လံာ်စီၤပၤအခီၣ်ထံးတဘ့ၣ် 12:19 - Sgaw Karen Common Bible

¹⁹ စးထီၣ်လၢတၢ်ဆၢကတီၢ်န့ၣ်လံၤလံၤ, ပှၤဂီၢ်မုၢ်လၢကီၢ်အံၣ်စရ့ လးအကလံၤစိးအဘီမုၢ်အပူၤပူထီၣ်လံတၢ်ထီဒါစီၤဒၤဝံးအစၢၤ အသွဲၣ်အတၢ်ပၢန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:19 Iomraidhean Croise

လံာ်စီၤပၤအခီၣ်ထံးတဘ့ၣ် 11:13

ဒီးယတဟံးထီၣ်ကွံာ်ဘၣ်ဘီမုၢ်ဒီတဘ့ၣ်လၢအအိၣ်န့ၣ်ဘၣ်. မ့မ့ၢ်ယကပာ်န့ၢ်တ့ၢ်န့ၢ်အီၤပှၤတဒူၣ်လၢတၢ်ကွၢ်မဲာ်ယခ့ ယပှၤစီၤဒၤဝံးအဃိ, ဒီးလၢတၢ်ကွၢ်မဲာ်ဝ့ၢ်ယရူၤၡလ့ၣ်, ဝ့ၢ်လၢယပာ်အီၤလၢယဂီၢ်ဒၣ်ယဲအဃိန့ၣ်လီၤ.”

လံာ်စီၤပၤခံဘ့ၣ်တဘ့ၣ် 17:21

တုၤယွၤမၤလီၤဖးကွံာ်ကီၢ်အံၣ်စရ့လးလၢကီၢ်ယူဒၤဝံၤအလီၢ် ခံန့ၣ်, ပှၤအံၣ်စရ့လးဖိတဖၣ်ပာ်ထီၣ်စီၤနဘးအဖိခွါစီၤယၤရၤဘၣ်လၢ အဝဲသ့ၣ်အစီၤပၤန့ၣ်လီၤ. စီၤယၤရၤဘၣ်ဒုးကဲထီၣ်အဝဲသ့ၣ်လၢပှၤစူးကွံာ်ညိကွံာ်ယွၤ, ဒီးဆှၢဃီၤအဝဲသ့ၣ်ဆူတၢ်ဒဲးဘးလီၤပျံၤလီၤဖုးတဖၣ်အပူၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:19

စးထီၣ်လၢန့ၣ်လံၤလံၤအံၣ်စရ့လးအကလံၤစိးအပှၤဂီၢ်မုၢ်တဖၣ် အိၣ်ဝဲလၢတၢ်ပူထီၣ်ထီဒါစီၤဒၤဝံးအစၢၤအသွဲၣ်အတၢ်ပၢတၢ် ပြးအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:17

စီၤအဘံယၤဒီးအသုးမုၢ်ဒုးနၢၤဒီးမၤဃၣ်ကွံာ်ပှၤအံၣ်စရ့လး ဖိတဖၣ်ဒိၣ်ဒိၣ်မုၢ်မုၢ်, တုၤအံၣ်စရ့လးအပှၤသုးဖိအဂ့ၤကတၢၢ် ယဲၢ်ကလီၢ်ဂၤဘၣ်တၢ်မၤသံကွံာ်အီၤန့ၣ်လီၤ.

လံာ်ယၡါယၤ 7:17

ယွၤကဒုးဘၣ်သု, သုပှၤဂီၢ်မုၢ်, ဒီးသုစီၤပၤအဒူၣ်အထၢ ခဲလၢာ်လၢမုၢ်နံၤအကိၢ်အဂီၤတဖၣ်လၢအအၢန့ၢ်ဒံးမုၢ်နံၤလၢ အဟဲတ့ၢ်လံဖဲကီၢ်အံၣ်စရ့လးအဘီအမုၢ်လီၤဖးဒီးကီၢ်ယူဒၤ အကတီၢ်န့ၣ်လီၤ. အဝဲကမၢလီၤကီၢ်အၤၡူၢ်အစီၤပၤဟဲဝဲန့ၣ်လီၤ.

ဧ့ၤဘြံၤ 6:6

ဒီးတုၤအဝဲသ့ၣ်စူးကွံာ်ညိကွံာ်အတၢ်စူၢ်တၢ်နာ်န့ၣ်တၢ်ကဆှၢ ကဒါက့ၤကဒီးအီၤဆူတၢ်ပီၢ်ယၢ်လီၤက့ၤအသးန့ၣ်တသ့ဘၣ်. မ့ၢ်လၢ အဝဲသ့ၣ်ပျၤထီကဒီးကစၢ်ယွၤအဖိခွါဒီး မၤမဲာ်ဆှးအီၤလၢကမျၢၢ်အမဲာ်ညါအဃိန့ၣ်လီၤ.

လံာ်စီၤယိၤၡူ 4:9

ဒီးစီၤယိၤၡူပာ်လီၤစ့ၢ်ကီးလၢၢ်တဆံ ခံဖျၢၣ်လၢထံကျိယၢ်ဒ့ၣ်အခၢၣ်သးလၢတၢ်လီၢ်ဖဲပှၤလုၢ်တၢ်အ ခိၣ်တဖၣ်လၢအစိာ်တၢ်အၢၣ်လီၤအီလီၤအတလါအိၣ်ဆၢထၢၣ်ဝဲန့ၣ်လီၤ. ဒီးလၢၢ်တဖၣ်န့ၣ်အိၣ်ဒံးဝဲတုၤမုၢ်မဆါတနံၤအံၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:19

ယမ့ၢ်သုကစၢ်ယွၤ, ပှၤတဂၤလၢအအုၣ်က့ၤခီၣ်က့ၤသုလၢကယဲၢ်သုတၢ်ကိၢ်တၢ်ဂီၤဒီး တၢ်ကီတၢ်ခဲတဖၣ်အပူၤန့ၣ်လီၤ. ဘၣ်ဆၣ်တနံၤအံၤသုညိကွံာ်ယၤဒီးဃ့တ့ၢ်ယၤလၢယကဟ့ၣ်သု စီၤပၤတဂၤလီၤ. ဂ့ၤလံ. မ့မ့ၢ်ဒ်န့ၣ်ဒီး, ပာ်ဖှိၣ်ထီၣ်သုသး လၢယွၤအမဲာ်ညါဒ်ဒူၣ်, တဒူၣ်ဘၣ်တဒူၣ်ဒီးဒူၣ်ထၢတဒူၣ်တထၢဘၣ် တဒူၣ်တထၢအသိးတက့ၢ်.”