လံာ်စီၤပၤအခီၣ်ထံးတဘ့ၣ် 16:1 - Sgaw Karen Common Bible

¹ ယွၤကတိၤတ့ၢ်တၢ်ဒီးစီၤဃနၤနံအဖိခွါဝံယ့ၤဟူဒီးဟ့ၣ်အီၤ တၢ်ကစီၣ်အံၤလၢစီၤဘါၡၤအဂီၢ်လီၤ

လံာ်စီၤပၤအခီၣ်ထံးတဘ့ၣ် 16:1 Iomraidhean Croise

လံာ်စီၤပၤအခီၣ်ထံးတဘ့ၣ် 15:33

လၢကီၢ်ယူဒၤအစီၤပၤအၤစါပၢတၢ်သၢနံၣ်တနံၣ်န့ၣ်စီၤအဃံယၤ အဖိခွါစီၤဘါၡၤကဲထီၣ်စီၤပၤလၢကယဲၢ်အံၣ်စရ့လးခဲလၢာ် အဖီခိၣ်, ဒီးပၢတၢ်ဖဲဝ့ၢ်တံးရစၢ်အပူၤခံဆံလွံၢ်နံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:7

ယွၤအတၢ်ကစီၣ်လၢအကတိၤထီဒါစီၤဘါၡၤဒီးအပှၤဟံၣ်ဖိ ဃီဖိန့ၣ်ဘၣ်တၢ်ဟ့ၣ်လီၤအီၤလၢဝံယ့ၤဟူ, မ့ၢ်လၢစီၤဘါၡၤမၤတ့ၢ်တၢ်ဒဲးဘးထီဒါယွၤအဃိန့ၣ်လီၤ. အဝဲထိၣ်ဂဲၤထီၣ်ယွၤအတၢ်သးဒိၣ်တမ့ၢ်ထဲလၢတၢ်အၢတၢ်သီလၢအမၤ တ့ၢ်ဝဲဒ်စီၤပၤယၤရၤဘၣ်လၢအဝဲအမဲာ်ညါမၤတ့ၢ်ဝဲအသိးအဃိန့ၣ် ဘၣ်. မ့မ့ၢ်, မ့ၢ်စ့ၢ်ကီးလၢအဝဲမၤသံကွံာ်ကယဲၢ်စီၤယၤရၤဘၣ်အပှၤ ဟံၣ်ဖိဃီဖိခဲလၢာ်အဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:13

ယွၤဆှၢလီၤတ့ၢ်အပှၤစိာ်တၢ်ကစီၣ်တဖၣ်, ဒီးအဝံတဖၣ်လၢကဟ့ၣ် ပလီၢ်ကီၢ်အံၣ်စရ့လးဒီးကီၢ်ယူဒၤဒ်အံၤ, “ပာ်တ့ၢ်ကွံာ်သုကျဲအၢကျဲသီတဖၣ်ဒီးစူၢ်ယတၢ်မၤလိာ်တဖၣ် လၢအအိၣ်လၢယူဒၤတၢ်သိၣ်တၢ်သီ, လၢယဟ့ၣ်လီၤသုမိၢ်ပၢ်ဖံဖုလၢပျၢၤတဖၣ်ဒီးယဟ့ၣ်ခီလီၤအီၤ ဆူသုအိၣ်ခီဖျိယခ့ယပှၤဝံတဖၣ်န့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 19:2

ဝံတဂၤလၢအမ့ၢ်စီၤဃနၤနံအဖိခွါစီၤယ့ၤဟူ, လဲၤထီၣ်သဂၢၢ်စီၤပၤဒီးစံးဘၣ်အီၤ, “မ့ၢ်နဆိကမိၣ်လၢတၢ်မၤ စၢၤပှၤအၢပှၤသီဒီးတၢ်အိၣ်လၢပှၤသးဟ့ယွၤအအိၣ်တကပၤန့ၣ်, မ့ၢ်တၢ်အဘၣ်န့ၣ်ဧါ. တၢ်လၢနမၤတ့ၢ်န့ၣ်, ဟဲစိာ်ယွၤအတၢ်သးထီၣ်လၢနလိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:34

ကယဲၢ်တၢ်အဂုၤအဂၤခဲလၢာ်လၢစီၤယဟိၡၤဖးမၤတ့ၢ်ဝဲ, စးထီၣ်လၢအဝဲပၢတၢ်အခီၣ်ထံးတုၤလၢအတၢ်ပၢအကတၢၢ်န့ၣ်ဘၣ်တၢ် ကွဲးနီၣ်ကွဲးဃါအီၤလၢစီၤဃနၤနံအဖိခွါစီၤယ့ၤဟူ အလံာ်တၢ်စံၣ်စိၤတဲစိၤအပူၤ, လၢအမ့ၢ်ကီၢ်အံၣ်စရ့လးအစီၤပၤ တဖၣ်အလံာ်တၢ်စံၣ်စိၤတဲစိၤအကျါတခါန့ၣ်လီၤ.

လံာ်ယံးရမံယၤ 32:18

နဒုးနဲၣ်တ့ၢ်တၢ်အဲၣ်တထံၣ်ဃီဆူ ပှၤအကထိတဖၣ်, ဘၣ်ဆၣ်ဒီး နစံၣ်ညီၣ်စ့ၢ်ကီၤပှၤဂီၢ်မုၢ်လၢ အမိၢ်အပၢ် တဖၣ် အတၢ်ဒဲးဘးတဖၣ်အဃိန့ၣ်လီၤ. နမ့ၢ်ကစၢ်ယွၤ လၢအဒိၣ်နီၢ်မးဒီး အစိအကမီၤဒိၣ်နီၢ်မးတဂၤန့ၣ်လီၤ. နမ့ၢ်ယွၤသ့တၢ်လၢာ်တဂၤလီၤ.