၣ် အနံၣ်ပူၤန့ၣ်စီၤဧိၣ်ရံၤကဲထီၣ်ကီၢ်အံၣ်စရ့လးအစီၤပၤ, ဒီးအဝဲပၢတၢ်တဆံခံနံၣ်န့ၣ်လီၤ. အခီၣ်ထံးဃုနံၣ်န့ၣ်အဝဲပၢတၢ်ဖဲဝ့ၢ်တံးရစၢ်အပူၤ,

လံာ်စီၤပၤအခီၣ်ထံးတဘ့ၣ် 16:6

စီၤဘါၡၤသံဝဲဒီးဘၣ်တၢ်ခူၣ်လီၤကွံာ်အီၤလၢဝ့ၢ်တံးရစၢ်အ ပူၤ, ဒီးအဖိခွါစီၤအ့လၤကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:7

ယွၤအတၢ်ကစီၣ်လၢအကတိၤထီဒါစီၤဘါၡၤဒီးအပှၤဟံၣ်ဖိ ဃီဖိန့ၣ်ဘၣ်တၢ်ဟ့ၣ်လီၤအီၤလၢဝံယ့ၤဟူ, မ့ၢ်လၢစီၤဘါၡၤမၤတ့ၢ်တၢ်ဒဲးဘးထီဒါယွၤအဃိန့ၣ်လီၤ. အဝဲထိၣ်ဂဲၤထီၣ်ယွၤအတၢ်သးဒိၣ်တမ့ၢ်ထဲလၢတၢ်အၢတၢ်သီလၢအမၤ တ့ၢ်ဝဲဒ်စီၤပၤယၤရၤဘၣ်လၢအဝဲအမဲာ်ညါမၤတ့ၢ်ဝဲအသိးအဃိန့ၣ် ဘၣ်. မ့မ့ၢ်, မ့ၢ်စ့ၢ်ကီးလၢအဝဲမၤသံကွံာ်ကယဲၢ်စီၤယၤရၤဘၣ်အပှၤ ဟံၣ်ဖိဃီဖိခဲလၢာ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:9

စီၤစံၣ်ရံၤ, ပှၤကွၢ်ထွဲစီၤပၤအလ့ၣ်ကဟၣ်တဖၣ်ခံပူတပူ, လၢအမ့ၢ်စီၤပၤအသုးခိၣ်တဖၣ်အကျါတဂၤကူၣ်တၢ်အၢထီဒါစီၤပၤ န့ၣ်လီၤ. ဘၣ်မုၢ်တနံၤလၢဝ့ၢ်တံးရစၢ်အပူၤန့ၣ်, စီၤအ့လၤအီမူၤသံးဖဲစီၤအၢ်စၤလၢအမ့ၢ်ပှၤကွၢ်ထွဲနီတဂၤ အဟံၣ်ပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:14

စီၤကၤဒံအဖိခွါစီၤမနၤဃ့ၣ်ဟးထီၣ်လၢဝ့ၢ်တံးရစၢ်ဒီးလဲၤ ဆူၡၤမရံ, မၤသံကွံာ်စီၤၡၤလူၣ်ဒီးကဲထီၣ်စီၤပၤလၢအဝဲအလီၢ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:23

လၢကီၢ်ယူဒၤအစီၤပၤဧူးစံယါပၢတၢ်အနံၣ်ယဲၢ်ဆံအပူၤန့ၣ်, စီၤမနၤဃ့ၣ်အဖိခွါစီၤပကၤဃယၤကဲထီၣ်ကီၢ်အံၣ်စရ့လးအစီၤ ပၤဒီးအဝဲပၢတၢ်လၢၡၤမရံအပူၤခံနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:19

ဖဲစီၤအၤမိၣ်ကဲထီၣ်ကီၢ်ယူဒၤအစီၤပၤန့ၣ်အဝဲအသးအိၣ်ခံဆံ ခံနံၣ်, ဒီးအဝဲပၢတၢ်လၢဝ့ၢ်ယရူၤၡလ့ၣ်အပူၤခံနံၣ်လီၤ. အဝဲအမိၢ်မ့ၢ်နီၢ်မၡူလမံး, စီၤဃၤရူးလၢဝ့ၢ်ယၤတဘၤအဖိမုၣ် န့ၣ်လီၤ.

တၢ်ကတိၤဒိ. 28:2

တုၤထံကီၢ်တကီၢ်အိၣ်ဒီးတၢ်ပူထီၣ်လီထီၣ်န့ၣ်, ပှၤပၢတၢ်ကအိၣ်တဖုဝံၤတဖုလီၤ. မ့မ့ၢ်, ဖဲအအိၣ်ဒီးခိၣ်နၢ် တဖၣ်လၢအသးဆးဒီးကူၣ်သ့ကူၣ်ဘၣ်န့ၣ်, ထံကီၢ်ဝဲအံၤအဂံၢ်အဘါကဆူၣ်ဒီးကအိၣ်ဂၢၢ်ကျၢၤဝဲလီၤ.