လံာ်စီၤပၤအခီၣ်ထံးတဘ့ၣ် 12:31 - Sgaw Karen Common Bible

³¹ စီၤယၤရၤဘၣ်မၤထီၣ်စ့ၢ်ကီးတၢ်ဘူၣ်ထီၣ်ဘါထီၣ်အလီၢ်တဖၣ်လၢတၢ် လူၢ်တဖၣ်အဒီခိၣ်ဒီးအဝဲဃုထၢထီၣ်ဝဲ, ပှၤလုၢ်တၢ်အခိၣ်တဖၣ်လၢဒူၣ်ဖိထၢဖိတဖၣ်အတမ့ၢ်ပှၤလ့ၤဝံအဒူၣ် အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:31 Iomraidhean Croise

လံာ်စီၤပၤအခီၣ်ထံးတဘ့ၣ် 13:24

ဒီးအဝဲဒိးထီၣ်ဝဲလီၤ. လၢကျဲန့ၣ်, ခ့ယုၢ်တဒုဟဲခိးလီၤ အခိၣ်ဒီးမၤသံအီၤန့ၣ်လီၤ. အဝဲအစိၣ်အိၣ်မံလီၤအသးလၢကျဲအလိၤ, ဒီးကသ့ၣ်ယီၤဒီးခ့ယုၢ်အိၣ်ဆၢထၢၣ်ဝဲဖဲအဃၢၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:23

အဝဲသ့ၣ်ဘှီထီၣ်တၢ်ဘူၣ်ထီၣ်ဘါထီၣ်အလီၢ်တဖၣ်လၢယွၤကဘျံးကဘျၣ် တဖၣ်အဂီၢ်ဒီးပာ်ထီၣ်လၢၢ်ထူၣ်တဖၣ်, ကစၢ်မုၣ်အၡ့ရၤအပနီၣ်လၢကဘူၣ်ထီၣ်ဘါထီၣ်ဝဲလၢကစၢၢ်ကလိအလိၤ မ့ၢ်ဂ့ၤ, သ့ၣ်အကဒုတဖၣ်အဖီလာ်မ့ၢ်ဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:28

လၢတၢ်န့ၣ်အဃိကီၢ်အံၣ်စရ့လးအပှၤလုၢ်တၢ်အခိၣ်တဂၤလၢ, အဘၣ်တၢ်ဟဲကိးအီၤလၢၡၤမရံန့ၣ်, လဲၤဒီးအိၣ်ဆိးဝဲဖဲဝ့ၢ်ဘ့ၤသ့လး, တၢ်လီၢ်ဖဲအဝဲသိၣ်လိပှၤဂီၢ်မုၢ်လၢကဘူၣ်ထီၣ် ဘါထီၣ်ယွၤဒ်လဲၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:29

ဘၣ်ဆၣ်ပှၤဂီၢ်မုၢ်လၢအသူၣ်လီၤအတၢ်အိၣ်တၢ်ဆိးအလီၢ်ဖဲ ၡၤမရံအပူၤန့ၣ်, မၤဒံးဒၣ်အတၢ်ဂီၤတၢ်ဖီၣ်ဒၣ်ဝဲတဖၣ်ဒီးအဝဲ သ့ၣ်ပာ်လီၤဝဲဒၣ်လၢတၢ်ဘူၣ်ထီၣ်ဘါထီၣ်အလီၢ်တဖၣ်, လၢပှၤအံၣ်စရ့လးဖိတဖၣ်သူၣ်ထီၣ်တ့ၢ်ဝဲအပူၤန့ၣ်လီၤ. ပှၤတကရူၢ်ဘၣ်တကရူၢ်လၢအလီၤဆီလိာ်အသးန့ၣ်မၤတၢ်ဂီၤတၢ်ဖီၣ် တဖၣ်လၢဝ့ၢ်တဖၣ်လၢအဝဲသ့ၣ်အိၣ်ဆိးဝဲအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:32

ပှၤဂီၢ်မုၢ်တဖၣ်အံၤဘူၣ်ထီၣ်ဘါထီၣ်စ့ၢ်ကီးယွၤဒီးဃုထၢထီၣ် ပှၤလၢအဝဲသ့ၣ်အကျါပှၤကလုာ်ကလုာ်, လၢကမၤတၢ်ဒ်ပှၤလုၢ်တၢ်အခိၣ်တဖၣ်အသိးလၢပှၤတစူၢ်တနာ်ယွၤတဖၣ် အတၢ်ဘူၣ်ထီၣ်ဘါထီၣ်အလီၢ်တဖၣ်, ဒီးဒ်သိးကလုၢ်ထီၣ်တၢ်လုၢ်တၢ်ပာ်တဖၣ်လၢအဝဲသ့ၣ်အဂီၢ်ဖဲန့ၣ်, န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:9

သုဟီထီၣ်ကွံာ်တ့ၢ်ယွၤအပှၤလုၢ်တၢ်အခိၣ်တဖၣ်လၢအမ့ၢ်စီၤအၤ ဟရိၣ်အစၢၤအသွဲၣ်တဖၣ်, ဒီးသုဟီထီၣ်ကွံာ်တ့ၢ်ပှၤလ့ၤဝံ ဖိတဖၣ်န့ၣ်လီၤ. လၢအဝဲသ့ၣ်အလီၢ်န့ၣ်သုဃုထၢပာ်လီၤပှၤလုၢ် တၢ်အခိၣ်တဖၣ်ဒ်ပှၤကလုာ်ဂၤတဖၣ်မၤဝဲအသိးန့ၣ်လီၤ. ပှၤတဂၤလၢ်လၢ်လၢအဟဲစိာ်ဂီၤဖံးဖါတဒုမ့ၢ်ဂ့ၤ, သိနွံဒုမ့ၢ်ဂ့ၤန့ၣ်, ပာ်စီဆှံထီၣ်အသး, ဒ်ပှၤလုၢ်တၢ်အခိၣ်တဂၤသ့ဝဲလၢတၢ်တဖၣ်လၢသုကိးအီၤလၢသုကစၢ် တဖၣ်, အဂီၢ်န့ၣ်လီၤ.

လံာ်ယဃ့းစက့လး 16:25

နကွံာ်လီၤနတၢ်ဃံတၢ်လၤလၢကပံာ်ကျါလီၤ. နဟ့ၣ်လီၤနသး ဆူပှၤကိးဂၤဒဲးလၢအဟဲတြူာ်ဝဲန့ၣ်လီၤ. ဒီးတနံၤဘၣ်တနံၤန့ၣ်, နလီၤဂာ်ဒီးပှၤဃဲသဲမုၣ်ဒံးယံာ်ဒံးအါထီၣ်လီၤ.

လံာ်ဟိၤၡ့ 12:11

အန့ၣ်ဒၣ်လဲာ်, တၢ်ဂီၤတၢ်ဖီၣ်တဖၣ်ဘၣ်တၢ်ဘါထီၣ်အီၤလၢကီၢ်ကံး လဧးအပူၤဒီးပှၤတဖၣ်လၢအဘါထီၣ်အီၤန့ၣ်ကသံဝဲဒၣ်လီၤ. ဂီၤဖံးဖါတဖၣ်ဘၣ်တၢ်လုၢ်ထီၣ်အီၤလၢကံးလကၤလးအပူၤဒီးတၢ် လုၢ်လီၢ်ဖဲန့ၣ်တဖၣ်ကကဲထီၣ်လၢၢ်အပူၣ်တဖၣ်လၢတၢ်ပျီပူၤန့ၣ်လီၤ.”

လံာ်ဧၤမိၣ် 7:10

ဒီးစီၤအမၤစယါ, ဝ့ၢ်ဘ့ၤသ့လးအပှၤလုၢ်တၢ်အခိၣ်ဆှၢလီၤတၢ် ကစီၣ်ဆူအံၣ်စရ့လးအစီၤပၤစီၤယၤရၤဘၣ်အအိၣ်ဒီးစံးဝဲဒၣ်, စီၤဧၤမိၣ်ကူၣ်ထီၣ်တၢ်အၢထီဒါနၤလၢအံၣ်စရ့လးဖိအကျါလီၤ. အတၢ်ကတိၤတဖၣ်ကမၤဟးဂီၤကွံာ်ထံကီၢ်န့ၣ်လီၤ.

လံာ်တၢ်ဂံၢ် 3:10

နကဘၣ်ဃုထၢပာ်လီၤစီၤအၤဟရိၣ်ဒီးအဖိခွါတဖၣ်လၢကမၤပှၤလုၢ် တၢ်အခိၣ်အတၢ်မၤတဖၣ်အဂီၢ်န့ၣ်လီၤ. ဒီးပှၤအဂၤတဂၤလၢ်လၢ်လၢအဂုာ်မၤအဝဲသ့ၣ်အတၢ်မၤန့ၣ် ကဘၣ်တၢ်မၤသံကွံာ်အီၤန့ၣ်လီၤ.”

လံာ်သိၣ်လီၤသီလီၤတၢ် 24:15

ကိးမုၢ်နံၤဒဲးတချုးလၢမုၢ်လီၤနုာ်ဒံးဘၣ်န့ၣ်ဟ့ၣ်အီၤ အဘူးအလဲလၢမုၢ်တနံၤန့ၣ်အဂီၢ်တက့ၢ်. အဝဲလိၣ်ဘၣ်တိၢ်န့ၣ်ဒီးမုၢ်လၢ်ဒိးန့ၢ်ဘၣ်တၢ်အဃိန့ၣ်လီၤ. သုမ့ၢ်တဟ့ၣ်အဘူးအလဲဘၣ်ဒီး, အဝဲကကိးထီၣ်ထီဒါသုဆူယွၤအအိၣ်, ဒီးသုကအိၣ်ဒီးတၢ်ကမၣ် လၢတၢ်ဒဲးဘးအဃိန့ၣ်လီၤ.