လံာ်စီၤပၤအခီၣ်ထံးတဘ့ၣ် 15:5 - Sgaw Karen Common Bible

⁵ ယွၤမၤတ့ၢ်တၢ်အံၤမ့ၢ်လၢစီၤဒၤဝံးမၤတ့ၢ်တၢ်လၢအမၤမုာ်ယွၤ အသးဒီးစူၢ်အဝဲအတၢ်မၤလိာ်တဖၣ်ထီဘိ, မ့တမ့ၢ်ဘၣ်ထဲလၢတၢ်ဂ့ၢ်တမံၤလၢအဘၣ်ထွဲဒီးပှၤဃ့ၤသးဖိစီၤ အူၤရံယၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:5 Iomraidhean Croise

လံာ်စီၤပၤအခီၣ်ထံးတဘ့ၣ် 14:8

ယဟံးထီၣ်ကွံာ်ဘီမုၢ်လၢစီၤဒၤဝံးအစၢၤအသွဲၣ်တဖၣ်အအိၣ်ဒီး ဟ့ၣ်လီၤတ့ၢ်နၤလီၤ. ဘၣ်ဆၣ်နတလီၤဂာ်ဘၣ်ဒီးယခ့ယပှၤစီၤဒၤဝံးန့ၣ်ဘၣ်. အဝဲမ့ၢ်ပှၤလၢအတီဒီးယၤလၢလၢပှဲၤပှဲၤ, စူၢ်ယတၢ်မၤလိာ်တဖၣ်ဒီးမၤတၢ်လၢယဘၣ်သူၣ်ဘၣ်သးန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:3

အဝဲမၤတ့ၢ်တၢ်ဒဲးဘးတဖၣ်တမံၤဃီဒ်အပၢ်အသိး, ဒီးတသူၣ်တီသးရၤဘၣ်ဒီးယွၤ, အကစၢ်ယွၤလၢာ်လၢာ်ဆ့ဆ့ ဒ်အဖုဖးဒိၣ်စီၤဒၤဝံးအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 3:3

စီၤၡလိၤမိၤအဲၣ်ဘၣ်ယွၤဒီးပိာ်ထွဲတ့ၢ်အပၢ်စီၤဒၤဝံးအတၢ် မၤလိာ်ပိာ်လီၤတဖၣ်အခံန့ၣ်လီၤ. ဘၣ်ဆၣ်အဝဲမၤသံစ့ၢ်ကီးဆၣ်ဖိကီၢ်ဖိတဖၣ်ဒီးလုၢ်ထီၣ်အီၤဒ် တၢ်လုၢ်တၢ်ပာ်တဖၣ်အသိးလၢတၢ်လုၢ်လီၢ်အကလုာ်ကလုာ်အဖီခိၣ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 9:4

ယကအံးလီၤကွၢ်လီၤအီၤ, ဒီးဒီဒၣ်အိၣ်ပှိၤအီၤကိးဆၢကိးကတီၢ် ဒဲးန့ၣ်လီၤ. ဒ်နပၢ်စီၤဒၤဝံးမၤတ့ၢ်ဝဲအသိး, နမ့ၢ်မၤယတၢ်မၤလၢတၢ်တီတၢ်လိၤဒီးတၢ်ကလုၢ်တီအပူၤ, ဒီးနမ့ၢ်စူၢ်ယတၢ်သိၣ်တၢ်သီတဖၣ်ဒီးမၤကယဲၢ်တၢ်လၢယမၤလိာ်တ့ၢ် နၤတဖၣ်န့ၣ်ဒီး,

လံာ်စီၤပၤခံဘ့ၣ်တဘ့ၣ် 22:2

စီၤယိၤၡံယၤမၤတ့ၢ်တၢ်လၢအဘၣ်ယွၤအသးန့ၣ်လီၤ. အဝဲပိာ်ထွဲအပၢ်ဖးဒိၣ်လၢပျၢၤစီၤပၤစီၤဒၤဝံးအဒိအတဲာ် အခံဒီးစူၢ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဃံးဃံးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:2

အဝဲမၤတ့ၢ်တၢ်လၢအဘၣ်ယွၤအသး, အဝဲလူၤပိာ်ထွဲအပၢ်ဖးဒိၣ်လၢ ပျၢၤစီၤဒၤဝံးအဒိအတဲာ်အခံ, ဒီးစူၢ်ကယဲၢ်ကစၢ်ယွၤအတၢ်သိၣ်တၢ်သီတဖၣ်လီၤတံၢ်လီၤဆဲးန့ၣ် လီၤ.

စံးထီၣ်ပတြၢၤ 119:102

ယတလဲၤသဒၣ်ဘၣ်နတၢ်သိၣ်တၢ်သီတဖၣ်န့ၣ်ဘၣ်. အဂ့ၢ်ဒ်အံၤ, နကစၢ်ဒၣ်နဲ နသိၣ်လိတ့ၢ်ယၤလီၤ.

စံးထီၣ်ပတြၢၤ 119:6

တုၤယဟ့ၣ်လီၤယတၢ်ဆိကမိၣ်လၢ နတၢ်မၤလိာ်ခဲလၢာ်ဒီး, ယတဘၣ်တၢ်မၤမဲာ်ဆှးယၤဘၣ်.

စံးထီၣ်ပတြၢၤ 51:1

ကစၢ်ယွၤဧၢ, သူၣ်ကညီၤသးကညီၤလၢ်ယၤ, ဒ်နတၢ်အဲၣ်ဂၢၢ်ကျၢၤအိၣ်ဝဲအသိး, ဒီးဒ်နတၢ်သးကညီၤအိၣ်အါအါကလဲာ်အသိးန့ၣ် တြူာ်ကွံာ်ယတၢ်မၤကမၣ်တၢ်တဖၣ်န့ၣ်တက့ၢ်.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

မၤတၢ် 13:22

ဒီးကစၢ်ယွၤထုးထီၣ်ကွံာ်အီၤလၢစီၤပၤအလီၢ်ဝံၤအလီၢ်ခံ, ဒုးကဲထီၣ်စီၤဒၤဝံးလၢအဝဲသ့ၣ်အစီၤပၤလီၤ. လၢစီၤဒၤဝံးအဂ့ၢ်န့ၣ်, ကစၢ်ယွၤစံးတ့ၢ်ဝဲဒ်အံၤ, ‘ယထံၣ်ဘၣ်တ့ၢ်ယဲလၢစီၤယံးၡဲအဖိခွါစီၤဒၤဝံးမ့ၢ်ပှၤလၢ အဘၣ်သူၣ်ဘၣ်သးယၤတကလုာ်, ပှၤတဂၤလၢအကမၤတၢ်လၢအဘၣ်ယသးခဲလၢာ်န့ၣ်လီၤ.’

မၤတၢ် 13:36

အဂ့ၢ်ဒ်အံၤ, စီၤဒၤဝံးမၤတၢ်လၢကစၢ်ယွၤတိာ်ပာ်တ့ၢ်လၢအဂီၢ်လၢ အစိၤအဆၢကတီၢ်ဒၣ်ဝဲဝံၤအလီၢ်ခံသံဝဲ, ဘၣ်တၢ်ခူၣ်လီၤအီၤလၢအပၢ်လၢပျၢၤတဖၣ်အသိးအကျါဒီး အုၣ်ကွံာ်ကျၣ်ကွံာ်ဝဲဒၣ်လီၤ.

လံာ်သိၣ်လီၤသီလီၤတၢ် 17:20

တၢ်အံၤကပၢၤအီၤဒ်သိးသုတဆိကမိၣ်လီၤအသးလၢအဂ့ၤန့ၢ်ဒံးပှၤ အံၣ်စရ့လးဖိကဒဲကဒဲဒီးအီၤတဂ့ၤဒီးကပၢၤအီၤလၢအသု တလဲၤသဒၣ်ယွၤအတၢ်မၤလိာ်တဖၣ်လၢကျဲနီတဘိတဂ့ၤအဂီၢ်န့ၣ်လီၤ. အန့ၣ်ဒီးအဝဲကပၢတၢ်လၢအါနံၣ်အါလါအတီၢ်ပူၤဒီးအဝဲအစၢၤ အသွဲၣ်တဖၣ်ကပၢဘၣ်ကီၢ်အံၣ်စရ့လးအါစိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:28

တၢ်ဒိၣ်ဧၢ, ဝံသးစူၤပျၢ်ကယဲၢ်တၢ်လၢယမၤကမၣ်ဘၣ်တ့ၢ်အီၤတမံၤလၢ်လၢ်န့ၣ်တက့ၢ်. ယွၤကဒုးကဲထီၣ်နၤဒီးနစၢၤနသွဲၣ်တဖၣ်စ့ၢ်ကီးလၢစီၤပၤလီၤ. အဂ့ၢ်ဒ်အံၤ, နဒုးအတၢ်ဒုးတဖၣ်ဒီးလၢနအိၣ်မူဒံးအမုၢ်နံၤတဖၣ် န့ၣ်နတဘၣ်မၤတၢ်အၢတၢ်သီနီတမံၤဘၣ်လီၤ.