လံာ်စီၤပၤအခီၣ်ထံးတဘ့ၣ် 11:3 - Sgaw Karen Common Bible

³ စီၤၡလိၤမိၤဒိးတ့ဒိးဖျီတ့ၢ်အသးဒီးစီၤပၤအဖိမုၣ်တဖၣ် အဂၤနွံကယၤဒီးအိၣ်စ့ၢ်ကီးဒီးအသံၣ်မါအဂၤသၢကယၤန့ၣ်လီၤ. အဝဲသ့ၣ်ဒုးဃၣ်ယံၤကွံာ်အီၤလၢကစၢ်ယွၤအအိၣ်,

လံာ်စီၤပၤအခီၣ်ထံးတဘ့ၣ် 11:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 11:21

စီၤရဃၤဘၣ်အိၣ်ဒီးအမါခဲလၢာ်တဆံဃိးဂၤ, ဒီးအသံၣ်မါဃုဆံဂၤန့ၣ်လီၤ. အဖိခွါအိၣ်ဝဲခံဆံဃိးဂၤ ဒီးအဖိမုၣ်အိၣ်ဝဲအဂၤဃုဆံန့ၣ်လီၤ. လၢအမါဒီးအသံၣ်မါတဖၣ်ခဲလၢာ်အကျါန့ၣ်အဲၣ်အမါနီၢ်မၤကၤ အဒိၣ်ကတၢၢ်လီၤ.

လံာ်နီၢ်အ့ၤစတၢ် 1:18

စးထီၣ်လၢမုၢ်တနံၤအံၤတုၤစီၤပၤအပဒိၣ်ဖးဒိၣ်လၢကီၢ်ပၤရၣ်ဒီးကီၢ်မၤဒဲ အပူၤအမါတဖၣ်နၢ်ဟူနီၢ်ပၤမုၣ်အတၢ်မၤအံၤဒီး, အဝဲသ့ၣ်ကတဲဘၣ်အဝၤတဖၣ်လၢတၢ်ဂ့ၢ်အံၤန့ၣ်လီၤ. ဒီးမါလၢတၢ်လီၢ်ကိးပူၤဒဲးတမ့ၢ်ကပာ်ကဲအဝၤလၢၤဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:8

ယပာ်ဖှိၣ်စ့ၢ်ကီးစ့ဒီးထူလၢအဟဲထီၣ်လၢစီၤပၤအတၢ်ပာ်ဖှိၣ် အလီၢ်တဖၣ်လၢကီၢ်တဖၣ်လၢယပၢအီၤအပူၤန့ၣ်လီၤ. ပိာ်ခွါတဖၣ်ဒီးပိာ်မုၣ်တဖၣ်သးဝံၣ်တၢ်လၢကမၤမုာ်ယၤဒီးယအိၣ် ဒီးကယဲၢ်ပိာ်မုၣ်တဖၣ်လၢပှၤပိာ်ခွါတဂၤအသးဆၢန့ၢ်ဘၣ်ဝဲန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:28

ယဃုထံၣ်န့ၢ်တၢ်စံးဆၢအဂၤတဖၣ်, ဘၣ်ဆၣ်ယတထံၣ်န့ၢ်နီ တမံၤဘၣ်. ယထံၣ်တ့ၢ်ပှၤပိာ်ခွါတဂၤလၢပှၤတကထိအကျါလၢယပာ်ကဲ အီၤန့ၢ်န့ၣ်လီၤ. ဘၣ်ဆၣ်ဒီးယတထံၣ်န့ၢ်ပိာ်မုၣ်နီတဂၤဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 6:8

မ်စီၤပၤအိၣ်ဒီးအနီၢ်ပၤမုၣ်အဂၤဃုဆံ, အသံၣ်မါဃိးဆံ, ဒီးမုၣ်လိၤဘိလၢပဂံၢ်တသ့ဘၣ်န့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 6:9

မ့မ့ၢ်ယအဲၣ်ပှၤထဲနၤဧိၤ, ဒီးအဝဲဒၣ်လီၤအဲၣ်လီၤကွံဒ် ထိၣ်လွံၢ်တဘ့ၣ်အသိးလီၤ. အဝဲမ့ၢ်အမိၢ်အဖိမုၣ်ထဲတဂၤဧိၤ, လၢအမိၢ်အဲၣ်အီၤဒိၣ်ကတၢၢ်န့ၣ်လီၤ. ပှၤပိာ်မုၣ်ခဲလၢာ်ကွၢ်အီၤဒီးစံးထီၣ်ပတြၢၤအီၤ, နီၢ်ပၤမုၣ်တဖၣ်ဒီးသံၣ်မါတဖၣ်သးဝံၣ်စံးထီၣ်ပတြၢၤအီၤလီၤ.

လံာ်သိၣ်လီၤသီလီၤတၢ် 17:17

စီၤပၤန့ၣ်တဘၣ်အိၣ်ဒီးအမါတဖၣ်အါဂၤဘၣ်, မ့ၢ်လၢတၢ်အံၤကဒုးဃၣ်ကွံာ်အီၤလၢယွၤအအိၣ်ဒီးအဝဲတဘၣ်မၤ ထူးထီၣ်တီၤထီၣ်အသးလၢစ့ဒီးထူန့ၣ်ဘၣ်.

လံာ်ပှၤစံၣ်ညီၣ်ကွီၢ် 3:6

ဒီးအဝဲသ့ၣ်ထီၣ်ဖိန့ၢ်မါလိာ်အသးဒီးပှၤကလုာ်တဖၣ်န့ၣ်, ဒီးဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:5

ဒီးအဝဲလဲၤဆူအပၢ်အဟံၣ်ဖဲဝ့ၢ်ဧိးဖြၤဒီးမၤသံကွံာ်အဒီပုၢ်ဝဲၢ်ခွါအဂၤနွံဆံလၢအမ့ၢ် စီၤကံးဒဧိၣ်အဖိခွါတဖၣ်လၢလၢၢ်တဖျၢၣ်ဃီအဖီခိၣ်လီၤ. ဘၣ်ဆၣ်စီၤကံးဒဧိၣ်အဖိခွါအဆံးကတၢၢ်စီၤယိၤသၣ်တဂၤန့ၣ် အိၣ်ခူသူၣ်ဝဲအဃိတၢ်တမၤသံဘၣ်အီၤဘၣ်.