လံာ်စီၤပၤအခီၣ်ထံးတဘ့ၣ် 11:18 - Sgaw Karen Common Bible

¹⁸ အဝဲသ့ၣ်ဟးထီၣ်ကွံာ်လၢကီၢ်မံးဒယၣ်အပူၤဒီးလဲၤဝဲဆူကီၢ်ပၤ ရၣ်ဖဲပှၤအဂၤတနီၤပာ်ဖှိၣ်ထီၣ်အသးဒီးအဝဲသ့ၣ်န့ၣ်လီၤ. အန့ၣ်ဝံၤဒီး, အဝဲသ့ၣ်လဲၤဝဲဆူကီၢ်အဲၤကူပတူး, ဒီးလဲၤဝဲဆူစီၤပၤအအိၣ်, ဒီးစီၤပၤဟ့ၣ်လီၤစီၤဟၤဒးလၢတၢ်လီၢ်တနီၤ, ဒီးဟံၣ်တဖျၢၣ်ဒီးဟ့ၣ်လီၤအီၤလၢတၢ်အီၣ်တၢ်အီန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:18 Iomraidhean Croise

လံာ်တၢ်ကဲထီၣ်အခီၣ်ထံး 14:6

ဒီးပှၤဃိၢ်ဖိအိၣ်လၢကီၢ်အဒိၣ်အကစၢၢ်ကလိတဖၣ်အကျါ, ဒီးလူၤထွဲအဝဲသ့ၣ်ယံၤတုၤဆူဝ့ၢ်အ့လးဖရၣ်အိၣ်လၢမဲးမုၢ် ခိၣ်အဃၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 21:21

အမိၢ်ဃုထံၣ်န့ၢ်အီၤအဲၤကူပတူးမုၣ်တဂၤလၢကကဲထီၣ်အမါအဂီၢ် န့ၣ်လီၤ.

လံာ်တၢ်ကဲထီၣ်အခီၣ်ထံး 25:2

ပိာ်မုၣ်န့ၣ်ဆံးစၢ်န့ၢ်အီၤစီၤစံးမရၣ်, စီၤယးကၡၣ်, စီၤမဒၣ်, စီၤမံးဒယၣ်, စီၤယံးၡဘးဒီးစီၤၡူဧၤန့ၣ်လီၤ.

လံာ်တၢ်ကဲထီၣ်အခီၣ်ထံး 25:4

ဒီးစီၤမံးဒယၣ်အဖိခွါတဖၣ်မ့ၢ်ဝဲစီၤဧ့ၤဖၣ်, စီၤဧ့ၤဖ့ၢ်, စီၤဃနိာ်, စီၤအဘံဒၤဒီးစီၤအ့ၤလဒါဧၤလီၤ. ပှၤခဲလၢာ်အံၤန့ၣ်မ့ၢ်နီၢ်ကတူရၤအစၢၤအသွဲၣ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:17

အိၣ်လီၤတဲာ်တ့ၢ်ထဲစီၤဟၤဒးဒီးအပၢ်အခ့အပှၤ, ပှၤအဒိၣ်ဖိတနီၤလၢအဃ့ၢ်ထူၣ်ဖျဲးကွံာ်ဆူကီၢ်အဲၤကူပတူးန့ၣ် လီၤ. (အခါဖဲန့ၣ်စီၤဟၤဒးမ့ၢ်ဒံးဒၣ်ဖိသၣ်ဆံးတဂၤန့ၣ်လီၤ.)

လံာ်စီၤပၤအခီၣ်ထံးတဘ့ၣ် 11:19

စီၤဟၤဒးကဲထီၣ်စီၤပၤအတံၤသကိး, ဒီးစီၤပၤဟ့ၣ်လီၤအီၤ လၢအဝဲအမါဒၣ်ဝဲ, နီၢ်ပၤမုၣ်တၤပါန့ၤအဒီပုၢ်ဝဲၢ်မုၣ်တဂၤလၢကဒိးတ့ဒိးဖျီ အသးဒီးအီၤန့ၣ်လီၤ.

လံာ်တၢ်ဟးထီၣ်ကွံာ် 2:15

ဖဲစီၤပၤနၢ်ဟူလၢစီၤမိၤၡ့မၤသံတၢ်န့ၣ်ဒီးအဝဲဃုမၤသံ စီၤမိၤၡ့လီၤ. ဘၣ်ဆၣ်ဒီး, စီၤမိၤၡ့ဃ့ၢ်ထီၣ်ကွံာ်ဆူကီၢ်မံးဒယၣ်ဒ်သိး အကအိၣ်ဝဲဖဲန့ၣ်လီၤ. တနံၤဖဲစီၤမိၤၡ့ဆ့ၣ်နီၤဝဲလၢထံပူၤတပူၤအဃၢၤန့ၣ်,

လံာ်ဃဘးကူာ် 3:3

ကစၢ်ယွၤဟဲကဒီးလၢကီၢ်အဒိၣ်, ကစၢ်ယွၤလၢအစီဝဲဆှံဝဲတဂၤဟဲလီၤလၢပၤရၣ်အကစၢၢ်တဖၣ်လီၤ. အတၢ်လီၤဘီလီၤမုၢ်ကးဘၢမူကပိာ်လိၤတဖၣ် ဒီးဟီၣ်ခိၣ်ပှဲၤဝဲဒီးအတၢ်စံးထီၣ်ပတြၢၤလီၤ.

လံာ်တၢ်ဂံၢ် 10:12

ဒီးပှၤအံၣ်စရ့လးဖိတဖၣ်စးထီၣ်အတၢ်လဲၤဟးထီၣ်ကွံာ်လၢကစၢၢ် နံၤနါအပှၢ်မုၢ်ကနၢပူၤန့ၣ်လီၤ. တၢ်အၢၣ်န့ၣ်ဟဲလီၤဒီးအိၣ်ကတီၢ်ဝဲဖဲပှၢ်မုၢ်ကနၢပၤရၣ်န့ၣ်လီၤ.

လံာ်တၢ်ဂံၢ် 22:4

ပှၤမိၤအးဖိတဖၣ်စံးဘၣ်ပှၤမံးဒယၣ်ဖိအခိၣ်အနၢ်တဖၣ်, “ပှၤတဖုအံၤတယံာ်ဘၣ်ဒီးကမၤဟးဂီၤကွံာ်တၢ်ကိးမံၤဒဲးလၢ ပခိၣ်ပဃၢၤဝးဝးဒ်ကျီၢ်ဖါတံၢ်တဒုလၢအအီၣ်တပံၢ်တမါလၢအီၣ်ဆၣ် အလီၢ်တခါအပူၤအသိးန့ၣ်လီၤ.”

လံာ်တၢ်ဂံၢ် 25:14

ပှၤအံၣ်စရ့လးဖိတဂၤလၢအဘၣ်တၢ်မၤသံဃုာ်အီၤဒီးပှၤမံးဒယၣ် မုၣ်တဂၤန့ၣ်အမံၤမ့ၢ်ဝဲစီၤစၤလူအဖိခွါစီၤစံၣ်ရံၤန့ၣ်လီၤ. အဝဲမ့ၢ်ဒူၣ်ဖိထၢဖိအခိၣ်တဂၤလၢစူၤမ့းအိၣ်အဒူၣ်ပူၤန့ၣ်လီၤ.

လံာ်တၢ်ဂံၢ် 25:18

မ့ၢ်လၢအမၤတ့ၢ်သုလၢတၢ်အၢတၢ်သီဖဲအဝဲသ့ၣ်, လီန့ၢ်သုဖဲပဧိၢ်, ဒီးမ့ၢ်လၢနီၢ်ကးစဘံၤလၢအဘၣ်တၢ်မၤသံကွံာ်အီၤဖဲတၢ်သံသ တြိာ်လၢပဧိၢ်အခါ, အဃိန့ၣ်တက့ၢ်.”

လံာ်တၢ်ဂံၢ် 25:6

ပှၤအံၣ်စရ့လးဖိတဖၣ်အကျါတဂၤကိးနုာ်ပှၤမံးဒယၣ်ပိာ်မုၣ်တဂၤ ဆူဒဲပူၤလၢစီၤမိၤၡ့ဒီးပှၤကမျၢၣ်ခဲလၢာ်အမဲာ်ညါဖဲ အဝဲသ့ၣ်ဟီၣ်ဝဲယၢၤဝဲလၢယွၤအိၣ်ဝဲဆိးဝဲအဒဲစီဆှံ အကျဲစၢၤအခါန့ၣ်လီၤ.

လံာ်သိၣ်လီၤသီလီၤတၢ် 1:1

လၢလံာ်အံၤအပူၤအိၣ်ဒီးတၢ်ကတိၤတဖၣ်လၢစီၤမိၤၡ့ကတိၤတ့ၢ် ဝဲဆူကီၢ်အံၣ်စရ့လးအပှၤဂီၢ်မုၢ်, ဖဲအဝဲသ့ၣ်အိၣ်လၢပှၢ်မုၢ်ကနၢအပူၤလၢထံကျိယၢ်ဒ့ၣ်အမုၢ်ထီၣ် အခါန့ၣ်လီၤ. အဝဲသ့ၣ်အိၣ်လၢထံကျိယၢ်ဒ့ၣ်အတၢ်တြီၤပူၤဘူးဒီးဝ့ၢ်စူး, လၢအအိၣ်ဖဲလၢတၢ်ဘၢၣ်စၢၤဖဲတခီမ့ၢ်ဝ့ၢ်ပၤရၣ်ဒီးလၢအဂၤတခီ န့ၣ်အိၣ်ဒီးဝ့ၢ်တိဖလး, ဝ့ၢ်လၤဘၣ်, ဝ့ၢ်ဃစ့ရိးဒီးဝ့ၢ်ဒံစၤဟးတဖၣ်န့ၣ်လီၤ.

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.