လံာ်စီၤပၤအခီၣ်ထံးတဘ့ၣ် 14:6 - Sgaw Karen Common Bible

⁶ ဘၣ်ဆၣ်ဖဲစီၤအဃံယၤနၢ်ဟူအဝဲဟဲနုာ်လၢတြဲၤန့ၣ်, အဝဲစံးဝဲ, “ဟဲနုာ်တက့ၢ်. ယသ့ၣ်ညါလၢနမ့ၢ်စီၤယၤရၤဘၣ်အမါန့ၣ်လီၤ. ဘၣ်မနုၤလၢနပာ်မၤနသးဒ်နမ့ၢ်ပှၤအဂၤတဂၤန့ၣ်လဲၣ်. ယအိၣ်ဒီးတၢ်ကစီၣ်အအၢလၢနဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:6 Iomraidhean Croise

လံာ်စီၤပၤအခီၣ်ထံးတဘ့ၣ် 14:2

စီၤယၤရၤဘၣ်စံးဘၣ်အမါ, “ပျိာ်လီၤဆီနသးဒ်သိးပှၤသု တသ့ၣ်ညါနီၣ်နၤနီတဂၤတဂ့ၤ, ဒီးလဲၤဖဲဝ့ၢ်ၡံလိၤဖဲဝံအဃံ ယၤ, အိၣ်ဆိးဝဲန့ၣ်တက့ၢ်. အဝဲမ့ၢ်ပှၤတဂၤလၢအစံးတ့ၢ်လၢယကကဲ ထီၣ်ဘၣ်ကီၢ်အံၣ်စရ့လးအစီၤပၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:5

ယွၤစံးဘၣ်တ့ၢ်အီၤလၢစီၤယၤရၤဘၣ်အမါဟဲလံဝဲလၢကသံကွၢ် အီၤဘၣ်ဃးဒီးအဖိခွါလၢအဆါအဂ့ၢ်န့ၣ်လီၤ. ဒီးယွၤတဲဘၣ်တ့ၢ်စီၤအဃံယၤလၢတၢ်လၢကဘၣ်စံးဝဲန့ၣ်လီၤ. ဖဲစီၤယၤရၤဘၣ်အမါဟဲတုၤဝဲန့ၣ်အဝဲပာ်မၤအသးဒ်အမ့ၢ်ပှၤ အဂၤတဂၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:7

လဲၤဒီးတဲဘၣ်စီၤယၤရၤဘၣ်လၢတၢ်အံၤမ့ၢ်တၢ်လၢယွၤ, အံၣ်စရ့လးအကစၢ်ယွၤစံးဘၣ်အီၤန့ၣ်တက့ၢ်. ယဃုထၢတ့ၢ်လံနၤလၢပှၤဂီၢ်မုၢ်အကျါဒီးဒုးကဲထီၣ်နၤလၢပှၤ ပၢဘၣ်ယပှၤဂီၢ်မုၢ်အံၣ်စရ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:42

အန့ၣ်ဒီး, ဝံန့ၣ်စံးဘၣ်စီၤပၤ, “အအံၤမ့ၢ်ယွၤအတၢ်ကတိၤန့ၣ် လီၤ. မ့ၢ်လၢနပျဲပူၤဖျဲးကွံာ်ပှၤတဂၤလၢယမၤလိာ်လၢကဘၣ်တၢ်မၤသံ ကွံာ်အီၤအသးသမူအဃိန့ၣ်, နကဘၣ်ဟ့ၣ်က့ၤတၢ်အံၤအပှ့ၤလၢနသးသမူဒၣ်နဲ, ဒီးနသုးမုၢ်ကဘၣ်တၢ်မၤဟးဂီၤကွံာ်အီၤလၢနပျဲအဝဲအသုးမုၢ် ပူၤဖျဲးကွံာ်အဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:8

စီၤအၤဃာ်စံးဆၢဝဲ, “ဝံအိၣ်ဒံးဝဲတဂၤ, လၢအမ့ၢ်စီၤယံးမလၤအဖိခွါစီၤမံၤကါယၤန့ၣ်လီၤ. ဘၣ်ဆၣ်ယသးဟ့အီၤ, မ့ၢ်လၢအဝဲတကတိၤတၢ်လၢဝံအကျိာ်အဂ့ၤနီ တမံၤလၢယဂီၢ်ဘၣ်. မ့မ့ၢ်, ထီဘိမ့ၢ်ထဲတၢ်အၢတမံၤမံၤအဃိန့ၣ်လီၤ.” စီၤယဟိၡၤဖးစံးဆၢဝဲ, “နတကြၢးစံးကတိၤတၢ်ဒ်န့ၣ်ဘၣ်.”

လံာ်စီၤယိၤဘး 5:13

ကစၢ်ယွၤဖီၣ်န့ၢ်ပှၤလီတၢ်ဖိလၢအဝဲသ့ၣ်အတၢ်ကူၣ်လီတၢ်အကျဲ ဒၣ်ဝဲဒီးပှၤလီတၢ်အတၢ်ကူၣ်တၢ်ကျဲၤတဖၣ်န့ၣ်မၤကတၢၢ်ကွံာ် ဝဲချ့သဒံးန့ၣ်လီၤ.

စံးထီၣ်ပတြၢၤ 33:10

ယွၤမၤဟးဂီၤပှၤကလုာ်အဂၤတဖၣ် အတၢ်ကူၣ်ထီၣ်ဖးလီၤ, မၤတံာ်တာ်အတၢ်ပာ်လီၤအသးတဖၣ်န့ၣ်လီၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်မၢ်ကူး 14:21

ပှၤကညီဖိခွါအံၤကဘၣ်လဲၤဝဲဆူတၢ်မၤသံအလီၢ်ဒ်တၢ်ကွဲး အသးစီဆှံစံးဝဲအသိးလီၤ. ဘၣ်ဆၣ်ဒီးပှၤလၢအဟ့ၣ်လီၤပှၤကညီဖိခွါအံၤဆူဒုၣ်ဒါ အစုပူၤတဂၤန့ၣ်ကဘၣ်အဖှီၣ်လီၤ. ပှၤတဂၤန့ၣ်မ့ၢ်တအိၣ် ဖျဲၣ်ထီၣ်ဘၣ်ဒီးကမ့ၢ်တၢ်ဂ့ၤဒၣ်တၢ်တက့ၢ်လၢအဂီၢ်လီၤ.”

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:16

စီၤၡမူၤအ့လးထုထီၣ်အကလုၢ်ဒီးစံးဝဲ, “ဆိကတီၢ်တက့ၢ်. ဒီးယကတဲနၤတၢ်လၢယွၤစံးတ့ၢ်ယၤဖဲမနၤကၢာ်န့ၣ်လီၤ.” စီၤစီလူးစံးဝဲ, “တဲဘၣ်ယၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 15:26

စီၤၡမူၤအ့လးစံးဝဲ, “ယတက့ၤဒီးနၤဘၣ်. နသမၢတ့ၢ်ယွၤအတၢ်မၤလိာ်ဒီးအဝဲညိကွံာ်လံၤနၤဒ်ကီၢ်အံၣ်စရ့ လးအစီၤပၤလံ.”

လံာ်စီၤၡမူၤအ့လးအခီၣ်ထံးတဘ့ၣ် 28:18

နတစူၢ်ဘၣ်ယွၤအကလုၢ်ဒီးနတမၤဟးဂီၤတ့ၢ်ပှၤဧမၤလ့းဖိဒီး ကယဲၢ်တၢ်အိၣ်ဒီးအဝဲသ့ၣ်ခဲလၢာ်န့ၣ်ဘၣ်. တၢ်န့ၣ်မ့ၢ်တၢ်ဂ့ၢ်လၢယွၤမၤတၢ်အံၤလၢနၤလၢမုၢ်မဆါတမံၤအံၤလီၤ.