လံာ်စီၤပၤအခီၣ်ထံးတဘ့ၣ် 15:30 - Sgaw Karen Common Bible

³⁰ တၢ်အံၤမၤအသးမ့ၢ်လၢစီၤယၤရၤဘၣ်ထိၣ်ဂဲၤယွၤ, ကီၢ်အံၣ်စရ့လးအကစၢ်ယွၤအတၢ်သးထီၣ်, ခီဖျိတၢ်ဒဲးဘးတဖၣ်လၢအမၤတ့ၢ်ဝဲ, ဒီးဒုးမၤပှၤအံၣ်စရ့လးဖိတဖၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:30 Iomraidhean Croise

လံာ်စီၤပၤအခီၣ်ထံးတဘ့ၣ် 13:34

တၢ်ဒဲးဘးလၢအဝဲမၤအံၤ, ဟဲစိာ်တၢ်ဟးဂူာ်ဟးဂီၤဒီးတၢ်မၤ ကတၢၢ်ကွံာ်လၢာ်လၢာ်ဆ့ဆ့လၢအဝဲအစီၤပၤအစၢၤအသွဲၣ်အစိၤအဂီၢ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:22

ကီၢ်ယူဒၤအပှၤဂီၢ်မုၢ်မၤတ့ၢ်တၢ်ဒဲးဘးထီဒါယွၤဒီးထိၣ်ဂဲၤ ယွၤအတၢ်သးထီၣ်ဒိၣ်အါန့ၢ်ဒံးကယဲၢ်အဝဲသ့ၣ်အမိၢ်ပၢ်ဖံဖုလၢ ပျၢၤတဖၣ်မၤတ့ၢ်ဝဲဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:26

ဒ်အပၢ်လၢအမဲာ်ညါအသိး, အဝဲမၤတ့ၢ်တၢ်ဒဲးဘးထီဒါယွၤဒီး ဆှၢဃီၤပှၤအံၣ်စရ့လးဖိတဖၣ်ဆူတၢ်ဒဲးဘးအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:13

လၢအဝဲသ့ၣ်အတၢ်ဘါထီၣ်တၢ်ဂီၤတၢ်ဖီၣ်ဒီးလၢအဝဲသ့ၣ်ဆှၢဃီၤ ကီၢ်အံၣ်စရ့လးဆူတၢ်ဒဲးဘးအပူၤအဃိ, စီၤဘါၡၤဒီးအဖိခွါစီၤအ့လၤထိၣ်ဂဲၤထီၣ်ဘၣ်ယွၤ, ကီၢ်အံၣ်စရ့လးအကစၢ်ယွၤအတၢ်သးဒိၣ်ထီၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:21

လၢတၢ်န့ၣ်အဃိယွၤစံးဘၣ်နၤ, ယကဟဲစိာ်တၢ်တတၢးတနါလၢနဖီခိၣ်န့ၣ်လီၤ. ယကတၢၤကွံာ်နၤဒီးမၤလၢာ်ကွံာ်ကယဲၢ်နပှၤဟံၣ်ဖိဃီဖိပိာ်ခွါ လၢနဟံၣ်ဒူၣ်ဃီထၢအပူၤ, သးစၢ်မ့ၢ်ဂ့ၤ, သးပှၢ်မ့ၢ်ဂ့ၤဒ်သိးသိးန့ၣ်လီၤ.