လံာ်စီၤပၤအခီၣ်ထံးတဘ့ၣ် 12:1 - Sgaw Karen Common Bible

¹ စီၤရဃၤဘၣ်လဲၤဝဲဆူဝ့ၢ်ယရူၤၡလ့ၣ်ဖဲကယဲၢ်ပှၤဂီၢ်မုၢ်လၢကီၢ် အံၣ်စရ့လးအကလံၤစိးပာ်ဖှိၣ်အသးလၢကတီၣ်ထီၣ်အီၤဒ်စီၤပၤ အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:1 Iomraidhean Croise

လံာ်တၢ်ကဲထီၣ်အခီၣ်ထံး 12:6

စီၤအၤဘြၣ်လဲၤခီဖျိထံကီၢ်န့ၣ်တုၤအဟဲတုၤဖဲသ့ၣ်စီဆှံ တထူၣ်လၢကစၢၢ်မိၤရံယၤ, တၢ်လီၢ်စီဆှံတတီၤလၢဝ့ၢ်ၡက့ၣ်န့ၣ် လီၤ. (အကတီၢ်ဖဲန့ၣ်ပှၤကနၤဧၣ်ဖိသ့ၣ်တဖၣ်အိၣ်ဒံးဝဲလၢကီၢ်န့ၣ် အပူၤလီၤ.)

လံာ်စီၤပၤအခီၣ်ထံးတဘ့ၣ် 11:43

အဝဲသံဝဲဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံးအဝ့ၢ်ပူၤ ဒီးအဖိခွါစီၤရဃၤဘၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 12:25

ကီၢ်အံၣ်စရ့လးအစီၤပၤစီၤယၤရၤဘၣ်မၤဂၢၢ်ထီၣ်ကျၢၤထီၣ်က့ၤ ဝ့ၢ်ၡက့ၣ်လၢအအိၣ်လၢကစၢၢ်အ့ဖရဲၣ်အတၢ်လူၢ်တၢ်တြီၤတဖၣ်အပူၤ ဒီးအိၣ်ဆိးဝဲဖဲန့ၣ်, တစိၢ်တလီၢ်န့ၣ်လီၤ. အန့ၣ်ဝံၤ, အဝဲဟးထီၣ်ကွံာ်ဒီးမၤဂၢၢ်ထီၣ်ကျၢၤထီၣ်က့ၤဝ့ၢ် ပနံၤအ့လးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:1

တုၤစီၤပၤရဃၤဘၣ်လဲၤတုၤဝဲဆူဝ့ၢ်ယရူၤၡလ့ၣ်န့ၣ်, အဝဲကိးဖှိၣ်ပှၤသုးဖိအဂ့ၤကတၢၢ်တကလီၤဃိးကလးဂၤလၢပှၤဘံၣ် ယၤမံၣ်ဒီးပှၤယူဒၤဖိအဒူၣ်တဖၣ်အပူၤန့ၣ်လီၤ. အဝဲတိာ်ပာ်လဲၢဆူတၢ်ဒုးအပူၤဒီးမၤန့ၢ်က့ၤအတၢ်စိတၢ်ကမီၤ လၢအံၣ်စရ့လးကလံၤစိးအဒူၣ်တဖၣ်အဖီခိၣ်န့ၣ်လီၤ.

စံးထီၣ်ပတြၢၤ 60:6

ကစၢ်ယွၤကတိၤတ့ၢ်လံတၢ်လၢအတၢ်လီၢ်စီဆှံအပူၤလံ, လၢတၢ်သူၣ်ခုသးခုအပူၤ, ယကနီၤဖးၡက့ၣ်အဆၢ ဒီးဟ့ၣ်လီၤကွံာ် စူးကိၤသးအတၢ်လူၢ်တၢ်တြီၤန့ၣ် ဆူယပှၤဂီၢ်မုၢ်လီၤ.

လံာ်ယံးရမံယၤ 41:5

ပှၤအဂၤဃိးဆံဟဲတုၤဝဲလၢ ဝ့ၢ်ၡက့ၣ်, ဝ့ၢ်ၡံလိၤ, ဒီးဝ့ၢ်ၡၤမရံလီၤ. အဝဲသ့ၣ် လူၤကွံာ်အခၣ်ဆူၣ်, ဖှီယာ်အကူအသိးတဖၣ်, ဒီးဂဲာ်လီၤအသးန့ၣ်လီၤ. အဝဲသ့ၣ်လဲၤစိာ်ဘုခ့ဒီး တၢ်နၢမူလၢ ကလုၢ်ထီၣ်တၢ်လၢ ယွၤအတၢ်လုၢ်ဟံၣ်ပူၤအဂီၢ်လီၤ.

မၤတၢ် 7:16

အဝဲသ့ၣ်အစိၣ်တဖၣ်န့ၣ်ဘၣ်တၢ်က့ၤစိာ်အီၤဆူဝ့ၢ်ၡက့ၣ်, ဒီးဘၣ်တၢ်ခူၣ်လီၤအီၤလၢတၢ်သွၣ်ခိၣ်အပူၤ, လၢစီၤအၤဘြၤဟၣ်ပှ့ၤန့ၢ်တ့ၢ်လၢစ့နီၢ်လၢစီၤဃမိၢ်အဒူၣ်ဖိ ထၢဖိတဖၣ်အအိၣ်န့ၣ်လီၤ.

လံာ်စီၤယိၤၡူ 20:7

အန့ၣ်သတးဒီး, အဝဲသ့ၣ်ပာ်လီၤဆီဝ့ၢ်က့ဒ့ၣ်လၢကီၢ်ကၤလံၤလါ, နးသၤလံကစၢၢ်အလိၤ, ဝ့ၢ်ၡက့ၣ်လၢအ့ဖရဲၣ်ကစၢၢ်အလိၤဒီး ဝ့ၢ်ဃ့ဘြိၣ်လၢယူဒၤကစၢၢ်အလိၤန့ၣ်လီၤ.

လံာ်စီၤယိၤၡူ 24:1

စီၤယိၤၡူပာ်ဖှိၣ်အံၣ်စရ့လးအဒူၣ်တဖၣ်ခဲလၢာ် ဖဲၡက့ၣ်ဒီးကိးန့ၢ်ပှၤသူၣ်က့သးပှၢ်တဖၣ်, ပှၤခိၣ်ပှၤနၢ်တဖၣ်, စံၣ်ညီၣ်ကွီၢ်တဖၣ်ဒီးအံၣ်စရ့လးအပှၤကွဲး လံာ်တဖၣ်ဒီးအဝဲသ့ၣ်ခဲလၢာ်ပာ်ဖှိၣ်အသးလၢယွၤအမဲာ်ညါလီၤ.

လံာ်စီၤယိၤၡူ 24:32

စီၤယိၤသးအစိၣ်လၢပှၤအံၣ်စရ့လးဖိဟဲစိာ်ထီၣ်ဝဲလၢကီၢ်အဲၤကူပတူးန့ၣ် ဘၣ်တၢ်ခူၣ်လီၤအီၤဖဲဝ့ၢ်ၡက့ၣ်, လၢဟီၣ်ခိၣ်တကဝီၤလၢစီၤယၤကိာ်ပှ့ၤန့ၢ်ဝဲလၢစ့ ညၣ်အဘ့ၣ်တကယၤလၢစီၤၡက့ၣ်အပၢ်, စီၤဃမိၢ်အဖိခွါတဖၣ်အစုပူၤန့ၣ်လီၤ. ဟီၣ်ခိၣ်အံၤကဲထီၣ်ဝဲ တၢ်န့ၢ်သါလၢစီၤယိၤသးအဖိတဖၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:1

စီၤကံးဒဧိၣ်အဖိခွါစီၤအဘံၤမ့လ့းလဲၤဝဲဆူ အမိၢ်အဘူးအတံၢ်ခဲလၢာ်အိၣ်ဝဲဆိးဝဲအလီၢ်ဝ့ၢ်ၡက့ၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:6

တုၤနုၤတစု, ပှၤၡက့ၣ်ဖိဒီးပှၤမံးလိၤဖိအပိာ်ခွါတဖၣ် ပာ်ဖှိၣ်ထီၣ်အသးဒီးလဲၤဆူသ့ၣ်သ့ထိးဖၣ်စီဆှံဖဲဝ့ၢ်ၡက့ၣ်ဒီး ပာ်ထီၣ်စီၤအဘံၤမ့လ့းလၢစီၤပၤဖဲန့ၣ်လီၤ.