လံာ်စီၤပၤအခီၣ်ထံးတဘ့ၣ် 13:21 - Sgaw Karen Common Bible

²¹ ဒီးအဝဲကိးထီၣ်ဆူကီၢ်ယူဒၤအဝံဒီးစံးဝဲဒၣ်, “ယွၤစံးဝဲဒၣ်လၢနတစူၢ်အီၤဘၣ်. ဒီးနတမၤတၢ်လၢအဝဲ မၤလိာ်တ့ၢ်နၤန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 13:21 Iomraidhean Croise

လံာ်တၢ်ကဲထီၣ်အခီၣ်ထံး 3:7

တဘျီဃီဖဲအီၣ်ဝဲဝံၤန့ၣ်ဒိးန့ၢ်ဘၣ်တၢ်သ့ၣ်ညါနၢ်ပၢၢ်ဒီး သ့ၣ်ညါထံလီၤက့ၤအသးလၢအဝဲသ့ၣ်အိၣ်ဘ့ၣ်ဆ့န့ၣ်လီၤ. လၢတၢ်န့ၣ်အဃိအဝဲသ့ၣ်ဆးပကိာ်ထီၣ်ချၢၣ်ဒၢအလၣ်ဒီးမၤဘံၣ်မၤဘၢအသးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:13

စီၤကးလဲၤဆူစီၤဒၤဝံးအအိၣ်ဒီးတဲဘၣ်အီၤကယဲၢ်တၢ်လၢယွၤ စံးတ့ၢ်ဝဲတဖၣ်, ဒီးသံကွၢ်အီၤ, “နဃုထၢမနုၤတမံၤလဲၣ်. တၢ်သၣ်ဝံၤလီၤဒိသၢနံၣ်လၢနထံနကီၢ်အပူၤဧါ. မ့တမ့ၢ်, တၢ်ထွးထီၣ်ဃ့ၢ်လၢနဒုၣ်နဒါအမဲာ်ညါသၢလါဧါ. မ့တမၢ်တၢ်သံသတြိာ်လၢနကီၢ်ပူၤသၢသီဧါ. ခဲအံၤဆိကမိၣ်ထံ တၢ်ဂ့ၢ်အံၤတက့ၢ်. ဒီးတဲယၤယကဘၣ်က့ၤစိာ်တၢ်စံးဆၢမနုၤတမံၤဆူယွၤအအိၣ်လဲၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 6:7

တဘျီဃီန့ၣ်ယွၤ, ကစၢ်ယွၤအသးဒိၣ်ထီၣ်ဘၣ်စီၤဧူးစၤဒီးမၤသံကွံာ်အီၤ လၢအတယူးယီၣ်တၢ်အဃိန့ၣ်လီၤ. စီၤဧူးစၤသံဖဲန့ၣ်လၢယွၤအတၢ်အၢၣ်လီၤအီလီၤအတလါစီဆှံ အဃၢၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:17

အဂ့ၢ်ဒ်အံၤ, ယွၤမၤလိာ်တ့ၢ်ယၤလၢယသုတအီၣ်တၢ်မ့ၢ်ဂ့ၤ, အီတၢ်တမံၤမံၤမ့ၢ်ဂ့ၤဒီးက့ၤကဒါက့ၤဆူဟံၣ်လၢကျဲတဘိဃီ လၢယဟဲတ့ၢ်မ့ၢ်ဂ့ၤန့ၣ်ဘၣ်.”

လံာ်စီၤပၤအခီၣ်ထံးတဘ့ၣ် 13:20

ဒီးဖဲအဝဲသ့ၣ်ဆ့ၣ်နီၤဝဲလၢစီၢ်နီၤခိၣ်န့ၣ်, ယွၤအကလုၢ်လီၤဘၣ်လၢဝံသးပှၢ်အလိၤ,

လံာ်စီၤပၤအခီၣ်ထံးတဘ့ၣ် 13:22

အခိၣ်တလိာ်, နက့ၤကဒါက့ၤဒီးအီၣ်တၢ်အီၣ်တဘျီလၢတၢ်လီၢ်လၢ အဝဲမၤလိာ်တ့ၢ်နၤလၢနသုတအီၣ်တၢ်တဂ့ၤန့ၣ်လီၤ. လၢတၢ်အံၤအဃိ, နကဘၣ်တၢ်မၤသံနၤ, ဒီးနစိၣ်တဘၣ်တၢ်ခူၣ်လီၤ ကွံာ်အီၤလၢနဒူၣ်ဖိထၢဖိအတၢ်သွၣ်ခိၣ်အပူၤဘၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:36

အဃိ, အဝဲဒၣ်စံးဘၣ်အီၤ, “မ့ၢ်လၢနတစူၢ်ဘၣ်ယွၤအတၢ်မၤလိာ်ဘၣ်အဃိ, တုၤနဟးထီၣ်ကွံာ်လၢယအိၣ်တဘျီဃီန့ၣ်ခ့ယုၢ်တဒုကမၤသံနၤ န့ၣ်လီၤ.” တုၤအဝဲဟးထီၣ်တဘျီဃီန့ၣ်ခ့ယုၢ်တဒုဟဲထီၣ်ဒီးမၤသံကွံာ် အီၤန့ၣ်လီၤ.

လံာ်နီၢ်အ့ၤစတၢ် 6:13

အဝဲတဲဘၣ်အမါနီၢ်စ့ရ့ၣ်ဒီးအသကိးခဲလၢာ်လၢတၢ် ကိးမံၤဒဲးလၢအမၤအသးဒီးအီၤန့ၣ်လီၤ. အန့ၣ်တစု, အမါဒီးအတံၤသကိးလၢအကူၣ်တၢ်သ့တဖၣ်စံးဘၣ်အီၤ, “နတၢ်စိတၢ်ကမီၤစးထီၣ်လီၤမၢ်ကွံာ်ဆူစီၤမၢ်ဒကဲၤအအိၣ်လံ. အဝဲမ့ၢ်ပှၤယူဒၤဖိတဂၤဒီးနမၤနၢၤအီၤတသ့ဘၣ်. အဝဲကမၤနၢၤကွံာ်နၤသပှၢ်ကတၢၢ်န့ၣ်လီၤ.”

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်တၢ်ဂံၢ် 20:12

ဘၣ်ဆၣ်ဒီးယွၤသိၣ်ဃီၣ်တ့ၢ်စီၤမိၤၡ့ဒီးစီၤအၤဟရိၣ်လီၤ. အဝဲစံးဝဲဒၣ်, “မ့ၢ်လၢသုတအိၣ်ဒီးတၢ်စူၢ်တၢ်နာ်လၢလၢပှဲၤပှဲၤလၢသုကသ့ၣ်ညါ နီၣ်ပာ်ကဲယစိယကမီၤစီဆှံလၢကီၢ်အံၣ်စရ့လးအပှၤဂီၢ်မုၢ်အမဲာ်ညါ အဃိဒီး, သုတဆှၢနုာ်ဘၣ်အဝဲသ့ၣ်ဆူကီၢ်တဘ့ၣ်အပူၤ, လၢယအၢၣ်လီၤတ့ၢ်ဒ်သိးယကဟ့ၣ်အီၤန့ၣ်ဘၣ်လီၤ.”

လံာ်တၢ်ဂံၢ် 20:24

“စီၤအၤဟရိၣ်န့ၣ်တဘၣ်လဲၤနုာ်ဆူကီၢ်တဘ့ၣ်လၢယအၢၣ်လီၤတ့ၢ် လၢယကဟ့ၣ်ပှၤအံၣ်စရ့လးဖိတဖၣ်န့ၣ်ဘၣ်လီၤ. အဝဲကသံလီၤ. အဂ့ၢ်ဒ်အံၤ, သုဝဲခံဂၤလိာ်သုပူထီၣ်ထီဒါယတၢ်မၤလိာ်ဖဲမရံၤဘါန့ၣ်လီၤ.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 15:19

ဒီးဘၣ်မနုၤလၢနတစူၢ်အီၤန့ၣ်လဲၣ်. ဘၣ်မနုၤလၢနဃ့ၢ်သဖှိ ဃီၤဒ်သိးနကစှီၤတၢ်ဂုာ်န့ၢ်တဖၣ်ဒီးမၤတၢ်န့ၣ်လၢတၢ်မၤသး အုးယွၤအသးန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 4:18

တုၤပှၤတဂၤန့ၣ်ယၢၤထီၣ်ယွၤအတၢ်အၢၣ်လီၤအီလီၤအတလါစီဆှံအဂ့ၢ်န့ၣ် စီၤဧ့လံၤလီၤကဒါဆူလီၢ်ခံလၢအလီၢ်ဆ့ၣ်နီၤဖီခိၣ်ဘူးဒီး ကျဲစၢၤန့ၣ်လီၤ. အဝဲအသးပှၢ်ဒိၣ်မးဒီးဘီၣ်ဒိၣ်မးတုၤဒၣ်လဲာ် အတၢ်လီၤဃံၤန့ၣ်မၤကၢ်ကွံာ်အကိာ်ဒီးသံဝဲဒၣ်လီၤ. အဝဲမ့ၢ်တ့ၢ်ကီၢ်အံၣ်စရ့လးအခိၣ်အနၢ်တဂၤလၢအနံၣ်လွံၢ်ဆံ အပူၤန့ၣ်လီၤ.