လံာ်စီၤပၤအခီၣ်ထံးတဘ့ၣ် 16:2 - Sgaw Karen Common Bible

² “နတမ့ၢ်တၢ်နီတမံၤဘၣ်. ဘၣ်ဆၣ်ယဒုးကဲထီၣ်နၤလၢယပှၤဂီၢ်မုၢ် အံၣ်စရ့လးလၢအခိၣ်အနၢ်န့ၣ်လီၤ. ဒီးခဲကနံၣ်အံၤနမၤတ့ၢ်တၢ်ဒဲးဘးဒ်စီၤယၤရၤဘၣ်အသိး, ဒီးနဆှၢဃီၤယပှၤဂီၢ်မုၢ်ဆူတၢ်ဒဲးဘးအပူၤန့ၣ်လီၤ. အဝဲသ့ၣ်အတၢ်ဒဲးဘးတဖၣ်ထိၣ်ဂဲၤထီၣ်ယတၢ်သးဒိၣ်,

လံာ်စီၤပၤအခီၣ်ထံးတဘ့ၣ် 16:2 Iomraidhean Croise

လံာ်စီၤပၤအခီၣ်ထံးတဘ့ၣ် 14:16

ယွၤပာ်လီၤတဲာ်ကွံာ်ကီၢ်အံၣ်စရ့လး, မ့ၢ်လၢစီၤယၤရၤဘၣ်မၤ တ့ၢ်တၢ်ဒဲးဘးဒီးဆှၢဃီၤကီၢ်အံၣ်စရ့လးအပှၤဂီၢ်မုၢ်ဆူတၢ် ဒဲးဘးအပူၤအဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 14:7

လဲၤဒီးတဲဘၣ်စီၤယၤရၤဘၣ်လၢတၢ်အံၤမ့ၢ်တၢ်လၢယွၤ, အံၣ်စရ့လးအကစၢ်ယွၤစံးဘၣ်အီၤန့ၣ်တက့ၢ်. ယဃုထၢတ့ၢ်လံနၤလၢပှၤဂီၢ်မုၢ်အကျါဒီးဒုးကဲထီၣ်နၤလၢပှၤ ပၢဘၣ်ယပှၤဂီၢ်မုၢ်အံၣ်စရ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:26

ဒ်အပၢ်လၢအမဲာ်ညါအသိး, အဝဲမၤတ့ၢ်တၢ်ဒဲးဘးထီဒါယွၤဒီး ဆှၢဃီၤပှၤအံၣ်စရ့လးဖိတဖၣ်ဆူတၢ်ဒဲးဘးအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:34

ဒ်စီၤပၤယၤရၤဘၣ်လၢအဝဲအမဲာ်ညါအသိးန့ၣ်အဝဲမၤတ့ၢ်တၢ်ဒဲး ဘးထီဒါယွၤဒီးဆှၢဃီၤပှၤအံၣ်စရ့လးဖိတဖၣ်လၢကမၤတၢ်ဒဲး ဘးန့ၣ်လီၤ.

လံာ်တၢ်ဟးထီၣ်ကွံာ် 32:21

အဝဲစံးဘၣ်စီၤအၤဟရိၣ်, “ဒ်သိးနကမၤတုၤပှၤဂီၢ်မုၢ်မၤတၢ် ဒဲးဘးလီၤပျံၤလီၤဖုးတမံၤအံၤအဂီၢ်န့ၣ်အဝဲသ့ၣ်မၤနၤမနုၤ တမံၤလဲၣ်.”

လံာ်ယံးရမံယၤ 7:18

ဖိသၣ်တဖၣ်ထၢဖှိၣ်သ့ၣ်မုၣ်, ပိာ်ခွါတဖၣ်မၤကဲၤထီၣ်မ့ၣ်အူ, ဒီးပိာ်မုၣ်တဖၣ်စံၢ်ကျဲၣ်ကျီကိၣ်ကမူၣ်ဒီးထံလၢကကုၢ်ကိၣ်လၢ ကစၢ်မုၣ်လၢအဝဲသ့ၣ်ကိးဝဲလၢမူခိၣ်အနီၢ်ပၤမုၣ်အဂီၢ်န့ၣ်လီၤ. အဝဲသ့ၣ်လူလီၤဂၢ်လီၤစ့ၢ်ကီးတၢ်လုၢ်စပံးထံတဖၣ်ဆူကစၢ်အဂၤ တဖၣ်အအိၣ်လၢကမၤဘၣ်ဒိဘၣ်ထံးယၤအဂီၢ်န့ၣ်လီၤ.

လံာ်မးသဲ 5:19

လၢတၢ်န့ၣ်အဃိ, ပှၤတဂၤလၢ်လၢ်လၢအလုၣ်သ့ၣ်ခါပတာ်တၢ်မၤလိာ်အဆံးကတၢၢ်တဘီဒၣ် လဲာ်ဒီးသိၣ်လိပှၤဂၤဒ်သိးပှၤသုတပာ်ကဲတၢ်သိၣ်တၢ်သီတဂ့ၤန့ၣ်, ကမ့ၢ်မးပှၤအဆံးကတၢၢ်တဂၤလၢမူခိၣ်ဘီမုၢ်အပူၤလီၤ. ဘၣ်ဆၣ်ဒီးပှၤလၢအအိၣ်မူဒ်တၢ်သိၣ်တၢ်သီအသိးဒီးသိၣ်လိပှၤ ဂၤလၢကပာ်ကဲတၢ်သိၣ်တၢ်သီန့ၣ်, ကမ့ၢ်ပှၤလၢအဒိၣ်လၢမူခိၣ်ဘီမုၢ်အပူၤလီၤ.

လံာ်လူၤကၣ် 1:52

အဝဲဒၣ်ပာ်လီၤကွံာ်စီၤပၤလၢအစိဒိၣ်ကမီၤထီတဖၣ်လၢ အလီၢ်ပစိာ်အလိၤ ဒီးယူာ်ထီၣ်ထီပှၤအိၣ်လၢတၢ်လီၢ် အတီၤဖုၣ်တဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:24

ဆိကတီၢ်ကွံာ်အီၤယဖိခွါသ့ၣ်ဧၢ. အဝဲအံၤမ့ၢ်တၢ်လီၤပျံၤ လီၤဖုးဒိၣ်မးလၢယွၤအပှၤဂီၢ်မုၢ်ကတိၤဝဲအဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:8

အဝဲဝံၢ်ဆၢထၢၣ်ပှၤဖှီၣ်ဖိလၢဖၣ်ကမူၣ်အကျါဒီးဒုးဂဲၤဆၢထၢၣ် ပှၤတလၢတပှဲၤတဖၣ်လၢအတၢ်ဖှီၣ်တၢ်ယာ်အပူၤလီၤ. အဝဲဒုးကဲထီၣ်အဝဲသ့ၣ်လၢစီၤပၤဖိတဖၣ်အတံၤသကိး, ဒီးပာ်ထီၣ်အီၤလၢတၢ်လၤကပီၤအလီၢ်တဖၣ်န့ၣ်လီၤ. ဟီၣ်ခိၣ်အခီၣ်ထံးတဖၣ်န့ၣ်ဘၣ်ဃးဒီးယွၤလီၤ. လၢအဝဲသ့ၣ်အဖီခိၣ်န့ၣ်ယွၤသူၣ်ထီၣ်ဟီၣ်ခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:19

စီၤပၤဖးဒိၣ်ဧၢ, ဒိကနၣ်တၢ်လၢယဘၣ်ကတိၤအီၤန့ၣ်တက့ၢ်. ယွၤမ့မ့ၢ်ပှၤလၢအဒုးဃၣ်နသးထီဒါယၤဒီးတၢ်လုၢ်မၤဘူၣ်တမံၤ ကဒုးလဲလိာ်ကွံာ်အသးလီၤ. ဘၣ်ဆၣ်ဒီးမ့မ့ၢ်တၢ်လၢပှၤကညီ တဖၣ်မၤတ့ၢ်အီၤဒီးမ်ယွၤအတၢ်ဆိၣ်အၢလီၤလၢအဝဲသ့ၣ်အဖီခိၣ်တက့ၢ်. အဂ့ၢ်ဒ်အံၤ, အဝဲသ့ၣ်နီၣ်ထုးထီၣ်ကွံာ်ယၤလၢယွၤအကီၢ်ပူၤ, ဆူကီၢ်တဘ့ၣ်လၢယဘါထီၣ်သ့ထဲပှၤတခီဘီမုၢ်ဖိအကစၢ်တဖၣ်ဧိၤန့ၣ်လီၤ.