လံာ်စီၤပၤအခီၣ်ထံးတဘ့ၣ် 15:27 - Sgaw Karen Common Bible

²⁷ စီၤအဃံယၤအဖိခွါစီၤဘါၡၤလၢပှၤယံးစၣ်ကၢ်အဒူၣ်ပူၤပူထီၣ် တၢ်ထီဒါစီၤနၤဒးဒီးမၤသံကွံာ်အီၤဖဲစီၤနၤဒးဒီးအသုးမုၢ်လဲၤ ကဝီၤဃာ်ဝ့ၢ်ကံးဘသိၣ်လၢကီၢ်ဖလ့ၡသးအခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:27 Iomraidhean Croise

လံာ်စီၤပၤအခီၣ်ထံးတဘ့ၣ် 14:14

ယွၤကပာ်ထီၣ်စီၤပၤတဂၤလၢကီၢ်အံၣ်စရ့လးအဖီခိၣ်, ဒီးအဝဲကမၤကတၢၢ်ကွံာ်စီၤယၤရၤဘၣ်အစီၤပၤအစၢၤအသွဲၣ်အစိၤ န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:28

တၢ်အံၤမၤအသးဖဲကီၢ်ယူဒၤအစီၤပၤအၤစါပၢတၢ်သၢနံၣ်တနံၣ် အပူၤန့ၣ်လီၤ. ဒီးလၢတၢ်န့ၣ်အဃိစီၤဘါၡၤကဲထီၣ်ကီၢ်အံၣ်စရ့လး အစီၤပၤလၢစီၤနၤဒးအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:10

စီၤစံၣ်ရံၤဟဲနုာ်လီၤဆူဟံၣ်ပူၤဒီးမၤသံကွံာ်စီၤအ့လၤ ဒီးကဲထီၣ်စီၤပၤလၢအလီၢ်န့ၣ်လီၤ. တၢ်အံၤမၤအသးဖဲကီၢ်ယူဒၤအစီၤပၤအၤစါပၢတၢ်ခံဆံနွံနံၣ် တနံၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:15

လၢကီၢ်ယူဒၤအစီၤပၤအၤစါပၢတၢ်ခံဆံနွံနံၣ်တနံၣ်အပူၤ န့ၣ်, စီၤစံၣ်ရံၤပၢတၢ်လၢဝ့ၢ်တံးရစၢ်အပူၤလၢကီၢ်အံၣ်စရ့လးအဖီ ခိၣ်နွံသီန့ၣ်လီၤ. ပှၤအံၣ်စရ့လးအသုးဖိတဖၣ်မၤန့ၢ်ဝ့ၢ်ကံးဘသိၣ်လၢအအိၣ်လၢကီၢ် ဖလ့ၡသးအပူၤ,

လံာ်စီၤပၤအခီၣ်ထံးတဘ့ၣ် 16:16

ဒီးဖဲန့ၣ်တုၤအဝဲသ့ၣ်နၢ်ဟူဘၣ်ဝဲလၢစီၤစံၣ်ရံၤကူၣ်ထီၣ်တၢ် အၢထီဒါစီၤပၤဒီးမၤသံကွံာ်အီၤန့ၣ်, အဝဲသ့ၣ်ခဲလၢာ်တဲဖျါဘိးဘၣ်သ့ၣ်ညါထီၣ်, အသုးခိၣ်ဖးဒိၣ်စီၤ ဧိၣ်ရံၤဒ်စီၤပၤလၢကီၢ်အံၣ်စရ့လးအဖီခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:17

စီၤဧိၣ်ရံၤဒီးအသုးဖိတဖၣ်ဟးထီၣ်လၢဝ့ၢ်ကံးဘသိၣ်ဒီးလဲၤ ကဝီၤဒုးဝ့ၢ်တံးရစၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:7

ယွၤအတၢ်ကစီၣ်လၢအကတိၤထီဒါစီၤဘါၡၤဒီးအပှၤဟံၣ်ဖိ ဃီဖိန့ၣ်ဘၣ်တၢ်ဟ့ၣ်လီၤအီၤလၢဝံယ့ၤဟူ, မ့ၢ်လၢစီၤဘါၡၤမၤတ့ၢ်တၢ်ဒဲးဘးထီဒါယွၤအဃိန့ၣ်လီၤ. အဝဲထိၣ်ဂဲၤထီၣ်ယွၤအတၢ်သးဒိၣ်တမ့ၢ်ထဲလၢတၢ်အၢတၢ်သီလၢအမၤ တ့ၢ်ဝဲဒ်စီၤပၤယၤရၤဘၣ်လၢအဝဲအမဲာ်ညါမၤတ့ၢ်ဝဲအသိးအဃိန့ၣ် ဘၣ်. မ့မ့ၢ်, မ့ၢ်စ့ၢ်ကီးလၢအဝဲမၤသံကွံာ်ကယဲၢ်စီၤယၤရၤဘၣ်အပှၤ ဟံၣ်ဖိဃီဖိခဲလၢာ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:9

စီၤစံၣ်ရံၤ, ပှၤကွၢ်ထွဲစီၤပၤအလ့ၣ်ကဟၣ်တဖၣ်ခံပူတပူ, လၢအမ့ၢ်စီၤပၤအသုးခိၣ်တဖၣ်အကျါတဂၤကူၣ်တၢ်အၢထီဒါစီၤပၤ န့ၣ်လီၤ. ဘၣ်မုၢ်တနံၤလၢဝ့ၢ်တံးရစၢ်အပူၤန့ၣ်, စီၤအ့လၤအီမူၤသံးဖဲစီၤအၢ်စၤလၢအမ့ၢ်ပှၤကွၢ်ထွဲနီတဂၤ အဟံၣ်ပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:20

စီၤပၤယိၤအၣ်အသုးခိၣ်သုးနၢ်တဖၣ်ကူၣ်ထီၣ်ထီဒါအီၤ, ဒီးလၢအကျါခံဂၤလၢအမ့ၢ်နီၢ်ၡံမဧးအဖိခွါစီၤယိၤစၤကၢ် ဒီးနီၢ်ၡိမ့ၢ်အဖိခွါစီၤယဟိစဘးန့ၣ်, မၤသံကွံာ်အီၤဖဲဟံၣ်တဖျၢၣ်လၢအဘၣ်တၢ်ဘှီထီၣ်အီၤလၢဟီၣ်ခိၣ် လၢအဘၣ်တၢ်မၤပှဲၤအီၤအဖီခိၣ်လၢအအိၣ်ဖဲဝ့ၢ်ယရူၤၡလ့ၣ်အမုၢ် ထီၣ်, ကျဲလဲၤလီၤဆူဝ့ၢ်စံးလၤအဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 12:21

စီၤယိၤအၣ်ဘၣ်တၢ်ခူၣ်လီၤကွံာ်အီၤဖဲစီၤပၤအတၢ်သွၣ်ခိၣ်လၢ စီၤဒၤဝံးအဝ့ၢ်ပူၤဒီးအဖိခွါစီၤအမၤစယါကဲထီၣ်စီၤပၤလၢ အလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:14

အန့ၣ်ဝံၤဒီး, စီၤယ့ၤဟူကူၣ်တၢ်အၢထီဒါစီၤပၤယဟိရၣ်, လၢအအိၣ်ဝဲလၢဝ့ၢ်ယံးစရ့လးအပူၤ, တၢ်လီၢ်ဖဲအဝဲလဲၤတ့ၢ်ဒ်သိးကမၤဘျါက့ၤအတၢ်ပူၤလီၢ်ပူၤကျဲ လၢမၤန့ၢ်တ့ၢ်ဝဲလၢတၢ်ဒုးအပူၤဖဲဝ့ၢ်ရၤမိးဖဲတၢ်ဒုးထီ ဒါကီၢ်စူၤရံအစီၤပၤဃစ့လးအခါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:25

အဝဲဘၣ်ဒိဆါဆါကလဲာ်ဒီးဖဲအဒုၣ်အဒါဂုၤက့ၤဆူအလီၢ်ခံန့ၣ်, အပဒိၣ်တဖၣ်အကျါခံဂၤကူၣ်ထီၣ်တၢ်အၢထီဒါအီၤဒီးမၤသံကွံာ် အီၤလၢအလီၢ်မံပူၤလၢတၢ်ဟ့ၣ်ကၣ်က့ၤအဝဲအတၢ်မၤသံ ပှၤလုၢ်တၢ်အခိၣ်စီၤယဟိယဒါအဖိခွါအဂီၢ်န့ၣ်လီၤ. အဝဲဘၣ်တၢ်ခူၣ်လီၤကွံာ်အီၤလၢစီၤဒၤဝံးအဝ့ၢ်ပူၤဘၣ်ဆၣ်, တမ့ၢ်ဘၣ်လၢစီၤပၤအတၢ်သွၣ်ခိၣ်တဖၣ်အပူၤန့ၣ်ဘၣ်.

လံာ်စီၤယိၤၡူ 19:44

အ့လတက့ၤ, ကံးဘသိၣ်, ဘဧၤလဲး,

လံာ်စီၤယိၤၡူ 21:23

ဒီးလၢဒၣ်အကီၢ်တခီ, အဝဲသ့ၣ်ဘၣ်တၢ်ဟ့ၣ်လီၤအီၤလၢဝ့ၢ်လွံၢ်ဖျၢၣ်လၢအမ့ၢ်ဝဲအ့လတက့ၤ, ကံးဘသိၣ်,