လံာ်စီၤပၤအခီၣ်ထံးတဘ့ၣ် 13:1 - Sgaw Karen Common Bible

¹ ဖဲစီၤယၤရၤဘၣ်ဆၢထၢၣ်ဝဲဖဲတၢ်လုၢ်လီၢ်လၢကလုၢ်ထီၣ်ပာ်ထီၣ် တၢ်န့ၣ်ယွၤအဝံတဂၤလၢကီၢ်ယူဒၤလဲၤတုၤဝဲဆူဝ့ၢ်ဘ့ၤသ့လး ဒ်ယွၤမၤလိာ်အီၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:1 Iomraidhean Croise

လံာ်စီၤပၤအခီၣ်ထံးတဘ့ၣ် 12:22

ဘၣ်ဆၣ်, ကစၢ်ယွၤတဲဘၣ်တ့ၢ်ဝံၡမါယၤ,

လံာ်စီၤပၤအခီၣ်ထံးတဘ့ၣ် 13:26

တုၤဝံသးပှၢ်နၢ်ဟူတၢ်မၤအသးအံၤန့ၣ်အဝဲစံးဝဲဒၣ်, “တၢ်န့ၣ်မ့ၢ်ဝံတဂၤလၢအတစူၢ်ဘၣ်ကစၢ်ယွၤအတၢ်မၤလိာ်န့ၣ်လီၤ. လၢတၢ်အံၤအဃိယွၤမၢလီၤခ့ယုၢ်တဒုလၢကဟဲထီၣ်အ့ၣ်အီၤဒီး မၤသံအီၤဒ်ယွၤစံးတ့ၢ်လၢအကမၤဝဲအသိးန့ၣ်လီၤ.”

လံာ်စီၤပၤအခီၣ်ထံးတဘ့ၣ် 13:32

တၢ်ကတိၤတဖၣ်လၢအဝဲကတိၤတ့ၢ်ဝဲဒ်ယွၤအတၢ်မၤလိာ်တ့ၢ်, ထီဒါတၢ်လုၢ်လီၢ်လၢဝ့ၢ်ဘ့ၤသ့လး, ဒီးထီဒါတၢ်ဘူၣ်တၢ်ဘါ ထီၣ်အလီၢ်တဖၣ်လၢကီၢ်ၡၤမရံအဝ့ၢ်တဖၣ်အပူၤန့ၣ်, ကလၢထီၣ်ပှဲၤထီၣ်သပှၢ်ကတၢၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 13:5

သတူၢ်ကလာ်တၢ်လုၢ်လီၢ်လီၤပှီၢ်ကွံာ်ဝဲဒီးချါတဖၣ်လီၤဂၢ်ဆူ ဟီၣ်ခိၣ်လိၤဒ်ဝံကတိၤဆိတ့ၢ်ဝဲလၢယွၤအမံၤအပူၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:9

ယွၤမၤလိာ်တ့ၢ်ယၤလၢယသုတအီၣ်တၢ်မ့ၢ်ဂ့ၤ, အီတၢ်တမံၤမံၤမ့ၢ်ဂ့ၤဒီးယသုတဟဲက့ၤကဒါက့ၤဆူဟံၣ်လၢကျဲ တဘိဃီလၢယဟဲတ့ၢ်မ့ၢ်ဂ့ၤန့ၣ်ဘၣ်လီၤ.”

လံာ်စီၤပၤအခီၣ်ထံးတဘ့ၣ် 20:35

ဒ်ယွၤဟ့ၣ်လီၤတၢ်ကလုၢ်အသိးန့ၣ်ဝံတဖၣ်အကရၢတကရၢ, အကရၢဖိတဂၤမၢအဝံကဒဲကဒဲဒီးအီၤတဂၤတီၢ်အီၤန့ၣ်လီၤ. ဘၣ်ဆၣ်အဝဲဂ့ၢ်လိာ်ဝဲ,

လံာ်စီၤပၤခံဘ့ၣ်တဘ့ၣ် 23:15

စီၤယိၤၡံယၤမၤလီၤပှီၢ်ကွံာ်စ့ၢ်ကီးတၢ်ဘူၣ်ထီၣ်ဘါထီၣ်အလီၢ် လၢဝ့ၢ်ဘ့ၤသ့လးအပူၤ, လၢအဘၣ်တၢ်ဘှီထီၣ်တ့ၢ်အီၤလၢစီၤနဘးအဖိခွါစီၤပၤယၤရၤ ဘၣ်, ပှၤလၢအဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ. စီၤယိၤၡံယၤမၤလီၤပှီၢ်ကွံာ်တၢ်လုၢ်လီၢ်, မၤလီၤကလဲကွံာ်ဝဲအလၢၢ်တဖၣ်ဆူအက့အခီ, ဒီးတိၢ်လီၤကလဲကွံာ်အီၤဆူဖၣ်ကမူၣ်ဖၣ်ဆါန့ၣ်လီၤ. အဝဲဒွဲၣ်အူထီၣ်ကွံာ်စ့ၢ်ကီးအၡ့ရၤအဂီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:17

အဝဲသံကွၢ်ဝဲ, “တၢ်အံၤမ့ၢ်မတၤအသွၣ်ခိၣ်လဲၣ်.” ဝ့ၢ်ဘ့ၤသ့လးအပှၤဂီၢ်မုၢ်စံးဆၢဝဲ, “တၢ်အံၤမ့ၢ်ဝံတဂၤလၢ အဟဲလၢကီၢ်ယူဒၤဒီးတဲဆိတ့ၢ်ဝဲတၢ်သ့ၣ်တဖၣ်အံၤဒ်နမၤဘၣ် တ့ၢ်တၢ်လုၢ်လီၢ်အံၤ, အသွၣ်ခိၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 26:16

ဘၣ်ဆၣ်, တုၤစီၤပၤစီၤဧူးစံယါအဂံၢ်အဘါဆူၣ်ထီၣ်ဝဲန့ၣ်, အဝဲအတၢ်သးထီၣ်ထီဒိၣ်ထီၣ်ဝဲ, ဒီးတၢ်န့ၣ်ဆှၢဃီၤအီၤဆူ အတၢ်ဟးဂီၤအပူၤန့ၣ်လီၤ. အဝဲခီၣ်ဆၢယွၤ, ကစၢ်ယွၤ, ခီဖျိအတၢ်လဲၤနုာ်ဆူယွၤအတၢ်လုၢ်ဟံၣ်လၢအကဆူးကဲၤ တၢ်နၢမူဖဲတၢ်လုၢ်လီၢ်လၢတၢ်ဆူးကဲၤတၢ်နၢမူန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:18

အဝဲသ့ၣ်စံးဝဲ, “စီၤဧူးစံယါဧၢ, နတၢ်ခွဲးတၢ်ယာ်တအိၣ်နီ တမံၤလၢနကဆူးကဲၤထီၣ်တၢ်နၢမူဆူယွၤအအိၣ်န့ၣ်ဘၣ်. ထဲပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ် ဧိၤန့ၣ်ဘၣ်တၢ်ပာ်စီဆှံတ့ၢ်အီၤလၢကမၤတၢ်အံၤန့ၣ်လီၤ. ဟးထီၣ်ကွံာ်လၢတၢ်လီၢ်စီဆှံအပူၤအံၤတက့ၢ်. နမၤကမၣ်တ့ၢ်ယွၤ, ကစၢ်ယွၤ, ဒီးနတဒိးန့ၢ်လၢၤဘၣ်အတၢ်ဆိၣ်ဂ့ၤနီတစုဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 9:29

တၢ်စံၣ်စိၤတဲစိၤအိၣ်လီၤတဲာ်ဘၣ်ထွဲဒီးစီၤၡလိၤမိၤစးထီၣ် လၢအခီၣ်ထံးဒီးတုၤလၢအကတၢၢ်န့ၣ်ဘၣ်တၢ်ကွဲးနီၣ်ကွဲးဃါအီၤ တၢ်စံၣ်စိၤတဲစိၤအလံာ်လၢအဘၣ်တၢ်ကွဲးအီၤလၢဝံနၤသၣ်အပူၤ, ဒီးလၢစီၤအဃံယၤလၢဝ့ၢ်ၡံလိၤ, အလံာ်ဝံအတၢ်စံးပာ်အပူၤ, ဒီးလၢဝံယံးဒိၤအတၢ်ထံၣ်လၢညါခီအလံာ်ဘၣ်ထွဲဒီးအံၣ်စရ့ လးအစီၤပၤယၤရၤဘၣ်အတၢ်ပၢအဂ့ၢ်အပူၤန့ၣ်လီၤ.

လံာ်ယံးရမံယၤ 11:12

အန့ၣ်ဒီး, ကီၢ်ယူဒၤဒီးဝ့ၢ်ယရူၤရှလ့ၣ်အပှၤဂီၢ်မုၢ်ကလဲၤဆူ ကစၢ်တဖၣ်လၢအဝဲသ့ၣ်လုၢ်ထီၣ်ပာ်ထီၣ်တၢ်လုၢ်တၢ်ပာ် တဖၣ်ဆူအအိၣ်, ဒီးကကိးထီၣ်အဝဲသ့ၣ်လၢတၢ်မၤစၢၤ အဂီၢ်လီၤ. ဘၣ်ဆၣ်ဖဲတၢ်မၤဟးဂီၤအံၤဟဲတုၤဝဲန့ၣ်, ကစၢ်တဖၣ်အံၤမၤပူၤမၤဖျဲးအဝဲသ့ၣ်တသ့ဘၣ်လီၤ.

လံာ်ယံးရမံယၤ 25:3

လၢခံဆံသၢနံၣ်အတီၢ်ပူၤ, စးထီၣ်လၢ စီၤအၤမိၣ်အဖိခွါ ကီၢ်ယူဒၤ အစီၤပၤ, စီၤယိၤၡံယၤ ပၢတၢ်ပှဲၤထီၣ်တဆံသၢနံၣ်တနံၣ်ဒီး တုၤလီၤလၢ မုၢ်မဆါတနံၤအံၤန့ၣ်, ယွၤကတိၤတ့ၢ်တၢ်ဒီးယၤ, ဒီးတၢ်လၢအဝဲစံးဘၣ်တ့ၢ်ယၤန့ၣ်, ယတတဲဘၣ်သုဒီး ယတအိၣ်နီတစုဘၣ်. ဘၣ်ဆၣ်သုတပာ်သူၣ်ပာ်သးလၢ အဂ့ၢ်နီၤတစဲးဘၣ်.

လံာ်ယံးရမံယၤ 32:29

ဒီးဒွဲၣ်အူထီၣ်အီၤလၢ မ့ၣ်အူလီၤ. အဝဲသ့ၣ် ကဆူးထီၣ်ကွံာ် ဝ့ၢ် အံၤ ဃုာ်ဒီးဟံၣ်တဖၣ် ဖဲပှၤဂီၢ်မုၢ်မၤသးဒိၣ်တ့ၢ်ယၤ ခီဖျိတၢ်ဆိၣ် ကဲၤ တၢ်နၢမူလၢဘဧၤလၤ အဂီၢ်လၢ ဟံၣ်ခိၣ်တဖၣ်အလိၤဒီး ခီဖျိ တၢ်လူလီၤဂၢ်လီၤ တၢ်လုၢ်စပံးထံတဖၣ်ဆူ ကစၢ်အဂၤတဖၣ် အအိၣ်အဃိလီၤ.

လံာ်ဧၤမိၣ် 7:13

မ့မ့ၢ်ဖဲဝ့ၢ်ဘ့ၤသ့လးအံၤကတိၤလၢၤတၢ်လၢဝံအကျိာ်နီတစု လၢၤတဂ့ၤ. တၢ်လီၢ်အံၤမ့ၢ်စီၤပၤဘူၣ်ထီၣ်ဘါထီၣ်တၢ်အလီၢ်, ဒီးထံကီၢ်အတၢ်လုၢ်ဟံၣ်လီၤ.

လံာ်ဧၤမိၣ် 7:16

ဒီးခဲကနံၣ်အံၤကနၣ်ယွၤအကလုၢ်တက့ၢ်. နတဲယၤလၢယကဘၣ်ဆိကတီၢ်တၢ်ကတိၤလၢဝံအကျိာ်ထီဒါ အံၣ်စရ့လး, ဒီးဆိကတီၢ်တၢ်စံၣ်တဲၤတဲလီၤထီဒါစီၤအံၤစဲး အပှၤဟံၣ်ဖိလီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်တၢ်ဂံၢ် 16:40

အဝဲအံၤမ့ၢ်တၢ်ဟ့ၣ်ပလီၢ်သးတမံၤဆူပှၤအံၣ်စရ့လးဖိတဖၣ်ဒ် သိးပှၤလၢအတမ့ၢ်ဘၣ်စီၤအၤဟရိၣ်အစၢၤအသွဲၣ်တဖၣ်အသု တဟဲဘူးဒီးတၢ်လုၢ်လီၢ်နီတဂၤလၢကဆိၣ်ကဲၤတၢ်နၢမူဆူယွၤ အဂီၢ်တဂ့ၤန့ၣ်လီၤ. မ့တမ့ၢ်ဘၣ်ဒ်န့ၣ်ဒီး, အဝဲကဘၣ်တၢ်မၤဟးဂီၤကွံာ်အီၤဒ်စီၤကိၤရးဒီးအပှၤတဖၣ်အသိး န့ၣ်လီၤ. တၢ်ခဲလၢာ်အံၤဘၣ်တၢ်မၤဝံၤအီၤဒ်ယွၤမၤလိာ်တ့ၢ်စီၤအ့လၤ ဧစၢ်ခီဖျိစီၤမိၤၡ့အသိးန့ၣ်လီၤ.

၁ သ့းစၤလနံ 4:15

တၢ်လၢပစံးဘၣ်တဲဘၣ်သုအံၤန့ၣ်, မ့ၢ်ဝဲတၢ်တမံၤဃီလၢ ကစၢ်သိၣ်လိဝဲန့ၣ်လီၤ. ပဝဲလၢအအိၣ်မူဒံးဖဲကစၢ်ဟဲအဆၢ ကတီၢ်တဖၣ်န့ၣ်, ပတလဲၤဆိလၢပှၤသံတ့ၢ်တဖၣ်အမဲာ်ညါန့ၣ်ဘၣ်.

လံာ်လီၣ်ဖျါ 8:3

ကလူးအဂၤတဂၤလၢအအိၣ်ဒီးတၢ်ဆိၣ်ကဲၤနၢမူအလီခီထူ တဘ့ၣ်န့ၣ်, ဟဲဒီးဆၢထၢၣ်ဝဲဒၣ်ဖဲတၢ်လုၢ်လီၢ်အခီၣ်ထံးလီၤ. အဝဲဒၣ်ဘၣ်တၢ်ဟ့ၣ်အီၤတၢ်နၢမူနၢဆှီအါအါဂီၢ်ဂီၢ်ဒ်သိး အကမၤအါထီၣ်ကစၢ်ယွၤအပှၤစီဆှံခဲလၢာ်အတၢ်ထုကဖၣ် တဖၣ်, ဒီးကလုၢ်ထီၣ်အီၤလၢတၢ်လုၢ်လီၢ်ထူအဖီခိၣ်, တၢ်လုၢ်လီၢ်ထူလၢအအိၣ်ဆၢထၢၣ်ဝဲဒၣ်ဖဲလီၢ်ပစိာ် အမဲာ်ညါန့ၣ်အဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:27

ဝံတဂၤဟဲဆူစီၤဧ့လံၤအအိၣ်ဃုာ်ဒီးတၢ်ကစီၣ်အံၤလၢယွၤအအိၣ်လီၤ. “ဖဲနမိၢ်ပၢ်ဖံဖုလၢပျၢၤ, စီၤအၤဟရိၣ်ဒီးအဟံၣ်ဖိဃီဖိ တဖၣ်မ့ၢ်ကီၢ်အဲၤကူပတူးအစီၤပၤအကုၢ်တဖၣ်န့ၣ်ယလီၣ်ဖျါထီၣ် ယသးလၢစီၤအၤဟရိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:6

ဒီးအကုၢ်စံးဆၢအီၤ, “အိၣ်ခိးဒၣ်ကလိာ်တက့ၢ်. လၢဝ့ၢ်အံၤအပူၤန့ၣ်ပှၤစီဆှံ လၢအဘၣ်တၢ်ပာ်ကဲအီၤဒိၣ်မးလၢအလၢကယဲၢ်အတၢ်ကတိၤကိးထံၣ်ဒဲး လၢထီၣ်ပှဲၤထီၣ်န့ၣ်, အိၣ်တဂၤလီၤ. မ်ပလဲၤသကိးဆူအအိၣ်တက့ၢ်. ဘၣ်သ့ၣ်သ့ၣ်အဝဲတဲပှၤလၢပထံၣ်က့ၤကသ့ၣ်ယီၤတဖၣ်ကသ့ဝဲ ဖဲလဲၣ်န့ၣ်လီၤ.”