လံာ်စီၤပၤအခီၣ်ထံးတဘ့ၣ် 12:16 - Sgaw Karen Common Bible

¹⁶ တုၤပှၤဂီၢ်မုၢ်ထံၣ်ဘၣ်ဝဲလၢစီၤပၤတကနၣ်ဃုာ်အဝဲသ့ၣ်ဘၣ်န့ၣ်, အဝဲသ့ၣ်ကိးထီၣ်ဝဲ, “မ်စီၤဒၤဝံးအဟံၣ်ဖိဃီဖိအလီၢ်လီၤ ကွံာ်တက့ၢ်. အဝဲသ့ၣ်မၤတ့ၢ်တၢ်မနုၤလၢပဂီၢ်န့ၣ်လဲၣ်. ကီၢ်အံၣ်စရ့လးအပှၤကညီသ့ၣ်ဧၢ, မ်ပက့ၤကဒါက့ၤဆူပဟံၣ်ဒၣ်ဝဲ တက့ၢ်. မ်စီၤရဃၤဘၣ်ကွၢ်လီၤထွဲက့ၤအသးဒၣ်ဝဲတက့ၢ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ပူထီၣ်တၢ်,

လံာ်စီၤပၤအခီၣ်ထံးတဘ့ၣ် 12:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:13

ပှၤစိာ်တၢ်ကစီၣ်တဂၤတဲဘၣ်စီၤဒၤဝံးဒ်အံၤ, “ပှၤအံၣ်စရ့လးဖိတဖၣ်မၤလံတၢ်သူၣ်တီသးရၤအတၢ်အၢၣ်လီၤအီလီၤဒီး စီၤအးဘၡါလိၣ်လံ.”

လံာ်စီၤၡမူၤအ့လးခံဘ့ၣ်တဘ့ၣ် 16:11

ဒီးစီၤဒၤဝံးစံးဘၣ်စီၤအဘံၡဲၤဒီးပဒိၣ်ပပှၢ်ခဲလၢာ်ဒ်အံၤ, “ယဖိခွါဒၣ်ယဲန့ၣ်ကျဲးစၢးဝဲဒ်သိးကမၤသံယၤလီၤ. လၢတၢ်န့ၣ်အဃိဘၣ်မနုၤလၢသုကဘၣ်ကမၢကမၣ်လၢပှၤဘံၣ်ယၤမံၣ်ဖိ တဂၤအံၤအဃိန့ၣ်လဲၣ်. ယွၤတဲတ့ၢ်အီၤလၢကဆိၣ်အၢတၢ်အဃိ, ပာ်တ့ၢ်အီၤထဲတဂၤဧိၤဒီးပျဲအမၤတၢ်န့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤပၤအခီၣ်ထံးတဘ့ၣ် 11:11

ဒီးယွၤစံးဘၣ်အီၤ, “မ့ၢ်လၢနကူၣ်မၤဟးဂီၤကွံာ်နတၢ်အၢၣ် လီၤဒီးယၤဒီးနတစူၢ်ဘၣ်ယတၢ်မၤလိာ်တဖၣ်အဃိ, ယအၢၣ်လီၤလၢယကဟံးထီၣ်ကွံာ်ဘီဧိၤမုၢ်ဧိၤလၢနအိၣ်ဒီးဟ့ၣ် လီၤကွံာ်အီၤဆူနပဒိၣ်ပပှၢ်အကျါတဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:13

ဒီးယတဟံးထီၣ်ကွံာ်ဘၣ်ဘီမုၢ်ဒီတဘ့ၣ်လၢအအိၣ်န့ၣ်ဘၣ်. မ့မ့ၢ်ယကပာ်န့ၢ်တ့ၢ်န့ၢ်အီၤပှၤတဒူၣ်လၢတၢ်ကွၢ်မဲာ်ယခ့ ယပှၤစီၤဒၤဝံးအဃိ, ဒီးလၢတၢ်ကွၢ်မဲာ်ဝ့ၢ်ယရူၤၡလ့ၣ်, ဝ့ၢ်လၢယပာ်အီၤလၢယဂီၢ်ဒၣ်ယဲအဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 11:34

ဘၣ်ဆၣ်ယတဟံးထီၣ်ကွံာ်ဘီဧိၤမုၢ်ဧိၤဒီဘ့ၣ်ညါလၢစီၤၡလိၤ မိၤအစုပူၤဘၣ်. ယကဟ့ၣ်ဒံးအီၤတၢ်စိတၢ်ကမီၤဖဲအဝဲအိၣ်မူဒံးဝဲ အဖၢမုၢ်န့ၣ်လီၤ. ယကမၤတၢ်အံၤမ့ၢ်လၢတၢ်ကွၢ်မဲာ်ယခ့ ယပှၤစီၤဒၤဝံးလၢယဃုထၢတ့ၢ်အီၤဒီးလၢအစူၢ်ယတၢ်သိၣ်တၢ်သီ တဖၣ်ဒီးတၢ်မၤလိာ်တဖၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:35

ယကဟံးထီၣ်ကွံာ်ဘီဧိၤမုၢ်ဧိၤလၢစီၤၡလိၤမိၤအဖိခွါအအိၣ် ဒီးဟ့ၣ်လီၤနၤပှၤအဒူၣ်တဆံဒူၣ်,

လံာ်စီၤပၤအခီၣ်ထံးတဘ့ၣ် 11:36

ဘၣ်ဆၣ်ယကပျဲစီၤၡလိၤမိၤအဖိခွါပၢၤဃာ်ဒံးဒူၣ်တဒူၣ်, ဒ်သိးထီဘိယကအိၣ်ဒီးယခ့ယပှၤစီၤဒၤဝံးအစၢၤအသွဲၣ်တဂၤလၢ အပၢတၢ်လၢဝ့ၢ်ယရူၤၡလ့ၣ်, ဝ့ၢ်လၢယဃုထၢတ့ၢ်အီၤဒ်သိးတၢ်လီၢ်လၢတၢ်ကဘူၣ်ထီၣ်ဘါထီၣ်ယၤ အဂီၢ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:39

မ့ၢ်လၢစီၤၡလိၤမိၤအတၢ်ဒဲးဘးအဃိန့ၣ်, ယကစံၣ်ညီၣ်စီၤဒၤဝံး အစၢၤအသွဲၣ်တဖၣ်, ဘၣ်ဆၣ်တမ့ၢ်ဘၣ်ထီဘိတထံၣ်ဃီဘၣ်.”

လံာ်စီၤပၤအခီၣ်ထံးတဘ့ၣ် 22:17

စီၤမံၤကါယၤစံးဆၢဝဲ, “ယထံၣ်ဘၣ်ကီၢ်အံၣ်စရ့လးအသုးမုၢ် လီၤပြံလီၤပြါလၢကစၢၢ်ကလိအလိၤဒ်သိးလၢအပှၤကွၢ်သိ တအိၣ်ဘၣ်အသိန့ၣ်လီၤ. ဒီးယွၤစံးဝဲ, ပှၤတဖၣ်အံၤအခိၣ်အနၢ်တအိၣ်နီတဂၤဘၣ်. မ်အဝဲသ့ၣ်က့ၤကဒါက့ၤမုာ်မုာ်ဆူအဟံၣ်တက့ၢ်.”

လံာ်စီၤပၤအခီၣ်ထံးတဘ့ၣ် 22:36

ဘူးလၢမုၢ်ကလီၤနုာ်အကတီၢ်န့ၣ်, တၢ်ကလုၢ်တမံၤဘၣ်တၢ်ဟ့ၣ်လီၤ အီၤဆူပှၤအံၣ်စရ့လးဖိအသုးမုၢ်သံၣ်ဘိအကျါစံးဝဲ, “မ်ပှၤကိးဂၤဒဲးက့ၤကဒါက့ၤဆူအထံအကီၢ်ဒီးအဝ့ၢ်ဒၣ်ဝဲတက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 10:16

တုၤပှၤဂီၢ်မုၢ်ထံၣ်တ့ၢ်လၢစီၤပၤတဒိကနၣ်အဝဲသ့ၣ်ဘၣ်ဒီး, အဝဲသ့ၣ်ကိးထီၣ်ဝဲ, “ထုးလီၤကွံာ်, စီၤဒၤဝံးဒီးအဟံၣ်ဖိ ဃီဖိလၢစီၤပၤအလီၢ်န့ၣ်တက့ၢ်. အဝဲသ့ၣ်မၤတ့ၢ်တၢ်လၢပဂီၢ်မနုၤ လဲၣ်. အံၣ်စရ့လးအပှၤသ့ၣ်ဧၢ, မ်ပက့ၤဆူဟံၣ်န့ၣ်တက့ၢ်. မ်စီၤရဃၤဘၣ်ကွၢ်လီၤက့ၤဒၣ်အသးဒၣ်ဝဲန့ၣ်တက့ၢ်.”

စံးထီၣ်ပတြၢၤ 132:17

ယကဒုးကဲထီၣ်စီၤဒၤဝံးအစၢၤအသွဲၣ်တဖၣ် အကျါတဂၤလၢ စီၤပၤဖးဒိၣ်ဖဲအံၤ, ဒီးယကကတီၤဃာ် ယစီၤပၤလၢ ယဃုထၢအီၤ အတၢ်ပၢတၢ်ပြးန့ၣ်လီၤ.

စံးထီၣ်ပတြၢၤ 76:10

ပှၤကညီအတၢ်သးထီၣ်န့ၣ် ကက တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ. ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ် ကတိၢ်န့ၢ်ဖံးဃာ်နဘူၣ်တဖၣ်လီၤ.

တၢ်ကတိၤဒိ. 15:1

တၢ်စံးဆၢကပုာ်လုာ်တဘီန့ၣ်, မၤမုာ်မၤခုၣ်လီၤတၢ်သးဒိၣ်လီၤ. မ့မ့ၢ်တၢ်ကတိၤဆူၣ်ဆူၣ်ကိၤကိၤတဘီန့ၣ်ထိၣ်ဂဲၤထီၣ်တၢ်သးဒိၣ် လီၤ.

လံာ်ယၡါယၤ 7:17

ယွၤကဒုးဘၣ်သု, သုပှၤဂီၢ်မုၢ်, ဒီးသုစီၤပၤအဒူၣ်အထၢ ခဲလၢာ်လၢမုၢ်နံၤအကိၢ်အဂီၤတဖၣ်လၢအအၢန့ၢ်ဒံးမုၢ်နံၤလၢ အဟဲတ့ၢ်လံဖဲကီၢ်အံၣ်စရ့လးအဘီအမုၢ်လီၤဖးဒီးကီၢ်ယူဒၤ အကတီၢ်န့ၣ်လီၤ. အဝဲကမၢလီၤကီၢ်အၤၡူၢ်အစီၤပၤဟဲဝဲန့ၣ်လီၤ.

လံာ်ယၡါယၤ 7:2

ဖဲတၢ်ကစီၣ်ဟဲတုၤဆူကီၢ်ယူဒၤအစီၤပၤအအိၣ်လၢကီၢ်စူၤရံ အသုးမုၢ်သံၣ်ဘိတဖၣ်အိၣ်တ့ၢ်လံလၢအံၣ်စရ့လးအကီၢ်ပူၤန့ၣ်, အဝဲဒီးအပှၤဂီၢ်မုၢ်တဖၣ်ပျံၤတၢ်ဒိၣ်မးတုၤဒၣ်လဲာ်အဝဲသ့ၣ် ကနိးကစုာ်ဝဲဒ်သ့ၣ်တဖၣ်ဟူးဝးလၢကလံၤအူတၢ်အဃိအသိးလီၤ.

လံာ်ယံးရမံယၤ 33:21

ဒ်န့ၣ်အသိး, ယမၤတ့ၢ်စ့ၢ်ကီး တၢ်အၢၣ်လီၤအီလီၤတမံၤဒီး ယခ့ယပှၤစီၤဒၤဝံး, လၢထီဘိအဝဲကအိၣ်ဒီး အစၢၤအသွဲၣ် တဂၤ လၢကကဲစီၤပၤအဂီၢ်, ဒီးယမၤတၢ်အၢၣ်လီၤအီလီၤတမံၤဒီး ပှၤလုၢ်တၢ်အခိၣ်တဖၣ်လၢ လ့ၤဝံအဒူၣ်တခီလၢ ထီဘိအဝဲ သ့ၣ်ကမၤယတၢ်မၤန့ၣ်လီၤ. ဒီးတၢ်အၢၣ်လီၤအီလီၤတဖၣ်အံၤ တၢ်မၤဟးဂီၢ်အီၤတန့ၢ်ဘၣ်နီတစုဘၣ်.

လံာ်မၢ်ကူး 3:24

လၢဘီမုၢ်တဘ့ၣ်အပူၤတၢ်လီၤမုၢ်လီၤဖးမ့ၢ်အိၣ်ထီၣ်ဒီး, ဘီမုၢ်အဝဲန့ၣ်ကလီၤပှီၢ်ကွံာ်ဝဲဒၣ်လီၤ.

လံာ်လူၤကၣ် 19:14

တၢ်မၤအသးလၢ, အဝဲဒၣ်အထံဖိကီၢ်ဖိတဖၣ်သးဟ့အီၤ, သတးဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒ်သိးအကစံးဝဲ, ‘ပတအဲၣ်ဒိးလၢပှၤတဂၤအံၤကကဲပစီၤပၤဘၣ်’ န့ၣ်လီၤ.

လံာ်လူၤကၣ် 19:27

မ့မ့ၢ်, ယဒုၣ်ယဒါတဖၣ်အံၤလၢအတအဲၣ်ဒိးယကဲအစီၤပၤန့ၣ်, ဆှၢအဝဲသ့ၣ်တဖၣ်ဆူအံၤ, ဒီးမၤသံအီၤလၢယမဲာ်ညါတက့ၢ်.’ ”

လံာ်ယိၤဟၣ် 13:8

စီၤပ့းတရူးစံးဝဲ “နတဘၣ်သ့ယခီၣ်နီတဘျီဘၣ်.” ယ့ၣ်ၡူးစံးဆၢအီၤ, “ယမ့ၢ်တသ့ဘၣ်နခီၣ်ဒီးနတဘၣ် ဃးဒီးယၤလၢၤဘၣ်.”

လံာ်ပှၤစံၣ်ညီၣ်ကွီၢ် 8:35

ဒီးအဝဲသ့ၣ်တစံးဘျုးစီၤကံးဒဧိၣ်အဒူၣ်ဖိထၢဖိလၢကယဲၢ်တၢ်ဂ့ၤလၢစီၤကံးဒဧိၣ်မၤတ့ၢ်ဝဲလၢ အံၣ်စရ့လးအဂီၢ်အဃိဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:28

စီၤကၤလးစံးဝဲဒၣ်, “ပဝဲပှၤပိာ်ခွါလၢၡက့ၣ်အပူၤတဖၣ်ပမ့ၢ်ပှၤဒ်လဲၣ်. ဘၣ်မနုၤပဘၣ်မၤစီၤအဘံၤမ့လ့းအတၢ်မၤန့ၣ်လဲၣ်. ဒ်လဲၣ်ဂ့ၤ, အဝဲမ့ၢ်မတၤလဲၣ်. မ့ၢ်စီၤကံးဒဧိၣ်အဖိခွါလီၤ. ဒီးစီၤစဘူလးဟဲစိာ်အဝဲအတၢ်မၤလိာ်တဖၣ် ဘၣ်ဆၣ်ဒီးဘၣ်မနုၤလၢပကဘၣ်မၤအတၢ်လဲၣ်. တီဒီးသုပၢ်ဖးဒိၣ်လၢပျၢၤစီၤဃမိၢ်လၢသုလီၤစၢၤလၢအီၤလၢ အသူၣ်ထီၣ်သုဒူၣ်သုထၢန့ၣ်တက့ၢ်.