လံာ်စီၤပၤအခီၣ်ထံးတဘ့ၣ် 13:32 - Sgaw Karen Common Bible

³² တၢ်ကတိၤတဖၣ်လၢအဝဲကတိၤတ့ၢ်ဝဲဒ်ယွၤအတၢ်မၤလိာ်တ့ၢ်, ထီဒါတၢ်လုၢ်လီၢ်လၢဝ့ၢ်ဘ့ၤသ့လး, ဒီးထီဒါတၢ်ဘူၣ်တၢ်ဘါ ထီၣ်အလီၢ်တဖၣ်လၢကီၢ်ၡၤမရံအဝ့ၢ်တဖၣ်အပူၤန့ၣ်, ကလၢထီၣ်ပှဲၤထီၣ်သပှၢ်ကတၢၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 13:32 Iomraidhean Croise

လံာ်စီၤပၤအခီၣ်ထံးတဘ့ၣ် 12:29

အဝဲပာ်လီၤဂီၤဖံးဖါထူတဒုလၢဝ့ၢ်ဘ့ၤသ့လးအပူၤ, ဒီးအဂၤတဒုလၢဝ့ၢ်ဒၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:31

စီၤယၤရၤဘၣ်မၤထီၣ်စ့ၢ်ကီးတၢ်ဘူၣ်ထီၣ်ဘါထီၣ်အလီၢ်တဖၣ်လၢတၢ် လူၢ်တဖၣ်အဒီခိၣ်ဒီးအဝဲဃုထၢထီၣ်ဝဲ, ပှၤလုၢ်တၢ်အခိၣ်တဖၣ်လၢဒူၣ်ဖိထၢဖိတဖၣ်အတမ့ၢ်ပှၤလ့ၤဝံအဒူၣ် အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:2

ဒ်ယွၤအတၢ်မၤလိာ်အသိးဝံန့ၣ်ကိးထီၣ်တၢ်စံၣ်ညီၣ်အတၢ်ကတိၤထီ ဒါတၢ်လုၢ်လီၢ်, “တၢ်လုၢ်လီၢ်ဧၢ, တၢ်လုၢ်လီၢ်ဧၢ, အအံၤမ့ၢ်တၢ်လၢယွၤစံးဝဲဒၣ်န့ၣ်လီၤ. ဖိသၣ်တဂၤလၢအမံၤ ကမ့ၢ်စီၤယိၤၡံယၤကအိၣ်ဖျဲၣ်ထီၣ်လၢစီၤဒၤဝံးအဒူၣ်ဖိထၢဖိအပူၤန့ၣ်လီၤ. ပှၤလုၢ်တၢ်အခိၣ်တဖၣ်လၢအလုၢ်ထီၣ်ပာ်ထီၣ်တၢ်အံၤ, လၢအမ့ၢ်ပှၤမၤတၢ်လၢတၢ်ဂီၤတၢ်ဖီၣ်အတၢ်လုၢ်လီၢ်န့ၣ်, အဝဲကမၤသံကွံာ်အီၤလၢနလိၤဒီးအဝဲကဆိၣ်ကဲၤထီၣ်ပှၤကညီ အဃံတဖၣ်လၢနဖီခိၣ်လီၤ.”

လံာ်စီၤပၤအခီၣ်ထံးတဘ့ၣ် 16:24

ဝံၤဒီးအဝဲပှ့ၤန့ၢ်ကီၢ်ၡၤမရံအကစၢၢ်လၢစ့အဘ့ၣ်ဃုကထိ လၢပှၤတဂၤလၢအမံၤမ့ၢ်ဝဲစီၤၡ့မ့ၢ်အအိၣ်န့ၣ်လီၤ. စီၤဧိၣ်ရံၤမၤဂၢၢ်ထီၣ်ကျၢၤထီၣ်ကစၢၢ်န့ၣ်, သူၣ်ထီၣ်ဝ့ၢ်တဖျၢၣ်ဖဲန့ၣ်ဒီးယုၢ်ဝဲအမံၤလၢၡၤမရံပိာ်ထွဲထီၣ်စီၤၡ့မ့ၢ်, ကစၢၢ်အကစၢ်လၢညါအမံၤအခံန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:29

ဘၣ်ဆၣ်ပှၤဂီၢ်မုၢ်လၢအသူၣ်လီၤအတၢ်အိၣ်တၢ်ဆိးအလီၢ်ဖဲ ၡၤမရံအပူၤန့ၣ်, မၤဒံးဒၣ်အတၢ်ဂီၤတၢ်ဖီၣ်ဒၣ်ဝဲတဖၣ်ဒီးအဝဲ သ့ၣ်ပာ်လီၤဝဲဒၣ်လၢတၢ်ဘူၣ်ထီၣ်ဘါထီၣ်အလီၢ်တဖၣ်, လၢပှၤအံၣ်စရ့လးဖိတဖၣ်သူၣ်ထီၣ်တ့ၢ်ဝဲအပူၤန့ၣ်လီၤ. ပှၤတကရူၢ်ဘၣ်တကရူၢ်လၢအလီၤဆီလိာ်အသးန့ၣ်မၤတၢ်ဂီၤတၢ်ဖီၣ် တဖၣ်လၢဝ့ၢ်တဖၣ်လၢအဝဲသ့ၣ်အိၣ်ဆိးဝဲအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:13

ဖဲအခါန့ၣ်, ပှၤအံၣ်စရ့လးအသုးဖိတဖၣ်လၢစီၤအမၤစယါတပျဲဘၣ် အီၤလၢကလဲၤဆူတၢ်ဒုးဒီးအီၤန့ၣ်, လဲၤထီၣ်ဒုးကီၢ်ယူဒၤအဝ့ၢ်တဖၣ်ဖဲဝ့ၢ်ၡၤမရံဒီးဝ့ၢ်ဘ့ၤသဃိ ရိၣ်အဘၢၣ်စၢၤ, မၤသံကွံာ်ပှၤပိာ်ခွါအဂၤ သၢကထိ ဒီးမၤန့ၢ်တၢ်ဂုာ်န့ၢ်အါအါဂီၢ်ဂီၢ်န့ၣ်လီၤ.

လံာ်စီၤဧ့စြၤ 4:10

ဃုာ်ဒီးပှၤဂီၢ်မုၢ်အဂၤတဖၣ်လၢပှၤဒိၣ်စိဒိၣ်ကမီၤစီၤအၤစနး ပၢ်သုးကွံာ်အဟံၣ်တဖၣ်ဒီးဆီလီၤန့ၢ်အဝဲသ့ၣ်လၢဝ့ၢ်ၡၤမရံ ဒီးတၢ်လီၢ်သကုၤဆးဒးလၢကီၢ်ဖရၤသးအမုၢ်နုာ်တဖၣ်.”

လံာ်တၢ်ဘူၣ်ထီၣ်ဘါထီၣ် 26:30

ယကမၤဟးဂီၤကွံာ်သုတၢ်ဘူၣ်တၢ်ဘါအလီၢ်တဖၣ်လၢကစၢၢ်အလိၤ, ယကကူၢ်လီၤကွံာ်သုတၢ်လုၢ်နၢမူအလီၢ်တဖၣ်ဒီးကွံာ်လီၤသုစိၣ် တဖၣ်လၢတၢ်ဂီၤတၢ်ဖီၣ်တဖၣ်အလိၤန့ၣ်လီၤ. ဒီးယကသးဘၣ်အၢသုလီၤ.

မၤတၢ် 8:14

တုၤပှၤတၢ်မၢဖိလၢဝ့ၢ်ယရူၤၡလ့ၣ်အပူၤတဖၣ်နၢ်ဟူဘၣ်ဝဲ လၢပှၤၡၤမရံဖိတဖၣ်တူၢ်လိာ်တ့ၢ်လံကစၢ်ယွၤကလုၢ်ကထါန့ၣ်ဒီး, ဆှၢလီၤစီၤပ့းတရူးဒီးစီၤယိၤဟၣ်လၢအကလဲၤဆူအဝဲသ့ၣ်အအိၣ်လီၤ.