လံာ်စီၤပၤအခီၣ်ထံးတဘ့ၣ် 15:3 - Sgaw Karen Common Bible

³ အဝဲမၤတ့ၢ်တၢ်ဒဲးဘးတဖၣ်တမံၤဃီဒ်အပၢ်အသိး, ဒီးတသူၣ်တီသးရၤဘၣ်ဒီးယွၤ, အကစၢ်ယွၤလၢာ်လၢာ်ဆ့ဆ့ ဒ်အဖုဖးဒိၣ်စီၤဒၤဝံးအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 15:3 Iomraidhean Croise

လံာ်စီၤပၤအခီၣ်ထံးတဘ့ၣ် 11:33

ယကမၤတၢ်အံၤမ့ၢ်လၢစီၤၡလိၤမိၤညိကွံာ်လံယၤဒီးဘူၣ်ထီၣ်ဘါ ထီၣ်ပှၤတခီဘီမုၢ်ဖိအကစၢ်တဖၣ်လၢအမ့ၢ်ဝဲ, ကီၢ်စံဒိၣ်အကစၢ်မုၣ်ဧၤၡတြိး, ကီၢ်မိၤအးအကစၢ်ကမိၣ်, ဒီးကီၢ်ဧၣ်မိၣ်အကစၢ်မိလးအဃိန့ၣ်လီၤ. စီၤၡလိၤမိၤတစူၢ်တ့ၢ်ယၤလၢၤဘၣ်. အဝဲမၤကမၣ်တ့ၢ်တၢ်ဒီးတတိၢ် န့ၢ်ဖံးဃာ်ယတၢ်သိၣ်တၢ်သီတဖၣ်ဒီးယတၢ်မၤလိာ်တဖၣ်ဒ်အပၢ်စီၤဒၤ ဝံးမၤတ့ၢ်ဝဲအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 11:4

ဒီးဖဲစီၤၡလိၤမိၤအသးပှၢ်ထီၣ်န့ၣ်, အဝဲသ့ၣ်ဆှၢဃီၤအီၤဆူ တၢ်ဘူၣ်ထီၣ်ဘါထီၣ်ပှၤတခီဘီမုၢ်ဖိအကစၢ်တဖၣ်န့ၣ်လီၤ. အဝဲတတီဒီးယွၤ, အကစၢ်ယွၤဒ်အပၢ်စီၤဒၤဝံးအသိးဘၣ်.

လံာ်စီၤပၤအခီၣ်ထံးတဘ့ၣ် 15:14

စီၤအၤစါမ့ၢ်တမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါ ထီၣ်အလီၢ်ခဲလၢာ်ဒၣ်လဲာ်, အဝဲအိၣ်ဒံးဒီးတၢ်သးတီဒီးယွၤလၢအသးသမူဒီစိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:14

ဒီးနမ့ၢ်စူၢ်ယၤဒီးတိၢ်န့ၢ်ယတၢ်သိၣ်တၢ်သီတဖၣ်ဒီးယတၢ်မၤလိာ် တဖၣ်ဒ်နပၢ်စီၤဒၤဝံးမၤတ့ၢ်ဝဲအသိးန့ၣ်ဒီး, ယကဒုးအိၣ်ကၢအိၣ်ခိးနၤလီၤ.”

လံာ်စီၤပၤအခီၣ်ထံးတဘ့ၣ် 3:3

စီၤၡလိၤမိၤအဲၣ်ဘၣ်ယွၤဒီးပိာ်ထွဲတ့ၢ်အပၢ်စီၤဒၤဝံးအတၢ် မၤလိာ်ပိာ်လီၤတဖၣ်အခံန့ၣ်လီၤ. ဘၣ်ဆၣ်အဝဲမၤသံစ့ၢ်ကီးဆၣ်ဖိကီၢ်ဖိတဖၣ်ဒီးလုၢ်ထီၣ်အီၤဒ် တၢ်လုၢ်တၢ်ပာ်တဖၣ်အသိးလၢတၢ်လုၢ်လီၢ်အကလုာ်ကလုာ်အဖီခိၣ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:2

အဝဲမၤတ့ၢ်တၢ်လၢအဘၣ်ယွၤအသး, ဘၣ်ဆၣ်မၤဒၣ်ဝဲလၢတၢ်သူၣ်တဆူၣ်သးတဆူၣ်အပူၤန့ၣ်လီၤ.

စံးထီၣ်ပတြၢၤ 119:80

မ်ယသးလၢထီၣ်ပှဲၤထီၣ်လၢ တၢ်ဒိကနၣ်နတၢ်မၤလိာ်အပူၤဒ်သိး ယသုတဘၣ်တၢ်မဲာ်ဆှးတဂ့ၤအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 17:20

တၢ်အံၤကပၢၤအီၤဒ်သိးသုတဆိကမိၣ်လီၤအသးလၢအဂ့ၤန့ၢ်ဒံးပှၤ အံၣ်စရ့လးဖိကဒဲကဒဲဒီးအီၤတဂ့ၤဒီးကပၢၤအီၤလၢအသု တလဲၤသဒၣ်ယွၤအတၢ်မၤလိာ်တဖၣ်လၢကျဲနီတဘိတဂ့ၤအဂီၢ်န့ၣ်လီၤ. အန့ၣ်ဒီးအဝဲကပၢတၢ်လၢအါနံၣ်အါလါအတီၢ်ပူၤဒီးအဝဲအစၢၤ အသွဲၣ်တဖၣ်ကပၢဘၣ်ကီၢ်အံၣ်စရ့လးအါစိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:28

တၢ်ဒိၣ်ဧၢ, ဝံသးစူၤပျၢ်ကယဲၢ်တၢ်လၢယမၤကမၣ်ဘၣ်တ့ၢ်အီၤတမံၤလၢ်လၢ်န့ၣ်တက့ၢ်. ယွၤကဒုးကဲထီၣ်နၤဒီးနစၢၤနသွဲၣ်တဖၣ်စ့ၢ်ကီးလၢစီၤပၤလီၤ. အဂ့ၢ်ဒ်အံၤ, နဒုးအတၢ်ဒုးတဖၣ်ဒီးလၢနအိၣ်မူဒံးအမုၢ်နံၤတဖၣ် န့ၣ်နတဘၣ်မၤတၢ်အၢတၢ်သီနီတမံၤဘၣ်လီၤ.