လံာ်စီၤပၤအခီၣ်ထံးတဘ့ၣ် 15:22 - Sgaw Karen Common Bible

²² အန့ၣ်ဝံၤဒီး, စီၤပၤအၤစါဟ့ၣ်လီၤတၢ်ကလုၢ်တမံၤဆူ ကီၢ်ယူဒၤဒီဘ့ၣ်ညါ, ဃ့ဝဲပှၤခဲလၢာ်, ပှၤသုတအိၣ်လီၤတဲာ်နီ တဂၤတဂ့ၤ, လၢကမၤစၢၤတၢ်စိာ်ထီၣ်ကွံာ်လၢၢ်တဖၣ်ဒီးသ့ၣ်တဖၣ်လၢဝ့ၢ်ရၤမါ အပူၤလီၤ. တၢ်ပီးတၢ်လီတဖၣ်အံၤစီၤဘါၡၤသူတ့ၢ်အီၤလၢကမၤကျၢၤထီၣ် ဝ့ၢ်ရၤမါအတိာ်ဧိၤတာ်ဧိၤန့ၣ်လီၤ. စီၤအၤစါသူတၢ်ပီးတၢ်လီတဖၣ်လၢကမၤကျၢၤထီၣ်ဝ့ၢ်မံးစပၤ အတိာ်ဧိၤတာ်ဧိၤဒီးဝ့ၢ်က့ဘၤ, ဝ့ၢ်တဖျၢၣ်လၢအအိၣ်လၢကီၢ်ဘံၣ်ယၤမံၣ်အလီၢ်ကဝီၤ, အတိာ်ဧိၤတာ်ဧိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:22 Iomraidhean Croise

လံာ်စီၤပၤအခီၣ်ထံးတဘ့ၣ် 15:17

စီၤဘါၡၤ, လဲၤနုာ်ဒုးကီၢ်ယူဒၤ, ဒီးစးထီၣ်မၤကျၢၤထီၣ်ဝ့ၢ် ရၤမါအတိာ်အတာ်, လၢကဒီၣ်တဲာ်ကွံာ်တၢ်လဲၤထီၣ်က့ၤလီၤ, လၢတၢ်လဲၤနုာ်ဒီးဟးထီၣ်လၢကီၢ်ယူဒၤအပူၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:8

ပှၤလုၢ်တၢ်အခိၣ်တဖၣ်လၢအအိၣ်ဝဲလၢကီၢ်ယူဒၤအဝ့ၢ်တဖၣ်အပူၤ န့ၣ်, အဝဲဟဲကိးဝဲဆူဝ့ၢ်ယရူၤၡလ့ၣ်, ဒီးလၢကီၢ်ဒီဘ့ၣ်ညါန့ၣ် အဝဲမၤဘၣ်အၢတၢ်လုၢ်လီၢ်တဖၣ်ဖဲအဝဲသ့ၣ်လုၢ်ထီၣ်တ့ၢ်တၢ်လုၢ်တၢ် ပာ်တဖၣ်န့ၣ်လီၤ. အဝဲမၤလီၤပှီၢ်ကွံာ်စ့ၢ်ကီးတၢ်လုၢ်လီၢ်လၢအဘၣ်တၢ်ပာ်စီဆှံ ထီၣ်အီၤဆူမဲာ်တဲးလဲးတၢ်ဝံတၢ်နါလၢအအိၣ်ဘူးဒီးတြဲၤလၢ အဘၣ်တၢ်ဘှီအီၤလၢဝ့ၢ်အပဒိၣ်စီၤဟိၤၡ့လၢအအိၣ်ဝဲဖဲတၢ်လဲၤ နုာ်ဆူဝ့ၢ်အတြဲၤဖးဒိၣ်အစုစ့ၣ်တခီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:6

အန့ၣ်ဒီးစီၤပၤအၤစါကိးဖှိၣ်ပှၤတဖၣ်လၢကီၢ်ယူဒၤဒီတဘ့ၣ် ညါ, ဒီးမၢအစိာ်ထီၣ်ကွံာ်လၢၢ်တဖၣ်ဒီးသ့ၣ်တဖၣ်လၢစီၤဘါၡၤသူတ့ၢ် ဝဲဖဲဝ့ၢ်ရၤမါ, ဒီးအဝဲသ့ၣ်သူက့ၤဝဲလၢတၢ်မၤဂၢၢ်မၤကျၢၤက့ၤ ဝ့ၢ်က့ဘၢ်ဒီးဝ့ၢ်မံးစပၤအတိာ်ဧိၤတာ်ဧိၤအဂီၢ်န့ၣ်လီၤ.

လံာ်ယံးရမံယၤ 40:10

ယကစၢ်ဒၣ်ယဲယကအိၣ်ဖဲဝ့ၢ်မံးစပၤဒီးကဲထီၣ်သုခၢၣ်စးဖဲ ပှၤဘၤဘူၤလိၣ်ဖိတဖၣ်ဟဲဖဲအံၤန့ၣ်လီၤ. ဘၣ်ဆၣ်ဒီး, သုထၢဖှိၣ်ဒီးပာ်ဖှိၣ်ပာ်တံၤစပံးထံ, တၤသူတၤသၣ်ဒီးသ့ၣ်စၤယံးအသိ, ဒီးအိၣ်ဖဲဒူသဝီတဖၣ်လၢသုမၤန့ၢ်အီၤအပူၤသ့ဝဲလီၤ.”

လံာ်ယံးရမံယၤ 40:6

ယလဲၤဒီးအိၣ်လၢစီၤကဒါလယၤအသကိးလၢဝ့ၢ်မံးစပၤအပူၤဒီး အိၣ်လၢပှၤဂီၢ်မုၢ်လၢအအိၣ်လီၤတဲာ်လၢကီၢ်ပူၤအကျါန့ၣ်လီၤ.

လံာ်ယံးရမံယၤ 41:9

ထံပူၤလၢ စီၤယံးၡမၤအ့လးကွံာ်နုာ်ပှၤလၢအဝဲမၤသံကွံာ်ဝဲတဖၣ် အစိၣ်န့ၣ်, မ့ၢ်ထံပူၤဖးဒိၣ်တပူၤလၢ စီၤပၤအၤစါခူၣ်တ့ၢ်ဝဲဖဲအဝဲ ဘၣ်တၢ်ဒုးအီၤလၢ ကီၢ်အံၣ်စရ့လးအစီၤပၤဘါၡၤအခါန့ၣ်လီၤ. စီၤယံးၡမၤအ့လးမၤပှဲၤထံပူၤန့ၣ်လၢ ပှၤအစိၣ်တဖၣ်န့ၣ်လီၤ.

လံာ်စကၤရယၤ 14:10

လီၢ်ကဝီၤဒီတကဝီၤညါ, စးထီၣ်လၢဝ့ၢ်က့ဘၢ်လၢကလံၤစိး, ပၢၢ်လၢဝ့ၢ်ရံးမိၣ်လၢကလံၤထံးန့ၣ်ကဘၣ်တၢ်မၤပၢၤအီၤလီၤ. ဝ့ၢ်ယရူၤၡလ့ၣ်ကအိၣ်ထီၣ်ထီလၢတၢ်လီၢ်လၢအအိၣ်ဝးတရံးအီၤ တဖၣ်အဖီခိၣ်န့ၣ်လီၤ. ဝ့ၢ်န့ၣ်အိၣ်သူၣ်လီၤဒၣ်အသးဖဲအလီၢ်လီၢ်စးထီၣ်လၢဘံၣ် ယၤမံၣ်အတြဲၤဒီးတုၤဆူဝ့ၢ်သနၢၣ်အတြဲၤ, လၢအမ့ၢ်တြဲၤလၢအအိၣ်ပာ်တ့ၢ်လၢပျၢၤ, ဒီးစးထီၣ်လၢတၢးထီဃနၤန့လးဒီးတုၤဆူစီၤပၤအနီၣ်စံၣ် စပံးထံတဖၣ်အလီၢ်န့ၣ်လီၤ.

လံာ်စီၤယိၤၡူ 18:24

ကဖၢ်ဧမိနဲ, ဧိးဖနံၤ, ဒီးက့ဘၤလီၤ. မ့ၢ်ဝ့ၢ်တဆံခံဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ် န့ၣ်လီၤ.

လံာ်စီၤယိၤၡူ 21:17

ဒီးလၢဘံၣ်ယၤမံၣ်အဒူၣ်အကျါ, အဝဲသ့ၣ်ဘၣ်တၢ်ဟ့ၣ်လီၤအီၤဝ့ၢ်လွံၢ်ဖျၢၣ်လၢအမ့ၢ်ဝဲကံးဘိၣ်, က့ဘၤ,

လံာ်စီၤၡမူၤအ့လးအခီၣ်ထံးတဘ့ၣ် 7:5

တုၤနုၤတစုစီၤၡမူၤအ့လးမၤလိာ်ကယဲၢ်ပှၤအံၣ်စရ့လးဖိတဖၣ် လၢကထံၣ်လိာ်သးဖဲဝ့ၢ်မံးစပၤန့ၣ်, ဒီးစံးဘၣ်အဝဲသ့ၣ်, “ယကဘါထုကဖၣ်တၢ်ဆူယွၤအအိၣ်လၢသုဂီၢ်ဖဲန့ၣ်လီၤ.”