လံာ်စီၤပၤအခီၣ်ထံးတဘ့ၣ် 11:22 - Sgaw Karen Common Bible

²² စီၤပၤသံကွၢ်အီၤ, “ဘၣ်မနုၤအဃိလဲၣ်. မ့ၢ်ယတဟ့ၣ်ဘၣ်နၤလၢ တၢ်တမံၤမံၤလၢနကြၢးဒိးန့ၢ်အီၤအဃိဧါ. လၢတၢ်အံၤအဃိမ့ၢ်နအဲၣ်ဒိးက့ၤကဒါက့ၤဆူနဟံၣ်နဃီန့ၣ်ဧါ.” စီၤဟၤဒးစံးဆၢစီၤပၤ, “တမ့ၢ်ဘၣ်, မ့မ့ၢ်, ထဲပျဲယၤလၢယကက့ၤတက့ၢ်.” ဒီးအဝဲက့ၤကဒါက့ၤဆူအထံအကီၢ်န့ၣ်လီၤ. ဒ်ကီၢ်အဒိၣ်စီၤပၤအသိး, စီၤဟၤဒးမ့ၢ်ကီၢ်အံၣ်စရ့လးအဒုၣ် အဒါအအၢအသီနးနးကလဲာ်တဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:22 Iomraidhean Croise

လံာ်စီၤပၤအခီၣ်ထံးတဘ့ၣ် 11:21

ဖဲစီၤဟၤဒးအိၣ်လၢကီၢ်အဲၤကူပတူးအပူၤဒီးနၢ်ဟူဘၣ်တၢ် ကစီၣ်လၢစီၤဒၤဝံးသံလံဒီးအသုးမုၢ်အသုးခိၣ်ကျၢၢ်စီၤယိၤ အာ်သံလံန့ၣ်, စီၤဟၤဒးစံးဘၣ်စီၤပၤ, “ပျဲယက့ၤကဒါက့ၤဆူ ယထံယကီၢ်ဒၣ်ယဲန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 11:23

ကစၢ်ယွၤထိၣ်ဂဲၤထီၣ်စ့ၢ်ကီးစီၤအလံဒၤအဖိခွါစီၤရစိၣ်အသး လၢကထီဒါစီၤၡလိၤမိၤန့ၣ်လီၤ. စီၤရစိၣ်ဃ့ၢ်ထီၣ်ကွံာ်တ့ၢ်လၢအကစၢ်, စိဘၤအစီၤပၤဟးဒးဧ့ စ့ၢ်အအိၣ်,

စံးထီၣ်ပတြၢၤ 37:8

ပၢၤနသးလၢတၢ်သးထီၣ်, ဒီးညိကွံာ်တၢ်သးဒိၣ်န့ၣ်တက့ၢ်. ဘၣ်ကိၢ်ဘၣ်ဂီၤတဂ့ၤ. တၢ်ကိၢ်တၢ်ဂီၤန့ၣ်မ့ၢ်ဒၣ်တၢ်လၢအဆှၢပှၤဆူ တၢ်အၢတၢ်သီန့ၣ်လီၤ.

တၢ်ကတိၤဒိ. 27:8

ပှၤတဂၤလၢအအိၣ်ယံၤဒီးဟံၣ်န့ၣ်, လီၤဂာ်ဒီးထိၣ်တဘ့ၣ်လၢအယံၤဒီးအသွံလီၤ.

လံာ်ယံးရမံယၤ 2:31

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ် တဲဘၣ်သုတက့ၢ်. မ့ၢ်ယလီၤဂာ်ဒီးမဲးမုၢ်ခိၣ်တတီၤလၢသုဂီၢ်, လီၤဂာ်ဒီးကီၢ်တဘ့ၣ်လၢအခံးဒီးလီၤပျံၤန့ၣ်ဧါ. ဘၣ်မနုၤအဃိ သုစံးလၢသုကမၤဖဲဒၣ်သုသး, ဒီးတဟဲက့ၤကဒါက့ၤလၢၤဘၣ် ဆူယအိၣ်နီတစုဘၣ်န့ၣ်လဲၣ်.

လံာ်မၢ်ကူး 14:31

စီၤပ့းတရူးစံးဆၢက့ၤအီၤဆူၣ်ဆူၣ်ကလဲာ်, “ယမ့ၢ်ဘၣ်တၢ်မၤသံဃုာ်ဒီးနၤဒၣ်လဲာ်န့ၣ်, ယတသမၢနၤနီတစုဘၣ်.” ဒီးအပျဲၢ်အဘီၣ်အဂၤတဖၣ်စံးစ့ၢ်ကီးတၢ်တမံၤဃီဒ်သိးန့ၣ်ကိး ဂၤဒဲးလီၤ.

လံာ်လူၤကၣ် 22:35

အန့ၣ်ဝံၤအလီၢ်ခံ, ယ့ၣ်ၡူးစံးဘၣ်အဝဲသ့ၣ်, “တဘျီဖဲယမၢလီၤသု, တအိၣ်ဒီးစ့ထၢၣ်မ့ၢ်ဂ့ၤ, တၢ်အီၣ်အထၢၣ်မ့ၢ်ဂ့ၤ, ခီၣ်ဖံးမ့ၢ်ဂ့ၤန့ၣ်, တၢ်တလၢတပှဲၤလၢသုဂီၢ်အိၣ်ဝဲတမံၤမံၤဒံးဧါ.”