လံာ်စီၤပၤအခီၣ်ထံးတဘ့ၣ် 13:34 - Sgaw Karen Common Bible

³⁴ တၢ်ဒဲးဘးလၢအဝဲမၤအံၤ, ဟဲစိာ်တၢ်ဟးဂူာ်ဟးဂီၤဒီးတၢ်မၤ ကတၢၢ်ကွံာ်လၢာ်လၢာ်ဆ့ဆ့လၢအဝဲအစီၤပၤအစၢၤအသွဲၣ်အစိၤအဂီၢ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 13:34 Iomraidhean Croise

လံာ်စီၤပၤအခီၣ်ထံးတဘ့ၣ် 12:26

စီၤယၤရၤဘၣ်စံးဝဲလၢအသးကံၢ်ပူၤ, “တၢ်မ့ၢ်အိၣ်ဒၣ်ဒ်ခဲ အံၤအသိးန့ၣ်, ဘီမုၢ်ကက့ၤကဒါက့ၤဆူစီၤဒၤဝံးအပှၤဟံၣ်ဖိအအိၣ်လီၤ.

လံာ်စီၤပၤအခီၣ်ထံးတဘ့ၣ် 12:30

လၢတၢ်န့ၣ်အဃိပှၤဂီၢ်မုၢ်မၤဒဲးဘးတ့ၢ်တၢ်, ခီဖျိတၢ်လဲၤဘူၣ်ထီၣ်ဘါထီၣ်တၢ်လၢဝ့ၢ်ဘ့ၤသ့လးဒီးဝ့ၢ်ဒၣ် အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:1

အကတီၢ်ဖဲန့ၣ်, စီၤပၤယၤရၤဘၣ်အဖိခွါစီၤအဘံယၤဆါထီၣ်ဝဲ န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:10

လၢတၢ်အံၤအဃိယဟဲစိာ်တၢ်တတၢးတနါလၢနစီၤပၤအစၢၤအသွဲၣ်တဖၣ် အလိၤ, ဒီးမၤသံကွံာ်ကယဲၢ်နစၢၤနသွဲၣ်ပိာ်ခွါခဲလၢာ်, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤန့ၣ်လီၤ. ယကဒီၣ်တဲာ်ကွံာ်နပှၤဟံၣ်ဖိဃီဖိတဖၣ်ဒီးအဝဲသ့ၣ်ကဘၣ်တၢ်မၤ ပျီကွံာ်အီၤဒ်တၢ်အ့ၣ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:11

နပှၤဟံၣ်ဖိဃီဖိတဂၤလၢ်လၢ်လၢအသံလၢဝ့ၢ်ပူၤန့ၣ်ကဘၣ်တၢ်အီၣ် ကွံာ်အီၤလၢထွံၣ်တဖၣ်, ဒီးပှၤလၢအသံလၢတၢ်ပျီပူၤတဂၤဂၤန့ၣ်ကဘၣ်တၢ်အီၣ်ကွံာ်အီၤ လၢလီတးတဖၣ်န့ၣ်လီၤ. ယၤ, ယွၤအံၤကတိၤလံတၢ်လံ.”

လံာ်စီၤပၤအခီၣ်ထံးတဘ့ၣ် 14:16

ယွၤပာ်လီၤတဲာ်ကွံာ်ကီၢ်အံၣ်စရ့လး, မ့ၢ်လၢစီၤယၤရၤဘၣ်မၤ တ့ၢ်တၢ်ဒဲးဘးဒီးဆှၢဃီၤကီၢ်အံၣ်စရ့လးအပှၤဂီၢ်မုၢ်ဆူတၢ် ဒဲးဘးအပူၤအဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 14:7

လဲၤဒီးတဲဘၣ်စီၤယၤရၤဘၣ်လၢတၢ်အံၤမ့ၢ်တၢ်လၢယွၤ, အံၣ်စရ့လးအကစၢ်ယွၤစံးဘၣ်အီၤန့ၣ်တက့ၢ်. ယဃုထၢတ့ၢ်လံနၤလၢပှၤဂီၢ်မုၢ်အကျါဒီးဒုးကဲထီၣ်နၤလၢပှၤ ပၢဘၣ်ယပှၤဂီၢ်မုၢ်အံၣ်စရ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:25

လၢကီၢ်ယူဒၤအစီၤပၤအၤစါကဲစီၤပၤပှဲၤထီၣ်ခံနံၣ်တနံၣ်န့ၣ် စီၤပၤယၤရၤဘၣ်အဖိခွါစီၤနၤဒးကဲထီၣ်စီၤပၤလၢကီၢ်အံၣ် စရ့လးအပူၤဒီးအဝဲပၢတၢ်ခံနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:26

ဒ်အပၢ်လၢအမဲာ်ညါအသိး, အဝဲမၤတ့ၢ်တၢ်ဒဲးဘးထီဒါယွၤဒီး ဆှၢဃီၤပှၤအံၣ်စရ့လးဖိတဖၣ်ဆူတၢ်ဒဲးဘးအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:22

နပှၤဟံၣ်ဖိဃီဖိကကဲထီၣ်ဒ်စီၤနဘးအဖိခွါစီၤပၤစီၤယၤရၤ ဘၣ်အဟံၣ်ဖိဃီဖိအသိးဒီးဒ်စီၤအဃံယၤအဖိခွါစီၤပၤစီၤဘါ ၡၤအဟံၣ်ဖိဃီဖိအသိး, မ့ၢ်လၢနထိၣ်ဂဲၤထီၣ်ယတၢ်သးဒိၣ်ထီၣ်ခီဖျိနဆှၢဃီၤပှၤအံၣ် စရ့လးဖိဆူတၢ်ဒဲးဘးအပူၤအဃိလီၤ.

လံာ်စီၤပၤခံဘ့ၣ်တဘ့ၣ် 10:29

ဘၣ်ဆၣ်အဝဲမၤဒိးစီၤပၤယၤရဘၣ်, အတၢ်ဒဲးဘးန့ၣ်လီၤ. စီၤယၤရၤဘၣ်မ့ၢ်ပှၤလၢအဆှၢဃီၤကီၢ်အံၣ်စရ့လးဆူတၢ်ဒဲးဘး အပူၤခီဖျိတၢ်ဘူၣ်ထီၣ်ဘါထီၣ်ဂီၤဖံးထူတဖၣ်လၢအဝဲပာ်ထီၣ် ဝဲဖဲဝ့ၢ်ဘ့ၤသ့လးဒီးဝ့ၢ်ဒၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:31

ဘၣ်ဆၣ်, စီၤယ့ၤဟူတစူၢ်ဘၣ်ယွၤ, အံၣ်စရ့လးအကစၢ်ယွၤအတၢ်သိၣ် တၢ်သီလၢအသးဒီဖျၢၣ်ညါဘၣ်. အခိၣ်တလိာ်အဝဲပိာ်ထွဲစီၤယၤရၤဘၣ်, ပှၤလၢအဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤ, အဒိအတဲာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:21

တုၤယွၤမၤလီၤဖးကွံာ်ကီၢ်အံၣ်စရ့လးလၢကီၢ်ယူဒၤဝံၤအလီၢ် ခံန့ၣ်, ပှၤအံၣ်စရ့လးဖိတဖၣ်ပာ်ထီၣ်စီၤနဘးအဖိခွါစီၤယၤရၤဘၣ်လၢ အဝဲသ့ၣ်အစီၤပၤန့ၣ်လီၤ. စီၤယၤရၤဘၣ်ဒုးကဲထီၣ်အဝဲသ့ၣ်လၢပှၤစူးကွံာ်ညိကွံာ်ယွၤ, ဒီးဆှၢဃီၤအဝဲသ့ၣ်ဆူတၢ်ဒဲးဘးလီၤပျံၤလီၤဖုးတဖၣ်အပူၤ န့ၣ်လီၤ.

တၢ်ကတိၤဒိ. 13:6

တၢ်တီတၢ်လိၤကဟုကယာ်ပှၤလၢအတၢ်ကမၣ်တအိၣ်ဘၣ်တဖၣ်လီၤ. တၢ်အၢတၢ်သီမ့ၢ်ပှၤတၢ်ဒဲးဘးဖိတဖၣ်အတၢ်လီၤပှီၢ်န့ၣ်လီၤ.

လံာ်ယံးရမံယၤ 28:16

လၢတၢ်န့ၣ်အဃိ, ယွၤအကစၢ်ဒၣ်ဝဲစံးဝဲလၢ အဝဲကသုး ကွံာ်နၤန့ၣ်လီၤ. တချုးလၢနံၣ်တနံၣ်အံၤလၢာ်ဒံးန့ၣ်, နကသံနဲ, မ့ၢ်လၢနတဲဘၣ်ပှၤဂီၢ်မုၢ်လၢ ကပူထီၣ်တၢ်ထီဒါယွၤအဃိ န့ၣ်လီၤ.”

လံာ်ဟိၤၡ့ 10:8

ဝ့ၢ်အၤဝ့ၣ်အတၢ်လီၢ်စီဆှံတဖၣ်လၢတၢ်လူၢ်ဒီခိၣ်ဖဲကီၢ် အံၣ်စရ့လးအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်, ကဘၣ်တၢ်မၤဟးဂီၤကွံာ်အီၤန့ၣ်လီၤ. တၤဆှုၣ်ဒီး နီၣ်တဖၣ်ကဒိၣ်ဘၢအဝဲသ့ၣ်အတၢ်လုၢ်လီၢ်တဖၣ်လီၤ. ပှၤဂီၢ်မုၢ်ကကိးသတြီထီၣ်ဆူကစၢၢ်တဖၣ်, “ပာ်တဒၢပှၤတက့ၢ်.” ဒီးဆူတၢ်လူၢ်တဖၣ်, “ပာ်ခူသူၣ်ပှၤတက့ၢ်” န့ၣ်လီၤ.