လံာ်စီၤပၤအခီၣ်ထံးတဘ့ၣ် 14:2 - Sgaw Karen Common Bible

² စီၤယၤရၤဘၣ်စံးဘၣ်အမါ, “ပျိာ်လီၤဆီနသးဒ်သိးပှၤသု တသ့ၣ်ညါနီၣ်နၤနီတဂၤတဂ့ၤ, ဒီးလဲၤဖဲဝ့ၢ်ၡံလိၤဖဲဝံအဃံ ယၤ, အိၣ်ဆိးဝဲန့ၣ်တက့ၢ်. အဝဲမ့ၢ်ပှၤတဂၤလၢအစံးတ့ၢ်လၢယကကဲ ထီၣ်ဘၣ်ကီၢ်အံၣ်စရ့လးအစီၤပၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:2

လၢတၢ်န့ၣ်အဃိ, အဝဲမၢပှၤကိးန့ၢ်အီၤပိာ်မုၣ်တဂၤလၢအကူၣ်သ့ဒိၣ်မး လၢအအိၣ်ဆိးဝဲလၢဝ့ၢ်တကိၤန့ၣ်လီၤ. ဖဲပိာ်မုၣ်န့ၣ်ဟဲတုၤဒီးအဝဲစံးဘၣ်အီၤဒ်အံၤ, “ပာ်မၤနသးဒ်နအိၣ်လၢတၢ်ဟီၣ်တၢ်ယၢၤအပူၤ, ကူထီၣ်ကၤထီၣ်တၢ်ဘၣ်မိၣ်ဘၣ်မးအကူအသိးတဖၣ်ဒီးခွံနခိၣ်သူတဂ့ၤ. မၤနသးဒ်ပိာ်မုၣ်တဂၤလၢအဟီၣ်တၢ်ဖးယံာ်ဖးထၢလံအသိးန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 14:1

အကတီၢ်ဖဲန့ၣ်, စီၤပၤယၤရၤဘၣ်အဖိခွါစီၤအဘံယၤဆါထီၣ်ဝဲ န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:4

လၢတၢ်န့ၣ်အဃိအဝဲလဲၤဆူစီၤအဃံယၤအဟံၣ်လၢအအိၣ်လၢဝ့ၢ်ၡံ လိၤအပူၤန့ၣ်လီၤ. တၢ်သးပှၢ်ထီၣ်မၤခံးလီၤအမဲာ်ချံဒီးစီၤအဃံယၤတထံၣ်ဘၣ်တၢ် ဘၣ်.

လံာ်စီၤပၤအခီၣ်ထံးတဘ့ၣ် 20:38

ဝံန့ၣ်ဘိၣ်ထီၣ်အမဲာ်ဒီးတၢ်ကံးယာ်တဘ့ၣ်လၢကပျိာ်လီၤဆီ အသးအဂီၢ်ဒီးလဲၤဃီၤဒီးဂဲၤဆၢထၢၣ်ဝဲလၢကျဲကပၤခိးဝဲလၢ ကီၢ်အံၣ်စရ့လးအစီၤပၤကလဲၤခီဂာ်တၢ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:30

စီၤအၤဃာ်စံးဘၣ်စီၤယဟိၡၤဖး, “တုၤပလဲၤဆူတၢ်ဒုးအပူၤန့ၣ်, ယကပျိာ်လီၤဆီယသး, မ့မ့ၢ်နဲဒၣ်, ကူကၤစီၤပၤအကူအသိးတဖၣ်န့ၣ်တက့ၢ်.” လၢတၢ်န့ၣ်အဃိကီၢ်အံၣ်စရ့လးအစီၤပၤလဲၤဆူတၢ်ဒုးအပူၤအိၣ် ဒီးတၢ်ပျိာ်လီၤဆီအသးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:29

စီၤအၤဃာ်စံးဘၣ်စီၤယဟိၡၤဖး, “တုၤပလဲၤထီၣ်ဒုးတၢ်န့ၣ်, ယကပျိာ်လီၤဆီယသး, မ့မ့ၢ်နဲ, ကူသိးဒၣ်နစီၤပၤအတၢ်ကူတၢ် သိးန့ၣ်တက့ၢ်.” လၢတၢ်န့ၣ်အဃိကီၢ်အံၣ်စရ့လးအစီၤပၤလဲၤထီၣ်ဆူတၢ်ဒုးအပူၤ အိၣ်ဒီးတၢ်ပျိာ်လီၤဆီအသးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:4

လၢပှၤဘါတၢ်ဂီၤတၢ်ဖီၣ်အတၢ်ဘူၣ်တၢ်ဘါအလီၢ်တဖၣ်မ့ၢ်ဂ့ၤ, လၢတၢ်လူၢ်တဖၣ်အဒီခိၣ်မ့ၢ်ဂ့ၤ, ဒီးလၢကယဲၢ်သ့ၣ်အကဒုတဖၣ်အဖီလာ်မ့ၢ်ဂ့ၤ, စီၤအၤဃးလုၢ်ထီၣ်ပာ်ထီၣ်တၢ်လုၢ်တဖၣ်ဒီးဆူးကဲၤတၢ်နၢမူန့ၣ်လီၤ.

လံာ်လူၤကၣ် 12:2

တၢ်တမံၤလၢ်လၢ်လၢအဘၣ်တၢ်ကးဘၢဃာ်အီၤန့ၣ်, ကဘၣ်တၢ်အိးဖျါထီၣ်အီၤ, ဒီးကယဲၢ်တၢ်ခူသူၣ်တမံၤလၢ်လၢ်န့ၣ်, ကဘၣ်တၢ်မၤဖျါထီၣ်အီၤလီၤ.

လံာ်စီၤယိၤၡူ 18:1

ပှၤအံၣ်စရ့လးဖိတဖၣ်မၤနၢၤကီၢ်န့ၣ်ဝံၤဒီး, အဝဲသ့ၣ်ခဲလၢာ်ပာ်ဖှိၣ်အသးဖဲဝ့ၢ်ၡံလိၤ ဒီးသူၣ်ထီၣ်တၢ်ဘူၣ်ထီၣ်ဘါထီၣ်ယွၤအဒဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:8

မၤသးဒ်န့ၣ်ဒီး, စီၤစီလူးပျိာ်လီၤဆီအက့ၢ်အဂီၤ, ဒီးကူထီၣ်သိးထီၣ်တၢ်ကူတၢ်သိးအဂၤ, ဒီးဖဲမုၢ်ခံးလီၤန့ၣ် အဝဲဒီးအပှၤခံဂၤလဲၤတၢ်ဒ်သိးကထံၣ်လိာ်ဒီးပိာ်မုၣ်န့ၣ်လီၤ. စီၤစီလူးစံးဘၣ်ပိာ်မုၣ်န့ၣ်, “ကူၣ်လိာ်တၢ်ဒီးပှၤသံတဖၣ်အကလၤဒီး တဲယၤလၢတၢ်မနုၤကမၤအသးတက့ၢ်. ကိးထီၣ်ပှၤလၢယတဲအမံၤတဂၤအကလၤတက့ၢ်.”