လံာ်စီၤပၤအခီၣ်ထံးတဘ့ၣ် 11:17 - Sgaw Karen Common Bible

¹⁷ အိၣ်လီၤတဲာ်တ့ၢ်ထဲစီၤဟၤဒးဒီးအပၢ်အခ့အပှၤ, ပှၤအဒိၣ်ဖိတနီၤလၢအဃ့ၢ်ထူၣ်ဖျဲးကွံာ်ဆူကီၢ်အဲၤကူပတူးန့ၣ် လီၤ. (အခါဖဲန့ၣ်စီၤဟၤဒးမ့ၢ်ဒံးဒၣ်ဖိသၣ်ဆံးတဂၤန့ၣ်လီၤ.)

လံာ်စီၤပၤအခီၣ်ထံးတဘ့ၣ် 11:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 4:4

စီၤစီလူးအစၢၤအသွဲၣ်အဂၤတဂၤမ့ၢ်ဝဲ စီၤယိနၤသၣ်အဖိခွါ စီၤမဖံဘိၡ့းလၢအသးအိၣ်ဝဲယဲၢ်နံၣ်, ဖဲစီၤစီလူးဒီးစီၤယိနၤသၣ်ဘၣ်တၢ်မၤသံအီၤအခါန့ၣ်လီၤ. ဖဲတၢ်ကစီၣ်လၢအဝဲသ့ၣ်သံအဂ့ၢ်ဟဲတုၤဝဲဆူဝ့ၢ်ယံးစရ့လးန့ၣ်, ပှၤပိာ်မုၣ်လၢအအံးထွဲကွၢ်ထွဲအီၤစိာ်ထီၣ်အီၤဒီးထွးထီၣ်ဃ့ၢ်ဝဲ, ဘၣ်ဆၣ်မ့ၢ်လၢအမၤအသးချ့ဒံးချ့ဒူးကဲာ်ဆိးအဃိ, ဖိသၣ်န့ၣ်လီၤတဲာ်ဒီးအခီၣ်ဟးဂီၤကွံာ်ဝဲဒၣ်လီၤ.

လံာ်စီၤပၤအခီၣ်ထံးတဘ့ၣ် 11:16

အဝဲဒီးအပှၤတဖၣ်အိၣ်တ့ၢ်ထွဲဒံးဝဲဒၣ်လၢကီၢ်အဒိၣ်အပူၤဃု လါ, ဒီးအခါဖဲန့ၣ်အဝဲသ့ၣ်မၤသံကွံာ်ပှၤပိာ်ခွါလၢကီၢ်အဒိၣ် အပူၤခဲလၢာ်,

လံာ်စီၤပၤအခီၣ်ထံးတဘ့ၣ် 11:18

အဝဲသ့ၣ်ဟးထီၣ်ကွံာ်လၢကီၢ်မံးဒယၣ်အပူၤဒီးလဲၤဝဲဆူကီၢ်ပၤ ရၣ်ဖဲပှၤအဂၤတနီၤပာ်ဖှိၣ်ထီၣ်အသးဒီးအဝဲသ့ၣ်န့ၣ်လီၤ. အန့ၣ်ဝံၤဒီး, အဝဲသ့ၣ်လဲၤဝဲဆူကီၢ်အဲၤကူပတူး, ဒီးလဲၤဝဲဆူစီၤပၤအအိၣ်, ဒီးစီၤပၤဟ့ၣ်လီၤစီၤဟၤဒးလၢတၢ်လီၢ်တနီၤ, ဒီးဟံၣ်တဖျၢၣ်ဒီးဟ့ၣ်လီၤအီၤလၢတၢ်အီၣ်တၢ်အီန့ၣ်လီၤ.

လံာ်စီၤပၤခံဘ့ၣ်တဘ့ၣ် 11:2

ထဲစီၤအဃၤစယၤအဖိခွါစီၤယိၤအၣ်တဂၤဧိၤပူၤဖျဲးဝဲဒၣ်န့ၣ် လီၤ. ဘူးလၢအဝဲကဘၣ်တၢ်မၤသံအီၤဃုာ်ဒီးပှၤအဂၤတဖၣ်, ဘၣ်ဆၣ်တၢ်မၤပူၤဖျဲးအီၤလၢအမုၢ်ဂၢ်နီၢ်ယဟိၤၡ့ဘၤ, လၢအမ့ၢ်စီၤပၤယဟိရၣ်အဖိမုၣ်ဒီးစီၤအဃၤစယၤအဒီပုၢ်ဝဲၢ်မုၣ် လၢအမိၢ်လီၤဆီဝဲ, အဝဲလဲၤဆှၢအီၤဒီးပိာ်မုၣ်လၢအကွၢ်အီၤန့ၣ်, ဆူလီၢ်မံဒၢးတဖျၢၣ်လၢအအိၣ်လၢယွၤအတၢ်လုၢ်ဟံၣ်အပူၤဒီးပာ် ခူသူၣ်အီၤဒ်သိးကပူၤဖျဲးလၢနီၢ်ဧသၤလယၤအတၢ်မၤသံအီၤန့ၣ် လီၤ.