လံာ်စီၤပၤအခီၣ်ထံးတဘ့ၣ် 15:18 - Sgaw Karen Common Bible

¹⁸ လၢတၢ်န့ၣ်အဃိစီၤအၤစါဟံးထီၣ်ကယဲၢ်စ့ဒီးထူလၢအအိၣ်လီၤ တဲာ်လၢယွၤအတၢ်လုၢ်ဟံၣ်အပူၤဒီးနီအပူၤ, ဒီးဆှၢလီၤဝဲဆူဒၤမ့ၤစ့း, ဆူကီၢ်စူၤရံအစီၤပၤဘ့ၣ် ဟဒးအအိၣ်ခီဖျိပဒိၣ်ပပှၢ်တနီၤဃုာ်ဒီးတၢ်ကစီၣ်အံၤန့ၣ်လီၤ. စီၤပၤဘ့ၤဟဒးမ့ၢ်စီၤတၤဘြံမိၣ်အဖိခွါ, ဒီးစီၤဃ့စိၣ်အလံၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:18 Iomraidhean Croise

လံာ်တၢ်ကဲထီၣ်အခီၣ်ထံး 14:15

ဒီးဖဲန့ၣ်အဝဲနီၤဖးလီၤဝဲအပှၤဒုးသုးဖိသ့ၣ်တဖၣ်ဆူကရူၢ် ဖိတဖၣ်ဒီးဒုးအဒုၣ်အဒါသ့ၣ်တဖၣ်ဖဲမုၢ်နၤအကတီၢ်ဒီးမၤနၢၤ ကွံာ်ဝဲဒၣ်န့ၣ်လီၤ. အဝဲလူၤထွဲအဝဲသ့ၣ်တုၤဆူဝ့ၢ်ဃိဘၤလၢအအိၣ်လၢဝ့ၢ်ဒၤမ့း စ့းအကလံၤစိးတခီန့ၣ်လီၤ.

လံာ်တၢ်ကဲထီၣ်အခီၣ်ထံး 15:2

ဘၣ်ဆၣ်စီၤအၤဘြၣ်စံးဆၢဝဲဒၣ်, “ယွၤပၢဘၣ်တၢ်ခဲလၢာ်ကစၢ်ဧၢ, နတၢ်ဟ့ၣ်ဘျုးကမၤဂ့ၤယၤမနုၤတမံၤလဲၣ်. အဂ့ၢ်ဒ်အံၤ, ယဖိတအိၣ်နီတဂၤဘၣ်. ပှၤလၢကန့ၢ်သါတၢ်ဘၣ်ဃးဒီး ယၤန့ၣ်မ့ၢ်ဒၣ်ပှၤဝ့ၢ်ဒၤမ့ၤစ့းဖိစီၤအလံၤဧ့စ့ၢ်တဂၤဧိၤ န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:26

အဝဲဟံးန့ၢ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်ခဲလၢာ်လၢယွၤအတၢ် လုၢ်ဟံၣ်ပူၤဒီးလၢနီအပူၤဃုာ်ဒီးကတီၤထူတဖၣ်လၢစီၤၡလိၤ မိၤမၤတ့ၢ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:15

ကယဲၢ်တၢ်ပီးတၢ်လီလၢအပၢ်ပာ်စီဆှံတ့ၢ်အီၤဆူကစၢ်ယွၤအအိၣ်, ဒီးဒ်န့ၣ်အသိးတၢ်ပီးတၢ်လီတဖၣ်လၢတၢ်မၤအီၤလၢထူဒီးစ့ လၢအဝဲအကစၢ်ဒၣ်ဝဲပာ်စီဆှံထီၣ်န့ၣ်, အဝဲဒၢနုာ်ဝဲဆူယွၤအတၢ်လုၢ်ဟံၣ်အပူၤခဲလၢာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 12:17

ဖဲအဆၢကတီၢ်န့ၣ်ကီၢ်စူၤရံအစီၤပၤဃစ့လးလဲၤထီၣ်ဒုးဝ့ၢ်ကၤ သးဒီးမၤန့ၢ်အီၤန့ၣ်လီၤ. အန့ၣ်ဝံၤဒီးအဝဲပာ်လီၤအသးလၢကလဲၤထီၣ်ဒုးဝ့ၢ်ယရူၤၡလ့ၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 12:18

ကီၢ်ယူဒၤအစီၤပၤယိၤအၣ်ဟံးန့ၢ်ကယဲၢ်တၢ်မၤဘူၣ်ခဲလၢာ်လၢပှၤ လၢအမဲာ်ညါတဖၣ်လၢအမ့ၢ်စီၤယဟိၡၤဖး, စီၤယဟိရၣ်ဒီးစီၤအဃၤစယၤလုၢ်ထီၣ်တ့ၢ်ဝဲဆူယွၤအအိၣ်, ပာ်ဖှိၣ်အါထီၣ်ဃုာ်ဝဲဒီးအဝဲအနီၢ်ကစၢ်အတၢ်မၤဘူၣ်တဖၣ်ဒီး ကယဲၢ်ထူခဲလၢာ်အအိၣ်လၢတၢ်ပာ်ဖှိၣ်အလီၢ်လၢယွၤအတၢ်လုၢ်ဟံၣ် အပူၤဒီးနူၢ်ဧိၤစီၤဧိၤအပူၤဒီးဆှၢလီၤဝဲခဲလၢာ်ဒ်တၢ်ဟ့ၣ် အသိးဆူစီၤပၤဃစ့လးအအိၣ်, ဒီးအန့ၣ်တစုဟးထီၣ်ကွံာ်ဒီးအသုးမုၢ်ယံၤဒီးဝ့ၢ်ယရူၤၡလ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 12:19

ကယဲၢ်တၢ်အဂၤတမံၤလၢ်လၢ်လၢစီၤပၤယိၤအၣ်မၤတ့ၢ်ဝဲန့ၣ်, ဘၣ်တၢ်ကွဲးနီၣ်အီၤလၢကီၢ်ယူဒၤအစီၤပၤတဖၣ်အလံာ်တၢ်စံၣ်စိၤ တဲစိၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:18

ကယဲၢ်တၢ်အဃၢၤအဃိာ်ခဲလၢာ်လၢအပၢ်စီၤအဘံယၤပာ်စီဆှံ တ့ၢ်ဝဲဆူကစၢ်ယွၤအအိၣ်န့ၣ်, အဝဲပာ်ဝဲလၢယွၤအတၢ်လုၢ်ဟံၣ်အ ပူၤ, ဃုာ်ဒီးတၢ်အဃၢၤအဃိၢ်ထူဒီးစ့တဖၣ်လၢအဝဲအကစၢ်ဒၣ်ဝဲ ပာ်စီဆှံတ့ၢ်အီၤန့ၣ်လီၤ.

လံာ်ယံးရမံယၤ 49:27

ယကဒွဲၣ်အူကွံာ်ဝ့ၢ်ဒၤမ့ၤစ့းအဝ့ၢ်ခိၣ်ဒူတဖၣ်လၢ မ့ၣ်အူ, ဒီးဒွဲၣ်ကွံာ်စီၤပၤဘ့ၣ်ဟဒးအနူၢ်တဖၣ်လီၤ. ယၤ, ယွၤ, ယွၤသ့တၢ်လၢာ်, ကတိၤလံတၢ်လံ.”

လံာ်ဧၤမိၣ် 1:4

မၤသးဒ်န့ၣ်ဒီးယဆှၢလီၤမ့ၣ်အူဆူနီလၢအဘၣ်တၢ်ဘှီအီၤလၢ စီၤပၤဃစ့လးအဖီခိၣ်ဒီးယကဒွဲၣ်အူကွံာ်စီၤပၤဘ့ၣ်ဟဒး အတိာ်ဧိၤတာ်ဧိၤတဖၣ်န့ၣ်လီၤ.