လံာ်စီၤပၤအခီၣ်ထံးတဘ့ၣ် 14:21 - Sgaw Karen Common Bible

²¹ စီၤၡလိၤမိၤအဖိခွါစီၤရဃၤဘၣ်ကဲထီၣ်ကီၢ်ယူဒၤအစီၤပၤဖဲ အသးအိၣ်လွံၢ်ဆံတနံၣ်, ဒီးအဝဲပၢတၢ်တဆံနွံနံၣ်လၢဝ့ၢ်ယရူၤ ၡလ့ၣ်အပူၤ, ဝ့ၢ်တဝ့ၢ်လၢယွၤဃုထၢတ့ၢ်ဒ်တၢ်လီၢ်တတီၤဖဲအဝဲကဘၣ်တၢ်ဘူၣ် ထီၣ်ဘါထီၣ်အီၤလၢကယဲၢ်ကီၢ်အံၣ်စရ့လးအလီၢ်ကဝီၤခဲလၢာ်အကျါ န့ၣ်လီၤ. စီၤရဃၤဘၣ်အမိၢ်မ့ၢ်ဝဲနီၢ်နၤဧမၤလၢကီၢ်ဧၣ်မိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:21 Iomraidhean Croise

လံာ်စီၤပၤအခီၣ်ထံးတဘ့ၣ် 11:1

စီၤၡလိၤမိၤအဲၣ်တ့ၢ်ပှၤတခီဘီမုၢ်ဖိပိာ်မုၣ်အါဂၤန့ၣ်လီၤ. အဝဲဟံးန့ၢ်ကီၢ်အဲၤကူပတူးအစီၤပၤဖိမုၣ်တကးဒံးဘၣ်, အဝဲဒိးတ့ဒိးဖျီတ့ၢ်အသးဒီးပှၤဃ့ၤသးမုၣ်တဖၣ်, ဒီးပှၤပိာ်မုၣ်တဖၣ်လၢကီၢ်မိၤအး, ကီၢ်ဧၣ်မိၣ်, ကီၢ်အဒိၣ်ဒီးကီၢ်စံဒိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:32

စီၤၡလိၤမိၤကပၢၤဃာ်ပှၤအဒူၣ်တဒူၣ်လၢယခ့ယပှၤစီၤဒၤဝံးအဃိ ဒီးလၢဝ့ၢ်ယရူၤရှလ့ၣ်, ဝ့ၢ်လၢယဃုထၢတ့ၢ်အီၤလၢယဂီၢ်လၢကီၢ်အံၣ်စရ့လးဒီကတီၢ်ညါအ ပူၤ, အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:36

ဘၣ်ဆၣ်ယကပျဲစီၤၡလိၤမိၤအဖိခွါပၢၤဃာ်ဒံးဒူၣ်တဒူၣ်, ဒ်သိးထီဘိယကအိၣ်ဒီးယခ့ယပှၤစီၤဒၤဝံးအစၢၤအသွဲၣ်တဂၤလၢ အပၢတၢ်လၢဝ့ၢ်ယရူၤၡလ့ၣ်, ဝ့ၢ်လၢယဃုထၢတ့ၢ်အီၤဒ်သိးတၢ်လီၢ်လၢတၢ်ကဘူၣ်ထီၣ်ဘါထီၣ်ယၤ အဂီၢ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:43

အဝဲသံဝဲဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံးအဝ့ၢ်ပူၤ ဒီးအဖိခွါစီၤရဃၤဘၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 12:17

ဒီးပာ်လီၤတဲာ်တ့ၢ်စီၤရဃၤဘၣ်ဒ်စီၤပၤအသိးထဲလၢပှၤဂီၢ်မုၢ် လၢအအိၣ်ဆိးတ့ၢ်လၢကီၢ်ယူဒၤအလီၢ်ကဝီၤအဂီၢ်ဧိၤလီၤ.

လံာ်စီၤပၤအခီၣ်ထံးတဘ့ၣ် 14:20

စီၤယၤရၤဘၣ်ပၢတ့ၢ်တၢ်ဒ်စီၤပၤအသိးအနံၣ်ခံဆံလီၤ. အဝဲသံဝဲဒီးဘၣ်တၢ်ခူၣ်လီၤကွံာ်အီၤ, ဒီးအဖိခွါစီၤနၤဒး ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:31

စီၤရဃၤဘၣ်သံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်လၢစီၤဒၤဝံးအဝ့ၢ်အပူၤန့ၣ်လီၤ. ဒီးအဖိခွါစီၤအဘံယၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:42

ဖဲအသးအိၣ်သၢဆံယဲၢ်နံၣ်, ဒီးအဝဲပၢတၢ်လၢဝ့ၢ်ယရူၤၡလ့ၣ် အပူၤခံဆံယဲၢ်နံၣ်န့ၣ်လီၤ. အဝဲအမိၢ်မ့ၢ်စီၤၡံးလဃံအဖိမုၣ်နီၢ်ဧစူဘၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:16

စးထီၣ်လၢယဒုးဟးထီၣ်ကွံာ်ယပှၤဂီၢ်မုၢ်လၢကီၢ်အဲၤကူပတူး အပူၤန့ၣ်, လၢကီၢ်အံၣ်စရ့လးအပူၤယတဃုထၢဘၣ်ဝ့ၢ်နီတဖျၢၣ်ဒ်သိးတၢ်လုၢ် ဟံၣ်တဖျၢၣ်ကဘၣ်တၢ်ဘှီထီၣ်အီၤလၢတၢ်ကဘူၣ်ထီၣ်ဘါထီၣ်ယွၤအဂီၢ် န့ၣ်ဘၣ်. ဘၣ်ဆၣ်ယဃုထၢထီၣ်နၤ, စီၤဒၤဝံးလၢကပၢယပှၤဂီၢ်မုၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 8:29

အံးလီၤကွၢ်လီၤယွၤအတၢ်လုၢ်ဟံၣ်အံၤလၢမုၢ်ဆါဆဲးလၢမုၢ်နၤ, တၢ်လီၢ်အံၤလၢနဃုထၢတ့ၢ်အီၤလၢတၢ်ဘူၣ်ထီၣ်ဘါထီၣ်နၤအဂီၢ် န့ၣ်တက့ၢ်. ဒိကနၣ်ယၤ, ဖဲယဃၣ်ဃီၤယမဲာ်ဆူယွၤအတၢ်လုၢ်ဟံၣ်အံၤဒီးဘါထု ကဖၣ်အခါန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 8:44

ဖဲနမၤလိာ်နပှၤဂီၢ်မုၢ်တဖၣ်လၢကလဲၤဆူတၢ်ဒုးအပျီပူၤလၢ ကဒုးတၢ်ထီဒါအဒုၣ်အဒါတဖၣ်ဒီး, ဖဲအဝဲသ့ၣ်အိၣ်ဝဲတပူၤလၢ်လၢ်, မ့ၢ်ဃၣ်အသးဆူဝ့ၢ်လၢနဃုထၢဒီးယွၤအတၢ်လုၢ်ဟံၣ်လၢယသူၣ်ထီၣ် လၢနဂီၢ်, ဒီးမ့ၢ်ဃ့တၢ်ဆူနၤန့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 12:1

တဘျီဖဲစီၤရဃၤဘၣ်မၤဂၢၢ်ထီၣ်မၤကျၢၤထီၣ်ဝဲအဝဲအတၢ်စိ တၢ်ကမီၤဒ်စီၤပၤအသိးဝံၤအလီၢ်ခံန့ၣ်, အဝဲဒီးကယဲၢ်ပှၤဂီၢ်မုၢ်ခဲလၢာ်လဲၤသဒၣ်ကွံာ်ယူဒၤအတၢ်သိၣ်တၢ် သီလၢယွၤဟ့ၣ်လီၤဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:13

စီၤရဃၤဘၣ်ပၢတ့ၢ်တၢ်လၢဝ့ၢ်ယရူၤရှလ့ၣ်အပူၤဒီးမၤဆူၣ်ထီၣ် အစိကမီၤဒ်စီၤပၤအသိးန့ၣ်လီၤ. ဖဲအဝဲကဲထီၣ်စီၤပၤန့ၣ်အသးအိၣ်ဝဲလွံၢ်ဆံတနံၣ်, ဒီးပၢတၢ်တဆံနွံနံၣ်လၢဝ့ၢ်ယရူၤရှလ့ၣ်, ဝ့ၢ်လၢယွၤဃုထၢတ့ၢ်ဝဲလၢကယဲၢ်အံၣ်စရ့လးအလီၢ်ကဝီၤအပူၤဒ် တၢ်လီၢ်တတီၤလၢအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်န့ၣ်လီၤ. စီၤရဃၤဘၣ်အမိၢ်န့ၣ်မ့ၢ်နီၢ်နၤဧမၤ, ပှၤလၢကီၢ်ဧၣ်မိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:7

လၢခံ, အဝဲပာ်ဖှိၣ်ထီၣ်ပှၤအၢပှၤသီဖိလၢတဂိာ်တသီၣ်တၢ်တဖု ဒီးအဝဲသ့ၣ်မၤဆူၣ်စီၤၡလိၤမိၤအဖိခွါစီၤရဃၤဘၣ်လၢကမၤ ထွဲအဝဲသ့ၣ်အတၢ်ဘၣ်အသးအခံန့ၣ်လီၤ. စီၤရဃၤဘၣ်အသးစၢ်ဒံးဒိၣ်မးဒီးအတၢ်လဲၤခီဖျိစှၤဒံးဒိၣ် မးလၢကထီဒါဆၢအဝဲသ့ၣ်န့ၣ်ဘၣ်.

လံာ်တၢ်ဟးထီၣ်ကွံာ် 20:24

မၤထီၣ်တၢ်လုၢ်လီၢ်တခါလၢဟီၣ်ခိၣ်လၢယဂီၢ်ဒီးလၢအဖီခိၣ်န့ၣ် လုၢ်ထီၣ်ပာ်ထီၣ်သုသိဒီးသုဂီၤဘုၣ်ဂီၤဖံးတဖၣ်ဒ်တၢ်လုၢ်မၤ ဃူမၤဖိးတဖၣ်လၢကဘၣ်တၢ်ဆူးကဲၤအီၤခဲလၢာ်န့ၣ်တက့ၢ်. လၢတၢ်လီၢ်ကိးပူၤဒဲးဖဲယပာ်လီၤဆီအီၤလၢသုဂီၢ်ဒ်သိးသု ကဘူၣ်ထီၣ်ဘါထီၣ်ယၤအလီၢ်န့ၣ်ယကဟဲဆူသုအိၣ်ဒီးဆိၣ်ဂ့ၤသုန့ၣ်လီၤ.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်သိၣ်လီၤသီလီၤတၢ် 12:21

တၢ်လီၢ်တတီၤလၢတၢ်ဘူၣ်ထီၣ်ဘါထီၣ်အဂီၢ်မ့ၢ်ယံၤကဲၣ်ဆိးဒီး, အန့ၣ်တစုတဘျီလၢ်လၢ်ဖဲသုအဲၣ်ဒိးန့ၣ်, သုမၤသံ သုဂီၤဘုၣ်ဂီၤဖံးမ့တမ့ၢ်သိတဒုလၢ်လၢ်လၢယွၤဟ့ၣ်သုသ့ဝဲ ဒီးသုကအီၣ်အီၤလၢသုဟံၣ်ဒၣ်သုဝဲဒ်ယစံးဘၣ်တ့ၢ်သုအသိးန့ၣ်လီၤ.

လံာ်သိၣ်လီၤသီလီၤတၢ် 12:5

လၢကယဲၢ်သုဒူၣ်တဖၣ်အလီၢ်ကဝီၤပူၤန့ၣ်, ယွၤကဃုထၢထီၣ်တၢ်လီၢ် တတီၤဖဲပှၤဂီၢ်မုၢ်တဖၣ်ကဘၣ်ဟဲဆူအမဲာ်ညါဒီးဘူၣ်ထီၣ်ဘါထီၣ် အီၤန့ၣ်လီၤ.

လံာ်သိၣ်လီၤသီလီၤတၢ် 23:3

ပှၤဧၣ်မိၣ်ဖိမ့ၢ်ဂ့ၤ, ပှၤမိၤအးဖိမ့ၢ်ဂ့ၤ, ဒီးပှၤလၢအလီၤစၢၤလီၤသွဲၣ်လၢအဝဲသ့ၣ်တုၤလီၤလၢပှၤအစိၤ တဆံဒၣ်လဲာ်န့ၣ်, တနုာ်လီၤဘၣ်ဆူယွၤအပှၤဂီၢ်မုၢ်အကျါနီတဂၤဘၣ်.