လံာ်စီၤပၤအခီၣ်ထံးတဘ့ၣ် 11:21 - Sgaw Karen Common Bible

²¹ ဖဲစီၤဟၤဒးအိၣ်လၢကီၢ်အဲၤကူပတူးအပူၤဒီးနၢ်ဟူဘၣ်တၢ် ကစီၣ်လၢစီၤဒၤဝံးသံလံဒီးအသုးမုၢ်အသုးခိၣ်ကျၢၢ်စီၤယိၤ အာ်သံလံန့ၣ်, စီၤဟၤဒးစံးဘၣ်စီၤပၤ, “ပျဲယက့ၤကဒါက့ၤဆူ ယထံယကီၢ်ဒၣ်ယဲန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 11:21 Iomraidhean Croise

လံာ်တၢ်ကဲထီၣ်အခီၣ်ထံး 45:24

အဝဲဆှၢလီၤအဒီပုၢ်ဝဲၢ်ခွါတဖၣ်ဖဲအဟးထီၣ်န့ၣ်, ဒီးအဝဲစံးဘၣ်အဝဲသ့ၣ် “အ့ၣ်လိာ်သုသးလၢကျဲတဂ့ၤ.”

လံာ်စီၤၡမူၤအ့လးခံဘ့ၣ်တဘ့ၣ် 3:21

စီၤအဘံန့ၢ်စံးဘၣ်စီၤဒၤဝံး, “ယကလဲၤခဲအံၤဒီးမၤန့ၢ် ကီၢ်အံၣ်စရ့လးဒီဘ့ၣ်လၢတၢ်ဒိၣ်ကစၢ်စီၤပၤအဂီၢ်လီၤ. အဝဲသ့ၣ်ကတူၢ်လိာ်နၤဒ်စီၤပၤအသိး, ဒီးနကဒိးန့ၢ်တၢ်လၢနသးလီတ့ၢ်အီၤဒီးနကပၢဘၣ်ကီၢ်ဒီဘ့ၣ်ညါန့ၣ်လီၤ.” စီၤဒၤဝံးဟ့ၣ်ဝဲစီၤအဘံန့ၢ်တၢ်အုၣ်ခီၣ်သးတမံၤလၢအတၢ်ပူၤ ဖျဲးအဂီၢ်ဒီးပျဲအက့ၤဆူအကျဲဒၣ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:20

ပိာ်မုၣ်အံၤဆံးစၢ်န့ၢ်အီၤလၢအဖိခွါတဂၤလၢအမံၤမ့ၢ်ဝဲစီၤ ကနူဘးန့ၣ်လီၤ. အဝဲဘၣ်တၢ်လုၢ်ဒိၣ်ထီၣ်အီၤလၢနီၢ်ပၤမုၣ်လၢနီပူၤဖဲအဝဲအိၣ် ဆိးဝဲဒီးစီၤပၤဖိခွါတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:22

စီၤပၤသံကွၢ်အီၤ, “ဘၣ်မနုၤအဃိလဲၣ်. မ့ၢ်ယတဟ့ၣ်ဘၣ်နၤလၢ တၢ်တမံၤမံၤလၢနကြၢးဒိးန့ၢ်အီၤအဃိဧါ. လၢတၢ်အံၤအဃိမ့ၢ်နအဲၣ်ဒိးက့ၤကဒါက့ၤဆူနဟံၣ်နဃီန့ၣ်ဧါ.” စီၤဟၤဒးစံးဆၢစီၤပၤ, “တမ့ၢ်ဘၣ်, မ့မ့ၢ်, ထဲပျဲယၤလၢယကက့ၤတက့ၢ်.” ဒီးအဝဲက့ၤကဒါက့ၤဆူအထံအကီၢ်န့ၣ်လီၤ. ဒ်ကီၢ်အဒိၣ်စီၤပၤအသိး, စီၤဟၤဒးမ့ၢ်ကီၢ်အံၣ်စရ့လးအဒုၣ် အဒါအအၢအသီနးနးကလဲာ်တဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:10

စီၤဒၤဝံးသံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံး အဝ့ၢ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:34

လၢတၢ်န့ၣ်အဃိစီၤဘနါယၤလဲၤဃီၤဆူယွၤအဒဲစီဆှံဒီးမၤသံ ကွံာ်စီၤယိၤအာ်ဒီးအဝဲဘၣ်တၢ်ခူၣ်လီၤကွံာ်အီၤဖဲတၢ်လီၢ်ပျီ ပူၤ, လၢအဟီၣ်ခိၣ်ကဝီၤဒၣ်ဝဲန့ၣ်လီၤ.

လံာ်တၢ်ဟးထီၣ်ကွံာ် 4:19

ဖဲစီၤမိၤၡ့အိၣ်ဒံးဝဲဒၣ်လၢကီၢ်မံးဒယၣ်အပူၤန့ၣ်ယွၤစံး ဘၣ်အီၤ, “က့ၤကဒါက့ၤဆူကီၢ်အဲၤကူပတူးန့ၣ်တက့ၢ်. အဂ့ၢ်ဒ်အံၤပှၤလၢအအဲၣ်ဒိးမၤသံနၤတဖၣ်သံလံဝဲခဲလၢာ်လံ.”

လံာ်မးသဲ 2:20

“ဂဲၤဆၢထၢၣ်, ကိးထီၣ်ဖိသၣ်ဒီးအမိၢ်ဒီးက့ၤက့ၤဆူအံၣ်စရ့လး အထံအကီၢ်တက့ၢ်. အဂ့ၢ်ဒ်အံၤ ပှၤတဖၣ်လၢအဃုမၤသံဖိသၣ်န့ၣ်သံဝဲလံ.”

လံာ်စီၤယိၤၡူ 2:21

အဝဲအၢၣ်လီၤဝဲဒီးပျၢ်ကွံာ်အဝဲသ့ၣ်န့ၣ်လီၤ. တုၤအဝဲသ့ၣ်ဟးထီၣ်ကွံာ်ဝဲဒီး, အဝဲစၢဃာ်လုၣ်ဂီၤတဘိလၢပဲတြီန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:26

လၢမုၢ်ဆ့ၣ်ထီၣ်ဂီၤဂီၤတၢ်ခံးဒံးန့ၣ်စီၤၡမူၤအ့လးကိးစီၤ စီလူးလၢဟံၣ်ခိၣ်ဒုးအလိၤန့ၣ်, “ဂဲၤထၢၣ်တက့ၢ်. ယကဆှၢနၤဆူနကျဲအဖီခိၣ်လီၤ.” စီၤစီလူးဂဲၤထၢၣ်ဒီးအဝဲဒၣ်ဒီးစီၤၡမူၤအ့လးလဲၤထီၣ် သကိးဆူကျဲမုၢ်လိၤန့ၣ်လီၤ.