လံာ်စီၤပၤအခီၣ်ထံးတဘ့ၣ် 12:32 - Sgaw Karen Common Bible

³² စီၤယၤရၤဘၣ်ဒုးအိၣ်ထီၣ်စ့ၢ်ကီးတၢ်ဘူၣ်တၢ်ဘါအမူးတမူးလၢ လါဃိးလါတလါထီၣ်တဆံယဲၢ်သီတသီအနံၤ, ဒ်မူးလၢကီၢ်ယူဒၤအပူၤအသိးန့ၣ်လီၤ. လၢတၢ်လုၢ်လီၢ်လၢဝ့ၢ်ဘ့ၤသ့လးအဖီခိၣ်န့ၣ်, အဝဲလုၢ်ထီၣ်တၢ်လုၢ်တၢ်ပာ်တဖၣ်ဆူဂီၤဖံးဖါထူတဖၣ်လၢ အဝဲမၤထီၣ်တ့ၢ်ဝဲ, ဒီးဖဲန့ၣ်, လၢဝ့ၢ်ဘ့ၤသ့လးအပူၤန့ၣ်, အဝဲဃုထၢထီၣ်ပှၤလုၢ်တၢ်အခိၣ်တဖၣ်လၢကမၤ တၢ်ဖဲတၢ်ဘူၣ်ထီၣ်ဘါထီၣ်အလီၢ်လၢအဝဲဘှီထီၣ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:32 Iomraidhean Croise

လံာ်စီၤပၤအခီၣ်ထံးတဘ့ၣ် 13:1

ဖဲစီၤယၤရၤဘၣ်ဆၢထၢၣ်ဝဲဖဲတၢ်လုၢ်လီၢ်လၢကလုၢ်ထီၣ်ပာ်ထီၣ် တၢ်န့ၣ်ယွၤအဝံတဂၤလၢကီၢ်ယူဒၤလဲၤတုၤဝဲဆူဝ့ၢ်ဘ့ၤသ့လး ဒ်ယွၤမၤလိာ်အီၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:33

ကီၢ်အံၣ်စရ့လးအစီၤပၤစီၤယၤရၤဘၣ်တဃၣ်ကဒါက့ၤဒံးဘၣ်အသး လၢအကျဲအၢကျဲသီတဖၣ်န့ၣ်ဘၣ်. မ့မ့ၢ်မၤထွဲဒံးတၢ်ဃုထၢပှၤလုၢ်တၢ်အခိၣ်တဖၣ်လၢပှၤပတီၢ်မုၢ် အဒူၣ်ဖိထၢဖိတဖၣ်အကျါ, ဒ်သိးကမၤတၢ်လၢတၢ်လုၢ်လီၢ်တဖၣ်လၢအဝဲဘှီထီၣ်တ့ၢ်ဝဲန့ၣ် လီၤ. ပှၤတဂၤလၢ်လၢ်လၢအသးအိၣ်ကဲထီၣ်ပှၤလုၢ်တၢ်အခိၣ်န့ၣ်အဝဲပာ်စီ ဆှံထီၣ်ဝဲဒ်ပှၤလုၢ်တၢ်အခိၣ်တဂၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:2

အဝဲသ့ၣ်ခဲလၢာ်အိၣ်ဖှိၣ်ရိဖှိၣ်ဖဲတၢ်မၤဘူၣ်ဘူၣ်ဒဲအခါလၢ လါအ့သၤနံၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:5

စီၤပၤၡလိၤမိၤဒီးကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် အိၣ်ဖှိၣ်ရိဖှိၣ်ဝဲလၢယွၤအတၢ်အၢၣ်လီၤအီလီၤအတလါအမဲာ်ညါ, ဒီးလုၢ်ထီၣ်ပာ်ထီၣ်သိ, ဒီးဂီၤဖံးအါအါကလဲာ်, အါတုၤဒၣ်လဲာ်တၢ်ဂံၢ်အီၤတသ့ဘၣ်န့ၣ်လီၤ.

လံာ်တၢ်ဟးထီၣ်ကွံာ် 32:5

အန့ၣ်ဒီးစီၤအၤဟရိၣ်ဘှီထီၣ်တၢ်လုၢ်လီၢ်တခါလၢဂီၤဖံးထူ န့ၣ်အမဲာ်ညါဒီးဘိးဘၣ်သ့ၣ်ညါဝဲဒ်အံၤ, “ခဲမုၢ်ဆ့ၣ်န့ၣ်မူးဖးဒိၣ်ကအိၣ်ဝဲတမူးလၢတၢ်မၤလၤကပီၤ ယွၤအဂီၢ်န့ၣ်လီၤ.”

လံာ်ယဃ့းစက့လး 43:8

စီၤပၤတဖၣ်ဘှီထီၣ်အနူၢ်ဧိၤစီၤဧိၤအကျဲစၢၤအကျိၤထံးဒီးအတြဲၤအ ထူၣ်တဖၣ်သဃဲၤလိာ်အသးဒီးယတၢ်လုၢ်ဟံၣ်အကျဲစၢၤကျိၤထံးဒီးတြဲၤ ထူၣ်တဖၣ်တုၤဒၣ်လဲာ်လၢအဘၢၣ်စၢၤန့ၣ်အိၣ်ဒၣ်ထဲတၢ်ဒူၣ်တဒူၣ် ဧိၤန့ၣ်လီၤ. အဝဲသ့ၣ်မၤမဲာ်ဆှးယမံၤစီဆှံခီဖျိတၢ်လီၤ သးဘၣ်အၢတဖၣ်လၢအဝဲ, သ့ၣ်မၤတ့ၢ်ဝဲအဃိ သတးဒီးလၢယတၢ်သးကဲၤထီၣ်အပူၤန့ၣ်ယမၤဟးဂီၤကွံာ် အဝဲသ့ၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 17:5

ဒီးစီၤမံၤကါအိၣ်ဒီးအတၢ်ဘူၣ်ထီၣ်ဘါထီၣ်အလီၢ်ဒၣ်ဝဲလီၤ. အဝဲမၤတၢ်ဂီၤတနီၤဒီးအ့ဖိးတဘ့ၣ် ဒီးပာ်ထီၣ်အဖိခွါအကျါတဂၤဒ်အပှၤလုၢ်တၢ်အဒိၣ်လီၤ.