လံာ်စီၤပၤအခီၣ်ထံးတဘ့ၣ် 13:2 - Sgaw Karen Common Bible

² ဒ်ယွၤအတၢ်မၤလိာ်အသိးဝံန့ၣ်ကိးထီၣ်တၢ်စံၣ်ညီၣ်အတၢ်ကတိၤထီ ဒါတၢ်လုၢ်လီၢ်, “တၢ်လုၢ်လီၢ်ဧၢ, တၢ်လုၢ်လီၢ်ဧၢ, အအံၤမ့ၢ်တၢ်လၢယွၤစံးဝဲဒၣ်န့ၣ်လီၤ. ဖိသၣ်တဂၤလၢအမံၤ ကမ့ၢ်စီၤယိၤၡံယၤကအိၣ်ဖျဲၣ်ထီၣ်လၢစီၤဒၤဝံးအဒူၣ်ဖိထၢဖိအပူၤန့ၣ်လီၤ. ပှၤလုၢ်တၢ်အခိၣ်တဖၣ်လၢအလုၢ်ထီၣ်ပာ်ထီၣ်တၢ်အံၤ, လၢအမ့ၢ်ပှၤမၤတၢ်လၢတၢ်ဂီၤတၢ်ဖီၣ်အတၢ်လုၢ်လီၢ်န့ၣ်, အဝဲကမၤသံကွံာ်အီၤလၢနလိၤဒီးအဝဲကဆိၣ်ကဲၤထီၣ်ပှၤကညီ အဃံတဖၣ်လၢနဖီခိၣ်လီၤ.”

လံာ်စီၤပၤအခီၣ်ထံးတဘ့ၣ် 13:2 Iomraidhean Croise

လံာ်စီၤပၤအခီၣ်ထံးတဘ့ၣ် 13:32

တၢ်ကတိၤတဖၣ်လၢအဝဲကတိၤတ့ၢ်ဝဲဒ်ယွၤအတၢ်မၤလိာ်တ့ၢ်, ထီဒါတၢ်လုၢ်လီၢ်လၢဝ့ၢ်ဘ့ၤသ့လး, ဒီးထီဒါတၢ်ဘူၣ်တၢ်ဘါ ထီၣ်အလီၢ်တဖၣ်လၢကီၢ်ၡၤမရံအဝ့ၢ်တဖၣ်အပူၤန့ၣ်, ကလၢထီၣ်ပှဲၤထီၣ်သပှၢ်ကတၢၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 34:1

စီၤယိၤၡံယၤကဲထီၣ်ကီၢ်ယူဒၤအစီၤပၤဖဲအသးအိၣ်ဃိးနံၣ်, ဒီးအဝဲပၢတ့ၢ်တၢ်ဖဲဝ့ၢ်ယရူၤၡလ့ၣ်အပူၤသၢဆံတနံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:3

ဖဲစီၤယိၤၡံယၤကဲထီၣ်စီၤပၤဃိးနံၣ်တနံၣ်အပူၤ, ဖဲအသးစၢ်ဒံးဒိၣ်မးအခါန့ၣ်, အဝဲစးထီၣ်ဘူၣ်ထီၣ်ဘါထီၣ်အပၢ်ဖးဒိၣ်စီၤဒၤဝံး အကစၢ်ယွၤန့ၣ်လီၤ. လွံၢ်နံၣ်ပူၤကွံာ်ဝံၤအလီၢ်ခံ, အဝဲစးထီၣ်မၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ် ဘါထီၣ်တၢ်ဂီၤတၢ်ဖီၣ်အလီၢ်တဖၣ်, ကစၢ်မုၣ်အၡ့ရၤအတၢ်ပနီၣ်တဖၣ်ဒီးကယဲၢ်တၢ်ဂီၤတၢ်ဖီၣ်အဂၤတဖၣ် ခဲလၢာ်န့ၣ်လီၤ.

လံာ်ယၡါယၤ 1:2

ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.

လံာ်ယၡါယၤ 42:9

ခဲအံၤတၢ်လၢယကတိၤဆိပာ်တဖၣ်လၢထီၣ်ပှဲၤထီၣ်လံ. ခဲအံၤ, ယကစံးဘၣ်တဲဘၣ်သုတၢ်အသီတဖၣ်တချုးလၢအစးထီၣ်မၤအသး ဒံးဘၣ်ဒၣ်လဲာ်လီၤ.”

လံာ်ယၡါယၤ 46:10

လၢထံးလၢသီလံၤလံၤယကတိၤဆိပာ်တ့ၢ်တၢ်လၢ အကကဲထီၣ်လိၣ်ထီၣ်ဝဲ, ဒီးလၢပျၢၤလံၤလံၤယတဲတ့ၢ်ပာ်စၢၤတၢ်လၢအကမၤအသးလီၤ. ယစံးတ့ၢ်လၢယတၢ်ကူၣ်ကျဲၤတဖၣ်တကဲထီၣ်ဒီးတအိၣ်ဘၣ်နီ တဘျီဘၣ် ဒီးယကမၤတၢ်ခဲလၢာ်လၢယတိာ်သူၣ်ပာ်သးလၢယကမၤအီၤန့ၣ်လီၤ.

လံာ်ယၡါယၤ 58:1

ယွၤစံးဝဲဒၣ်, “ကိးထီၣ်နဲဒိၣ်ဒိၣ်တသ့ဖဲအသ့တက့ၢ်. တဲဘၣ်ယပှၤဂီၢ်မုၢ်အံၣ်စရ့လးဘၣ်ဃးအတၢ်ဒဲးဘးတ ဖၣ်အဂ့ၢ်တက့ၢ်.

လံာ်ယံးရမံယၤ 1:2

ယွၤကတိၤတၢ်ဒီးစီၤယံးရမံယၤဖဲကီၢ်ယူဒၤအစီၤပၤ, စီၤအၤမိၣ် အဖိခွါစီၤယိၤၡံယၤပၢတၢ်တဆံသၢနံၣ်တနံၣ်, အပူၤန့ၣ်လီၤ.

လံာ်ယံးရမံယၤ 22:29

အိဟီၣ်ခိၣ်ဧၢ, ဟီၣ်ခိၣ်ဧၢ, ဒိကနၣ်တၢ်လၢယွၤစံးတ့ၢ်ဝဲန့ၣ်တက့ၢ်.

လံာ်ယဃ့းစက့လး 36:1

ယွၤစံးဝဲဒၣ်, “ပှၤကညီလၢအသံသ့ဧၢ, ကတိၤတၢ်ဒီးကီၢ်အံၣ်စ ရ့လးအကစၢၢ်ကလိတဖၣ်ဒီးစံးဘၣ်အဝဲသ့ၣ်လၢကဒိကနၣ်ယၤ,

လံာ်ယဃ့းစက့လး 36:4

လၢတၢ်န့ၣ်အဃိ, ခဲကနံၣ်အံၤ, ဒိကနၣ်တၢ်လၢယၤယွၤပၢဘၣ် တၢ်ခဲလၢာ်ကစၢ်စံးဘၣ်သုဝဲကစၢၢ်ကလိတဖၣ်ဒီးတၢ်လူၢ်တဖၣ်, သုဝဲ, ထံကျိဖိဒီးတၢ်တြီၤတဖၣ်, သုဝဲတၢ်လီၢ်တဖၣ်လၢ အဘၣ်တၢ်ပာ်လီၤတဲာ်အီၤလၢတၢ်ဟးဂီၤအပူၤ, ဒီးသုဝဲဝ့ၢ်တဖၣ်လၢအဘၣ်တၢ်ဟးသဒၣ်ကွံာ်အီၤ, လၢအဘၣ်တၢ်ဂုာ်ဆူၣ်ပျီဆူၣ်ဒီးဘၣ်တၢ်ဒုၣ်ဒွဲၣ်ထွဲလၢပှၤကလုာ် တဖၣ်လၢအအိၣ်ခိၣ်အိၣ်ဃၢၤန့ၣ်တက့ၢ်.

လံာ်ယဃ့းစက့လး 38:4

ယကဃၣ်တရံးကဒါက့ၤအီၤ, ဘျးထီၣ်နီၣ်ကျးတဖၣ်လၢအခၣ် တဖၣ်အပူၤ, ဒီးတွံၢ်ကွံာ်အီၤဃုာ်ဒီးကယဲၢ်အသုးဖိသံၣ်ဖိတဖၣ်န့ၣ်လီၤ. အဝဲအသုးမုၢ်ဃုာ်ဒီးအကသ့ၣ်တဖၣ်ဒီးအပှၤအဒိး ကသ့ၣ်တဖၣ်လၢအလဲၤတၢ်ဃူဃူဒ်သိးသိးန့ၣ်, အိၣ်ဖျါဒိၣ်ဝဲ သွါဝဲ, ဒီးသုးဖိကိးဂၤဒဲးကံာ်တူာ်အသးဒီးကတီၤတဘ့ၣ်ဒီး နးတဘ့ၣ်စုာ်စုာ်န့ၣ်လီၤ.

လံာ်လူၤကၣ် 19:40

ယ့ၣ်ၡူးစံးဆၢဝဲ, “အဝဲသ့ၣ်မ့ၢ်အိၣ်ဘှီၣ်ကလာ်န့ၣ်, ယစံးဘၣ်သု, လၢၢ်တဖၣ်ကကိးပသူထီၣ်ဝဲလီၤ.”

လံာ်သိၣ်လီၤသီလီၤတၢ် 32:1

ဟီၣ်ခိၣ်ဒီးမူကပိာ်လိၤဧၢ, နၢ်ဟူယတၢ်ကတိၤတဖၣ်, ဒိကနၣ်တၢ်လၢယတဲအီၤလီၤတံၢ်လီၤဆဲးတက့ၢ်.