လံာ်စီၤပၤအခီၣ်ထံးတဘ့ၣ် 16:7 - Sgaw Karen Common Bible

⁷ ယွၤအတၢ်ကစီၣ်လၢအကတိၤထီဒါစီၤဘါၡၤဒီးအပှၤဟံၣ်ဖိ ဃီဖိန့ၣ်ဘၣ်တၢ်ဟ့ၣ်လီၤအီၤလၢဝံယ့ၤဟူ, မ့ၢ်လၢစီၤဘါၡၤမၤတ့ၢ်တၢ်ဒဲးဘးထီဒါယွၤအဃိန့ၣ်လီၤ. အဝဲထိၣ်ဂဲၤထီၣ်ယွၤအတၢ်သးဒိၣ်တမ့ၢ်ထဲလၢတၢ်အၢတၢ်သီလၢအမၤ တ့ၢ်ဝဲဒ်စီၤပၤယၤရၤဘၣ်လၢအဝဲအမဲာ်ညါမၤတ့ၢ်ဝဲအသိးအဃိန့ၣ် ဘၣ်. မ့မ့ၢ်, မ့ၢ်စ့ၢ်ကီးလၢအဝဲမၤသံကွံာ်ကယဲၢ်စီၤယၤရၤဘၣ်အပှၤ ဟံၣ်ဖိဃီဖိခဲလၢာ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:7 Iomraidhean Croise

လံာ်စီၤပၤအခီၣ်ထံးတဘ့ၣ် 14:14

ယွၤကပာ်ထီၣ်စီၤပၤတဂၤလၢကီၢ်အံၣ်စရ့လးအဖီခိၣ်, ဒီးအဝဲကမၤကတၢၢ်ကွံာ်စီၤယၤရၤဘၣ်အစီၤပၤအစၢၤအသွဲၣ်အစိၤ န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:8

လၢကီၢ်ယူဒၤအစီၤပၤအၤစါပၢတၢ်ခံဆံဃုနံၣ်တနံၣ်အပူၤန့ၣ်, စီၤဘါၡၤအဖိခွါစီၤအ့လၤကဲထီၣ်ကီၢ်အံၣ်စရ့လးအစီၤပၤ ဒီးအဝဲမၤတၢ်ဖဲဝ့ၢ်တံးရစၢ်အပူၤခံနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:13

ယွၤဆှၢလီၤတ့ၢ်အပှၤစိာ်တၢ်ကစီၣ်တဖၣ်, ဒီးအဝံတဖၣ်လၢကဟ့ၣ် ပလီၢ်ကီၢ်အံၣ်စရ့လးဒီးကီၢ်ယူဒၤဒ်အံၤ, “ပာ်တ့ၢ်ကွံာ်သုကျဲအၢကျဲသီတဖၣ်ဒီးစူၢ်ယတၢ်မၤလိာ်တဖၣ် လၢအအိၣ်လၢယူဒၤတၢ်သိၣ်တၢ်သီ, လၢယဟ့ၣ်လီၤသုမိၢ်ပၢ်ဖံဖုလၢပျၢၤတဖၣ်ဒီးယဟ့ၣ်ခီလီၤအီၤ ဆူသုအိၣ်ခီဖျိယခ့ယပှၤဝံတဖၣ်န့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 16:7

ဖဲအကတီၢ်အဝဲန့ၣ်, ဝံဃနၤနံလဲၤဆူစီၤပၤအၤစါအအိၣ်ဒီးစံး ဘၣ်အီၤ, “လၢနကသန့ၤနသးလၢယွၤ, နကစၢ်ယွၤအလီၢ်န့ၣ်, မ့ၢ်လၢနသန့ၤနသးလၢကီၢ်စူၤရံအစီၤပၤအဃိ စူၤရံအစီၤပၤအသုးမုၢ်ဃ့ၢ်ပူၤဖျဲးကွံာ်လၢနအိၣ်န့ၣ်လီၤ.

စံးထီၣ်ပတြၢၤ 115:4

အဝဲသ့ၣ်အတၢ်ဂီၤတၢ်ဖီၣ်တဖၣ်န့ၣ် ဘၣ်တၢ်မၤအီၤလၢစ့ဒီးထူဒီး မ့ၢ်ပှၤကညီအတၢ်မၤလၢအစုတဖၣ်န့ၣ်လီၤ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

လံာ်ယၡါယၤ 2:8

အထံအကီၢ်ပှဲၤဝဲဒီးတၢ်ဂီၤတၢ်ဖီၣ်တဖၣ်ဒီးအဝဲသ့ၣ်ဘူၣ် ထီၣ်ဘါထီၣ်တၢ်တဖၣ်လၢမၤတ့ၢ်ဝဲလၢအစုဒၣ်ဝဲန့ၣ်လီၤ.

လံာ်ဟိၤၡ့ 1:4

ယွၤတဲဘၣ်စီၤဟိၤၡ့, “ကိးအမံၤလၢစီၤယံးစရ့လးတက့ၢ်. အဂ့ၢ်ဒ်အံၤ, တယံာ်ဘၣ်ဒီးယကစံၣ်ညီၣ်ကီၢ်အံၣ်စရ့လးအစီၤပၤ, လၢတၢ်မၤသံလၢပှၤလၢအဝဲအစၢၤအသွဲၣ်တဂၤ, စီၤယ့ၤဟူ မၤတ့ၢ်ဝဲလၢယံးစရ့လးအတြီၤပူၤအဃိန့ၣ်လီၤ. ယကဒုးကတၢၢ်ကွံာ်စီၤယ့ၤဟူအဘီအမုၢ်န့ၣ်လီၤ.

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.