လံာ်စီၤပၤအခီၣ်ထံးတဘ့ၣ် 13:5 - Sgaw Karen Common Bible

⁵ သတူၢ်ကလာ်တၢ်လုၢ်လီၢ်လီၤပှီၢ်ကွံာ်ဝဲဒီးချါတဖၣ်လီၤဂၢ်ဆူ ဟီၣ်ခိၣ်လိၤဒ်ဝံကတိၤဆိတ့ၢ်ဝဲလၢယွၤအမံၤအပူၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:5 Iomraidhean Croise

လံာ်စီၤပၤအခီၣ်ထံးတဘ့ၣ် 13:3

ဒီးဝံစံးအါထီၣ်ကဒီးဝဲ, “တၢ်လုၢ်လီၢ်အံၤကလီၤပှီၢ်ကွံာ်ဝဲ, ဒီးချါတဖၣ်လၢအအိၣ်လၢအဖီခိၣ်န့ၣ်ကလီၤပြံလီၤပြါကွံာ်ဝဲ ဒၣ်န့ၣ်လီၤ. တုၤနုၤတစု, နကသ့ၣ်ညါလၢယွၤကတိၤတၢ်ခီဖျိယၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 13:4

တုၤစီၤပၤယၤရၤဘၣ်နၢ်ဟူတၢ်အံၤန့ၣ်, ယူာ်ဃီၤအစုဆူအီၤဒီး ဟ့ၣ်လီၤအကလုၢ်, “ဖီၣ်ပှၤတဂၤန့ၣ်တက့ၢ်.” တစုဃီၤဖဲန့ၣ်စီၤပၤအစုဘၣ်ကလံၤအဃိအဝဲထုးကဒါက့ၤအီၤ တန့ၢ်လၢၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 13:6

စီၤပၤရၤယၤဘၣ်စံးဘၣ်ဝဲ, “ဝံသးစူၤဘါထုကဖၣ်န့ၢ်တၢ်လၢ ယဂီၢ်ဆူယွၤ, နကစၢ်ယွၤအအိၣ်ဒီးဃ့လၢအဝဲကမၤဘျါက့ၤယစုန့ၣ်တက့ၢ်.” ဝံဃ့ဘါထုကဖၣ်တၢ်ဆူယွၤအအိၣ်ဒီးစီၤပၤအစုဘျါက့ၤဝဲဒၣ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 17:16

ဒ်ယွၤအၢၣ်လီၤတ့ၢ်တၢ်ခီဖျိစီၤအ့ၤလံယၤအသိးန့ၣ်, လၢလီခီပူၤကိၣ်ကမူၣ်တလၢာ်မ့ၢ်ဂ့ၤလၢကိအပူၤသိတလၢာ်မ့ၢ် ဂ့ၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:28

စီၤမံၤကါယၤစံးဝဲ, “နမ့ၢ်ဟဲက့ၤမုာ်မုာ်န့ၣ်ဒီးယွၤတကတိၤဘၣ်တၢ်ခီဖျိယၤန့ၣ်ဘၣ်.” ဒီးစံးအါထီၣ်ဝဲ, “ပှၤကိးဂၤဒဲးဧၢ, ဒိကနၣ်တၢ်လၢယစံးတ့ၢ်န့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 22:35

ဖဲတၢ်ဒုးဆူၣ်ဒံးဝဲအကတီၢ်န့ၣ်, စီၤပၤအၤဃာ်အိၣ်ပိာ်ဆၢထၢၣ် တ့ၢ်ဒံးအသးလၢအလ့ၣ်ကဟၣ်အပူၤဒီးကွၢ်ဆၢညါပှၤစူၤရံဖိ တဖၣ်န့ၣ်လီၤ. အဝဲအပူၤလီၢ်အသွံၣ်တဖၣ်ယွၤလီၤဝဲ, ဒီးကးဘၢလ့ၣ်ကဟၣ်အဒါန့ၣ်လီၤ. ဒီးလၢဟါခီန့ၣ်အဝဲသံဝဲ ဒၣ်န့ၣ်လီၤ.

လံာ်ဧၤမိၣ် 3:14

မုၢ်တနံၤဖဲယစံၣ်ညီၣ်အံၣ်စရ့လးအပှၤဂီၢ်မုၢ်လၢအတၢ်ဒဲးဘး တဖၣ်န့ၣ်, ယကမၤဟးဂီၤကွံာ်တၢ်လုၢ်လီၢ်တဖၣ်လၢဘ့ၤသ့လးန့ၣ်လီၤ. ကယဲၢ်တၢ်လုၢ်လီၢ်အနၢၣ်ခဲလၢာ်ကကၢ်ကွံာ်ဝဲဒီးကလီၤ တဲာ်လၢဟီၣ်ခိၣ်လိၤန့ၣ်လီၤ.

လံာ်မၢ်ကူး 16:20

အပျဲၢ်အဘီၣ်တဖၣ်လဲၤဝဲဒီးစံၣ်တဲၤတဲလီၤတၢ်လၢတၢ်လီၢ်ကိး ပူၤဒဲးလီၤ. ကစၢ်ယ့ၣ်ၡူးမၤသကိးတၢ်ဒီးအဝဲသ့ၣ်, ဒီးခီဖျိတၢ်လီၤလးလၢအဘၣ်တၢ်မၤအီၤတဖၣ်န့ၣ်, ကစၢ်မၤဖျါထီၣ်လၢတၢ်ကစီၣ်လၢအဝဲသ့ၣ်စံၣ်တဲၤတဲလီၤဝဲန့ၣ် မ့ၢ်တၢ်အဘၣ်ဒီးတီဝဲလီၤ.] [

လံာ်သိၣ်လီၤသီလီၤတၢ် 18:22

ဝံတဂၤမ့ၢ်ကတိၤတၢ်လၢယွၤအမံၤအပူၤဒီးတၢ်လၢအဝဲစံးန့ၣ် မ့ၢ်တလၢထီၣ်ပှဲၤထီၣ်ဘၣ်ဒီး, တၢ်န့ၣ်တမ့ၢ်ဘၣ်ယွၤအတၢ်ကစီၣ်ဘၣ်. ဝံန့ၣ်ကတိၤလံတၢ်လၢအစိ ကမီၤဒၣ်အဖီခိၣ်, ဒီးသုတဘၣ်ပျံၤအီၤန့ၣ်ဘၣ်.