လံာ်စီၤပၤအခီၣ်ထံးတဘ့ၣ် 12:28 - Sgaw Karen Common Bible

²⁸ ဖဲအဝဲဆိကမိၣ်တၢ်ဒ်သိးအံၤဝံၤအလီၢ်ခံန့ၣ်, အဝဲမၤထီၣ်ဂီၤဖံးဖါခံဒုအဂီၤလၢထူဒီးစံးဘၣ်အပှၤဂီၢ်မုၢ်, “သုလဲၤတ့ၢ်လံဆူဝ့ၢ်ယရူၤၡလ့ၣ်လၢတၢ်ဘူၣ်ထီၣ်ဘါထီၣ်အဂီၢ် ယံာ်တ့ၢ်မးလံ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အအံၤမ့ၢ်သုကစၢ်တဖၣ်လၢအဟဲစိာ်ထီၣ်ကွံာ်သုလၢကီၢ်အဲၤကူ ပတူးအပူၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 12:28 Iomraidhean Croise

လံာ်စီၤပၤအခီၣ်ထံးတဘ့ၣ် 14:9

နမၤတ့ၢ်တၢ်ဒဲးဘးတဖၣ်ဒိၣ်အါန့ၢ်ဒံးပှၤပၢတ့ၢ်တၢ်လၢနမဲာ်ညါ တဖၣ်တက့ၢ်န့ၣ်လီၤ. နညိကွံာ်ယၤဒီးနထိၣ်ဂဲၤထီၣ်ယတၢ်သးထီၣ်ခီဖျိဘါထီၣ်ကစၢ် အဂၤတဖၣ်ဒီးမၤထီၣ်တၢ်ဂီၤတၢ်ဖီၣ်တဖၣ်လၢစ့, တိၢ်, ထး, ဒ်သိးနကဘါထီၣ်အီၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:26

ဒ်အပၢ်လၢအမဲာ်ညါအသိး, အဝဲမၤတ့ၢ်တၢ်ဒဲးဘးထီဒါယွၤဒီး ဆှၢဃီၤပှၤအံၣ်စရ့လးဖိတဖၣ်ဆူတၢ်ဒဲးဘးအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:19

တၢ်အံၤမၤအသးမ့ၢ်လၢအဝဲအတၢ်ဒဲးဘးတဖၣ်ထီဒါယွၤအဃိန့ၣ် လီၤ. ဒ်ပှၤပၢတၢ်လၢအဝဲအမဲာ်ညါစီၤယၤရၤဘၣ်အသိးန့ၣ်အဝဲမၤသး အုးတ့ၢ်ယွၤလၢအကစၢ်ဒၣ်ဝဲအတၢ်ဒဲးဘးတဖၣ်အဃိဒီးလၢအဆှၢဃီၤ ကီၢ်အံၣ်စရ့လးဆူတၢ်ဒဲးဘးအပူၤအဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:29

ဘၣ်ဆၣ်အဝဲမၤဒိးစီၤပၤယၤရဘၣ်, အတၢ်ဒဲးဘးန့ၣ်လီၤ. စီၤယၤရၤဘၣ်မ့ၢ်ပှၤလၢအဆှၢဃီၤကီၢ်အံၣ်စရ့လးဆူတၢ်ဒဲးဘး အပူၤခီဖျိတၢ်ဘူၣ်ထီၣ်ဘါထီၣ်ဂီၤဖံးထူတဖၣ်လၢအဝဲပာ်ထီၣ် ဝဲဖဲဝ့ၢ်ဘ့ၤသ့လးဒီးဝ့ၢ်ဒၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:16

အဝဲသ့ၣ်ဘိးဃၣ်ကွံာ်ကယဲၢ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီခဲလၢာ်ဒီးသိန့ၢ်ဂီၤဖံးဖါခံဒုအဂီၤလၢ တိၢ်, စ့ဒီးထး, လၢကဘူၣ်ထီၣ်ဘါထီၣ်ဝဲအဂီၢ်န့ၣ်လီၤ. အဝဲသ့ၣ်မၤစ့ၢ်ကီးတၢ်ဂီၤတၢ်ဖီၣ်တခါလၢအမ့ၢ် ကစၢ်မုၣ်အၡ့ရၤအဂီၤ, ဘူၣ်ထီၣ်ဘါထီၣ်ဆၣ်ဧိၤဖီဧိၤတဖၣ်, ဒီးမၤကစၢ်ဘဧၤလးအတၢ်မၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:8

ပိာ်ထွဲလုၢ်လၢ်တဖၣ်လၢအအိၣ်ဒီးပှၤဂီၢ်မုၢ်အခံ, ပှၤဂီၢ်မုၢ်လၢယွၤဟီထီၣ်ကွံာ်အီၤဖဲအဝဲအပှၤဂီၢ်မုၢ်ဟဲနုာ် လီၤအခါ, ဒီးတူၢ်လိာ်မၤထွဲလုၢ်လၢ်တဖၣ်လၢကီၢ်အံၣ်စရ့လး အစီၤပၤတဖၣ်ဒုးအိၣ်ထီၣ်တ့ၢ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:14

ပှၤလ့ၤဝံဖိတဖၣ်ပာ်တ့ၢ်ကွံာ်အဝဲသ့ၣ်တၢ်အီၣ်ဆၣ်အလီၢ်လါဟ့တ ဖၣ်, ဒီးအတၢ်အိၣ်ဆိးတၢ်လီၢ်အဂၤတဖၣ်, ဒီးဟဲသုးဆူကီၢ်ယူဒၤဒီး ဝ့ၢ်ယရူၤၡလ့ၣ်န့ၣ်လီၤ. အဂ့ၢ်ဒ်အံၤ, အံၣ်စရ့လးအစီၤပၤယၤရၤဘၣ်ဒီးပှၤလၢအထီၣ်အလီၢ် တဖၣ်တပျဲဘၣ်အဝဲသ့ၣ်မၤတၢ်ဒ်ယွၤအပှၤလုၢ်တၢ်အခိၣ်တဖၣ်အသိးအဃိ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:15

စီၤယၤရၤဘၣ်ဃုထၢပာ်လီၤအကစၢ်ဒၣ်ဝဲအပှၤလုၢ်တၢ်အခိၣ်တဖၣ်လၢ ကမၤတၢ်ဖဲလၢပှၤဘါတၢ်ဂီၤတၢ်ဖီၣ်တဖၣ်ဘါတၢ်အလီၢ်, ဒီးလၢကဘူၣ်ထီၣ်ဘါထီၣ်တၢ်ဝံတၢ်နါတဖၣ်ဒီးတၢ်ဂီၤတၢ်ဖီၣ်တဖၣ် လၢအဝဲသိဝဲ, ဒ်ဂီၤဖံးဖါအဂီၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:8

ခဲကနံၣ်အံၤ, သုကူၣ်ထီၣ်လၢသုကဒုးတၢ်ထီဒါစီၤပၤအတၢ်စိ တၢ်ကမီၤ, လၢယွၤဟ့ၣ်တ့ၢ်စီၤဒၤဝံးအစၢၤအသွဲၣ်တဖၣ်န့ၣ်လီၤ. သုအိၣ်ဒီးသုသုးမုၢ်ဖးဒိၣ်တဖုဒီးသုအိၣ်ဒီးဂီၤဖံးဖါ ထူအဂီၤတဖၣ်လၢစီၤယၤရၤဘၣ်တ့န့ၢ်တ့ၢ်သုဒ်သိးကမ့ၢ်သုကစၢ် တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:3

လၢအါနံၣ်အါလါအပူၤန့ၣ်, ကီၢ်အံၣ်စရ့လးအိၣ်မူဝဲ, တအိၣ်ဘၣ်ဒီးကစၢ်ယွၤအမ့ၢ်အတီ, တအိၣ်ဘၣ်ဒီးပှၤလုၢ်တၢ်အခိၣ် တဖၣ်လၢကသိၣ်လိအဝဲသ့ၣ်ဒီးတအိၣ်ဘၣ်ဒီးတၢ်စူၢ်တၢ်နာ်အတၢ်သိၣ် တၢ်သီတမံၤဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:4

အဝဲမၤတ့ၢ်အပၢ်အကစၢ်ယွၤအတၢ်မၤ, စူၢ်ကစၢ်ယွၤအတၢ်မၤလိာ်တဖၣ် ဒီးတမၤဘၣ်ဝဲဒ်ကီၢ်အံၣ်စရ့လးအစီၤပၤတဖၣ်မၤတ့ၢ်ဝဲအသိးန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 21:6

အဝဲပိာ်ထွဲတ့ၢ်စီၤပၤအၤဃာ်ဒီးကီၢ်အံၣ်စရ့လးအစီၤပၤအဂၤ တဖၣ်အဒိတဲာ်အၢသီအခံမ့ၢ်လၢအဝဲဒိးတ့ဒိးဖျီတ့ၢ်အသးဒီး စီၤအၤဃာ်အဖိမုၣ်တဖၣ်အကျါတဂၤအဃိန့ၣ်လီၤ. ဒီးမၤတ့ၢ်တၢ်ဒဲးဘးထီဒါယွၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 33:7

အဝဲပာ်လီၤတၢ်ဂီၤတၢ်ဖီၣ်တခါလၢယွၤအတၢ်လုၢ်ဟံၣ်အပူၤလီၤ. တၢ်လီၢ်န့ၣ်မ့ၢ်တၢ်လီၢ်ဖဲကစၢ်ယွၤစံးဘၣ်တ့ၢ်စီၤဒၤဝံးဒီးအဖိခွါ စီၤၡလိၤမိၤ, “လၢယွၤအတၢ်လုၢ်ဟံၣ်အပူၤ, ဖဲဝ့ၢ်ယရူၤၡလ့ၣ်အပူၤအံၤ, မ့ၢ်တၢ်လီၢ်တတီၤလၢယဃုထၢတ့ၢ်အီၤလၢကယဲၢ်အံၣ်စရ့လးတဆံခံ ဒူၣ်အလီၢ်ကဝီၤအကျါ, ဒ်တၢ်လီၢ်လၢတၢ်ကဘူၣ်ထီၣ်ဘါထီၣ်ယၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 1:10

ဒီးတၢ်ဒုးတၢ်ယၤမ့ၢ်အိၣ်ထီၣ်ဘၣ်ဖုးန့ၣ်, အဝဲသ့ၣ်ကပာ်ဖှိၣ် အသးဒီးပဒုၣ်ပဒါတဖၣ်ဒ်သိးကဒုးတၢ်ဒီးပှၤ, ဒီးဃ့ၢ်ပူၤဖျဲး ကွံာ်လၢထံကီၢ်အပူၤလီၤ. ပကဘၣ်ဃုကျဲလၢတၢ်တြီဆၢပှၤအံၣ်စရ့လးဖိတဖၣ် အါထီၣ်ဂီၢ်ထီၣ်အဂ့ၢ်န့ၣ်လီၤ.”

လံာ်တၢ်ဟးထီၣ်ကွံာ် 20:4

တၢ်တမံၤလၢ်လၢ်လၢအအိၣ်လၢမူခိၣ်မ့ၢ်ဂ့ၤ, လၢဟီၣ်ခိၣ်လိၤမ့ၢ် ဂ့ၤ, လၢထံကျါမ့ၢ်ဂ့ၤ, လၢဟီၣ်ခိၣ်လာ်မ့ၢ်ဂ့ၤန့ၣ်မၤထီၣ်အဂီၤလၢသုဂီၢ်တဂ့ၤ.

လံာ်တၢ်ဟးထီၣ်ကွံာ် 32:25

စီၤမိၤၡ့ထံၣ်ဝဲလၢစီၤအၤဟရိၣ်ပျဲပှၤဂီၢ်မုၢ်လူၤဘၣ်အသး ဒီးမၤဟးဂီၤလီၤအသးဒၣ်ဝဲလၢအဒုၣ်အဒါတဖၣ်အမဲာ်ညါလီၤ.

လံာ်တၢ်ဟးထီၣ်ကွံာ် 32:4

အဝဲဒၣ်ဟံးန့ၢ်ထူအကွီၤတဖၣ်ဒီးဃ့ၣ်ပှံၢ်လီၤအီၤဒီးလူလီၤ ထူအထံဆူတၢ်ဂီၤသိအသးအတကွီၣ်တခါအပူၤ, ဒီးဒုးကဲထီၣ်ဂီၤ ဖံးထူအဖါတဒုန့ၣ်လီၤ. ဒီးပှၤဂီၢ်မုၢ်စံးဝဲ, “ကီၢ်အံၣ်စရ့လးဧၢ, အဝဲအံၤမ့ၢ်ပကစၢ်, ပှၤလၢအထူးထီၣ်ကွံာ်ပှၤလၢကီၢ်အဲၤကူပတူး အပူၤန့ၣ်လီၤ.”

လံာ်တၢ်ဟးထီၣ်ကွံာ် 32:8

အဝဲသ့ၣ်ပာ်တ့ၢ်ကွံာ်လံကျဲလၢယမၤလိာ်တ့ၢ်အီၤဒ်သိးအကပိာ်ဝဲ အဂီၢ်န့ၣ်လီၤ. အဝဲသ့ၣ်မၤထီၣ်ဂီၤဖံးဖါဖိသိအသးလၢထူတဒုဒီး ဘူၣ်ထီၣ်ဘါထီၣ်အီၤဒီးလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဆူအအိၣ်လီၤ. အဝဲသ့ၣ်စံးလၢတၢ်အံၤမ့ၢ်အကစၢ်လၢအထုးထီၣ်အီၤလၢကီၢ်အဲၤကူပတူးအပူၤန့ၣ်လီၤ.

တၢ်ကတိၤဒိ. 14:12

တၢ်လၢနဆိကမိၣ်မ့ၢ်ကျဲအဘၣ်န့ၣ်, ဆှၢနၤဆူတၢ်သံသ့ဝဲလီၤ.

လံာ်ယၡါယၤ 30:1

ယွၤကတိၤလံတၢ်လံ. “ပှၤတဖၣ်လၢအပၢကီၢ်ယူဒၤန့ၣ် ကဘၣ်တၢ်စံၣ်ညီၣ်ဃါမနၤလၢတၢ်ပူထီၣ်ထီဒါယၤအဃိလီၤ. အဝဲသ့ၣ်ပိာ်ထွဲတၢ်တိာ်ကျဲၤတဖၣ်လၢယတမၤတ့ၢ်အီၤဒီး ဆဲးလီၤအမံၤလၢလံာ်ဃံၤဃာ်တဖၣ်အပူၤလၢအထီဒါတၢ်ဘၣ်ယသး, ဒီးပာ်ဖှိၣ်တၢ်ဒဲးဘးတမံၤလၢအဂၤတမံၤအဖီခိၣ်လီၤ.

လံာ်ယၡါယၤ 30:10

အဝဲသ့ၣ်တဲဘၣ်ဝံတဖၣ်လၢကအိၣ်ဘှ့ၣ် အိၣ်ဘှီၣ်န့ၣ်လီၤ. အဝဲသ့ၣ်စံးဝဲ, “ကတိၤတၢ်ဒီးပှၤဘၣ်ဃးဒီးတၢ်လၢအဘၣ် အဂ့ၢ်တဂ့ၤ. တဲဘၣ်ပှၤတၢ်လၢပသးအိၣ်နၢ်ဟူတက့ၢ်. မ်ပဟံးဃာ်ပတၢ်ထံၣ်တၢ်ဆိကမိၣ်ကမၣ်တဖၣ်တက့ၢ်.

လံာ်ယဃ့းစက့လး 16:26

နပျဲပှၤအဲၤကူပတူးဖိတဖၣ်လၢအအိၣ်လၢနဃၢၤလၢအသးကတၢန့ၣ် ကမံဃုာ်ဒီးနၤလၢလီၢ်မံခးအဖီခိၣ်လီၤ. ဒီးနသူနတၢ်မၤပှၤဃဲသဲမုၣ်အတၢ်မၤလၢကမၤသးထီၣ်ယၤအဂီၢ်န့ၣ် လီၤ.

လံာ်ယဃ့းစက့လး 23:8

အဝဲမၤထွဲဒံးတၢ်လၢအစးထီၣ်မၤတ့ၢ်ဝဲဒ်ပှၤဃဲသဲမုၣ်တဂၤ အသိးလၢကီၢ်အဲၤကူပတူးအပူၤ, ဖဲအဝဲအတၢ်မ့ၢ်ပှၤမုၣ်ကနီၤလီၤမၢ်ကွံာ်ဝဲဒၣ်န့ၣ်လီၤ. စးထီၣ်လၢအဝဲမ့ၢ်ပိာ်မုၣ်ဖိသၣ်တဂၤလံၤလံၤန့ၣ်, ပိာ်ခွါတဖၣ်မံဃုာ်ဒီးအီၤဒီးပာ်အီၤဒ်ပှၤဃဲသဲမုၣ်တဂၤ အသိးန့ၣ်လီၤ.

လံာ်ဒၤနံးယ့လး 3:1

စီၤပၤနဘူၤကးန့စၢ်မၤလိာ်ဝဲလၢတၢ်ဂီၤထူအထီအိၣ်အပျၢ်ဃုဆံ, အဒီၣ်တူာ်အိၣ်ဃုပျၢ်တဒုကဘၣ်တၢ်တ့ထီၣ်ဒီးဆီလီၤအီၤဖဲ ဝ့ၢ်ဒူရၤအတၢ်ပၢၤခိၣ်တတီၤလၢကီၢ်ဘၤဘူၤလိၣ်အပူၤန့ၣ်လီၤ.

လံာ်ဟိၤၡ့ 10:10

ယကဒုးတၢ်ဒီးပှၤဂီၢ်မုၢ်လၢအမၤတၢ်ဒဲးဘးအံၤဒီးစံၣ်ညီၣ်အဝဲ သ့ၣ်လီၤ. ပှၤကလုာ်တဖၣ်ကပာ်ဖှိၣ်ထီၣ်သကိးအသးထီဒါအဝဲသ့ၣ်, ဒီးအဝဲသ့ၣ်ကဘၣ်တၢ်စံၣ်ညီၣ်အီၤလၢအတၢ်ဒဲးဘးအဃိန့ၣ်လီၤ.

လံာ်ဟိၤၡ့ 10:8

ဝ့ၢ်အၤဝ့ၣ်အတၢ်လီၢ်စီဆှံတဖၣ်လၢတၢ်လူၢ်ဒီခိၣ်ဖဲကီၢ် အံၣ်စရ့လးအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်, ကဘၣ်တၢ်မၤဟးဂီၤကွံာ်အီၤန့ၣ်လီၤ. တၤဆှုၣ်ဒီး နီၣ်တဖၣ်ကဒိၣ်ဘၢအဝဲသ့ၣ်အတၢ်လုၢ်လီၢ်တဖၣ်လီၤ. ပှၤဂီၢ်မုၢ်ကကိးသတြီထီၣ်ဆူကစၢၢ်တဖၣ်, “ပာ်တဒၢပှၤတက့ၢ်.” ဒီးဆူတၢ်လူၢ်တဖၣ်, “ပာ်ခူသူၣ်ပှၤတက့ၢ်” န့ၣ်လီၤ.

လံာ်ဧၤမိၣ် 5:5

လဲၤဆူဝ့ၢ်ဘ့ၢ်ၡဘၤလၢတၢ်ဘူၣ်ထီၣ်ဘါထီၣ်အဂီၢ်တဂ့ၤ. ဂုာ်ကျဲးစၢးထံၣ်ယၤလၢဝ့ၢ်ဘ့ၤသ့လးတဂ့ၤ. ဝ့ၢ်ဘ့ၤသ့လးကကဲထီၣ်တၢ်ကလီကလီလီၤ. လဲၤဆူဝ့ၢ်ကံးလကၤလးတဂ့ၤ. အပှၤကလုာ်တဖၣ်ကဘၣ်တၢ်စံၣ်ညီၣ်ဃၣ်ကွံာ်ဆူတၢ်စိာ်မၢကဲကုၢ်အပူၤ န့ၣ်လီၤ.

လံာ်ဧၤမိၣ် 8:14

ပှၤလၢအမၤတၢ်ဆိၣ်လၢကီၢ်ၡၤမရံအတၢ်ဂီၤတၢ်ဖီၣ်တဖၣ်အမဲာ်ညါဒီးစံး, “ပှၤဒၣ်ဖိအကစၢ်မူဝဲ,” ဒီး “ဝ့ၢ်ဘ့ၢ်ၡဘၤအကစၢ်မူဝဲ,” တဖၣ်န့ၣ်ကလီၤဃံၤဝဲဒီးတဂဲၤဆၢထၢၣ်ကဒါက့ၤလၢၤဘၣ်.

၂ ပ့းတရူး 2:19

သရၣ်အဘျၣ်တဖၣ်အံၤအၢၣ်လီၤအဝဲသ့ၣ်လၢကဟ့ၣ် အီၤတၢ်သဘျ့, မ့မ့ၢ်အဝဲသ့ၣ်အကစၢ်ဒၣ်ဝဲတခီကဲကုၢ်လၢလုၢ်လၢ် အၢသီလၢအမၤဟးဂီၤတၢ်တဖၣ်အဖီလာ်, အဂ့ၢ်ဒ်လဲၣ်န့ၣ်, ပှၤတဂၤဂၤမ့ၢ်ဒိးမၢအသးလၢတၢ်တမံၤမံၤဒီးအဝဲဒၣ် ကဲထီၣ်တၢ်တမံၤန့ၣ်အကုၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:1

စီၤဒၤဝံးစံးလီၤအသး, “လၢမုၢ်နံၤတဖၣ်အံၤအပူၤတနံၤနံၤ န့ၣ်စီၤစီလူးကမၤသံယၤလီၤ. တၢ်အဂ့ၤကတၢၢ်လၢယကြၢးမၤန့ၣ်, မ့ၢ်တၢ်ဃ့ၢ်ပူၤဖျဲးဆူကီၢ်ဖလ့ၡသးအပူၤလီၤ. အန့ၣ်တစု, စီၤစီလူးကဆိကတီၢ်အတၢ်လူၤဃုယၤလၢကီၢ်အံၣ်စရ့လးအပူၤဒီးယကပူၤဖျဲးလီၤ.”