လံာ်စီၤပၤအခီၣ်ထံးတဘ့ၣ် 15:23 - Sgaw Karen Common Bible

²³ ကယဲၢ်တၢ်အိၣ်လီၤတဲာ်တမံၤလၢ်လၢ်လၢစီၤပၤအၤစါမၤတ့ၢ်ဝဲ, အတၢ်သးဒူအတၢ်မၤတဖၣ်ဒီးဝ့ၢ်တဖၣ်လၢအဝဲမၤကျၢၤထီၣ်က့ၤဝဲ အတိာ်ဧိၤတာ်ဧိၤအဂ့ၢ်ခဲလၢာ်န့ၣ်, ဘၣ်တၢ်ကွဲးနီၣ်ကွဲးဃါအီၤလၢကီၢ်ယူဒၤအစီၤပၤတဖၣ်အတၢ်စံၣ် စိၤတဲစိၤအပူၤန့ၣ်လီၤ. ဘၣ်ဆၣ်လၢအဝဲအတၢ်သးပှၢ်အကတီၢ်န့ၣ်, အဝဲဟးတသ့ဘၣ်လၢအခီၣ်အတၢ်ဆါတမံၤအဃိလီၤ.

လံာ်စီၤပၤအခီၣ်ထံးတဘ့ၣ် 15:23 Iomraidhean Croise

လံာ်စီၤပၤအခီၣ်ထံးတဘ့ၣ် 14:19

ကယဲၢ်တၢ်တမံၤလၢ်လၢ်လၢစီၤပၤယၤရၤဘၣ်မၤတ့ၢ်ဝဲ, တၢ်ဒုးတဖၣ်လၢအဒုးတ့ၢ်ဝဲ, ဒီးအဝဲပၢတ့ၢ်တၢ်ဒ်လဲၣ်န့ၣ်, ခဲလၢာ်ဘၣ်တၢ်ကွဲးနီၣ်ကွဲးဃါအီၤလၢကီၢ်အံၣ်စရ့လးအစီၤပၤ တဖၣ်အတၢ်စံၣ်စိၤတဲစိၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:14

တုၤနုၤတစု, အဝဲသ့ၣ်မၤဟးဂီၤကွံာ်ဝ့ၢ်တဖၣ်လၢအအိၣ်ဝးတရံး ဝ့ၢ်ကရၢ်သ့ဝဲ, မ့ၢ်လၢပှၤဂီၢ်မုၢ်ဖဲန့ၣ်တဖၣ်ဘၣ်တၢ်မၤပျံၤမၤဖုးအီၤလၢယွၤ အဃိန့ၣ်လီၤ. သုးမုၢ်ဂုာ်ဆူၣ်ပျိဆူၣ်ကွံာ်ကယဲၢ်ဝ့ၢ်ဒီးမၤန့ၢ်ဘၣ်တၢ်ဂုာ် န့ၢ်အါအါကလဲာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:7

အဝဲတဲဘၣ်ကီၢ်ယူဒၤအပှၤဂီၢ်မုၢ်, “မ်ပမၤဂၢၢ်ထီၣ်ကျၢၤထီၣ် ပဝ့ၢ်တဖၣ်ခီဖျိတၢ်သူၣ်ထီၣ်တၢ်ဒူၣ်တဖၣ်ဒီးတၢးခီခၢၣ်သနၢၣ်တ ဖၣ်, တြဲၤဖးဒိၣ်တဖၣ်လၢဘၣ်တၢ်ကးတံၢ်အီၤဒီးဂိာ်တံၢ်ဃာ်အီၤလၢထး ဖျၢၣ်သ့ဝဲန့ၣ်တက့ၢ်. ပမၤန့ၢ်လံထံဧိၤကီၢ်ဧိၤမ့ၢ်လၢပမၤတ့ၢ်ယွၤ, ပကစၢ်ယွၤအတၢ်ဘၣ်အသးအဃိန့ၣ်လီၤ. အဝဲဒီဒၣ်အိၣ်ပှိၤပှၤဒီး ဟ့ၣ်ပှၤတၢ်ဘံၣ်တၢ်ဘၢလၢတၢ်ကိးကပၤဒဲးအပူၤန့ၣ်လီၤ.” ဒီးလၢတၢ်န့ၣ်အဃိအဝဲသ့ၣ်သူၣ်ထီၣ်ဘှီထီၣ်တၢ်ဒီးဘီၣ်ထီၣ်ညီ ထီၣ်ဝဲဒၣ်န့ၣ်လီၤ.

စံးထီၣ်ပတြၢၤ 90:10

ပနံၣ်တဖၣ်အမုၢ်နံၤန့ၣ်မ့ၢ်အနံၣ်နွံဆံလီၤ. ဒီးလၢတၢ်ဂံၢ်တၢ်ဘါအဃိန့ၣ် မ့ၢ်အိၣ်ဝဲဃိးဆံဘၣ်ဆၣ်ဒီး, ဟဲစိာ်န့ၢ်ဒၣ်ပှၤတၢ်ကိၢ်တၢ်ဂီၤ ဒီးတၢ်သူၣ်အုးသးအုးန့ၣ်လီၤ. တၢ်အိၣ်မူအံၤတစိၢ်ဖိဒီးလဲၤပူၤကွံာ်ဝဲ, ဒီးပယူၤထီၣ်ကွံာ်လီၤ.