လံာ်စီၤပၤအခီၣ်ထံးတဘ့ၣ် 11:31 - Sgaw Karen Common Bible

³¹ ဒီးစံးဘၣ်စီၤယၤရၤဘၣ်, “ဟံးန့ၢ်တၢ်အက့တဆံလၢနဂီၢ်, မ့ၢ်လၢယွၤအံၣ်စရ့လးအကစၢ်ယွၤစံးဘၣ်နၤလၢ, ယကဟံးထီၣ်ကွံာ်ဘီမုၢ်လၢစီၤၡလိၤမိၤအအိၣ်, ဒီးယကဟ့ၣ်နၤပှၤအဒူၣ်တဆံဒူၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:31 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:43

ပှၤကီၢ်အံၣ်စရ့လးဖိတဖၣ်စံးဆၢဝဲဒၣ်, “အဝဲမ့မ့ၢ်ဒၣ်လဲာ် ပှၤတဂၤလၢသုဘူးသုတံၢ်အကျါဘၣ်ဆၣ်, ပတဲသ့လၢပတၢ်ဘၣ်ဃးဒီးစီၤပၤန့ၣ်အိၣ်ဝဲဆံဆဲၣ်ဘျီ, ဒီးအါန့ၢ်ဒံးသုလၢသုဘၣ်ဃးဒီးအီၤတက့ၢ်လီၤ. ဘၣ်မနုၤအဃိသုကွၢ်တလီၤပှၤန့ၣ်လဲၣ်. ပမ့ၢ်တ့ၢ်ပှၤအဆိကတၢၢ်လၢအကတိၤတၢ်ဘၣ်ဃး တၢ်ကိးကဒါက့ၤစီၤပၤအဂ့ၢ်လီၤန့ၣ်, သးပ့ၤနီၣ်အီၤတဂ့ၤ.” ဘၣ်ဆၣ်ဒီး, ပှၤလၢကီၢ်ယူဒၤတဖၣ်ကတိၤတၢ်ဆူၣ်ဆူၣ်လၢအတၢ်ဘၣ်ဃး ဒီးစီၤပၤအဂ့ၢ်န့ၣ်, အါန့ၢ်ဒိၣ်န့ၢ်ဒံးပှၤလၢကီၢ်အံၣ်စရ့လးတဖၣ်တက့ၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 12:15

တၢ်အံၤမ့ၢ်ယွၤအတၢ်ဘၣ်အသးလၢကမၤလၢထီၣ်ပှဲၤထီၣ်တၢ်လၢအဝဲ စံးဘၣ်တ့ၢ်စီၤနဘးအဖိခွါစီၤယၤရၤဘၣ်ခီဖျိ ဝံအဃံယၤလၢဝ့ၢ်ၡံလိၤန့ၣ်လီၤ. လၢတၢ်န့ၣ်အဃိစီၤပၤတကနၣ်ဃုာ်ဘၣ်ပှၤဂီၢ်မုၢ်နီတစဲးဘၣ်.

လံာ်စီၤပၤအခီၣ်ထံးတဘ့ၣ် 14:2

စီၤယၤရၤဘၣ်စံးဘၣ်အမါ, “ပျိာ်လီၤဆီနသးဒ်သိးပှၤသု တသ့ၣ်ညါနီၣ်နၤနီတဂၤတဂ့ၤ, ဒီးလဲၤဖဲဝ့ၢ်ၡံလိၤဖဲဝံအဃံ ယၤ, အိၣ်ဆိးဝဲန့ၣ်တက့ၢ်. အဝဲမ့ၢ်ပှၤတဂၤလၢအစံးတ့ၢ်လၢယကကဲ ထီၣ်ဘၣ်ကီၢ်အံၣ်စရ့လးအစီၤပၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:8

ယဟံးထီၣ်ကွံာ်ဘီမုၢ်လၢစီၤဒၤဝံးအစၢၤအသွဲၣ်တဖၣ်အအိၣ်ဒီး ဟ့ၣ်လီၤတ့ၢ်နၤလီၤ. ဘၣ်ဆၣ်နတလီၤဂာ်ဘၣ်ဒီးယခ့ယပှၤစီၤဒၤဝံးန့ၣ်ဘၣ်. အဝဲမ့ၢ်ပှၤလၢအတီဒီးယၤလၢလၢပှဲၤပှဲၤ, စူၢ်ယတၢ်မၤလိာ်တဖၣ်ဒီးမၤတၢ်လၢယဘၣ်သူၣ်ဘၣ်သးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:21

တုၤယွၤမၤလီၤဖးကွံာ်ကီၢ်အံၣ်စရ့လးလၢကီၢ်ယူဒၤဝံၤအလီၢ် ခံန့ၣ်, ပှၤအံၣ်စရ့လးဖိတဖၣ်ပာ်ထီၣ်စီၤနဘးအဖိခွါစီၤယၤရၤဘၣ်လၢ အဝဲသ့ၣ်အစီၤပၤန့ၣ်လီၤ. စီၤယၤရၤဘၣ်ဒုးကဲထီၣ်အဝဲသ့ၣ်လၢပှၤစူးကွံာ်ညိကွံာ်ယွၤ, ဒီးဆှၢဃီၤအဝဲသ့ၣ်ဆူတၢ်ဒဲးဘးလီၤပျံၤလီၤဖုးတဖၣ်အပူၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:15

တၢ်အံၤ, မ့ၢ်ယွၤ, ကစၢ်ယွၤအတၢ်ဘၣ်သးလၢကမၤလၢပှဲၤထီၣ်တၢ်လၢ အဝဲစံးဘၣ်တ့ၢ်စီၤနဘးအဖိခွါစီၤယၤရၤဘၣ်ခီဖျိ, ဝံအဃံယၤလၢဝ့ၢ်ၡံလိၤန့ၣ်လီၤ. လၢတၢ်အံၤအဃိစီၤပၤတကနၣ်ဃုာ်ဘၣ်ပှၤဂီၢ်မုၢ်နီတစဲးဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 15:27

တုၤနုၤတစု, စီၤၡမူၤအ့လးဃၣ်အသးဒ်သိးကဟးထီၣ်ဝဲလီၤ. ဘၣ်ဆၣ်ဒီးစီၤစီလူးဟံးဃာ်အီၤလၢအဆ့ကၤဖးဒိၣ်ဒီးဆ့ကၤ န့ၣ်ယာ်ပြဲးဘၣ်အသးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:28

စီၤၡမူၤအ့လးစံးဘၣ်အီၤ, “ယွၤဖှီယာ်ကွံာ်ကီၢ်အံၣ်စရ့လး အဘီအမုၢ်ယံၤဒီးနၤလၢတနံၤအံၤဒီးဟ့ၣ်လီၤအီၤဆူပှၤအဂ့ၤ ဒိၣ်န့ၢ်အါန့ၢ်နၤတဂၤအအိၣ်လီၤ.