လံာ်စီၤပၤအခီၣ်ထံးတဘ့ၣ် 11:12 - Sgaw Karen Common Bible

¹² သနာ်က့ဒီး, လၢယတၢ်ကွၢ်မဲာ်နပၢ်စီၤဒၤဝံးအဃိ, ယတမၤဒံးတၢ်အံၤဖဲနအိၣ်မူအဆၢကတီၢ်န့ၣ်ဘၣ်. မ့မ့ၢ်ယကမၤအီၤလၢနဖိခွါပၢတၢ်အစိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:12 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 19:29

ဘၣ်ဆၣ်ဖဲကစၢ်ယွၤမၤဟးဂီၤကွံာ်တၢ်တြီၤန့ၣ်အဝ့ၢ်သ့ၣ်တဖၣ်လၢ စီၤလိာ်အိၣ်ဝဲဆိးဝဲန့ၣ်ယွၤသ့ၣ်နီၣ်ထီၣ်စီၤအၤဘြၤဟၣ်ဒီး ပျဲစီၤလိာ်ဃ့ၢ်ပူၤထီၣ်ဆူတၢ်ပူၤဖျဲးအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:11

ဒီးယွၤစံးဘၣ်အီၤ, “မ့ၢ်လၢနကူၣ်မၤဟးဂီၤကွံာ်နတၢ်အၢၣ် လီၤဒီးယၤဒီးနတစူၢ်ဘၣ်ယတၢ်မၤလိာ်တဖၣ်အဃိ, ယအၢၣ်လီၤလၢယကဟံးထီၣ်ကွံာ်ဘီဧိၤမုၢ်ဧိၤလၢနအိၣ်ဒီးဟ့ၣ် လီၤကွံာ်အီၤဆူနပဒိၣ်ပပှၢ်အကျါတဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:13

ဒီးယတဟံးထီၣ်ကွံာ်ဘၣ်ဘီမုၢ်ဒီတဘ့ၣ်လၢအအိၣ်န့ၣ်ဘၣ်. မ့မ့ၢ်ယကပာ်န့ၢ်တ့ၢ်န့ၢ်အီၤပှၤတဒူၣ်လၢတၢ်ကွၢ်မဲာ်ယခ့ ယပှၤစီၤဒၤဝံးအဃိ, ဒီးလၢတၢ်ကွၢ်မဲာ်ဝ့ၢ်ယရူၤၡလ့ၣ်, ဝ့ၢ်လၢယပာ်အီၤလၢယဂီၢ်ဒၣ်ယဲအဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 11:31

ဒီးစံးဘၣ်စီၤယၤရၤဘၣ်, “ဟံးန့ၢ်တၢ်အက့တဆံလၢနဂီၢ်, မ့ၢ်လၢယွၤအံၣ်စရ့လးအကစၢ်ယွၤစံးဘၣ်နၤလၢ, ယကဟံးထီၣ်ကွံာ်ဘီမုၢ်လၢစီၤၡလိၤမိၤအအိၣ်, ဒီးယကဟ့ၣ်နၤပှၤအဒူၣ်တဆံဒူၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:32

စီၤၡလိၤမိၤကပၢၤဃာ်ပှၤအဒူၣ်တဒူၣ်လၢယခ့ယပှၤစီၤဒၤဝံးအဃိ ဒီးလၢဝ့ၢ်ယရူၤရှလ့ၣ်, ဝ့ၢ်လၢယဃုထၢတ့ၢ်အီၤလၢယဂီၢ်လၢကီၢ်အံၣ်စရ့လးဒီကတီၢ်ညါအ ပူၤ, အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:34

ဘၣ်ဆၣ်ယတဟံးထီၣ်ကွံာ်ဘီဧိၤမုၢ်ဧိၤဒီဘ့ၣ်ညါလၢစီၤၡလိၤ မိၤအစုပူၤဘၣ်. ယကဟ့ၣ်ဒံးအီၤတၢ်စိတၢ်ကမီၤဖဲအဝဲအိၣ်မူဒံးဝဲ အဖၢမုၢ်န့ၣ်လီၤ. ယကမၤတၢ်အံၤမ့ၢ်လၢတၢ်ကွၢ်မဲာ်ယခ့ ယပှၤစီၤဒၤဝံးလၢယဃုထၢတ့ၢ်အီၤဒီးလၢအစူၢ်ယတၢ်သိၣ်တၢ်သီ တဖၣ်ဒီးတၢ်မၤလိာ်တဖၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:35

ယကဟံးထီၣ်ကွံာ်ဘီဧိၤမုၢ်ဧိၤလၢစီၤၡလိၤမိၤအဖိခွါအအိၣ် ဒီးဟ့ၣ်လီၤနၤပှၤအဒူၣ်တဆံဒူၣ်,

လံာ်စီၤပၤအခီၣ်ထံးတဘ့ၣ် 21:29

“မ့ၢ်နပာ်သူၣ်ပာ်သးလၢ, စီၤအၤဃာ်ဆိၣ်လီၤတ့ၢ်အသးလၢယမဲာ် ညါဒ်လဲၣ်န့ၣ်ဧါ. မ့ၢ်လၢအဝဲမၤတ့ၢ်တၢ်အံၤအဃိ, ယတဟဲစိာ်တၢ်တတၢးတနါလၢအဖီခိၣ်ဖဲအဝဲအိၣ်မူဒံးဝဲ အဆၢကတီၢ်န့ၣ်ဘၣ်. တၢ်ဆၢကတီၢ်လၢယကဟဲစိာ်တၢ်တတၢးတနါဆူစီၤ အၤဃာ်အဟံၣ်ဒူၣ်ဃီထၢအဖီခိၣ်န့ၣ်ကမ့ၢ်ဖဲအဝဲအဖိပိာ်ခွါ အစိၤအဆၢကတီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 19:34

ယကကဟုကယာ်ဝ့ၢ်အံၤဒီးဒီဒၣ်အိၣ်ပှိၤအီၤလၢယလၤကပီၤဒၣ်ယဲ အဂီၢ်ဒီးမ့ၢ်လၢတၢ်အၢၣ်လီၤအီလီၤလၢယမၤတ့ၢ်ဒီးယခ့ယပှၤစီၤ ဒၤဝံးအဃိန့ၣ်လီၤ.”

လံာ်စီၤပၤခံဘ့ၣ်တဘ့ၣ် 20:17

တၢ်ဆၢကတီၢ်ဟဲလံဝဲလၢတၢ်ကိးမံၤလၢနနူၢ်ပူၤစီၤပူၤ, တၢ်ကိးမံၤဒဲးလၢနပၢ်ဖးဒိၣ်လၢပျၢၤတဖၣ်ပာ်ဖှိၣ်အီၤတုၤမုၢ် မဆါတနံၤအံၤ, ကဘၣ်တၢ်စိာ်ကွံာ်အီၤဆူကီၢ်ဘၤဘူၤလိၣ်န့ၣ်လီၤ. တၢ်တအိၣ်လီၤတဲာ်ဘၣ်နီတမံၤဘၣ်.”

လံာ်စီၤပၤခံဘ့ၣ်တဘ့ၣ် 20:19

စီၤပၤဃံးစကံယၤနၢ်ပၢၢ်ဝဲလၢတၢ်အံၤအခီပညီကမ့ၢ်, တၢ်ဃူတၢ်ဖိးဒီးတၢ်ဘံၣ်တၢ်ဘၢကအိၣ်ဝဲဖဲအဝဲအိၣ်မူဒံးအ ခါ, အဃိစံးဆၢဝဲဒၣ်, “ယွၤအတၢ်ကစီၣ်လၢနဟ့ၣ်ယၤအံၤ, ဂ့ၤဝဲလီၤ.”

လံာ်စီၤပၤခံဘ့ၣ်တဘ့ၣ် 8:19

ဘၣ်ဆၣ်ယွၤတသးအိၣ်လၢကမၤဟးဂီၤကီၢ်ယူဒၤဘၣ်. အဂ့ၢ်ဒ်အံၤ, ယွၤအၢၣ်လီၤတ့ၢ်အခ့အပှၤစီၤဒၤဝံးလၢအဝဲ အစၢၤအသွဲၣ်တဖၣ်ကပၢထွဲဒံးတၢ်ဆူညါထီဘိန့ၣ်လီၤ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.