လံာ်စီၤပၤအခီၣ်ထံးတဘ့ၣ် 11:26 - Sgaw Karen Common Bible

²⁶ ပှၤအဂၤတဂၤလၢအထီဒါကွံာ်စီၤပၤၡလိၤမိၤန့ၣ်, မ့ၢ်အဝဲအပဒိၣ်ပပှၢ်အကျါတဂၤ, လၢအမ့ၢ်စီၤနဘးအဖိခွါစီၤယၤ ရၤဘၣ်, ပှၤအ့ဖရဲၣ်ဖိတဂၤလၢအဘၣ်ဃးဒီးစရ့ဒၤန့ၣ်လီၤ. အဝဲအမိၢ်မ့ၢ်မုၣ်ကမဲတဂၤလၢအမံၤမ့ၢ်နီၢ်စရူၤဧၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:26 Iomraidhean Croise

လံာ်တၢ်ကဲထီၣ်အခီၣ်ထံး 35:16

စီၤယၤကိာ်ဒီးအပှၤဟံၣ်ဖိဃီဖိတဖၣ်ဟးထီၣ်ကွံာ်လၢဝ့ၢ်ဘ့ၤ သ့လး, ဒီးဖဲအဝဲသ့ၣ်အိၣ်တယံၤကဲာ်ဆိးဒီးဝ့ၢ်ဖရၤသးဘၣ်အခါန့ၣ်, အဆၢကတီၢ်ဘၣ်ဝဲဒၣ်လၢနီၢ်ရၤဃ့လးကဆံးစၢ်အဖိ, ဒီးအဟုးကီဝဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:21

တၢ်န့ၣ်တမ့ၢ်ပတၢ်ကူၣ်ကျဲၤဘၣ်. ပှၤတဂၤလၢအမ့ၢ်စီၤဘံးတြံၤ အဖိခွါစီၤၡဘၤ, ပှၤလၢအဘၣ်ဃးဒီးကီၢ်အ့ဖရဲၣ်အကစၢၢ်ကလိန့ၣ်, စးထီၣ်ပူထီၣ်တၢ်ထီဒါစီၤပၤဒၤဝံးန့ၣ်လီၤ. ဟ့ၣ်လီၤကွံာ်ပှၤတဂၤအံၤဆူပအိၣ်ဒီးယကဟးထီၣ်ကွံာ်လၢဝ့ၢ်အံၤန့ၣ်လီၤ.” ပိာ်မုၣ်န့ၣ်စံးဘၣ်အီၤ, “ပကကွံာ်ခီလီၤအဝဲအခိၣ်လၢဝ့ၢ်ခိၣ်ဒူအံၤဆူနအိၣ်န့ၣ် လီၤ.”

လံာ်စီၤပၤအခီၣ်ထံးတဘ့ၣ် 11:11

ဒီးယွၤစံးဘၣ်အီၤ, “မ့ၢ်လၢနကူၣ်မၤဟးဂီၤကွံာ်နတၢ်အၢၣ် လီၤဒီးယၤဒီးနတစူၢ်ဘၣ်ယတၢ်မၤလိာ်တဖၣ်အဃိ, ယအၢၣ်လီၤလၢယကဟံးထီၣ်ကွံာ်ဘီဧိၤမုၢ်ဧိၤလၢနအိၣ်ဒီးဟ့ၣ် လီၤကွံာ်အီၤဆူနပဒိၣ်ပပှၢ်အကျါတဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:25

အဝဲမ့ၢ်ကီၢ်အံၣ်စရ့လးအဒုၣ်အဒါတဂၤဖဲစီၤၡလိၤမိၤအိၣ်မူ ဝဲအခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:28

စီၤယၤရၤဘၣ်မ့ၢ်ပှၤသးစၢ်တဂၤလၢအမၤတၢ်သ့, ဒီးဖဲစီၤၡလိၤမိၤပာ်သူၣ်ပာ်သးလၢအဝဲမၤတၢ်ဆူၣ်ထဲလဲၣ်ထဲ လဲၣ်န့ၣ်, အဝဲဒုးကဲထီၣ်အီၤလၢပှၤအခိၣ်တဂၤလၢတၢ်မၢဆူၣ်မၢနၢၤအတၢ်မၤ အပူၤလၢပှၤမနၤၡ့ၤဒီးပှၤအ့ဖရဲၣ်အဒူၣ်တဖၣ်အလီၢ်ကဝီၤပူၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 12:2

တုၤစီၤနဘးအဖိခွါစီၤယၤရၤဘၣ်လၢအလဲၤတ့ၢ်ဆူကီၢ်အဲၤကူ ပတူးဒ်သိးအဃ့ၢ်ပူၤဖျဲးအသးလၢစီၤပၤၡလိၤမိၤ, နၢ်ဟူတၢ်ကစီၣ်အံၤန့ၣ်အဝဲဟဲက့ၤကဒါက့ၤဝဲဒၣ်လၢကီၢ်အဲၤကူ ပတူးန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:16

ယွၤပာ်လီၤတဲာ်ကွံာ်ကီၢ်အံၣ်စရ့လး, မ့ၢ်လၢစီၤယၤရၤဘၣ်မၤ တ့ၢ်တၢ်ဒဲးဘးဒီးဆှၢဃီၤကီၢ်အံၣ်စရ့လးအပှၤဂီၢ်မုၢ်ဆူတၢ် ဒဲးဘးအပူၤအဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 15:30

တၢ်အံၤမၤအသးမ့ၢ်လၢစီၤယၤရၤဘၣ်ထိၣ်ဂဲၤယွၤ, ကီၢ်အံၣ်စရ့လးအကစၢ်ယွၤအတၢ်သးထီၣ်, ခီဖျိတၢ်ဒဲးဘးတဖၣ်လၢအမၤတ့ၢ်ဝဲ, ဒီးဒုးမၤပှၤအံၣ်စရ့လးဖိတဖၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:3

ဒီးလၢတၢ်န့ၣ်အဃိ, ဒ်ယမၤတ့ၢ်စီၤယၤရၤဘၣ်အသိးယက တၢၤကွံာ်နၤဒီးနပှၤဟံၣ်ဖိဃီဖိန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:22

နပှၤဟံၣ်ဖိဃီဖိကကဲထီၣ်ဒ်စီၤနဘးအဖိခွါစီၤပၤစီၤယၤရၤ ဘၣ်အဟံၣ်ဖိဃီဖိအသိးဒီးဒ်စီၤအဃံယၤအဖိခွါစီၤပၤစီၤဘါ ၡၤအဟံၣ်ဖိဃီဖိအသိး, မ့ၢ်လၢနထိၣ်ဂဲၤထီၣ်ယတၢ်သးဒိၣ်ထီၣ်ခီဖျိနဆှၢဃီၤပှၤအံၣ် စရ့လးဖိဆူတၢ်ဒဲးဘးအပူၤအဃိလီၤ.

လံာ်စီၤပၤအခီၣ်ထံးတဘ့ၣ် 9:22

စီၤၡလိၤမိၤတမၢကဲကုၢ်ဘၣ်ပှၤအံၣ်စရ့လးဖိတဖၣ်န့ၣ်ဘၣ်. အဝဲသ့ၣ်မၤအတၢ်ဒ်အဝဲပှၤသုးဖိသံၣ်ဖိတဖၣ်အသိး, ဒ်ပဒိၣ်ပပှၢ်တဖၣ်အသိး, ဒ်သုးခိၣ်သုးနၢ်တဖၣ်အသိး, ဒ်လ့ၣ်ကဟၣ်သုးအခိၣ်တဖၣ်အသိး, ဒီးဒ်ပှၤဒိးကသ့ၣ်သုးဖိတဖၣ် အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:19

ဖဲနီၢ်ဧစူဘၤသံဝဲအလီၢ်ခံစီၤကၤလ့းဒိးတ့ဒိးဖျီအသး ဒီးနီၢ်အ့ဖရးသးဒီးအိၣ်ဒီးအဖိခွါတဂၤလၢအမံၤမ့ၢ်ဝဲစီၤ ဃူၢ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:6

စီၤနဘးအဖိခွါစီၤယၤရၤဘၣ်ပူထီၣ်ထီဒါတ့ၢ်စီၤၡလိၤမိၤ, လၢအမ့ၢ်အဝဲအစီၤပၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:29

တၢ်စံၣ်စိၤတဲစိၤအိၣ်လီၤတဲာ်ဘၣ်ထွဲဒီးစီၤၡလိၤမိၤစးထီၣ် လၢအခီၣ်ထံးဒီးတုၤလၢအကတၢၢ်န့ၣ်ဘၣ်တၢ်ကွဲးနီၣ်ကွဲးဃါအီၤ တၢ်စံၣ်စိၤတဲစိၤအလံာ်လၢအဘၣ်တၢ်ကွဲးအီၤလၢဝံနၤသၣ်အပူၤ, ဒီးလၢစီၤအဃံယၤလၢဝ့ၢ်ၡံလိၤ, အလံာ်ဝံအတၢ်စံးပာ်အပူၤ, ဒီးလၢဝံယံးဒိၤအတၢ်ထံၣ်လၢညါခီအလံာ်ဘၣ်ထွဲဒီးအံၣ်စရ့ လးအစီၤပၤယၤရၤဘၣ်အတၢ်ပၢအဂ့ၢ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 12:5

ဒ်သိးပှၤအ့ဖရဲၣ်ဖိအသုတဃ့ၢ်ပူၤဖျဲးတဂ့ၤဒီး, ပှၤကံးလဧးဖိတဖၣ်ဟံးန့ၢ်တၢ်လီၢ်တဖၣ်ဖဲတၢ်ခီဂာ်ထံကျိယၢ် ဒ့ၣ်သ့ဝဲန့ၣ်လီၤ. ဖဲပှၤအ့ဖရဲၣ်ဖိတဂၤဂၤလၢအကျဲးစၢးဒ်သိး ကပူၤဖျဲးအဂီၢ်ဃ့တၢ်ပျဲလၢကခီဂာ်တၢ်န့ၣ်ပှၤကံးလဧးဖိတဖၣ်သံကွၢ်ဝဲ, “နမ့ၢ်ပှၤအ့ဖရဲၣ်ဖိဧါ.” ဒီးအဝဲမ့ၢ်စံးဆၢ, “တမ့ၢ်ဘၣ်”, ဒီး

လံာ်နီၢ်ရူၤသး 1:2

လၢတၢ်အံၤအဃိပှၤအိၣ်ဝဲတဂၤလၢဝ့ၢ်ဘ့ၤသလ့ဃ့ၣ်လၢကီၢ်ယူဒၤ အပူၤန့ၣ်, လဲၤဆူကီၢ်မိၤအးဃုာ်ဒီးအမါဒီးအဖိခွါခံဂၤဒ်သိးအကလဲၤ အိၣ်ဝဲတစိၢ်တလီၢ်အဂီၢ်န့ၣ်လီၤ. ပှၤတဂၤအံၤအမံၤမ့ၢ်ဝဲစီၤအလံၤမ့လ့း, အမါအမံၤမ့ၢ်နီၢ်နၤဧမံ, ဒီးအဖိခွါခံဂၤန့ၣ်, မ့ၢ်စီၤမၤဃလိၣ်ဒီးစီၤကံးလယိၣ်န့ၣ်လီၤ. အဝဲသ့ၣ်တဖၣ်န့ၣ်ဘၣ်ဃးဒီးပှၤအ့ဖရးသးဖိအဒူၣ်အထၢလီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:1

ပှၤအိၣ်ဝဲတဂၤအမံၤလၢစီၤအ့လကါနၤလီၤ. အဝဲမ့ၢ်ပှၤအ့ဖရဲၣ်အဒူၣ် ဒီးအိၣ်ဝဲလၢဝ့ၢ်ရၤမါလၢကစၢၢ်ကလိအဝ့ၢ်အ့ဖရဲၣ်န့ၣ်လီၤ. အဝဲမ့ၢ်စီၤအလံဟူၤအလံၤခွါဒီးစီၤယဟိရၣ်အဖိခွါဒီးဘၣ် ဃးလၢစီၤတိဟူၤအဟံၣ်ဖိဃီဖိဒီးမ့ၢ်ပှၤလၢစီၤစူာ်အဒူၣ်ထၢ တဒူၣ်အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:12

စီၤဒၤဝံးမ့ၢ်, ပှၤအ့ဖရၤသးဖိလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤ, စီၤယံးၡဲအဖိခွါန့ၣ်လီၤ. စီၤယံးၡဲအဖိခွါအိၣ်ဃိးဂၤဒီးဖဲစီၤစီလူးကဲစီၤပၤ န့ၣ်, စီၤယံးၡဲမ့ၢ်ပှၤသးပှၢ်တဂၤလံန့ၣ်လီၤ.