လံာ်စီၤပၤအခီၣ်ထံးတဘ့ၣ် 12:24 - Sgaw Karen Common Bible

²⁴ “ကီၢ်အံၣ်စရ့လးအပှၤဂီၢ်မုၢ်ဧၢ, ဒုးတၢ်ဒီးသုဒီပုၢ်ဝဲၢ် ကဒဲကဒဲတဖၣ်တဂ့ၤ. သုဝဲခဲလၢာ်က့ၤဆူသုဟံၣ်တက့ၢ်. တၢ်လၢအမၤတ့ၢ်အသးအံၤမ့ၢ်ဒၣ်ယတၢ်ဘၣ်ယသးန့ၣ်လီၤ.” အဝဲသ့ၣ်ခဲလၢာ်စူၢ်ယွၤအတၢ်မၤလိာ်ဒီးက့ၤကဒါက့ၤဆူအဟံၣ်ဒၣ် ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:24 Iomraidhean Croise

လံာ်တၢ်ကဲထီၣ်အခီၣ်ထံး 24:50

စီၤလၤဘၣ်ဒီးစီၤမသူၤအ့လးစံးဆၢဝဲ, “တၢ်အံၤဒ်အမ့ၢ်တၢ် ဂ့ၢ်လၢအဟဲလၢယွၤအအိၣ်အသိးန့ၣ်တမ့ၢ်တၢ်တမံၤလၢပဝဲပကဘၣ်စံၣ် ညီၣ်တဲာ်အီၤဘၣ်.

လံာ်စီၤပၤအခီၣ်ထံးတဘ့ၣ် 12:15

တၢ်အံၤမ့ၢ်ယွၤအတၢ်ဘၣ်အသးလၢကမၤလၢထီၣ်ပှဲၤထီၣ်တၢ်လၢအဝဲ စံးဘၣ်တ့ၢ်စီၤနဘးအဖိခွါစီၤယၤရၤဘၣ်ခီဖျိ ဝံအဃံယၤလၢဝ့ၢ်ၡံလိၤန့ၣ်လီၤ. လၢတၢ်န့ၣ်အဃိစီၤပၤတကနၣ်ဃုာ်ဘၣ်ပှၤဂီၢ်မုၢ်နီတစဲးဘၣ်.

လံာ်စီၤပၤအခီၣ်ထံးတဘ့ၣ် 12:25

ကီၢ်အံၣ်စရ့လးအစီၤပၤစီၤယၤရၤဘၣ်မၤဂၢၢ်ထီၣ်ကျၢၤထီၣ်က့ၤ ဝ့ၢ်ၡက့ၣ်လၢအအိၣ်လၢကစၢၢ်အ့ဖရဲၣ်အတၢ်လူၢ်တၢ်တြီၤတဖၣ်အပူၤ ဒီးအိၣ်ဆိးဝဲဖဲန့ၣ်, တစိၢ်တလီၢ်န့ၣ်လီၤ. အန့ၣ်ဝံၤ, အဝဲဟးထီၣ်ကွံာ်ဒီးမၤဂၢၢ်ထီၣ်ကျၢၤထီၣ်က့ၤဝ့ၢ် ပနံၤအ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:30

လၢတၢ်ဆၢကတီၢ်ခဲလၢာ်အံၤအပူၤ, တၢ်ဒုးတၢ်ယၤအိၣ်ဝဲ တလီၢ်လီၢ်လၢစီၤရဃၤဘၣ်ဒီးစီၤယၤရၤဘၣ်အဘၢၣ်စၢၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:4

“ဒုးတၢ်ဒီးသုပှၤအံၣ်စရ့လးဖိသကိးသကိးဒီးသုန့ၣ်တ ဂ့ၤ. က့ၤကဒါက့ၤဆူသုဟံၣ်ကိးဂၤန့ၣ်တက့ၢ်. တၢ်လၢအမၤတ့ၢ်အသးအံၤ, မ့ၢ်ယတၢ်ဘၣ်ယသးန့ၣ်လီၤ.” အဝဲသ့ၣ်စူၢ်တ့ၢ်ယွၤအတၢ်မၤလိာ်ဒီးတလဲၤထီၣ်ဒုးစီၤယၤရၤဘၣ် န့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 22:7

ကစၢ်ယွၤသူတၢ်လဲၤအိၣ်သကိးစီၤယဟိရၣ်အံၤဒ်ကျဲလၢကကဲထီၣ် စီၤအဃၤစယၤအတၢ်ဟးဂီၤအဂီၢ်န့ၣ်လီၤ. ဖဲစီၤအဃၤစယၤအိၣ်ဝဲဖဲန့ၣ်အခါန့ၣ်, အဝဲဒီးစီၤယဟိရၣ်ဘၣ် ကွၢ်ဆၢၣ်မဲာ်လိာ်အသးဒီးပှၤတဂၤလၢအမံၤမ့ၢ်ဝဲစီၤယ့ၤဟူ, လၢအမ့ၢ်စီၤနံၣ်ၡံၤအဖိခွါ, ပှၤတဂၤလၢယွၤဃုထၢတ့ၢ်အီၤလၢ ကမၤဟးဂီၤကွံာ်စီၤအၤဃာ်အစၢၤအသွဲၣ်အတၢ်ပၢအစိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:10

လၢတၢ်န့ၣ်အဃိစီၤအမၤစယါပျၢ်ကွံာ်ပှၤသုးဖိတဖၣ်လၢအဒိးလဲ န့ၢ်ဝဲ, ဒီးတဲဘၣ်အဝဲသ့ၣ်လၢကက့ၤဆူအဟံၣ်န့ၣ်လီၤ. အန့ၣ်ဒီး, အဝဲသ့ၣ်က့ၤဆူအဟံၣ်ပှဲၤဒီးတၢ်သးဒိၣ်ထီၣ်ကီၢ်ယူဒၤ အပှၤဂီၢ်မုၢ်နးနးကလဲာ်န့ၣ်လီၤ.

လံာ်ဟိၤၡ့ 8:4

ယပှၤဂီၢ်မုၢ်ဃုထၢတ့ၢ်စီၤပၤတဖၣ်ဘၣ်ဆၣ်အဝဲသ့ၣ်မၤဝဲဒ်အသးဒၣ်ဝဲလီၤ. အဝဲသ့ၣ်ဃုထၢပာ်ပှၤအခိၣ်တဖၣ်ဘၣ်ဆၣ်တအိၣ်ဒီးယတၢ်ဘၣ်ယသးဘၣ်. အဝဲသ့ၣ်ဟံးထီၣ်အစ့ဒီးအထူဒီးဘှီထီၣ်တၢ်ဂီၤတဖၣ်လၢအတၢ်ဟး ဂီၤဒၣ်ဝဲအဂီၢ်န့ၣ်လီၤ.

လံာ်တၢ်ဂံၢ် 14:42

လဲၤတဂ့ၤ. ယွၤတအိၣ်ဒီးသုဘၣ်. ဒီးသုဒုၣ်သုဒါတဖၣ်ကမၤနၢၤကွံာ်သုလီၤ.

လံာ်ပှၤစံၣ်ညီၣ်ကွီၢ် 14:4

အမိၢ်အပၢ်တဖၣ်တသ့ၣ်ညါလၢတၢ်န့ၣ်မ့ၢ်ယွၤအတၢ်ဆှၢစီၤၡံၣ်ၡိၣ် လၢအကမၤတၢ်န့ၢ်အဂ့ၢ်ဘၣ်န့ၣ်လီၤ. အဂ့ၢ်ဒ်အံၤ, ယွၤဃုတၢ်အခွဲးအယာ်လၢကဒုးပှၤဖလ့ၡသးဖိတဖၣ်န့ၣ်လီၤ. အကတီၢ်ဖဲအံၤပှၤဖလ့ၡသးဖိတဖၣ်ပၢကီၢ်အံၣ်စရ့လးန့ၣ်လီၤ.