လံာ်စီၤပၤအခီၣ်ထံးတဘ့ၣ် 11:4 - Sgaw Karen Common Bible

⁴ ဒီးဖဲစီၤၡလိၤမိၤအသးပှၢ်ထီၣ်န့ၣ်, အဝဲသ့ၣ်ဆှၢဃီၤအီၤဆူ တၢ်ဘူၣ်ထီၣ်ဘါထီၣ်ပှၤတခီဘီမုၢ်ဖိအကစၢ်တဖၣ်န့ၣ်လီၤ. အဝဲတတီဒီးယွၤ, အကစၢ်ယွၤဒ်အပၢ်စီၤဒၤဝံးအသိးဘၣ်.

လံာ်စီၤပၤအခီၣ်ထံးတဘ့ၣ် 11:4 Iomraidhean Croise

လံာ်စီၤပၤအခီၣ်ထံးတဘ့ၣ် 11:2

ယွၤမၤလိာ်တ့ၢ်ပှၤအံၣ်စရ့လးဖိတဖၣ်လၢအတဘၣ်ဟံးန့ၢ်ပှၤဂီၢ် မုၢ်တဖၣ်အံၤန့ၣ်ဘၣ်. အဂ့ၢ်ဒ်အံၤ, အဝဲသ့ၣ်ဒုးကဲထီၣ်ပှၤအံၣ်စရ့လးဖိတဖၣ်လၢပှၤဟ့ၣ်လီၤအတၢ်သး တီဆူကစၢ်အဂၤတဖၣ်အအိၣ်သ့ဝဲလီၤ. တၢ်န့ၣ်ဒၣ်လဲာ်, စီၤၡလိၤမိၤဒိးတ့ဒိးဖျီတ့ၢ်အသးဒီးပိာ်မုၣ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:33

ယကမၤတၢ်အံၤမ့ၢ်လၢစီၤၡလိၤမိၤညိကွံာ်လံယၤဒီးဘူၣ်ထီၣ်ဘါ ထီၣ်ပှၤတခီဘီမုၢ်ဖိအကစၢ်တဖၣ်လၢအမ့ၢ်ဝဲ, ကီၢ်စံဒိၣ်အကစၢ်မုၣ်ဧၤၡတြိး, ကီၢ်မိၤအးအကစၢ်ကမိၣ်, ဒီးကီၢ်ဧၣ်မိၣ်အကစၢ်မိလးအဃိန့ၣ်လီၤ. စီၤၡလိၤမိၤတစူၢ်တ့ၢ်ယၤလၢၤဘၣ်. အဝဲမၤကမၣ်တ့ၢ်တၢ်ဒီးတတိၢ် န့ၢ်ဖံးဃာ်ယတၢ်သိၣ်တၢ်သီတဖၣ်ဒီးယတၢ်မၤလိာ်တဖၣ်ဒ်အပၢ်စီၤဒၤ ဝံးမၤတ့ၢ်ဝဲအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 11:38

နမ့ၢ်စူၢ်ယၤလၢလၢပှဲၤပှဲၤ, အိၣ်မူလၢယတၢ်သိၣ်တၢ်သီ တဖၣ်အပူၤဒီးမၤန့ၢ်ယတၢ်ဘၣ်သူၣ်ဘၣ်သးနၤခီဖျိမၤတၢ်လၢယမၤ လိာ်နၤ, ဒ်ယခ့ယပှၤစီၤဒၤဝံးမၤတ့ၢ်ဝဲအသိးန့ၣ်ဒီးယကအိၣ်ဒီးနၤထီ ဘိန့ၣ်လီၤ. ယကဒုးကဲထီၣ်နၤလၢကီၢ်အံၣ်စရ့လးအစီပၤ, ဒီးသပှၢ်ကတၢၢ်နစၢၤနသွဲၣ်တဖၣ်ကပၢဘၣ်တၢ်လၢနလီၢ်ခံ, ဒ်ယမၤတ့ၢ်တၢ်လၢစီၤဒၤဝံးအဂီၢ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:42

အဝဲမ့ၢ်စီၤပၤလၢဝ့ၢ်ယရူၤၡလ့ၣ်အပူၤလၢကီၢ်အံၣ်စရ့လးဒီ တဘ့ၣ်ညါအဖီခိၣ်အနံၣ်လွံၢ်ဆံန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:6

အဝဲမၤတ့ၢ်တၢ်ဒဲးဘးထီဒါယွၤဒီးတတီဘၣ်ဒီးအီၤဒ်အပၢ်စီၤ ဒၤဝံးတီတ့ၢ်ဒီးယွၤအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 11:9

ယွၤ, ကီၢ်အံၣ်စရ့လးအကစၢ်ယွၤလီၣ်ဖျါထီၣ်တ့ၢ်အသးဆူ စီၤၡလိၤမိၤအအိၣ်ခံဘျီဒီးမၤလိာ်တ့ၢ်အီၤလၢအတဘၣ်ဘူၣ်ထီၣ် ဘါထီၣ်ပှၤတခီဘီမုၢ်ဖိအကစၢ်တဖၣ်ဒၣ်လဲာ်န့ၣ်စီၤၡလိၤမိၤတစူၢ်ယွၤဘၣ်.

လံာ်စီၤပၤအခီၣ်ထံးတဘ့ၣ် 14:21

စီၤၡလိၤမိၤအဖိခွါစီၤရဃၤဘၣ်ကဲထီၣ်ကီၢ်ယူဒၤအစီၤပၤဖဲ အသးအိၣ်လွံၢ်ဆံတနံၣ်, ဒီးအဝဲပၢတၢ်တဆံနွံနံၣ်လၢဝ့ၢ်ယရူၤ ၡလ့ၣ်အပူၤ, ဝ့ၢ်တဝ့ၢ်လၢယွၤဃုထၢတ့ၢ်ဒ်တၢ်လီၢ်တတီၤဖဲအဝဲကဘၣ်တၢ်ဘူၣ် ထီၣ်ဘါထီၣ်အီၤလၢကယဲၢ်ကီၢ်အံၣ်စရ့လးအလီၢ်ကဝီၤခဲလၢာ်အကျါ န့ၣ်လီၤ. စီၤရဃၤဘၣ်အမိၢ်မ့ၢ်ဝဲနီၢ်နၤဧမၤလၢကီၢ်ဧၣ်မိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:14

စီၤအၤစါမ့ၢ်တမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါ ထီၣ်အလီၢ်ခဲလၢာ်ဒၣ်လဲာ်, အဝဲအိၣ်ဒံးဒီးတၢ်သးတီဒီးယွၤလၢအသးသမူဒီစိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:3

အဝဲမၤတ့ၢ်တၢ်ဒဲးဘးတဖၣ်တမံၤဃီဒ်အပၢ်အသိး, ဒီးတသူၣ်တီသးရၤဘၣ်ဒီးယွၤ, အကစၢ်ယွၤလၢာ်လၢာ်ဆ့ဆ့ ဒ်အဖုဖးဒိၣ်စီၤဒၤဝံးအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 3:3

စီၤၡလိၤမိၤအဲၣ်ဘၣ်ယွၤဒီးပိာ်ထွဲတ့ၢ်အပၢ်စီၤဒၤဝံးအတၢ် မၤလိာ်ပိာ်လီၤတဖၣ်အခံန့ၣ်လီၤ. ဘၣ်ဆၣ်အဝဲမၤသံစ့ၢ်ကီးဆၣ်ဖိကီၢ်ဖိတဖၣ်ဒီးလုၢ်ထီၣ်အီၤဒ် တၢ်လုၢ်တၢ်ပာ်တဖၣ်အသိးလၢတၢ်လုၢ်လီၢ်အကလုာ်ကလုာ်အဖီခိၣ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 6:1

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်လၢကီၢ်အဲၤကူပတူးအလီၢ်ခံ, အနံၣ်လွံၢ်ကယၤဃိးဆံ, ဖဲစီၤၡလိၤမိၤကဲစီၤပၤလၢကီၢ်အံၣ်စရ့လးလွံၢ်နံၣ်တနံၣ်လၢလါခံလါတလါ, လါစံာ်အပူၤန့ၣ်စီၤၡလိၤမိၤစးထီၣ်တၢ်မၤလၢတၢ်သူၣ်ထီၣ်ယွၤ အတၢ်လုၢ်ဟံၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:61

မ်သုဝဲ, အပှၤဂီၢ်မုၢ်အိၣ်ဒီးတၢ်သူၣ်တီသးရၤဒီးယွၤ, ပကစၢ်ယွၤထီဘိ, စူၢ်ကယဲၢ်အဝဲအတၢ်သိၣ်တၢ်သီတဖၣ်ဒီးအတၢ်မၤလိာ်တဖၣ်, ဒ်သုမၤအီၤလၢမုၢ်မဆါတနံၤအံၤအသိးန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 9:10

စီၤၡလိၤမိၤသူၣ်ထီၣ်ယွၤအတၢ်လုၢ်ဟံၣ်ဒီးအဝဲအနီ, ယံာ်ဝဲအနံၣ်ခံဆံန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:4

ယကအံးလီၤကွၢ်လီၤအီၤ, ဒီးဒီဒၣ်အိၣ်ပှိၤအီၤကိးဆၢကိးကတီၢ် ဒဲးန့ၣ်လီၤ. ဒ်နပၢ်စီၤဒၤဝံးမၤတ့ၢ်ဝဲအသိး, နမ့ၢ်မၤယတၢ်မၤလၢတၢ်တီတၢ်လိၤဒီးတၢ်ကလုၢ်တီအပူၤ, ဒီးနမ့ၢ်စူၢ်ယတၢ်သိၣ်တၢ်သီတဖၣ်ဒီးမၤကယဲၢ်တၢ်လၢယမၤလိာ်တ့ၢ် နၤတဖၣ်န့ၣ်ဒီး,

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:19

ယဟ့ၣ်လီၤယဖိခွါစီၤၡလိၤမိၤလၢကစူၢ်တၢ်တမံၤလၢ်လၢ်လၢန မၤလိာ်အီၤလၢအသးဒီဖျၢၣ်ညါလၢတၢ်သးအိၣ်, ဒီးလၢကသူၣ်ထီၣ်ယွၤအတၢ်လုၢ်ဟံၣ်လၢယကတဲာ်ကတီၤတ့ၢ်တၢ်သ့ၣ်တဖၣ် အံၤလၢအဂီၢ်န့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 17:3

ယွၤဆိၣ်ဂ့ၤတ့ၢ်စီၤယဟိၡၤဖးမ့ၢ်လၢအပိာ်ထွဲအပၢ်အတၢ်အိၣ်မူ အိၣ်ဂဲၤအခီၣ်ထံးတပတီၢ်အဒိအတဲာ်ဒီးတဘူၣ်ထီၣ်ဘါထီၣ်ဘၣ်ဘဧၤ လးအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:2

အဝဲမၤတ့ၢ်တၢ်လၢအဘၣ်ယွၤအသး, ဘၣ်ဆၣ်မၤဒၣ်ဝဲလၢတၢ်သူၣ်တဆူၣ်သးတဆူၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:2

အဝဲမၤတ့ၢ်တၢ်လၢအဘၣ်ယွၤအသး, အဝဲလူၤပိာ်ထွဲအပၢ်ဖးဒိၣ်လၢ ပျၢၤစီၤဒၤဝံးအဒိအတဲာ်အခံ, ဒီးစူၢ်ကယဲၢ်ကစၢ်ယွၤအတၢ်သိၣ်တၢ်သီတဖၣ်လီၤတံၢ်လီၤဆဲးန့ၣ် လီၤ.

လံာ်တၢ်ဟးထီၣ်ကွံာ် 20:3

လၢယၤအမဲာ်ညါန့ၣ်ဘါထီၣ်ကစၢ်နီတဂၤတဂ့ၤ.

လံာ်သိၣ်လီၤသီလီၤတၢ် 17:17

စီၤပၤန့ၣ်တဘၣ်အိၣ်ဒီးအမါတဖၣ်အါဂၤဘၣ်, မ့ၢ်လၢတၢ်အံၤကဒုးဃၣ်ကွံာ်အီၤလၢယွၤအအိၣ်ဒီးအဝဲတဘၣ်မၤ ထူးထီၣ်တီၤထီၣ်အသးလၢစ့ဒီးထူန့ၣ်ဘၣ်.

လံာ်သိၣ်လီၤသီလီၤတၢ် 7:4

အဂ့ၢ်ဒ်အံၤ, သုမ့ၢ်မၤဒ်န့ၣ်ဒီးအဝဲသ့ၣ်ကဆှၢယံၤကွံာ်သုဖိ တဖၣ်ဒီးယွၤဒ်သိးကဘူၣ်ထီၣ်ဘါထီၣ်ကစၢ်အဂၤတဖၣ်အဂီၢ်န့ၣ်လီၤ. တၢ်န့ၣ်မ့ၢ်မၤအသးဒ်န့ၣ်ဒီး, ယွၤကသးဒိၣ်ထီၣ်ဘၣ်သုဒီးမၤဟး ဂီၤကွံာ်သုတဘျီဃီန့ၣ်လီၤ.