လံာ်စီၤပၤအခီၣ်ထံးတဘ့ၣ် 14:15 - Sgaw Karen Common Bible

¹⁵ ယွၤကစံၣ်ညီၣ်ကီၢ်အံၣ်စရ့လးဒီးကီၢ်အံၣ်စရ့လးကဟူးဝးဝဲဒ် တပိၢ်တဘိလၢအဟူးဝးလၢထံကျိဖိတဘိအပူၤအသိးန့ၣ်လီၤ. အဝဲကထဲးထီၣ်ကွံာ်ကီၢ်အံၣ်စရ့လးအပှၤဂီၢ်မုၢ်လၢကီၢ်ဂ့ၤတဘ့ၣ် အံၤအပူၤ, လၢအဟ့ၣ်တ့ၢ်အဝဲသ့ၣ်အမိၢ်ပၢ်ဖံဖုလၢပျၢၤ, ဒီးအဝဲကမၤလီၤပြံလီၤပြါကွံာ်အဝဲသ့ၣ်ဆူထံကျိဖရၤသး အဝၢ်ဘးခီန့ၣ်လီၤ. အဂ့ၢ်ဒ်အံၤ, အဝဲသ့ၣ်ထိၣ်ဂဲၤထီၣ်တ့ၢ်အတၢ်သးထီၣ်ခီဖျိ မၤထီၣ်ကစၢ်မုၣ်အၡ့ရၤအတၢ်ဂီၤတၢ်ဖီၣ်တဖၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:15 Iomraidhean Croise

လံာ်စီၤပၤအခီၣ်ထံးတဘ့ၣ် 14:9

နမၤတ့ၢ်တၢ်ဒဲးဘးတဖၣ်ဒိၣ်အါန့ၢ်ဒံးပှၤပၢတ့ၢ်တၢ်လၢနမဲာ်ညါ တဖၣ်တက့ၢ်န့ၣ်လီၤ. နညိကွံာ်ယၤဒီးနထိၣ်ဂဲၤထီၣ်ယတၢ်သးထီၣ်ခီဖျိဘါထီၣ်ကစၢ် အဂၤတဖၣ်ဒီးမၤထီၣ်တၢ်ဂီၤတၢ်ဖီၣ်တဖၣ်လၢစ့, တိၢ်, ထး, ဒ်သိးနကဘါထီၣ်အီၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:11

ဒီးအဝဲသ့ၣ်ဆိၣ်ကဲၤတၢ်နၢမူလၢကယဲၢ်ပှၤတစူၢ်တနာ်ယွၤအတၢ်လုၢ် လီၢ်ခဲလၢာ်အဖီခိၣ်, ပိာ်ထွဲတၢ်မၤလၢပှၤဂီၢ်မုၢ်လၢယွၤဟီထီၣ်တ့ၢ်အီၤလၢထံဧိၤ ကီၢ်ဧိၤအပူၤတဖၣ်မၤဝဲန့ၣ်လီၤ. အဝဲသ့ၣ်ထိၣ်ဂဲၤထီၣ်ယွၤအတၢ်သးထီၣ်လၢကယဲၢ်အဝဲသ့ၣ်အ တၢ်မၤအအၢအသီတဖၣ်,

လံာ်စီၤပၤခံဘ့ၣ်တဘ့ၣ် 17:16

အဝဲသ့ၣ်ဘိးဃၣ်ကွံာ်ကယဲၢ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီခဲလၢာ်ဒီးသိန့ၢ်ဂီၤဖံးဖါခံဒုအဂီၤလၢ တိၢ်, စ့ဒီးထး, လၢကဘူၣ်ထီၣ်ဘါထီၣ်ဝဲအဂီၢ်န့ၣ်လီၤ. အဝဲသ့ၣ်မၤစ့ၢ်ကီးတၢ်ဂီၤတၢ်ဖီၣ်တခါလၢအမ့ၢ် ကစၢ်မုၣ်အၡ့ရၤအဂီၤ, ဘူၣ်ထီၣ်ဘါထီၣ်ဆၣ်ဧိၤဖီဧိၤတဖၣ်, ဒီးမၤကစၢ်ဘဧၤလးအတၢ်မၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:17

အဝဲသ့ၣ်လုၢ်ထီၣ်ပာ်ထီၣ်အဖိခွါတဖၣ်ဒီးအဖိမုၣ်တဖၣ်ဒ်တၢ်ဆိၣ် ကဲၤနၢမူဆူပှၤတစူၢ်တနာ်ယွၤအကစၢ်တဖၣ်အအိၣ်လီၤ. အဝဲသ့ၣ်သံကွၢ်တၢ်လၢပှၤသံအကလၤဒီး, ပှၤဖးတၢ်ဟဲဝံဟဲစိာ် တဖၣ်အအိၣ်ဒီးအဝဲသ့ၣ်ဟ့ၣ်လီၤအသးလၢာ်လၢာ်ဆ့ဆ့ဆူတၢ်မၤတၢ် လၢအကမၣ်လၢယွၤအမဲာ်ညါ, သတးဒီးထိၣ်ဂဲၤအဝဲအတၢ်သးထီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:23

တုၤလၢ, လၢခံကတၢၢ်ယွၤနီၣ်ထီၣ်ဟီထီၣ်ကွံာ်အဝဲသ့ၣ်လၢအမဲာ် ညါ, ဒ်အဝဲဟ့ၣ်ပလီၢ်တ့ၢ်ဝဲခီဖျိအခ့အပှၤဝံတဖၣ်လၢကမၤဝဲဒၣ်န့ၣ် လီၤ. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ဘၣ်တၢ်စိာ်မၢကဲကုၢ် ကွံာ်အီၤဆူကီၢ်အၤၡူၢ်အပူၤဖဲအဝဲသ့ၣ်အိၣ်ဆိးဒံးဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:20

အန့ၣ်တစုယကဟီထီၣ်ကွံာ်သုလၢထံဧိၤကီၢ်ဧိၤလၢယဟ့ၣ်လီၤတ့ၢ် သုအပူၤဒီးယကပာ်လီၤတဲာ်ကွံာ်ယွၤအတၢ်လုၢ်ဟံၣ်အံၤ, လၢယပာ်စီဆှံတ့ၢ်လံအီၤဒ်တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါ ထီၣ်ယၤအဂီၢ်န့ၣ်လီၤ. ပှၤဂီၢ်မုၢ်လၢတၢ်လီၢ်ကိးပူၤဒဲးကဒုးကဲထီၣ်အီၤလၢတၢ်လီၤ နံၤဘၣ်ဖၣ်လဲအလီၢ်ဒီးပာ်အီၤဒ်တၢ်လီၤသးဘၣ်အၢအလီၢ်န့ၣ်လီၤ.

စံးထီၣ်ပတြၢၤ 52:5

မ့မ့ၢ်ကစၢ်ယွၤကမၤဟးဂီၤနၤလီၤထူလီၤယိာ်လီၤ. အဝဲကဖီၣ်န့ၢ်နၤဒီးထုးထီၣ်ကွံာ်နၤလၢနဒဲပူၤ, ဒီးကထဲးထီၣ်ကွံာ်နၤလၢတၢ်မူအကီၢ်န့ၣ်လီၤ. စ့လၤ

တၢ်ကတိၤဒိ. 2:22

ဘၣ်ဆၣ်ဒီး, ကစၢ်ယွၤကဖ့ၣ်ထဲးထီၣ်ကွံာ်ပှၤတတီတလိၤတဖၣ်ဒီးထုး ထီၣ်ကွံာ်ပှၤတၢ်ဒဲးဘးဖိတဖၣ်လၢထံဧိၤကီၢ်ဧိၤအပူၤဒ်တၢ်မုၢ် တၢ်ဘိတဖၣ်လၢဟီၣ်ခိၣ်လိၤအသိးန့ၣ်လီၤ.

လံာ်ယံးရမံယၤ 24:10

ယကဟဲစိာ်တၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါလၢ အဝဲသ့ၣ်အဖီခိၣ်တုၤလီၤလၢပှၤတအိၣ်လီၤတဲာ်တ့ၢ်နီတဂၤလၢၤဘၣ် လၢထံကီၢ်လၢယဟ့ၣ်လီၤတ့ၢ်အဝဲသ့ၣ်ဒီးအမိၢ်ပၢ်ဖံဖုလၢပျၢၤ တဖၣ်အပူၤဘၣ်န့ၣ်လီၤ.”

လံာ်ယံးရမံယၤ 28:8

ဝံတဖၣ်လၢ အကတိၤတ့ၢ်လံတၢ်လၢပျၢၤ, တချုးလၢယဆၢကတီၢ်ဒီး နဆၢကတီၢ်န့ၣ်, တဲဆိပာ်ဝဲလၢ တၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးတၢ်ဆူးတၢ်ဆါကဟဲဘၣ်ပှၤအါကလုာ် ဒီးဘီမုၢ်လၢ အဒိၣ်စိဒိၣ်ကမီၤတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:43

ဘၣ်ဆၣ်ဒီး, အဆိကတၢၢ်ထံကီၢ်ကဘၣ်တၢ်မၤပျီကွံာ်အီၤဒီးအပှၤဂီၢ်မုၢ်, ဒ်သိးအကမုာ်လၤသးခုဘၣ်ဒီးတၢ်အိၣ်ဘှံးအလၢအပှဲၤ, ဒီးအဝဲသ့ၣ်ကဘၣ်ဟ့ၣ်တၢ်အဘူးအလဲအလၢအပှဲၤလၢအလုၢ်သ့ၣ်ခါပတာ် ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးယတၢ်မၤလိာ်တဖၣ်အဃိန့ၣ်လီၤ.

လံာ်ဧၤမိၣ် 2:9

ဘၣ်ဆၣ်ဒီးယပှၤဂီၢ်မုၢ်ဧၢ, လၢသုဂီၢ်န့ၣ်ယမၤဟးဂီၤကွံာ်ကယဲၢ်ပှၤအမိၢ်ဖိလၢအဒိၣ် အထီဒ်သ့ၣ်ဆှိးအ့ရ့းတဖၣ်ဒီးဂံၢ်ဆူၣ်ဘါဆူၣ်ဝဲဒ်သ့ထိးဖၣ် တဖၣ်အသိးန့ၣ်လီၤ.

လံာ်ဧၤမိၣ် 5:27

ဖဲယကဆှၢလီၤသုဆူတၢ်စိာ်မၢကဲကုၢ်အလီၢ်ဆူကီၢ်အယံၤတဘ့ၣ်လၢ ဝ့ၢ်ဒၤမ့ၤစ့းအဘးခီန့ၣ်လီၤ. ယွၤ, လၢအမံၤမ့ၢ်သ့တၢ်လၢာ်ကစၢ်ယွၤစံးဝဲဒၣ်လီၤ.

လံာ်စဖါနယၤ 2:4

ပှၤတအိၣ်တီၢ်ဘၣ်နီတဂၤလၢဝ့ၢ်ဂါစၤအပူၤဘၣ်. ဝ့ၢ်အၤၡကလိၣ်ကဘၣ်တၢ်ဟးဂီၤလဲၤသဒၣ်ကွံာ်အီၤလီၤ. ပှၤလၢဝ့ၢ်အၤစဒိးတဖၣ်ကဘၣ်တၢ်ဟီထီၣ်ကွံာ်အီၤလၢတမုၢ်ထူၣ် အတီၢ်ပူၤဒီးပှၤလၢဝ့ၢ်ဧ့ကြိၣ်တဖၣ်ကဘၣ်တၢ်နီၣ်ထီၣ်ကွံာ်အီၤ လၢအဝ့ၢ်ပူၤန့ၣ်လီၤ.

လံာ်မးသဲ 11:7

ဖဲစီၤယိၤဟၣ်အပျဲၢ်အဘီၣ်တဖၣ်က့ၤဟးထီၣ်ဝဲန့ၣ်, ယ့ၣ်ၡူးကတိၤတၢ်ဒီး ပှၤဂီၢ်မုၢ်ဘၣ်ဃးဒီးစီၤယိၤဟၣ်အဂ့ၢ်ဒီးစံးဝဲ, “ဖဲသုလဲၤဆူပှၢ်မုၢ်ကနၢဆူစီၤယိၤဟၣ်အအိၣ်န့ၣ်, မ့ၢ်သုမုၢ်လၢ်လၢသုကထံၣ်ဘၣ်တၢ်မနုၤလဲၣ်. မ့ၢ်တပိၢ်တဘိလၢအဘၣ် တၢ်မၤဟူးဝးအီၤလၢကလံၤန့ၣ်ဧါ.

လံာ်မးသဲ 15:13

အဝဲစံးဆၢတၢ်ဒီးစံး, “ကယဲၢ်တၢ်မုၢ်တၢ်ဘိလၢယပၢ်လၢမူခိၣ်တဂၤ တသူၣ်လီၤဘၣ်ဝဲန့ၣ်, ကဘၣ်တၢ်ထဲးထီၣ်ကွံာ်အီၤလီၤ.

လံာ်လူၤကၣ် 7:24

ဖဲစီၤယိၤဟၣ်အပှၤစိာ်တၢ်ကစီၣ်တဖၣ်ဟးထီၣ်ဝံၤအလီၢ်ခံန့ၣ်, ယ့ၣ်ၡူးကတိၤတၢ်ဒီးပှၤဂီၢ်မုၢ်ဘၣ်ဃးစီၤယိၤဟၣ်အဂ့ၢ်ဒီးစံးဝဲ, “ဖဲသုဟးထီၣ်ဆူပှၢ်မုၢ်ကနၢဆူစီၤယိၤဟၣ်အအိၣ်န့ၣ်, သုမုၢ်လၢ်လၢသုကထံၣ်ဘၣ်တၢ်မနုၤလဲၣ်. တပိၢ်တဘိဟူးဝးဝဲလၢကလံၤကျါန့ၣ်ဧါ.

မၤတၢ် 7:43

တၢ်လၢသုယိးန့ၣ်မ့ၢ်ကစၢ်မိၤလးအဒဲ ဒီး ရၣ်ဖၣ်ကစၢ်အဆၣ်လီၤ. တၢ်တဖၣ်န့ၣ်မ့ၢ်တၢ်ဂီၤတၢ်ဖီၣ်လၢသုမၤကဲထီၣ် လၢသုကဘါထီၣ်အီၤအဂီၢ်လီၤ. အန့ၣ်သတးဒီး, ယကမၢပှၤစိာ်ဖျိးကွံာ်သုဆူ တခီထံတခီကီၢ်, ယံၤန့ၢ်ကီၢ်ဘၤဘူၤလိၣ်တက့ၢ်လီၤ.’

လံာ်သိၣ်လီၤသီလီၤတၢ် 28:36

ယွၤကစိာ်ယံၤကွံာ်သုဒီးသုစီၤပၤဆူထံကီၢ်အဂၤတဘ့ၣ်, ဖဲသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ်ဂ့ၤတအိၣ်ဆိး တ့ၢ်ဘၣ်လၢအပူၤကွံာ်နီတဘျီဘၣ်န့ၣ်လီၤ. ဖဲန့ၣ်သုကမၤကစၢ်တဖၣ်လၢတၢ်ဘှီအီၤလၢသ့ၣ်ဒီးလၢၢ်အတၢ်န့ၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:25

ဘၣ်ဆၣ်ဒီးသုမ့ၢ်မၤတၢ်ဒဲးဘးဆူညါဒီး, သုဝဲဒၣ်ဒီးသုစီၤပၤန့ၣ် ကဘၣ်တၢ်မၤဟးဂီၤကွံာ်အီၤန့ၣ်လီၤ.”