လံာ်စီၤပၤအခီၣ်ထံးတဘ့ၣ် 11:25 - Sgaw Karen Common Bible

²⁵ အဝဲမ့ၢ်ကီၢ်အံၣ်စရ့လးအဒုၣ်အဒါတဂၤဖဲစီၤၡလိၤမိၤအိၣ်မူ ဝဲအခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:25 Iomraidhean Croise

လံာ်တၢ်ကဲထီၣ်အခီၣ်ထံး 34:30

စီၤယၤကိာ်စံးဘၣ်စီၤစူၤမ့းအိၣ်ဒီးစီၤလ့ၤဝံ, “သုဒုးလီၤဘၣ်ယၤလၢတၢ်ကိၢ်တၢ်ဂီၤအပူၤလံ. ခဲကနံၣ်အံၤပှၤကနၤဧၣ်ဖိ တဖၣ်, ပှၤပရးစးဖိတဖၣ်ဒီးကယဲၢ်ပှၤအိၣ်လၢကီၢ်ပူၤတဂၤလၢ်လၢ် ကသးဟ့ယၤလီၤ. ယတအိၣ်ဒီးပှၤပိာ်ခွါအါဂၤဘၣ်. အဝဲသ့ၣ်ခဲလၢာ်မ့ၢ်ပာ်ဖှိၣ်ထီၣ်အသး, ထီဒါယၤဒီးဒုးယၤန့ၣ် ပဒူၣ်ဖိထၢဖိဒီတဒူၣ်ညါကဟးဂီၤကွံာ်ဝဲန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 16:21

စီၤအဃံသဖ့ၤလးစံးဆၢဝဲဒၣ်, “လဲၤဒီးမံဃုာ်ဂဲၤဃုာ်ဒီး နပၢ်အသံၣ်မါတဖၣ်လၢအပာ်လီၤတဲာ်တ့ၢ်ဝဲဒ်သိးအကကွၢ်ထွဲ စီၤလိၣ်စီၤပၤအနူၢ်အစီၤအဂီၢ်န့ၣ်တက့ၢ်. တုၤနုၤတစု, ပှၤကိးဂၤဒဲးလၢကီၢ်အံၣ်စရ့လးအပူၤကသ့ၣ်ညါဝဲလၢ နပၢ်ပာ်နၤဒ်အဒုၣ်အဒါတဂၤအသိးဒီးပှၤပိာ်နခံတဖၣ်အသး အဂံၢ်အဘါကဆူၣ်ထီၣ်ဝဲလီၤ.”

လံာ်စီၤပၤအခီၣ်ထံးတဘ့ၣ် 11:24

ဒီးကဲထီၣ်တ့ၢ်ခိၣ်နၢ်တဂၤလၢပှၤတဖုလၢတဒိကနၣ်ထံကီၢ်အတၢ် သိၣ်တၢ်သီအဂီၢ်န့ၣ်လီၤ. (တၢ်အံၤမၤအသးဖဲစီၤဒၤဝံးမၤနၢၤကွံာ်စီၤဟးဒးဧ့စ့ၢ် ဒီးမၤသံကွံာ်အဝဲအသိၣ်အမှံၤပှၤစူၤရံဖိတဖၣ်ဝံၤအလီၢ်ခံ န့ၣ်လီၤ.) စီၤရစိၣ်ဒီးအပှၤတဖၣ်လဲၤဒီးအိၣ်ဝဲဆိးဝဲဖဲဝ့ၢ်ဒၤမ့း စ့း, ဖဲအဝဲအပှၤတဖၣ်ပာ်ထီၣ်အီၤလၢကီၢ်စူၤရံအစီၤပၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:26

ပှၤအဂၤတဂၤလၢအထီဒါကွံာ်စီၤပၤၡလိၤမိၤန့ၣ်, မ့ၢ်အဝဲအပဒိၣ်ပပှၢ်အကျါတဂၤ, လၢအမ့ၢ်စီၤနဘးအဖိခွါစီၤယၤ ရၤဘၣ်, ပှၤအ့ဖရဲၣ်ဖိတဂၤလၢအဘၣ်ဃးဒီးစရ့ဒၤန့ၣ်လီၤ. အဝဲအမိၢ်မ့ၢ်မုၣ်ကမဲတဂၤလၢအမံၤမ့ၢ်နီၢ်စရူၤဧၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:4

မ့မ့ၢ်ခဲအံၤ, ယွၤ, ယကစၢ်ယွၤဟ့ၣ်လီၤလံယၤတၢ်ဃူတၢ်ဖိးလၢ ကယဲၢ်ယထံဆၢကီၢ်ဆၢခဲလၢာ်န့ၣ်လီၤ. ယဒုၣ်ယဒါတအိၣ်လၢၤနီတဂၤဘၣ်, ဒီးတၢ်ဘၣ်ယိၣ်လၢတၢ်ကဟဲထီၣ်ဒုးယၤအဂီၢ်တအိၣ်လၢၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 15:2

ဒီးအဝဲဟးထီၣ်ဒ်သိးကလဲၤထံၣ်စီၤပၤအၤစါအဂီၢ်န့ၣ်လီၤ. ဒီးအဝဲကိးထီၣ်ဝဲ, “စီၤပၤအၤစါဒီးကယဲၢ်ပှၤဂီၢ်မုၢ်လၢ ယူဒၤဒီးဘံၣ်ယၤမံၣ်သ့ၣ်ဧၢ, ဒိကနၣ်ယၤတက့ၢ်. တုၤသုအိၣ်ဒီးယွၤန့ၣ်, ယွၤအိၣ်ဒီးသုန့ၣ်လီၤ. သုမ့ၢ်ဃုထံၣ်န့ၢ်အီၤဒီးအဝဲကပျဲသုထံၣ်န့ၢ်အီၤ, မ့မ့ၢ်, သုမ့ၢ်ဃၣ်ကွံာ်သုသးဒီးအဝဲကပာ်လီၤတဲာ်ကွံာ်သုန့ၣ်လီၤ.

စံးထီၣ်ပတြၢၤ 106:40

လၢတၢ်န့ၣ်အဃိယွၤအသးထီၣ်ကဲၤထီၣ်အပှၤဂီၢ်မုၢ် ဒီးအဝဲအသးဘၣ်အၢအဝဲသ့ၣ်န့ၣ်လီၤ.

လံာ်စကၤရယၤ 11:8

ပှၤကွၢ်သိအဂၤသၢဂၤလၢအသးဟ့ယၤန့ၣ်, ယဝံသးစူၤအီၤတကဲဘၣ်ဒီးလၢတလါဃီဧိၤအတီၢ်ပူၤ ယဒီၣ်တဲာ်ကွံာ်အဝဲသ့ၣ်လီၤ.

လံာ်သိၣ်လီၤသီလီၤတၢ် 23:7

သးဘၣ်အၢပှၤအဒိၣ်တဖၣ်တဂ့ၤ. အဝဲသ့ၣ်မ့ၢ်သုဘူးသုတံၢ်တဖၣ် န့ၣ်လီၤ. ဒီးသးဘၣ်အၢပှၤအဲၤကူပတူးဖိတဖၣ်န့ၣ်တဂ့ၤ, တဘျီန့ၣ်သုအိၣ်ဆိးတ့ၢ်လၢအဝဲသ့ၣ်အကီၢ်ပူၤန့ၣ်လီၤ.