လံာ်စီၤပၤအခီၣ်ထံးတဘ့ၣ် 12:25 - Sgaw Karen Common Bible

²⁵ ကီၢ်အံၣ်စရ့လးအစီၤပၤစီၤယၤရၤဘၣ်မၤဂၢၢ်ထီၣ်ကျၢၤထီၣ်က့ၤ ဝ့ၢ်ၡက့ၣ်လၢအအိၣ်လၢကစၢၢ်အ့ဖရဲၣ်အတၢ်လူၢ်တၢ်တြီၤတဖၣ်အပူၤ ဒီးအိၣ်ဆိးဝဲဖဲန့ၣ်, တစိၢ်တလီၢ်န့ၣ်လီၤ. အန့ၣ်ဝံၤ, အဝဲဟးထီၣ်ကွံာ်ဒီးမၤဂၢၢ်ထီၣ်ကျၢၤထီၣ်က့ၤဝ့ၢ် ပနံၤအ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:25 Iomraidhean Croise

လံာ်တၢ်ကဲထီၣ်အခီၣ်ထံး 12:6

စီၤအၤဘြၣ်လဲၤခီဖျိထံကီၢ်န့ၣ်တုၤအဟဲတုၤဖဲသ့ၣ်စီဆှံ တထူၣ်လၢကစၢၢ်မိၤရံယၤ, တၢ်လီၢ်စီဆှံတတီၤလၢဝ့ၢ်ၡက့ၣ်န့ၣ် လီၤ. (အကတီၢ်ဖဲန့ၣ်ပှၤကနၤဧၣ်ဖိသ့ၣ်တဖၣ်အိၣ်ဒံးဝဲလၢကီၢ်န့ၣ် အပူၤလီၤ.)

လံာ်တၢ်ကဲထီၣ်အခီၣ်ထံး 32:32

တုၤလၢမုၢ်မဆါတနံၤအံၤဒၣ်လဲာ်, ပှၤအံၣ်စရ့လးဖိအစၢၤအသွဲၣ် တဖၣ်တအီၣ်ဘၣ်တၢ်အညၣ်ထူၣ်လၢအိၣ်လၢခံကွီၢ်အ လိၤန့ၣ်ဘၣ်. အဂ့ၢ်ဒ်အံၤ, စီၤယၤကိာ်ဘၣ်တၢ်မၤဘၣ်ဒိအီၤဖဲ တၢ်အညၣ်ထူၣ်အဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:1

စီၤရဃၤဘၣ်လဲၤဝဲဆူဝ့ၢ်ယရူၤၡလ့ၣ်ဖဲကယဲၢ်ပှၤဂီၢ်မုၢ်လၢကီၢ် အံၣ်စရ့လးအကလံၤစိးပာ်ဖှိၣ်အသးလၢကတီၣ်ထီၣ်အီၤဒ်စီၤပၤ အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:26

စီၤယၤရၤဘၣ်စံးဝဲလၢအသးကံၢ်ပူၤ, “တၢ်မ့ၢ်အိၣ်ဒၣ်ဒ်ခဲ အံၤအသိးန့ၣ်, ဘီမုၢ်ကက့ၤကဒါက့ၤဆူစီၤဒၤဝံးအပှၤဟံၣ်ဖိအအိၣ်လီၤ.

လံာ်စီၤပၤအခီၣ်ထံးတဘ့ၣ် 15:17

စီၤဘါၡၤ, လဲၤနုာ်ဒုးကီၢ်ယူဒၤ, ဒီးစးထီၣ်မၤကျၢၤထီၣ်ဝ့ၢ် ရၤမါအတိာ်အတာ်, လၢကဒီၣ်တဲာ်ကွံာ်တၢ်လဲၤထီၣ်က့ၤလီၤ, လၢတၢ်လဲၤနုာ်ဒီးဟးထီၣ်လၢကီၢ်ယူဒၤအပူၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:24

ဝံၤဒီးအဝဲပှ့ၤန့ၢ်ကီၢ်ၡၤမရံအကစၢၢ်လၢစ့အဘ့ၣ်ဃုကထိ လၢပှၤတဂၤလၢအမံၤမ့ၢ်ဝဲစီၤၡ့မ့ၢ်အအိၣ်န့ၣ်လီၤ. စီၤဧိၣ်ရံၤမၤဂၢၢ်ထီၣ်ကျၢၤထီၣ်ကစၢၢ်န့ၣ်, သူၣ်ထီၣ်ဝ့ၢ်တဖျၢၣ်ဖဲန့ၣ်ဒီးယုၢ်ဝဲအမံၤလၢၡၤမရံပိာ်ထွဲထီၣ်စီၤၡ့မ့ၢ်, ကစၢၢ်အကစၢ်လၢညါအမံၤအခံန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:15

စီၤပၤၡလိၤမိၤသူတၢ်မၢဆူၣ်မၢနၢၤအတၢ်မၤလၢတၢ်သူၣ်ထီၣ်ယွၤ အတၢ်လုၢ်ဟံၣ်, ဒီးနီအဂီၢ်, လၢတၢ်မၤပှဲၤထီၣ်ဟီၣ်ခိၣ်လၢတၢ်လီၢ်ဖဲဝ့ၢ်အမုၢ်ထီၣ်တကပၤအဂီၢ်, ဒီးလၢတၢ်သူၣ်ထီၣ်ဝ့ၢ်ခိၣ်ဒူအဂီၢ်န့ၣ်လီၤ. အဝဲမၢဆူၣ်စ့ၢ်ကီးတၢ်လၢတၢ်သူၣ်ထီၣ်ကဒါက့ၤဝ့ၢ်တဖၣ်လၢအမ့ၢ် ဃါစိၢ်, မကံးဒိၤဒီးက့စ့ၢ်န့ၣ်လီၤ.

လံာ်ယံးရမံယၤ 41:5

ပှၤအဂၤဃိးဆံဟဲတုၤဝဲလၢ ဝ့ၢ်ၡက့ၣ်, ဝ့ၢ်ၡံလိၤ, ဒီးဝ့ၢ်ၡၤမရံလီၤ. အဝဲသ့ၣ် လူၤကွံာ်အခၣ်ဆူၣ်, ဖှီယာ်အကူအသိးတဖၣ်, ဒီးဂဲာ်လီၤအသးန့ၣ်လီၤ. အဝဲသ့ၣ်လဲၤစိာ်ဘုခ့ဒီး တၢ်နၢမူလၢ ကလုၢ်ထီၣ်တၢ်လၢ ယွၤအတၢ်လုၢ်ဟံၣ်ပူၤအဂီၢ်လီၤ.

လံာ်ပှၤစံၣ်ညီၣ်ကွီၢ် 8:17

ဒီးအဝဲမၤလီၤပှီၢ်ကွံာ်စ့ၢ်ကီးတိာ်အိၣ်လၢပနံၤအ့လးဒီးမၤသံကွံာ်ပှၤပိာ်ခွါတဖၣ်လၢအအိၣ်လၢဝ့ၢ်ပူၤ တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:8

စီၤကံးဒဧိၣ်လဲၤဆူညါဆူပနံၤအ့လးဒီးဃ့တၢ်တမံၤဃီလၢ ပှၤအိၣ်ဖဲန့ၣ်တဖၣ်န့ၣ်လီၤ. ဘၣ်ဆၣ်ဒီးပှၤပနံၤအ့လးဖိတဖၣ်စံးဆၢတၢ်တမံၤဃီဒ်ပှၤစူးကိၤသးဖိတဖၣ် အသိးန့ၣ်လီၤ.

လံာ်ပှၤစံၣ်ညီၣ်ကွီၢ် 9:1

စီၤကံးဒဧိၣ်အဖိခွါစီၤအဘံၤမ့လ့းလဲၤဝဲဆူ အမိၢ်အဘူးအတံၢ်ခဲလၢာ်အိၣ်ဝဲဆိးဝဲအလီၢ်ဝ့ၢ်ၡက့ၣ်န့ၣ်လီၤ.