လံာ်စီၤပၤအခီၣ်ထံးတဘ့ၣ် 14:17 - Sgaw Karen Common Bible

¹⁷ စီၤပၤယၤရၤဘၣ်အမါက့ၤကဒါက့ၤဆူဝ့ၢ်တံးရစၢ်န့ၣ်လီၤ. တုၤအနုာ်လီၤဆူအဟံၣ်ပူၤတဘျီဃီန့ၣ်, ဖိသၣ်သံဝဲဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:17 Iomraidhean Croise

လံာ်စီၤပၤအခီၣ်ထံးတဘ့ၣ် 15:21

တုၤစီၤပၤဘါၡၤနၢ်ဟူတၢ်လၢအမၤတ့ၢ်အသးန့ၣ်အဝဲဆိကတီၢ်တၢ် မၤကျၢၤထီၣ်ဝ့ၢ်ရၤမါအတိာ်ဧိၤတာ်ဧိၤဒီးလဲၤဝဲဆူဝ့ၢ်တံးရစၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:33

လၢကီၢ်ယူဒၤအစီၤပၤအၤစါပၢတၢ်သၢနံၣ်တနံၣ်န့ၣ်စီၤအဃံယၤ အဖိခွါစီၤဘါၡၤကဲထီၣ်စီၤပၤလၢကယဲၢ်အံၣ်စရ့လးခဲလၢာ် အဖီခိၣ်, ဒီးပၢတၢ်ဖဲဝ့ၢ်တံးရစၢ်အပူၤခံဆံလွံၢ်နံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:15

လၢကီၢ်ယူဒၤအစီၤပၤအၤစါပၢတၢ်ခံဆံနွံနံၣ်တနံၣ်အပူၤ န့ၣ်, စီၤစံၣ်ရံၤပၢတၢ်လၢဝ့ၢ်တံးရစၢ်အပူၤလၢကီၢ်အံၣ်စရ့လးအဖီ ခိၣ်နွံသီန့ၣ်လီၤ. ပှၤအံၣ်စရ့လးအသုးဖိတဖၣ်မၤန့ၢ်ဝ့ၢ်ကံးဘသိၣ်လၢအအိၣ်လၢကီၢ် ဖလ့ၡသးအပူၤ,

လံာ်စီၤပၤအခီၣ်ထံးတဘ့ၣ် 16:23

လၢတၢ်န့ၣ်အဃိဖဲကီၢ်ယူဒၤအစီၤပၤအၤစါပၢတၢ်သၢဆံတနံၣ် အနံၣ်ပူၤန့ၣ်စီၤဧိၣ်ရံၤကဲထီၣ်ကီၢ်အံၣ်စရ့လးအစီၤပၤ, ဒီးအဝဲပၢတၢ်တဆံခံနံၣ်န့ၣ်လီၤ. အခီၣ်ထံးဃုနံၣ်န့ၣ်အဝဲပၢတၢ်ဖဲဝ့ၢ်တံးရစၢ်အပူၤ,

လံာ်စီၤပၤခံဘ့ၣ်တဘ့ၣ် 15:14

စီၤကၤဒံအဖိခွါစီၤမနၤဃ့ၣ်ဟးထီၣ်လၢဝ့ၢ်တံးရစၢ်ဒီးလဲၤ ဆူၡၤမရံ, မၤသံကွံာ်စီၤၡၤလူၣ်ဒီးကဲထီၣ်စီၤပၤလၢအဝဲအလီၢ် န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:4

ယတၢ်အဲၣ်ဧၢ, နဃံနလၤဒ်သိးဝ့ၢ်ယရူၤၡလ့ၣ်, ဒီးနလီၤအဲၣ်လီၤကွံဒ်ဝ့ၢ်တံးရစၣ်အသိး, ဒီးနဒုးလီၤကတုၤယသးဒ်ဝ့ၢ်ဖးဒိၣ်တဖၣ်အံၤအသိးန့ၣ်လီၤ.