လံာ်စီၤပၤအခီၣ်ထံးတဘ့ၣ် 16:18 - Sgaw Karen Common Bible

¹⁸ တုၤစီၤစံၣ်ရံၤထံၣ်ဝဲဒၣ်လၢဝ့ၢ်ဘၣ်တၢ်မၤန့ၢ်ကွံာ်အီၤလံ န့ၣ်အဝဲလဲၤနုာ်ဆူနီအသးကံၢ်ပူၤ, ဆိၣ်ကဲၤထီၣ်နီလၢမ့ၣ်အူဒီးသံဝဲလၢမ့ၣ်အူလၣ်အကျါန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:23

ဖဲစီၤအဃံသဖ့ၤလးထံၣ်သ့ၣ်ညါဝဲလၢအတၢ်ဟ့ၣ်ကူၣ်တဘၣ်တၢ်မၤ ထွဲအီၤန့ၣ်, အဝဲဂီၤကၢ်ထီၣ်အကသ့ၣ်ယီၤဒီးက့ၤကဒါက့ၤဆူအဝ့ၢ်ဒၣ်ဝဲန့ၣ်လီၤ. တုၤအဝဲကျဲၤလီၤအဟံၣ်အဃီ အဂ့ၢ်အကျိၤဘၣ်ဘၣ်ဝံၤအလီၢ်ခံန့ၣ်, အဝဲစၢသံလီၤက့ၤအသးန့ၣ် လီၤ. အဝဲဘၣ်တၢ်ခူၣ်လီၤကွံာ်အီၤဖဲအဒူၣ်ဖိထၢဖိအသွၣ်ခိၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:17

စီၤဧိၣ်ရံၤဒီးအသုးဖိတဖၣ်ဟးထီၣ်လၢဝ့ၢ်ကံးဘသိၣ်ဒီးလဲၤ ကဝီၤဒုးဝ့ၢ်တံးရစၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:25

စီၤပကၤဃယၤအသုး အဖုတဖၣ်အသုးခိၣ်တဂၤလၢအမ့ၢ်စီၤရမါလယၤ အဖိခွါစီၤပ့ကး, ကူၣ်ထီၣ်တၢ်အၢဃုာ်ဒီးပှၤကံးလဧးဖိအဂၤယဲၢ်ဆံဒီးမၤသံ ကွံာ်စီၤပကၤဃယၤဖဲနူၢ်ဧိၤစီၤဧိၤအတိာ်အသးကံၢ်ပူၤလၢၡၤမ ရံ, ဒီးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:31

တုၤစီၤယ့ၤဟူဟဲနုာ်ဝဲခီဖျိတြဲၤဖးဒိၣ်န့ၣ်, နီၢ်အံၤစ့ၤဘ့ၤလးကိးထီၣ်ဝဲ, “ပှၤလၢအမၤသံအကစၢ်ဒ်စီၤစံၣ်ရံၤဧၢ, နဟဲလၢတၢ်ဃူတၢ်ဖိးအပူၤစ့ၢ်ကီးဧါ.”

လံာ်မးသဲ 27:5

စီၤယူဒၤကွံာ်လီၤအစ့အဘ့ၣ်တဖၣ်လၢတၢ်လုၢ်ဟံၣ်အပူၤ, ဒီးဟးထီၣ်ကွံာ်ဖဲန့ၣ်လီၤ. တုၤနုၤတစုအဝဲဟးထီၣ်ကွံာ်ဝဲဆူတၢ်ချၢ, ဒီးလဲၤစၢသံလီၤအသးလီၤ.

လံာ်ပှၤစံၣ်ညီၣ်ကွီၢ် 9:54

တုၤနုၤတစု, အဝဲကိးန့ၢ်ပှၤသးစၢ်လၢအစိာ်အစုကဝဲၤန့ၣ်ချ့ချ့ဒီးစံးဘၣ်အီၤ, “ထုးထီၣ်နနးဒီးမၤသံကွံာ်ယၤတက့ၢ်. ယတအဲၣ်ဒိးလၢပှၤစံးလၢပိာ်မုၣ်တဂၤမၤသံယၤန့ၣ်ဘၣ်.” ဒီးပှၤသးစၢ်န့ၣ်ဆဲးဖျိအီၤဒီးသံဝဲလီၤ.