လံာ်စီၤပၤအခီၣ်ထံးတဘ့ၣ် 11:14 - Sgaw Karen Common Bible

¹⁴ လၢတၢ်န့ၣ်အဃိယွၤထိၣ်ဂဲၤထီၣ်ကီၢ်အဒိၣ်အစီၤပၤအဒူၣ်ဖိ ထၢဖိစီၤဟၤဒးအသးလၢကထီဒါကွံာ်စီၤၡလိၤမိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:1

လၢတၢ်မၤအသးအဂၤတဘျီန့ၣ်, ယွၤသးဒိၣ်ဘၣ်ပှၤကီၢ်အံၣ်စ ရ့လးဖိဒီးအဝဲမၤဒ်သိးစီၤဒၤဝံးကဒုးဟဲဘၣ်တၢ်ကီတၢ်ခဲ လၢအဝဲသ့ၣ်အဖီခိၣ်လီၤ. ယွၤစံးဘၣ်အီၤ, “လဲၤဒီးဂံၢ်ပှၤဂီၢ်မုၢ် လၢကီၢ်အံၣ်စရ့လးဒီးကီၢ်ယူဒၤအပူၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 7:14

ယကမ့ၢ်အဝဲအပၢ်, ဒီးအဝဲကမ့ၢ်ယဖိခွါလီၤ. ဖဲအဝဲမၤကမၣ်တၢ်န့ၣ်ယကစံၣ်ညီၣ်အီၤဒ်ပၢ်တဂၤစံၣ်ညီၣ်အဖိခွါ အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:13

ဒီးယတဟံးထီၣ်ကွံာ်ဘၣ်ဘီမုၢ်ဒီတဘ့ၣ်လၢအအိၣ်န့ၣ်ဘၣ်. မ့မ့ၢ်ယကပာ်န့ၢ်တ့ၢ်န့ၢ်အီၤပှၤတဒူၣ်လၢတၢ်ကွၢ်မဲာ်ယခ့ ယပှၤစီၤဒၤဝံးအဃိ, ဒီးလၢတၢ်ကွၢ်မဲာ်ဝ့ၢ်ယရူၤၡလ့ၣ်, ဝ့ၢ်လၢယပာ်အီၤလၢယဂီၢ်ဒၣ်ယဲအဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 11:15

တချုးဒံးဘၣ်လၢတၢ်အံၤမၤအသးအါနံၣ်အါလါ, ဖဲစီၤဒၤဝံးမၤနၢၤကွံာ်ကီၢ်အဒိၣ်န့ၣ်, အဝဲအသုးမုၢ်အသုး ခိၣ်ကျၢၢ်စီၤယိၤအာ်လဲၤတ့ၢ်ဖဲန့ၣ်လၢကခူၣ်လီၤကွံာ်ပှၤသံ တဖၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:23

ကစၢ်ယွၤထိၣ်ဂဲၤထီၣ်စ့ၢ်ကီးစီၤအလံဒၤအဖိခွါစီၤရစိၣ်အသး လၢကထီဒါစီၤၡလိၤမိၤန့ၣ်လီၤ. စီၤရစိၣ်ဃ့ၢ်ထီၣ်ကွံာ်တ့ၢ်လၢအကစၢ်, စိဘၤအစီၤပၤဟးဒးဧ့ စ့ၢ်အအိၣ်,

လံာ်စီၤပၤအခီၣ်ထံးတဘ့ၣ် 12:15

တၢ်အံၤမ့ၢ်ယွၤအတၢ်ဘၣ်အသးလၢကမၤလၢထီၣ်ပှဲၤထီၣ်တၢ်လၢအဝဲ စံးဘၣ်တ့ၢ်စီၤနဘးအဖိခွါစီၤယၤရၤဘၣ်ခီဖျိ ဝံအဃံယၤလၢဝ့ၢ်ၡံလိၤန့ၣ်လီၤ. လၢတၢ်န့ၣ်အဃိစီၤပၤတကနၣ်ဃုာ်ဘၣ်ပှၤဂီၢ်မုၢ်နီတစဲးဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 5:26

လၢတၢ်န့ၣ်အဃိကစၢ်ယွၤထိၣ်ဂဲၤထီၣ်ကီၢ်အၤၡူၢ်အစီၤပၤဖးဒိၣ် ပူလး (ဘၣ်တၢ်သ့ၣ်ညါစ့ၢ်ကီးလၢစီၤပၤတံးကလးပလ့စ့ၢ်) အသးလၢကနုာ်လီၤဒုးအဝဲသ့ၣ်အထံအကီၢ်န့ၣ်လီၤ. ဒီးအဝဲဟီထီၣ်ကွံာ်ပှၤရူၤဘ့ၣ်, ကးဒီးမုၢ်ထီၣ်မနၤၡ့ၤအဒူၣ် တဖၣ်ဒီးလဲၤဒုးအိၣ်ဆိးဂၢၢ်ကျၢၤအဝဲသ့ၣ်လၢဃၤလၤ, ဃၤဘိၢ်, ဟၤရၢ်ဒီးထံကျိကိစၣ်အကပၤန့ၣ်လီၤ.

လံာ်ယၡါယၤ 10:26

ယၤ, ယွၤသ့တၢ်လၢာ်ကစၢ်အံၤ, ယကတီၢ်အဝဲသ့ၣ်လၢ ယနီၣ်ဖျ့ဒ်ယတီၢ်ပှၤမံးဒယၣ်ဖိတဖၣ်ဖဲလၢၢ်ဧိရ့ာ်အသိးန့ၣ်လီၤ. ယကစံၣ်ညီၣ်ကီၢ်အၤၡူၢ်ဒ်ယစံၣ်ညီၣ်ကီၢ်အဲၤကူပတူးအသိးလီၤ.

လံာ်ယၡါယၤ 10:5

ယွၤစံးဝဲဒၣ်, “ကီၢ်အၤၡူၢ်ဧၢ, ယသူကီၢ်အၤၡူၢ်ဒ်နီၣ်တီၢ် တဘိးအသိးလၢယကစံၣ်ညီၣ်ပှၤလၢယသးကဲၤထီၣ် ဘၣ်အီၤတဖၣ်အဂီၢ်လီၤ.”

လံာ်ယၡါယၤ 13:17

ယွၤစံးဝဲဒၣ်, “ယထိၣ်ဂဲၤထီၣ်ပှၤမၤဒဲဖိတဖၣ် လၢကဒုးတၢ်ထီဒါဘၤဘူၤလိၣ်လီၤ. အဝဲသ့ၣ်တပာ်လုၢ်ပာ်ပှ့ၤ စ့ဘၣ်ဒီးတၢ်လ့ပစီအီၤလၢထူတန့ၢ်ဘၣ်.

လံာ်တၢ်ဂံၢ် 24:18

အဝဲကမၤနၢၤကွံာ်အဒုၣ်အဒါတဖၣ်လၢကီၢ်အဒိၣ်အပူၤ, ဒီးဒုးကဲထီၣ်အဝဲသ့ၣ်အကီၢ်လၢအတၢ်ဖဲကီၢ်အံၣ်စရ့လးမၤနၢၤ ထွဲဒံးတၢ်ဆူညါအခါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:19

စီၤပၤဖးဒိၣ်ဧၢ, ဒိကနၣ်တၢ်လၢယဘၣ်ကတိၤအီၤန့ၣ်တက့ၢ်. ယွၤမ့မ့ၢ်ပှၤလၢအဒုးဃၣ်နသးထီဒါယၤဒီးတၢ်လုၢ်မၤဘူၣ်တမံၤ ကဒုးလဲလိာ်ကွံာ်အသးလီၤ. ဘၣ်ဆၣ်ဒီးမ့မ့ၢ်တၢ်လၢပှၤကညီ တဖၣ်မၤတ့ၢ်အီၤဒီးမ်ယွၤအတၢ်ဆိၣ်အၢလီၤလၢအဝဲသ့ၣ်အဖီခိၣ်တက့ၢ်. အဂ့ၢ်ဒ်အံၤ, အဝဲသ့ၣ်နီၣ်ထုးထီၣ်ကွံာ်ယၤလၢယွၤအကီၢ်ပူၤ, ဆူကီၢ်တဘ့ၣ်လၢယဘါထီၣ်သ့ထဲပှၤတခီဘီမုၢ်ဖိအကစၢ်တဖၣ်ဧိၤန့ၣ်လီၤ.