လံာ်စီၤပၤအခီၣ်ထံးတဘ့ၣ် 14:4 - Sgaw Karen Common Bible

⁴ လၢတၢ်န့ၣ်အဃိအဝဲလဲၤဆူစီၤအဃံယၤအဟံၣ်လၢအအိၣ်လၢဝ့ၢ်ၡံ လိၤအပူၤန့ၣ်လီၤ. တၢ်သးပှၢ်ထီၣ်မၤခံးလီၤအမဲာ်ချံဒီးစီၤအဃံယၤတထံၣ်ဘၣ်တၢ် ဘၣ်.

လံာ်စီၤပၤအခီၣ်ထံးတဘ့ၣ် 14:4 Iomraidhean Croise

လံာ်တၢ်ကဲထီၣ်အခီၣ်ထံး 27:1

ခဲအံၤ, စီၤအံၤစဲးန့ၣ်အသးပှၢ်ဝဲဒီးအမဲာ်တထံၣ်လၢၤဘၣ်တၢ် ဘၣ်. အဝဲမၢပှၤကိးန့ၢ်အဖိဝဲၢ်ကိစီၤဧ့ၡီၤဒီးစံးဘၣ်အီၤ, “ယဖိခွါဧၢ,” ဒီးစီၤဧ့ၡီၤစံးဆၢအီၤ, “မ့ၢ်, ယၤလီၤ.”

လံာ်တၢ်ကဲထီၣ်အခီၣ်ထံး 48:10

စီၤယၤကိာ်အမဲာ်ချံခံးလီၤလၢအသးပှၢ်တ့ၢ်အဃိ, ဒီးအဝဲထံၣ်တၢ်တသ့ဂ့ၤဂ့ၤလၢၤဘၣ်. စီၤယိၤသးဟဲကိးဖိသၣ်ပိာ်ခွါတဖၣ်ဆူအအိၣ်, ဒီးအဝဲဖိးဟုဃာ်ဒီးနၢမူအဝဲသ့ၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:29

ဘၣ်မုၢ်တနံၤဖဲစီၤယၤရၤဘၣ်ဟးထီၣ်လၢဝ့ၢ်ယရူၤၡလ့ၣ်န့ၣ်, ဝံအဃံယၤလၢဝ့ၢ်ၡံလိၤထံၣ်လိာ်အသးဒီးအီၤခီဂၤဂၤဖဲကျဲ လိၤလၢတၢ်ပျီပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:2

စီၤယၤရၤဘၣ်စံးဘၣ်အမါ, “ပျိာ်လီၤဆီနသးဒ်သိးပှၤသု တသ့ၣ်ညါနီၣ်နၤနီတဂၤတဂ့ၤ, ဒီးလဲၤဖဲဝ့ၢ်ၡံလိၤဖဲဝံအဃံ ယၤ, အိၣ်ဆိးဝဲန့ၣ်တက့ၢ်. အဝဲမ့ၢ်ပှၤတဂၤလၢအစံးတ့ၢ်လၢယကကဲ ထီၣ်ဘၣ်ကီၢ်အံၣ်စရ့လးအစီၤပၤန့ၣ်လီၤ.

စံးထီၣ်ပတြၢၤ 90:10

ပနံၣ်တဖၣ်အမုၢ်နံၤန့ၣ်မ့ၢ်အနံၣ်နွံဆံလီၤ. ဒီးလၢတၢ်ဂံၢ်တၢ်ဘါအဃိန့ၣ် မ့ၢ်အိၣ်ဝဲဃိးဆံဘၣ်ဆၣ်ဒီး, ဟဲစိာ်န့ၢ်ဒၣ်ပှၤတၢ်ကိၢ်တၢ်ဂီၤ ဒီးတၢ်သူၣ်အုးသးအုးန့ၣ်လီၤ. တၢ်အိၣ်မူအံၤတစိၢ်ဖိဒီးလဲၤပူၤကွံာ်ဝဲ, ဒီးပယူၤထီၣ်ကွံာ်လီၤ.

လံာ်ပှၤစံၣ်တဲၤတဲလီၤတၢ် 12:3

ဒီးနစုဒုၣ်စုတီၤလၢအဒီဒၣ်တ့ၢ်လံနၤတဖၣ်ကကနိးထီၣ်ဝဲ, ဒီးနခီၣ်လၢခဲအံၤအဂံၢ်ဆူၣ်တဖၣ်ကလီၤစၢ်ကွံာ်ဝဲ, နမဲတဖၣ်ကစှၤဝဲလၢနကအ့ၣ်အီၣ်တၢ်အီၣ်အဂီၢ်, ဒီးနမဲာ်ချံတဖၣ်ကယုာ်လီၤဝဲတုၤလၢနကထံၣ်တၢ်ဆှံဆှံအဂီၢ်,

လံာ်သိၣ်လီၤသီလီၤတၢ် 34:7

ဖဲစီၤမိၤၡ့သံန့ၣ်အသးအိၣ်ဝဲတကယၤခံဆံနံၣ်, ဒီးအဝဲအဂံၢ်ဆူၣ်ဘါဆူၣ်ဒံးဒၣ်ဒ်အညီနုၢ်အသိး, ဒီးအမဲာ်ချံအတၢ်ထံၣ်ဂ့ၤဒံးဝဲလီၤ.

လံာ်စီၤယိၤၡူ 18:1

ပှၤအံၣ်စရ့လးဖိတဖၣ်မၤနၢၤကီၢ်န့ၣ်ဝံၤဒီး, အဝဲသ့ၣ်ခဲလၢာ်ပာ်ဖှိၣ်အသးဖဲဝ့ၢ်ၡံလိၤ ဒီးသူၣ်ထီၣ်တၢ်ဘူၣ်ထီၣ်ဘါထီၣ်ယွၤအဒဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:2

ဘၣ်မုၢ်တနၤ, စီၤဧ့လံၤလၢခဲအံၤဘူးအမဲာ်တထံၣ်လၢၤတၢ်ဃၣ်ဃၣ် မံဝဲလၢအဒၢးဒၣ်ဝဲအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:15

(စီၤဧ့လံၤန့ၣ်ခဲအံၤအသးအိၣ်လံခွံဆံဃိးနံၣ်ဒီးအမဲာ်ချံဘူးကခံးလီၤ လၢာ်လၢာ်ဆ့ဆ့လံ.)