လံာ်စီၤပၤအခီၣ်ထံးတဘ့ၣ် 15:4 - Sgaw Karen Common Bible

⁴ ဘၣ်ဆၣ်လၢတၢ်ကွၢ်မဲာ်စီၤဒၤဝံးအဃိန့ၣ်ယွၤ, အကစၢ်ယွၤဟ့ၣ်လီၤစီၤအဘံယၣ်လၢအဖိခွါတဂၤဒ်သိးကပၢတၢ်လၢ အဝဲအလီၢ်ခံလၢဝ့ၢ်ယရူၤၡလ့ၣ်အပူၤဒီးဒ်သိးကမၤဂၢၢ်မၤကျၢၤဝ့ၢ် ယရူၤၡလ့ၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:4 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 19:29

ဘၣ်ဆၣ်ဖဲကစၢ်ယွၤမၤဟးဂီၤကွံာ်တၢ်တြီၤန့ၣ်အဝ့ၢ်သ့ၣ်တဖၣ်လၢ စီၤလိာ်အိၣ်ဝဲဆိးဝဲန့ၣ်ယွၤသ့ၣ်နီၣ်ထီၣ်စီၤအၤဘြၤဟၣ်ဒီး ပျဲစီၤလိာ်ဃ့ၢ်ပူၤထီၣ်ဆူတၢ်ပူၤဖျဲးအလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:5

ယကဆိၣ်ဂ့ၤနၤလီၤ. အဂ့ၢ်ဒ်အံၤ, စီၤအၤဘြၤဟၣ်စူၢ်ယကလုၢ်ဒီး ဟံးဃာ်ကယဲၢ်ယတၢ်သိၣ်တၢ်သီဒီးယတၢ်မၤလိာ်တဖၣ်အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:17

ဘၣ်ဆၣ်ဒီးနီၢ်စရူယၤအဖိခွါစီၤအဘံၡဲၤဟဲမၤစၢၤစီၤဒၤဝံးဒီးဒုးပှၤဖးဒိၣ်တဂၤန့ၣ်, ဒီးမၤသံကွံာ်အီၤလီၤ. တုၤနုၤတစု, စီၤဒၤဝံးအပှၤတဖၣ်မၢစီၤဒၤဝံးအၢၣ်လီၤတၢ်လၢအဝဲတပိာ်လၢၤဘၣ်အဝဲသ့ၣ်အခံဆူ တၢ်ဒုးပျီအပူၤနီတစု ဘၣ်န့ၣ်လီၤ. အဝဲသ့ၣ်စံးဝဲဒၣ်, “နမ့ၢ်ကီၢ်အံၣ်စရ့လးအတၢ်မုၢ်လၢ် ဒီးပတအဲၣ်ဒိးလၢနကလီၤမၢ်ကွံာ်လၢပဂီၢ်ဘၣ်.”

လံာ်စီၤပၤအခီၣ်ထံးတဘ့ၣ် 11:12

သနာ်က့ဒီး, လၢယတၢ်ကွၢ်မဲာ်နပၢ်စီၤဒၤဝံးအဃိ, ယတမၤဒံးတၢ်အံၤဖဲနအိၣ်မူအဆၢကတီၢ်န့ၣ်ဘၣ်. မ့မ့ၢ်ယကမၤအီၤလၢနဖိခွါပၢတၢ်အစိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:32

စီၤၡလိၤမိၤကပၢၤဃာ်ပှၤအဒူၣ်တဒူၣ်လၢယခ့ယပှၤစီၤဒၤဝံးအဃိ ဒီးလၢဝ့ၢ်ယရူၤရှလ့ၣ်, ဝ့ၢ်လၢယဃုထၢတ့ၢ်အီၤလၢယဂီၢ်လၢကီၢ်အံၣ်စရ့လးဒီကတီၢ်ညါအ ပူၤ, အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:36

ဘၣ်ဆၣ်ယကပျဲစီၤၡလိၤမိၤအဖိခွါပၢၤဃာ်ဒံးဒူၣ်တဒူၣ်, ဒ်သိးထီဘိယကအိၣ်ဒီးယခ့ယပှၤစီၤဒၤဝံးအစၢၤအသွဲၣ်တဂၤလၢ အပၢတၢ်လၢဝ့ၢ်ယရူၤၡလ့ၣ်, ဝ့ၢ်လၢယဃုထၢတ့ၢ်အီၤဒ်သိးတၢ်လီၢ်လၢတၢ်ကဘူၣ်ထီၣ်ဘါထီၣ်ယၤ အဂီၢ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:7

ဘၣ်ဆၣ်ယွၤတအဲၣ်ဒိးမၤဟးဂီၤကွံာ်စီၤဒၤဝံးအစၢၤအသွဲၣ်အတၢ် ပၢဘၣ်, မ့ၢ်လၢအဝဲမၤတ့ၢ်တၢ်အၢၣ်လီၤတမံၤဒီးစီၤဒၤဝံးဒီးအၢၣ်လီၤ တ့ၢ်ဝဲဒၣ်လၢစီၤဒၤဝံးအစၢၤအသွဲၣ်တဖၣ်ကပၢထွဲတၢ်ထီဘိတထံၣ် ဃီအဃိန့ၣ်လီၤ.

စံးထီၣ်ပတြၢၤ 132:17

ယကဒုးကဲထီၣ်စီၤဒၤဝံးအစၢၤအသွဲၣ်တဖၣ် အကျါတဂၤလၢ စီၤပၤဖးဒိၣ်ဖဲအံၤ, ဒီးယကကတီၤဃာ် ယစီၤပၤလၢ ယဃုထၢအီၤ အတၢ်ပၢတၢ်ပြးန့ၣ်လီၤ.

စံးထီၣ်ပတြၢၤ 18:28

မ့ၢ်လီၤ. နမၤကပီၤထီၣ်ယမ့ၣ်အူဒၢ, ယွၤယကစၢ်မၤကပီၤထီၣ်ယတၢ်ခံးန့ၣ်လီၤ.

စံးထီၣ်ပတြၢၤ 87:5

လၢစံယိၣ်အဂ့ၢ်န့ၣ် တၢ်ကစံးဝဲဒၣ်လၢ ပှၤကိးကလုာ်ဒဲးဘၣ်ထွဲဖဲန့ၣ်, ဒီးတၢ်စိတၢ်ကမီၤ ခဲလၢာ်အကစၢ် ကမၤဆူၣ်ထီၣ်အီၤလီၤ.

လံာ်ယၡါယၤ 14:32

မ့ၢ်ပကစံးဆၢပှၤစိာ်တၢ်ကစီၣ်တဖၣ်လၢအဟဲဆူပအိၣ်လၢကီၢ် ဖလ့ၡသးတခီန့ၣ်ဒ်လဲၣ်. ပကတဲဘၣ်အဝဲသ့ၣ်လၢယွၤဒုးအိၣ်ထီၣ် ဒီးပာ်ဂၢၢ်ပာ်ကျၢၤလံဝ့ၢ်စံယိၣ်လီၤ. ဒီးအပှၤဂီၢ်မုၢ်လၢ အတူၢ်ဘၣ်တၢ်နးတၢ်ဖှီၣ်တဖၣ်ကထံၣ်န့ၢ်တၢ်ပူၤဖျဲးဖဲန့ၣ်န့ၣ်လီၤ.

လံာ်ယၡါယၤ 37:35

ယကကဟုကယာ်ဝ့ၢ်အံၤဒီးဒီဒၣ်အိၣ်ပှိၤအီၤလၢယလၤကပီၤဒၣ်ယဲ အဂီၢ်, ဒီးလၢယမၤတ့ၢ်တၢ်အၢၣ်လီၤအီလီၤဒီးယခ့ ယပှၤစီၤဒၤဝံးအဃိန့ၣ်လီၤ.”

လံာ်ယၡါယၤ 62:7

တချုးဒံးလၢအဝဲဒုးအိၣ်ဂၢၢ်ကျၢၤက့ၤဝ့ၢ်ယရူၤၡလ့ၣ်, ဒီးဒုးကဲထီၣ်အီၤလၢဝ့ၢ်တဖျၢၣ်လၢဟီၣ်ခိၣ်ဒီဘ့ၣ် စံးထီၣ်ပတြၢၤအီၤဒံးဘၣ်န့ၣ်, အဝဲသ့ၣ်တဘၣ်ဒုးအိၣ်ဘှံးအိၣ်သါအီၤဘၣ်.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယံးရမံယၤ 33:2

ယွၤလၢ အတ့လီၤတ့ၢ်ဟီၣ်ခိၣ်, လၢအဒုးကဲ ထီၣ်တ့ၢ်အီၤဒီး ပာ်လီၤအီၤလၢ အလီၢ်န့ၣ် ကတိၤတ့ၢ်တၢ်ဒီးယၤလီၤ. ပှၤလၢအမံၤမ့ၢ်ယွၤ စံးဝဲဒၣ်,

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

လံာ်လူၤကၣ် 2:32

တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

ရိမ့ၤ 11:28

မ့ၢ်လၢအဝဲသ့ၣ်တတူၢ်လိာ်တၢ်သးခုကစီၣ်အဃိ, ပှၤယူဒၤဖိတဖၣ်မ့ၢ်ကစၢ်ယွၤအဒုၣ်အဒါလၢသုဝဲပှၤကလုာ်ဂၤ တဖၣ်အဂီၢ်လီၤ. ဘၣ်ဆၣ်ဒီးမ့ၢ်လၢယွၤအတၢ်ဃုထၢအဃိ, အဝဲသ့ၣ်မ့ၢ်ယွၤအတံၤသကိးတဖၣ်လၢမိၢ်ပၢ်ဖံဖုလၢပျၢၤ တဖၣ်အဃိလီၤ.

လံာ်သိၣ်လီၤသီလီၤတၢ် 4:37

မ့ၢ်လၢအအဲၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဃိ, အဝဲဃုထၢသုဒီးခီဖျိလၢအဝဲအစိကမီၤဖးဒိၣ်န့ၣ်အဝဲအနီၢ် ကစၢ်ဒၣ်ဝဲထုးထီၣ်သုလၢကီၢ်အဲၤကူပတူးအပူၤန့ၣ်လီၤ.

လံာ်လီၣ်ဖျါ 22:16

“ယၤ, ယ့ၣ်ၡူး, ယဆှၢလီၤယဲယကလူးဒ်သိးအကဘိးဘၣ်သ့ၣ်ညါ သုဘၣ်ဃးတၢ်သ့ၣ်တဖၣ်အံၤလၢတၢ်အိၣ်ဖှိၣ်တဖၣ်အပူၤလီၤ. ယဟဲလီၤစၢၤယဲဒၣ်လၢစီၤဒၤဝံးအဒူၣ်အထၢ, ယမ့ၢ်ဆၣ်တူၢ်ဂီၤလၢအကပြုၢ်ကပြီၤတဖျၢၣ်န့ၣ်လီၤ.”