လံာ်စီၤပၤအခီၣ်ထံးတဘ့ၣ် 11:9 - Sgaw Karen Common Bible

⁹ ယွၤ, ကီၢ်အံၣ်စရ့လးအကစၢ်ယွၤလီၣ်ဖျါထီၣ်တ့ၢ်အသးဆူ စီၤၡလိၤမိၤအအိၣ်ခံဘျီဒီးမၤလိာ်တ့ၢ်အီၤလၢအတဘၣ်ဘူၣ်ထီၣ် ဘါထီၣ်ပှၤတခီဘီမုၢ်ဖိအကစၢ်တဖၣ်ဒၣ်လဲာ်န့ၣ်စီၤၡလိၤမိၤတစူၢ်ယွၤဘၣ်.

လံာ်စီၤပၤအခီၣ်ထံးတဘ့ၣ် 11:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:27

ဖဲတၢ်ဟီၣ်တၢ်ယၢၤအကတီၢ်ဝံၤဝဲန့ၣ် စီၤဒၤဝံးမၢပှၤဟဲကိးပိာ်မုၣ်န့ၣ်ဆူနီပူၤလီၤ. ပိာ်မုၣ်န့ၣ်ကဲထီၣ်အမါဒီးဆံးစၢ်န့ၢ်အီၤဖိခွါတဂၤလီၤ. ဘၣ်ဆၣ်ဒီးတၢ်လၢစီၤဒၤဝံးမၤတ့ၢ်အံၤ တဘၣ်ယွၤအသးဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 6:7

တဘျီဃီန့ၣ်ယွၤ, ကစၢ်ယွၤအသးဒိၣ်ထီၣ်ဘၣ်စီၤဧူးစၤဒီးမၤသံကွံာ်အီၤ လၢအတယူးယီၣ်တၢ်အဃိန့ၣ်လီၤ. စီၤဧူးစၤသံဖဲန့ၣ်လၢယွၤအတၢ်အၢၣ်လီၤအီလီၤအတလါစီဆှံ အဃၢၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:8

အဝဲမၤထီၣ်စ့ၢ်ကီးတၢ်ဘူၣ်ထီၣ်ဘါထီၣ်အလီၢ်တဖၣ်ဖဲ ကယဲၢ်အဝဲအမါပှၤတခီဘီမုၢ်ဖိတဖၣ်ဆူးကဲၤထီၣ်တၢ်နၢမူ ဒီးလုၢ်ထီၣ်တၢ်လုၢ်တၢ်ပာ်တဖၣ်ဆူအဝဲသ့ၣ်အကစၢ်တဖၣ်အအိၣ်, ကသ့ဝဲအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:5

မုၢ်တနၤဃီန့ၣ်, ယွၤလီၣ်ဖျါထီၣ်အသးလၢအီၤလၢတၢ်မံမီၢ်တခါ အပူၤဒီးသံကွၢ်အီၤ, “နအဲၣ်ဒိးလၢယကဟ့ၣ်နၤတၢ်မနုၤလဲၣ်.”

လံာ်စီၤပၤအခီၣ်ထံးတဘ့ၣ် 9:2

ယွၤလီၣ်ဖျါထီၣ်ကဒီးအသးဒီးအီၤတဘျီဒ်အလီၣ်ဖျါထီၣ်အသးလၢ ဝ့ၢ်ကံးဘိၣ်အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:7

တၢ်လၢအမၤတ့ၢ်အသးအံၤကစၢ်ယွၤတဘၣ်အသးဘၣ်အဃိ စံၣ်ညီၣ်တ့ၢ်အံၣ်စရ့လးန့ၣ်လီၤ.

လံာ်တၢ်ဟးထီၣ်ကွံာ် 4:14

ဒီးလၢတၢ်အံၤအဃိယွၤအတၢ်သးထီၣ်ကဲၤထီၣ်ဘၣ်စီၤမိၤၡ့ဒီး စံး, “ပှၤလ့ၤဝံဖိစီၤအၤဟရိၣ်န့ၣ်တမ့ၢ်နဒီပုၢ်ဝဲၢ်ဘၣ်န့ၣ်ဧါ. ယသ့ၣ်ညါလၢအဝဲမ့ၢ်ပှၤကတိၤတၢ်သ့ဂ့ၤမးတဂၤလီၤ. ဒီးအဝဲဟဲလံဝဲဒ်သိးကသဂၢၢ်နၤဒီးတုၤအထံၣ်ဘၣ်နၤန့ၣ်ကသးခု ဝဲဒိၣ်မးလီၤ.

တၢ်ကတိၤဒိ. 4:23

နဆိကမိၣ်တၢ်ဒ်လဲၣ်ဒ်လဲၣ်န့ၣ်ပလီၢ်နသးတက့ၢ်. အဂ့ၢ်ဒ်အံၤ, နတၢ်အိၣ်မူအက့ၢ်အဂီၤမ့ၢ်တၢ်ဒ်နတၢ်ဆိကမိၣ်တဖၣ်အသိးလီၤ.

လံာ်ဟိၤၡ့ 4:11

ယွၤစံးဝဲဒၣ်, စပံးထံအလီၢ်လံၤဒီးအသီခံမံၤလိာ်ဂုာ်ကွံာ်လံ ယပှၤဂီၢ်မုၢ်အစ့ၣ်တဖၣ်လံ.

လံာ်တၢ်ဂံၢ် 12:9

ယွၤအသးဒိၣ်ဘၣ်အဝဲသ့ၣ်လီၤ. ဒီးလၢတၢ်န့ၣ်အဃိတုၤယွၤဟးထီၣ်ကွံာ်,

လံာ်သိၣ်လီၤသီလီၤတၢ် 3:26

ဘၣ်ဆၣ်ဒီးမ့ၢ်လၢသုဝဲပှၤဂီၢ်မုၢ်အံၤအဃိ, ယွၤအသးဒိၣ်ထီၣ်ဘၣ်ယၤဒီးတကနၣ်ယၤဘၣ်. အခိၣ်တလိာ်, အဝဲစံးဝဲ, ထဲန့ၣ်ဘၣ်လံ. ယၢၤထီၣ်ကဒီးတၢ်ဂ့ၢ် အံၤလၢၤတဂ့ၤ.

လံာ်သိၣ်လီၤသီလီၤတၢ် 7:4

အဂ့ၢ်ဒ်အံၤ, သုမ့ၢ်မၤဒ်န့ၣ်ဒီးအဝဲသ့ၣ်ကဆှၢယံၤကွံာ်သုဖိ တဖၣ်ဒီးယွၤဒ်သိးကဘူၣ်ထီၣ်ဘါထီၣ်ကစၢ်အဂၤတဖၣ်အဂီၢ်န့ၣ်လီၤ. တၢ်န့ၣ်မ့ၢ်မၤအသးဒ်န့ၣ်ဒီး, ယွၤကသးဒိၣ်ထီၣ်ဘၣ်သုဒီးမၤဟး ဂီၤကွံာ်သုတဘျီဃီန့ၣ်လီၤ.

လံာ်သိၣ်လီၤသီလီၤတၢ် 9:20

ယွၤအသးဒိၣ်ထီၣ်ဘၣ်စ့ၢ်ကီးစီၤအၤဟရိၣ်နးမးတုၤလၢအက မၤသံအီၤလီၤ. လၢတၢ်န့ၣ်အဃိယဘါထုကဖၣ်တၢ်လၢစီၤအၤဟရိၣ်အ ဂီၢ်, လၢတၢ်တကတီၢ်ဃီန့ၣ်လီၤ.

လံာ်သိၣ်လီၤသီလီၤတၢ် 9:8

ဖဲကစၢၢ်စံၤနါဒၣ်လဲာ်န့ၣ်, သုထိၣ်ဂဲၤယွၤအတၢ်သးထီၣ်, တုၤဒၣ်လဲာ်အဝဲအသးဒိၣ်ထီၣ်တုၤလၢသါကမၤဟးဂီၤကွံာ်သုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:11

“ယသးအုးလၢယဒုးကဲထီၣ်ဘၣ်စီၤစီလူးလၢစီၤပၤတဂၤအဃိ န့ၣ်လီၤ. အဝဲဃၣ်ကွံာ်အသးလၢယအိၣ်ဒီးတစူၢ်ဘၣ်ယတၢ်မၤလိာ်တဖၣ်ဘၣ်.” စီၤၡမူၤအ့လးအသးဒိၣ်ဝဲဒီးသီတနၤကျၢၤန့ၣ်ဃ့ကညးတၢ်လၢ ယွၤန့ၣ်လီၤ.