လံာ်စီၤပၤအခီၣ်ထံးတဘ့ၣ် 14:27 - Sgaw Karen Common Bible

²⁷ လၢတၢ်မၤပှဲၤက့ၤတၢ်သ့ၣ်တဖၣ်န့ၣ်အလီၢ်အဂီၢ်, စီၤပၤရဃၤဘၣ်မၤကတီၤတိၢ်ဘီတဖၣ်, ဒီးဟ့ၣ်လီၤအးလီၤဝဲဆူ ပဒိၣ်ပပှၢ်တဖၣ်လၢအအိၣ်မူအိၣ်ဒါလၢတၢ်ပၢၤနီအတြဲၤဖးဒိၣ်တ ဖၣ်, အစုပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:27 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:9

ဘၣ်ဆၣ်ဒီးစီၤအူၤရံယၤတက့ၤဆူအဟံၣ်ဘၣ်. အခိၣ်တလိာ်အဝဲမံသကိးဖဲစီၤပၤအနီအကျဲစၢၤဒီးစီၤပၤအပှၤပၢၤတၢ်တဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:1

တၢ်န့ၣ်အလီၢ်ခံ, စီၤအးဘၡါလိၣ်ကတဲာ်ကတီၤဝဲ, လ့ၣ်ကဟၣ်တဆိဒီးကသ့ၣ်တဖၣ်လၢအဂီၢ်ဒၣ်ဝဲဒီးပှၤသုးဖိအဂၤယဲၢ်ဆံ လဲၤတၢ်ဒီးအီၤဒီးကဟုကယာ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:1

အကတီၢ်ဖဲန့ၣ်, စီၤပၤယၤရၤဘၣ်အဖိခွါစီၤအဘံယၤဆါထီၣ်ဝဲ န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:28

တဘျီလၢ်လၢ်ဖဲစီၤပၤလဲၤနုာ်တ့ၢ်ဆူယွၤအတၢ်လုၢ်ဟံၣ်အပူၤ န့ၣ်, ပှၤပၢၤတၢ်ဖိတဖၣ်စိာ်ထီၣ်ကတီၤတဖၣ်န့ၣ်, ဝံၤဒီးပာ်ကဒါက့ၤဝဲလၢတၢ်ပၢၤတၢ်အဒၢးန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:5

ယွၤစံးဘၣ်တ့ၢ်အီၤလၢစီၤယၤရၤဘၣ်အမါဟဲလံဝဲလၢကသံကွၢ် အီၤဘၣ်ဃးဒီးအဖိခွါလၢအဆါအဂ့ၢ်န့ၣ်လီၤ. ဒီးယွၤတဲဘၣ်တ့ၢ်စီၤအဃံယၤလၢတၢ်လၢကဘၣ်စံးဝဲန့ၣ်လီၤ. ဖဲစီၤယၤရၤဘၣ်အမါဟဲတုၤဝဲန့ၣ်အဝဲပာ်မၤအသးဒ်အမ့ၢ်ပှၤ အဂၤတဂၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:46

ယွၤအတၢ်စိတၢ်ကမီၤလီၤဘၣ်လၢစီၤအ့ၤလံယၤအလိၤ. အဝဲဒၣ်ကံၢ်တူာ်ထီၣ်အကူအသိးဃံးဃံးလၢအယီၢ်ဒ့အလိၤဒီးဃ့ၢ် ဝဲလၢစီၤအၤဃာ်အမဲာ်ညါဒီတကျဲညါဆူဝ့ၢ်ယံးစရ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 11:19

ဝံၤဒီးအဝဲဒီးသုးခိၣ်သုးနၢ်တဖၣ်, ပှၤခိးစီၤပၤအသးသမူ တဖၣ်, ဒီးပှၤပၢၤနူၢ်ဧိၤစီၤဧိၤတဖၣ်လဲၤဃုာ်ဒီးကဟုကယာ်စီၤပၤလၢ ယွၤအတၢ်လုၢ်ဟံၣ်ဆူနူၢ်ဧိၤစီၤဧိၤဒီးပှၤဂီၢ်မုၢ်ခဲလၢာ်ပိာ်ထွဲ အခံန့ၣ်လီၤ. စီၤယိၤအၣ်လဲၤနုာ်ခီဖျိတၢ်ခိးတၢ်အတြဲၤဒီး ဟံးန့ၢ်အလီၢ်လၢစီၤပၤအလီၢ်ပစိာ်အဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:4

ဘၣ်ဆၣ်လၢနွံနံၣ်တနံၣ်အပူၤန့ၣ်, ပှၤလုၢ်တၢ်အခိၣ်စီၤယဟိယဒါ, မၤလိာ်သုးခိၣ်သုးနၢ်တဖၣ်လၢအအိၣ်မူအိၣ်ဒါ, လၢတၢ်ခိးစီၤပၤအသးသမူဒီးတၢ်ပၢၤနူၢ်ဧိၤစီၤဧိၤအဂီၢ်, ဒီးတဲဘၣ်အဝဲသ့ၣ်ဒ်သိးကဟဲဆူယွၤအတၢ်လုၢ်ဟံၣ်, ဖဲအဝဲမၢအဝဲသ့ၣ်မၤတၢ်ဆိၣ်ဒီးအီၤ, လၢကအၢၣ်လီၤထွဲ တၢ်လၢအဝဲကူၣ်ကျဲၤမၤဝဲန့ၣ်လီၤ. အဝဲဒုးနဲၣ်အဝဲသ့ၣ်စီၤပၤအဃၤစယၤအဖိခွါ, စီၤယိၤအၣ်

လံာ်စီၤၡမူၤအ့လးအခီၣ်ထံးတဘ့ၣ် 22:17

အန့ၣ်ဝံၤဒီးစီၤစီလူးစံးဘၣ်ပှၤပၢၤအသးသမူတဖၣ်လၢအဆၢထၢၣ် ဖဲအဃၢၤန့ၣ်, “မၤသံကွံာ်ယွၤအပှၤလုၢ်တၢ်အခိၣ်တဖၣ်တက့ၢ်. အဝဲသ့ၣ်ကူၣ်ထီၣ်ဖးလီၤသကိးတၢ်အၢတမံၤဃီဒီးစီၤဒၤဝံးဒီး သ့ၣ်ညါဝဲတၢ်ဂ့ၢ်ခဲလၢာ်ဘၣ်ဆၣ်ဒီး တတဲဘၣ်ယၤလၢအဝဲထွးထီၣ်ဃ့ၢ် အဂ့ၢ်န့ၣ်ဘၣ်.” ဘၣ်ဆၣ်ဒီးပှၤပၢၤအသးသမူတဖၣ် ဂ့ၢ်လိာ်ဝဲလၢကယူာ်ထီၣ်အစုဒ်သိးကမၤသံ ယွၤအပှၤလုၢ်တၢ်အခိၣ်တဖၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:11

စီၤၡမူၤအ့လးစံးဝဲ, “အအံၤမ့ၢ်တၢ်လၢသုစီၤပၤကမၤဘၣ်သု န့ၣ်လီၤ. အဝဲကဒုးကဲထီၣ်သုဖိခွါတဖၣ်လၢအသုးဖိတဖၣ်, တနီၤကမၤတၢ်လၢအဝဲအလ့ၣ်ကဟၣ်ဒုးသုးတဖၣ်အဂီၢ်ဒီးပှၤအဂၤတဖၣ် ကဃ့ၢ်လၢအဝဲအလ့ၣ်ကဟၣ်ဒုးသုးတဖၣ်အမဲာ်ညါလီၤ.